華星冰室 (筲箕灣東大街)

營業中

休息中

炒蛋好滑，半生熟仲有蛋汁漏出黎，好滑個通粉個湯應該係特製，但過鹹，唔好食點了校長多士，好香黑松露菌味，芝士係pizza 個種！熱辣辣，好味👍👍👍本身覺得$25好貴，但食完覺得好抵

這間餐廳已食過無數次,食物ok,但今日真噪,因每次食都要排隊,所以我和仔仔早少少落去,我地total三個人,我老公之後到,但排到我的時候竟然唔入得,原因係我唔齊人,平時去其它食店過半數人便可入得,足足等了半小時,又熱.去其它食店己食完,下次我不會再去.

其實小妹好日都不會日光日白路過筲箕灣，通常宵夜時份才會出沒。通完頂考完試，約了兩點睇醫生，時間只餘半小時，有甚麼來得快，吃得飽？沒錯，一打開openrice，華星兩字頓時映入眼簾。也許自小對食沒太大要求，冰室算是我鍾情的食堂之一。而且上次跟大少出征過灣仔華星，味道不錯可以encore。所以沒有任何猶豫，“一位吾該！”甫坐下，照舊常餐吧！反正今天的要求是要“快”。我點的是叉燒通粉，炒蛋，熱奶茶。落單後三分鐘，香濃滑熱奶茶來到面前。來冰室飲奶茶是常識吧！即使眼前的奶茶肥得要命，一次半次當然要好好品嘗啦。奶和茶的黃金比例非筆墨能夠形容，令人回味。呷罷一口奶茶，我的常餐朋友也到齊了。叉燒通稍微咸了點，但炒蛋一如既往的滑。火腿則普通沒特別。最高興的是這陣子紅爆的“你厚多士”啦！薄薄的牛油配上鬆化厚多士是正的。吃完剛好飽了，剛好夠鐘看醫生，時間配合得天衣無縫。不過，下次再來可能要數個月後了。

見朋友幫襯左好多好多次,自己就食左幾次咋,次次都係常餐,無試過佢其他野,今次真係要試下,平時佢d炒蛋已經夠哂滑,份量又真係十足。今次試下佢好出名既野校長多士,朋友都係食豬扒包,佢就好快有得食,可能我個個要焗,所以就等耐d,等左一陣終於都有得食,賣相都錯,d芝士真係想殺死我,好多好多,最緊要係用厚多士,不過鋪滿左黑松露醬係上面就影響左少少賣相,不過都無計佢顏色係咁,成個多士都好香菌香,加埋芝士又多,好濃既口味,不過成份食哂又唔會話太膩, 最緊要係個多士咁料係上面都仲夠脆,平時有料既多士焗完通常都會無咁脆,最緊要係佢價錢夠公道,絕對係茶餐廳價錢,高品質享受。整體黎講,佢D裝修其他野睇落都好乾淨,加埋d野食質素真係無得彈。 

我最中意食炒蛋。每到有常餐的茶記，就會比較下其他茶記曾食過的好好味炒蛋~~~~今日同同學們來華星食午餐，每逢午飯時間,人流都好多,來得快也走得快，依D就系快餐文化.我叫左個常餐-炒蛋 叉燒通粉叉燒半肥瘦，好食~雖然香氣由存，但系對於我黎講就岩岩好~半肥瘦叉燒。整體都不錯的.這碗通粉份量似大，但系實際就少左少少…唔駛一陣間就食完，(如果通粉份量可以多D就更好~~')炒蛋火腿多士多士烘得岩岩好!!金黃色表皮，再配厚身多士，正~~~牛油早就幫塗系多士入面，牛油香一入口，就令人想再食多啖~。主角炒蛋!..黃黃色的炒蛋，賣相就已經幾吸引下吃~~炒蛋已經滑入喉嚨~ß依個就系頭啖炒蛋的感覺然後再將炒蛋+鬆軟的多士，配合食埋~~~~WOW~~~簡直就系正~值得推薦~~~~

呢間算係我食過最好既一間既冰室入得黎大部份都係叫常餐多士,滑蛋火腿,又燒意粉最正係多士同滑蛋滑蛋好夠滑牛油多士燶燶地先好食叉燒幅圖見唔到,肥瘦都適中份量唔算太多,不過岩岩好午餐岩哂三十幾蚊亦抵食推薦,會再食

