華星冰室 (筲箕灣東大街)

營業中

休息中

看到明星效應，便以觀光的心態一嘗。常餐一個 蛋 -- 滑 通粉 -- 尚可 多士 --正 冰奶茶 -- 用日本入口的牛奶，不知是否心理作用，好像真的好飲些。順帶一提，其服務很不錯，行動也很快，一叫即到，除了等位外，簡直是快餐的首選。

到筲箕灣想食魚蛋粉，再向前行，看見華星冰室，聽聞這裏的早餐不錯，不㤃一試。這裡原來有不少明星到訪呢!看看餐牌，跟佐敦某食肆（也是我喜愛的）種類差不多，而且選擇比較多。叫了一客早餐，有北海道3.6鮮奶炒蛋、牛油多士及火腿通粉。北海道3.6鮮奶炒蛋-奶味濃郁亦非常滑溜。牛油多士-外面金黃香脆而裡面軟軟，牛油可以多少少就更perfect！火腿通粉-通粉不會太淋,而湯的味道適中，不錯。奶茶不錯如果嫌這些比較普通的話，可以叫校長多士，好像有黑松露！這裡的伙計亦是動作勤快，卻沒有＂bing" "ling"＂bang" "Lang"的聲音，沒有那麼趨促逼迫的感覺！

店內裝潢扮懷舊, 但乾淨是日叫左個常餐 牛意, 炒蛋, 熱奶茶 32元牛肉ok, 但意粉我覺得林左少少. 炒蛋好食, 滑滑 最差個多士 唔翠有少少林 奶茶一般食後感覺本人中意佐敦間澳洲xxxx食物多 不過坐得就無咁舒服

真係難得. 難得在7點半落樓食早餐. 知道華星一直都好多人, 今日, 因為太早,終於唔使等位直入食左個例牌早餐, 例牌炒蛋又滑又香,例牌通粉有咬感,令平時對通粉產生厭惡既我, 黎到都要清一清碗 (其實仲因為佢唔可以轉意粉=0=")早晨-味蕾, 今天將會是Lucky Day <3

也想不到新店落址這裡，聽甫坐下也不作他想，朋友來了杯奶茶，奶茶即叫即上，隨餐的杯是傳統矮小茶杯，散叫的是闊口透明玻璃杯，價目分明沒欺客，奶茶熱得燙口，茶濃奶滑，較新翠華要好。

今日特登黎東大街搵食本來食利安魚旦, 佐大排長龍, 個人又肚餓, 等唔到啦!所以轉場去左華星, 聽講呢到係明星茶餐廳, 好似話Eason 都成日黎嫁!我地點幾鐘到, 都係要排隊, 不過都係等幾張枱, 所以我地照等, 唔洗5分鐘就入座lu入面d 座位都幾迫, 要跟人搭枱既, 當大家d 野食到齊, 差d 野食都放唔落。我同男友一人一個常餐$32 (X 燒通/意粉 + 炒蛋多士+ 飲品)X 燒通普通啦, 同屋企煮既無咩分別, 不過好彩佢煮得唔會太淋, 如果係坑紋通粉就好啦。炒蛋多士, 多士夠晒厚身, 烘得岩岩好, 脆卜卜, 炒蛋話係用北海道360牛乳炒, 確係幾滑飲品係檸茶$32 一個常餐係比出面其他凍室貴, 不過試下又無妨晒後埋單仲見到老闆EO2 - Eddie 嚮到收銀, 勁nice 囉!咁$32 食個茶餐又見到明星, 抵左!

