華星冰室 (筲箕灣東大街)

營業中

休息中

是日難得一到筲箕灣，當然要到東大街揾食！朋友建議試下'華星冰室'，未試過當然要試！行到店外已見到一條小人龍，既然有好評就排下啦！大概排了15分鐘就有位了！一坐低當然要睇下有咩特色食品。'校長多士'，似乎同譚校長有關，因為年年25蚊。原來是黑松露多士，可惜我没興趣在冰室食黑松露。'魔鬼豬扒包'，原來用了wasabi做辣的口感，如果係用辣椒的辣我會比較有興趣。最後還是點了一日三餐都啱既'常餐'叉燒意，油多，火腿滑蛋，熱yun yang叉燒尚可，就當是調味豬肉，因為浸在湯裏已没有外層的蜜香。意粉真是over cooked 了，不會期望意大利式al dente, 亦明白要迎合港人口味，但仍可fully cooked 又保留彈性既！油多又暖又脆，有3cm厚，配上火腿及炒得剛好的滑蛋一齊食，認真滋味！冰室來説，還可以吧！

出到筲箕灣，見到有聞名已久嘅華星冰室，即刻衝入去食個靚tea舖頭裝潢簡約得嚟有港味，舖頭入面仲見到唔少名人簽名同海報有人話一定要試呢度嘅通粉，心諗通粉就通粉有咩咁特別？但食落就明白哂，平時食果d茶記通粉都係軟軟淋淋、湯底淡如清水，而華星嘅通粉就煙韌彈牙、湯底鮮味濃郁！試埋年年廿五嘅校長多士，多士上面舖滿黑松露醬同芝士，咸度適中、芝味連連，口乾飲返杯足料紅豆冰，滿足！

第一次試華星冰室，order兩份常餐，牛油多士、火腿炒蛋、叉燒意粉、熱茶蜜。牛油多士最鍾意食厚多士，自動烘底，夠熱夠脆，正！火腿炒蛋標榜用3.6牛乳炒，果然滑到不得了，份量多，金黃色有蛋香有蛋汁，配成片火腿，好味道！叉燒意粉可轉通粉，雞湯湯底好味，叉燒6,7片而且偏瘦整體黎講好滿意，送餐速度快，食物好味，價錢合理，絕對有下次！

幫襯過好幾次. 之前次次都食常餐.最欣賞佢個炒蛋夠滑, 分量夠多, 比依家的澳門茶餐廳的炒蛋幾乎多三倍 今次諗住換換口味, 試佢既校長多士.香脆厚多上面, 鋪滿黑松露醬和芝士, 好重菌香, 又好惹味, 食哂成份都唔覺膩, 難怪成為招牌.$25一客, 以茶餐廳來說不算便宜, 但物有所值.華星算是我在區中頗喜愛的茶餐廳.價錢合理, 食物有質素, 服務也出咗名好&快手.不過~ 若果要排隊的話我就唔會食, 始終只係茶餐廳... 所以只會等無咩人既時間先會去幫襯.

這個中午吃了個Brunch便一早到新界考試去, 由十二時多至下午五時也沒再吃東西, 一直撐到五時多考試完結, 接著要等到約八時才在筲箕灣和親戚家人晚餐當然捱不到這麼晚, 肚子在考試快要完結時已打起鼓來, 考畢後便立刻飛奔到地鐵站去!由新界坐車地港島需要一個多小時! 真難為了我的肚子!一到筲箕灣站便會合了媽媽一起到華星冰室去!早前曾和媽媽去過灣仔店的華星冰室, 感覺甚佳, 常餐一向是我的喜愛之物, 而其咖啡奶茶亦甚有水準, 所以媽媽聽我說要來這裡下午茶也是十二分贊成呢! 從地鐵站走過來也只需五分鐘左右, 門面並不觸目, 幸好先前經過知道其位置否則可能會找不到..筲箕灣分店比灣仔的小一些, 內裡的佈置卻是大同小異的, 貼了不少名人的簽名和餐目之餘又不失點點的懷舊味道, 這種茶餐廳的格局於我而言十分討好 六時多, 店內的人客也陸續的進來, 可見生意不差! 我倆看過了餐目, 本想一試校長多士[$25]的, 但最後還是覺得常餐[$32]最為划算, 因當中包括飲品嘛!便叫來了一客常餐, 另加了一杯我一直想喝的凍咖啡[$18]分享作我們的下午茶!常餐一直是我在茶餐廳最愛的食品! 我們要了牛肉通粉配火