看openrice食評推介柴灣的一間冰室·尋找到漁灣邨·但終於過門而不入·因為有點被驚嚇·點解在住宅樓下的冰室隣舖是豬肉舖·點解會這樣詭異·明明步行十數步有漁灣街市·為何一間賣生豬肉的會位處民居之下·冰室之旁·感覺似乎不衞生·打消了光顧念頭·(我都幾醃尖·有潔癖·不光顧不衞生的店·這冰室是無問題·只是本人的個人感覺)·但今天很想吃冰室的早餐(冰室同茶餐廳是有分别的·冰室食物精緻一點·茶餐廳是比較粗糙的·冰室地方乾淨·但大多數的茶餐廳是比較污糟的·所以我很少幫襯茶記)·想起筲箕灣的華星冰室·於是乘地鐵前往·灣仔的華星吃過·印象一般·很久無幫襯·今天首次到這間筲箕灣分店·店内裝修唔錯·座位舒適·點了早餐·火腿通粉:通粉軟硬適中·湯底味道濃而味美·又夠熱·八分!炒蛋多士:多士不太脆·不是即烘即上·但可接受·炒蛋炒得很嫰·夾雜蛋汁·有蛋味·但吃出有上湯同炒·本身不太喜歡·較喜歡單純炒蛋·下次都是要煎蛋·(對這些嫩滑炒蛋不會驚喜·因為自己也可整到·只要炒蛋動作快就可以)·奶茶香濃·夠滑·唔錯·兒時屋邨樓下已有三間好的冰室·吃這種早餐很方便·可惜領滙出租給大集團·大家樂·大快活·很怕吃·只為填飽肚

先前睇食平啲, 肥媽介紹筲箕灣街市, 所以特登遠征去睇吓.行到餓餓地, 又出動OPEN RICE APP, 最近係華星冰室, 就去試吓 (唔知點解, 食日行過灣仔都未試過).一開門, 見到成間鋪都係人, 原本打退堂鼓, 但都係問吓哥哥仔有無位, 估唔到角落頭仲有一張枱!爸媽各叫咗營養餐 同 常餐, 30蚊包嘢飲 + 多士 + 意粉, 抵到爆. 饞嘴阿爸話隻蛋好正.我就叫咗個校長多士, 初時以為係奶油多.點知嚟到係.... 估都估唔到... 松露多士, 廿五蚊, 真係抵抵抵

是日難得一到筲箕灣，當然要到東大街揾食！朋友建議試下'華星冰室'，未試過當然要試！行到店外已見到一條小人龍，既然有好評就排下啦！大概排了15分鐘就有位了！一坐低當然要睇下有咩特色食品。'校長多士'，似乎同譚校長有關，因為年年25蚊。原來是黑松露多士，可惜我没興趣在冰室食黑松露。'魔鬼豬扒包'，原來用了wasabi做辣的口感，如果係用辣椒的辣我會比較有興趣。最後還是點了一日三餐都啱既'常餐'叉燒意，油多，火腿滑蛋，熱yun yang叉燒尚可，就當是調味豬肉，因為浸在湯裏已没有外層的蜜香。意粉真是over cooked 了，不會期望意大利式al dente, 亦明白要迎合港人口味，但仍可fully cooked 又保留彈性既！油多又暖又脆，有3cm厚，配上火腿及炒得剛好的滑蛋一齊食，認真滋味！冰室來説，還可以吧！

出到筲箕灣，見到有聞名已久嘅華星冰室，即刻衝入去食個靚tea舖頭裝潢簡約得嚟有港味，舖頭入面仲見到唔少名人簽名同海報有人話一定要試呢度嘅通粉，心諗通粉就通粉有咩咁特別？但食落就明白哂，平時食果d茶記通粉都係軟軟淋淋、湯底淡如清水，而華星嘅通粉就煙韌彈牙、湯底鮮味濃郁！試埋年年廿五嘅校長多士，多士上面舖滿黑松露醬同芝士，咸度適中、芝味連連，口乾飲返杯足料紅豆冰，滿足！

第一次試華星冰室，order兩份常餐，牛油多士、火腿炒蛋、叉燒意粉、熱茶蜜。牛油多士最鍾意食厚多士，自動烘底，夠熱夠脆，正！火腿炒蛋標榜用3.6牛乳炒，果然滑到不得了，份量多，金黃色有蛋香有蛋汁，配成片火腿，好味道！叉燒意粉可轉通粉，雞湯湯底好味，叉燒6,7片而且偏瘦整體黎講好滿意，送餐速度快，食物好味，價錢合理，絕對有下次！