做了Openrice的讀者多年，儲存了一堆心水餐廳，今年的一個目標就是要開始寫自己的食評，跟大家分享甘魚的小小心得！幾經思慮，第一篇食評就由一日之初的早餐開始。說的是我們近年的至愛之一：華星冰室。記得華星冰室最初挾着港島區澳牛之名登陸灣仔，讓愛蛋之人歡喜不已 。可是灣仔本店的位置對我們來說甚為「吊腳」，既不近地鉄站，放工時間又行人如鯽，十分擠擁。所以當華星在筲箕灣東大街的分店開張之後，便理所當然地成為了東區人的我們的假日早餐飯堂了（留意此分店不做晚市，只開至晚上七時）。好的，說回正題，是日我們吃的是簡單的腿蛋治加熱飲各一份。不叫套餐（早餐／常餐）的原因是想把胃納留給最想吃的炒蛋，而這裏的通粉或意粉並無特別之處。一如以往，友善的侍應主動提出幫我們入單為營養餐（＄２８；原為火腿蛋配熱鮮奶），這樣會比散叫腿蛋治及飲品便宜一點。數分鐘後，兩碟大大份的腿蛋治便送來了。一眼見到當中厚厚的蛋層充滿着蛋汁，便覺得十分的對辦，吃下去果然不錯！配上咸咸的火腿，叫人胃口大開，轉眼間便旋風式的吃得一乾二淨。記得我們迷上華星之後，曾專程到佐敦澳牛朝聖，試試兩間炒蛋名店的分別。結果那次澳牛腿蛋治的蛋炒得較為實身，

星期日陪老公去筲箕灣睇大夫，看完後想找個地方吃早點，醒起往年曾於灣仔克街的「華星冰室」吃過它的常餐，水準不俗，但東大街這邊的分店還沒來過，反正當天有空，又即管過去試試這兒的出品，味道如何。位於灣仔的「華星」，店內招牌菜本來亦只是一般茶餐廳的慣常食物，不外乎炒蛋、多士及奶茶等，但由於吸引了不少城中名人光顧，成為餐廳的座上客，所以開業只短短數月，便已極速打出名堂，難怪店子有「明星茶餐廳」及「港島澳牛」的稱號，這天就來看看筲箕灣分店能否延續這股強勢。兩口子來到時已是上午十一點，見門外排了一條小小的人龍，初頭還有點兒擔心，幸好只需等 5 鐘左右，便可進去了。由於座位有限，所以二人都要與對面一位女仕共佔一張四人卡座。安頓後，再細看這家被標榜為帶有懷舊色彩的冰室，座位確是擠迫了一點，不過餐廳採用了上一代盛行的冰室設計為藍圖，配上黑白兩色做主調，雖沒華麗的裝潢，但陳設夠簡潔，整體感覺還是蠻舒適的。細看餐牌，其實選擇不多，早餐、常餐、營養餐，一眼睇曬，老公見時間尚早，還有早餐供應，就先點了一份，而向來沒有吃早點習慣的我，就當自己是來嘆下午茶，管它是清早還是黃昏，照揀西多士及奶油豬仔包各一份。先看

專程到訪！第一次買呢間既早餐返公司食！叫左個“早餐”ｓｅｔ！１）超厚多士２塊：尚算香脆！２）抄蛋：第一次試食，唔需要落鹽或調味料，抄蛋已經好夠味！而且仲好滑！３）火腿通粉：成個通粉最特別應該個湯底！比平時係茶記既湯底唔一樣！我估計落左牛奶，可以試試！總結：野食雖然感覺上唔多，但夠量非常多！味道都算好味！

星期天的中午...與睡眼惺忪的c6特別去skw 吃新出的校長多士..接近1時, 幸好剛剛有吉位..一份常餐 + 一份校長多士今次已是第2 次與c6 來吃..炒蛋依然是最美味的...意粉的叉燒份量好像多了..至於校長多士..取名是因為這款式是alan tam 提議的...一片方包切成4小件, 烘得香脆....表面是黑松露醬 + 少許芝士由於加了餡料再放入焗爐烘, 所以香脆度比普通多士更佳..黑松露醬沒有想像中油膩配上咸咸的芝士...沒理由不好吃..不過略為覺得松露味不算太濃..不知是否用意大利'La Rustichella' Black Truffle Pate還是其他品牌..