講起華星冰室,我相信好多人都食過常餐. 不過在早餐時段,其實還有多一個餐可以給人選擇,這個就是今日我所吃的美式早餐.華星冰室炒蛋的確炒得又香又滑,其炒蛋質素可以與澳洲牛奶公司媲美.這個美式早餐份量都不少,有多士,有炒蛋,有煙肉,又有薯餅,嘩!仲有茄汁豆添. 早餐份量之大,讓人可以吃得好飽.華星奶茶同樣出色,不但有茶味,而且好滑,讓我百飲不厭.

上一次坐電車到筲箕灣電車總站, 途中被「華星冰室」佑大的招牌的光芒所吸引住, 店外還排了長長的人龍...今天專程到來一試, 但下車後, 找不到那耀眼的招牌, 思考了一會, 向著印象中的方向行... 行了一會便到達!!! 原來大廈正在翻新, 架了起棚架, 把整間食店也遮蔽了...餐廳入口擺放了大雪櫃, 展示了大量北海道特選3.6牛乳, 說明了店內是使用此品牌的牛奶... 還有這些七彩繽紛的膠蛋, 小時候吃到的大菜糕就是放在這種容器內, 打開蛋殼時總是興奮莫名, 那些年... 總教人回味...不想排隊, 刻意避開繁忙時間, 想不到2時後仍座無虛席... 偶爾可以拍到一些沒有客人的情景, 很快便會有剛來客人坐下...牆上掛起了眾明星的親筆簽名... 那把牛角扇, 那幅通風的灰色石牆, 都像回到小時候在公屋生活的日子... 枱椅也是很久不見的懷舊款色...第一次幫襯, 不知吃什麼好, 記憶中, 很多人都是吃通粉及炒蛋的, 看到常餐頗豐富的, 就來一客吧...常餐 $32叉燒意粉火腿煎蛋牛油多士咖啡或茶(12:00pm-7:00pm供應) 叉燒意粉-- 可轉通粉或其他的, 我見網民多數是吃通

早餐係我既主打，一日之計在於晨喎，我唔明點解有人可以唔食早餐返工，可以生存落黎。一個早餐可以令人振奮，食個靚早餐對於我黎講，簡直比任何一餐都黎得重要～細個媽咪俾咩就食咩，最開心係星期六如果自己起到身返學，就會有份腿蛋治＋益力多。中學個陣，冬日最好有一枝熱既“媽媽奶”；到出黎做野之後選擇更多～我可以一年每日返工食住同一款包，又可以日日都唔同，創意無限。但係最重要既係，食咩都要令我有一日既好開始，感覺係咩都順利，人都醒神ｄ。今朝一早去華星，為左要食炒蛋同通粉，其實家家茶記都識得做，不過肯擺心機落去既就真係唔多．．．北海道、澳洲牛奶同呢家，其實只係賣最簡單既食物，家家都識做既火腿通粉，炒蛋同多士，甚至係屋企家家戶戶都識得做，不過因為人地有心，所以先會令人一大早肯起身去排隊，為著就係要食佢地既炒蛋同通粉，呢ｄ簡直就係心靈食物～希望家家茶記都可以做到令人食完覺得唔後悔既早餐，畢竟早餐係可以令人開始好好工作既一餐啊～

去東大街食飯, 見有華星, 未去過. 人龍不及澳牛長, 店內懷舊裝潢, 坐位比澳牛闊&乾淨.弄餐的時間沒有澳牛快, 可以坐耐D想叫牛肉餅公仔面$38, 但不能轉餐, 要散叫飲品+$16-18.....所以叫常餐較抵叫左個常餐 叉燒通, 炒蛋+火腿, 多士 , 凍奶茶 $34叉燒通 -湯底濃 ,比澳牛好味. 炒蛋 - 滑, 份量少 , 不夠蛋味多士 -OK -多牛油, 自動"看"底不加錢奶茶 -比澳牛大柸, 味道OK