幫襯過好幾次. 之前次次都食常餐.最欣賞佢個炒蛋夠滑, 分量夠多, 比依家的澳門茶餐廳的炒蛋幾乎多三倍 今次諗住換換口味, 試佢既校長多士.香脆厚多上面, 鋪滿黑松露醬和芝士, 好重菌香, 又好惹味, 食哂成份都唔覺膩, 難怪成為招牌.$25一客, 以茶餐廳來說不算便宜, 但物有所值.華星算是我在區中頗喜愛的茶餐廳.價錢合理, 食物有質素, 服務也出咗名好&快手.不過~ 若果要排隊的話我就唔會食, 始終只係茶餐廳... 所以只會等無咩人既時間先會去幫襯.

這個中午吃了個Brunch便一早到新界考試去, 由十二時多至下午五時也沒再吃東西, 一直撐到五時多考試完結, 接著要等到約八時才在筲箕灣和親戚家人晚餐當然捱不到這麼晚, 肚子在考試快要完結時已打起鼓來, 考畢後便立刻飛奔到地鐵站去!由新界坐車地港島需要一個多小時! 真難為了我的肚子!一到筲箕灣站便會合了媽媽一起到華星冰室去!早前曾和媽媽去過灣仔店的華星冰室, 感覺甚佳, 常餐一向是我的喜愛之物, 而其咖啡奶茶亦甚有水準, 所以媽媽聽我說要來這裡下午茶也是十二分贊成呢! 從地鐵站走過來也只需五分鐘左右, 門面並不觸目, 幸好先前經過知道其位置否則可能會找不到..筲箕灣分店比灣仔的小一些, 內裡的佈置卻是大同小異的, 貼了不少名人的簽名和餐目之餘又不失點點的懷舊味道, 這種茶餐廳的格局於我而言十分討好 六時多, 店內的人客也陸續的進來, 可見生意不差! 我倆看過了餐目, 本想一試校長多士[$25]的, 但最後還是覺得常餐[$32]最為划算, 因當中包括飲品嘛!便叫來了一客常餐, 另加了一杯我一直想喝的凍咖啡[$18]分享作我們的下午茶!常餐一直是我在茶餐廳最愛的食品! 我們要了牛肉通粉配火

講起華星冰室,我相信好多人都食過常餐. 不過在早餐時段,其實還有多一個餐可以給人選擇,這個就是今日我所吃的美式早餐.華星冰室炒蛋的確炒得又香又滑,其炒蛋質素可以與澳洲牛奶公司媲美.這個美式早餐份量都不少,有多士,有炒蛋,有煙肉,又有薯餅,嘩!仲有茄汁豆添. 早餐份量之大,讓人可以吃得好飽.華星奶茶同樣出色,不但有茶味,而且好滑,讓我百飲不厭.

上一次坐電車到筲箕灣電車總站, 途中被「華星冰室」佑大的招牌的光芒所吸引住, 店外還排了長長的人龍...今天專程到來一試, 但下車後, 找不到那耀眼的招牌, 思考了一會, 向著印象中的方向行... 行了一會便到達!!! 原來大廈正在翻新, 架了起棚架, 把整間食店也遮蔽了...餐廳入口擺放了大雪櫃, 展示了大量北海道特選3.6牛乳, 說明了店內是使用此品牌的牛奶... 還有這些七彩繽紛的膠蛋, 小時候吃到的大菜糕就是放在這種容器內, 打開蛋殼時總是興奮莫名, 那些年... 總教人回味...不想排隊, 刻意避開繁忙時間, 想不到2時後仍座無虛席... 偶爾可以拍到一些沒有客人的情景, 很快便會有剛來客人坐下...牆上掛起了眾明星的親筆簽名... 那把牛角扇, 那幅通風的灰色石牆, 都像回到小時候在公屋生活的日子... 枱椅也是很久不見的懷舊款色...第一次幫襯, 不知吃什麼好, 記憶中, 很多人都是吃通粉及炒蛋的, 看到常餐頗豐富的, 就來一客吧...常餐 $32叉燒意粉火腿煎蛋牛油多士咖啡或茶(12:00pm-7:00pm供應) 叉燒意粉-- 可轉通粉或其他的, 我見網民多數是吃通