是日，腸胃超差勁...................食左兩隻胃藥後即刻藥物敏感，所以整天食慾不振的......到放工後，見好少少少少，於是就去了呢間食(其實我地去到都18:50了，知道佢地19:00收檔的，一直在門口望住，最後問佢地會唔會做生意，佢地D伙計好好人，指佢地唔會咁準時收的~~~~)好，一坐低已經知想食咩了，我地二人亦點了常餐~~~火腿炒蛋(用上北海道牛奶炒的) 跟厚多士 - 件多係幾滑，但自己會覺得自己可以係屋企整到的，不太特別)BBQ PORK通粉 (呢個唔係好得左，首先BBQ PORK又有D似擦膠，唔新鮮，個通粉又用好幼個款....細粒及冇紋，索唔到湯味)B叫了牛肉通，佢食唔晒，覺得普通我叫了hot lemon tea (飲左B少少的凍奶茶，做得不俗，會想再飲下去~~~不過，自己都是愛澳牛出品，愛佢地又高又挺的蛋~~~~呢間不是佢地的對手吧~~~~~

大菜蛋是我兒時之小食,今次左華星冰室找到真是開心到極奶油豬仔包都好好味,當時我2人叫咗1個常歺,１杯紅豆冰,１件奶油豬仔包,大菜蛋,我倆2人真的吃得飽飽很滿足,到最後值得一讚是啲伙記,他們做事＋分快手和有礼貌

早排見華星冰室開咗間係筲箕灣,以前經過灣仔都想試吓...但次次都好多人等位,今次經過筲箕灣分店新開下午無咁多人,一行三人入去試試先,但只有很少款式,無飯或炒粉麵供應,好彩有茶餐選擇,我地三人都只有叫茶餐,睇過灣仔個間食評有燴意粉同飯...相比筲箕灣多好多食品選擇,而個茶餐係一樣..有通粉,火腿,炒蛋多士,飲品,三十蚊一個茶餐...應該筲箕灣茶餐廳黎講...都叫做貴啦!

終於在家附近開了分店..食癮起時..嘩柑快就吃到...真好!下午3時許到達...沒有人龍...店內8成滿,兩旁卡位, 中間是四人桌..略兼走廊位太迫, 不過總比澳牛好..澳牛像一個市集, 高噪音, 侍應多, 由於轉枱快..全店都是人迫人....蛋剛吞了一半就要起身讓座...華星卻是另一個世界...寧靜舒適..完全沒有被催促的感覺..侍應跟收銀的姐姐服務都很好..臨走時..收銀姐姐連聱多謝...大部份茶客都是叫常餐...發現弄餐的時間沒有澳牛快..澳牛..由落單到餐送到真是不用10秒..哈哈...比妙麗唸魔法語變出來還要快...話雖如此, 味道卻是很好的!叫了一份炒蛋多士7-8分鐘後送上..一份濃厚而多汁的滑蛋覆蓋著一件1吋厚既多士..先吃炒蛋...有少少濕潤..蛋味夠不油膩..反而牛奶味很薄弱..記得幾個月前在灣仔店吃過, 那時奶味較重..不過我是偏向蛋味濃些的 一族..所以這個正合我意! 唯一敗筆就是淡了點...原因就是多士本身沒有塗上牛油..以至味道掙了點..多士有3缺點:1. 只是微暖2. 沒有牛油3. 完全唔脆...吃落淋身..雖然底面的顏色烘得很美..但看來放了一段時間..

係筲箕灣見到華星開分店更係要來試下...叫左常餐(又燒通, 火腿炒蛋多士同奶茶)個通粉真係好一般, 又燒亦食得出係自家製, 不過只係以咁既價錢真係麻麻, 最欣賞係佢地既炒蛋真係同佐敦澳洲牛奶一樣做得出色配上佢地既厚多士真係好好味, 奶茶亦做得好香濃好好飲, 不過以這個份量同價錢要係筲箕灣做得耐都幾難.