*簡單點了一份常餐,叉燒湯意,火腿煎蛋跟多士,凍奶茶*叉燒 看來是來貨,偏瘦,食落有咬口,不太硬 算可以湯意 份量足,麵條爽夠彈 好得湯底 色澤黃,是採用雞湯,味道咸中帶甜 不太合意火腿 一片切開兩小片上,無煎炒過,味道當然失真炒蛋 人人愛招牌炒我獨愛叫太陽蛋,惜無蛋香 失敗多士 外脆內軟,夾上軟滑帶香既牛油食 很合意凍奶茶 有茶味超奶滑 EG班!!

第一次來筲箕灣華星感覺像佐敦的澳洲牛奶公司 不過侍應態度這裡好很多當日中午去到門口經已有一條小人龍等位中我點了一個常餐 $32有叉燒意粉, 牛油多, 火腿煎蛋和一杯飲的牛油多士麵包厚身, 牛油夠, 外脆內香軟炒蛋炒得滑, 香, 正!! 叉燒被埋在意粉內份量多, 不過個人覺得甜了點~下次有機會都會再來

星期六傍晚時份..特地來買外賣..看見公司意粉..原來配料有煎蛋+炒蛋+火腿+牛肉+叉燒..很豐富, 才$32...本身偏愛炒蛋, 於是只要炒蛋, 另"走" 火腿..哥哥仔很有禮貌地記下..一點也沒嫌麻煩...看見廚房哥哥開始淥粉, 炒蛋...炒蛋的份量很多, 依然美味..牛肉吃得出下了點梳打粉, 幸而不太多, 有牛肉味..至於叉燒是全瘦的..可能浸在湯裡久了點, 味道變得有點淡..兩者都各有4-5片..意粉淥得剛好, 軟度適中..湯就有點雞粉的影子..炒蛋依然是強項..值得讚是不收外賣盒錢, 亦隨粉送上一小袋胡椒粉..令我想起同樣以客為先的 "生記" 粥麵..數一數, 來這裡已有4-5次, 每次都能感受到員工的細心服務..與食物質素僱主的培訓與經營理念應記一功..絕對是一間有人情味既企業! 低讚...

一向喜愛「華星」的炒滑蛋，嫩滑細緻，口感綿細。是日一於搞搞新意思，試試碟頭出品。「鮮茄豬扒意粉」完全估不到分量是如此大碟！對一個男士來說，絕對夠飽。豬扒屬厚切，口感有嚼勁；獻汁味道略酸，但配起意粉同吃，則起了醒胃的作用。此意粉已被列入本少爺的「Favourite」系列！

華星冰室是我最愛的早餐飯堂, 但因為價錢稍貴, 所以不會經常吃~ 炒蛋一流, 嫰滑夠味 通粉一流, 湯底好味, 通粉彈牙, 正! 這兒的厚多士也十分可口, 連一向不愛吃包的我也會吃一整份 好立克麻麻地, 太淡一份早餐對我來說太大份, 通常我和老公都會叫一份早餐再加一份多士這樣份量剛剛好又不會太貴

看過《起勢搖滾》，我極有興趣來這「Band仔飯堂」看看。午市顧客接近爆滿，幸好流動量快，我們無需等位便可坐在卡位。環境有特色，像回到過去。食物選擇不多，套餐只有常餐和營養餐，其他都要散叫，所以我們罕有地兩個人吃相同的食物，點了兩個$32的常餐，包括：叉燒意粉：叉燒埋藏在意粉內，肥瘦適中，好！意粉有咬勁，不會太腍。叉燒通粉：味道與叉燒意粉無異，比較易用匙羹享用。火腿炒蛋：火腿質素尚可，炒蛋值得盛讚，非常滑，味道佳！牛油多士：多士厚，牛油足，正！餐飲：凍飲加$2，凍咖啡、凍檸茶都好味道，最重要是十分夠凍，那個杯好像曾雪藏般。服務比那間以滑溜炒蛋著名的澳X牛奶公司好，起碼不會催促顧客，當我不小心打翻水杯時，態度仍然有禮，清理也有效率。