華星冰室 (筲箕灣東大街)

營業中

休息中

知道筲箕灣華星冰室已隆重開幕, 今早碰巧放假, 便懷着興奮既心情諗住嘆嘆其早餐, 再為大家宣傳推介一下, 誰不知既變作以以下既方式宣傳......今早十點多, 小弟孤身推門進入華星冰室, 店舖外觀感覺不錯, 內裏環境則較其他分店略為遜色, 但座位尚算寬敞, 當時已大半満, 每檯都坐了人, 卡位打對亦然, 但幸好該店卡位極為濶大, 相信就算一邊坐三個都冇問題, 而當時大多卡位都係一邊一個, 相信店員協調一下便成, 誰不知當我繞店一週再返回櫃面前東張西望一番, 歷時至少兩分鐘, 多名坐在櫃面既店員竟然全無招待意識, 木無表情, 兩眼放空, 同時間又有一家三口進入, 他們同樣慘遭被視而不見既命運, 於是我便忍唔住向櫃面疑似負責人問 "究竟安唔安排到位", 佢竟然貫徹始終, 向我望左一眼, 繼續封嘴, 一副彩你都儍既模樣, 我便唯有七竅生煙地離去.........雖然華星都算係薄有名氣, 食物方面係其他分店試過都算唔錯, 尤其佢既招牌炒蛋, 就算早餐價等如人地午餐價都可以不惜光顧, 但係咁既服務態度, 尤其係筲箕灣一個人情味濃厚既地方, 講求老街坊支撐既營商環境, 佢既生存空間真令人有所疑問!

今日放左學番到屋企見肚餓又未食晏,就走去試下呢間新開既華星。一入門口,就好有舊式冰室既風味。一坐低就叫左個常餐試下,包有叉燒通,火腿煎蛋,牛油多士同一杯凍奶茶。先講杯凍奶茶,茶味很濃,但又無完全遮蓋晒奶味,杯茶飲起黎好滑,比起出面好多地方既好飲,個人覺得仲好過籣芳園。另外，杯茶又d茶既苦澀味，但有d糖水既甜味中和，洽到好處，唔會顧此失彼。之後講個牛油多士，多士好厚，但又唔會好硬，做到外脆內​軟既效果。中間已融化既牛油，同暖暖既多士簡直係最佳既配搭，一絕。火腿煎蛋，我叫左炒蛋，個蛋炒得好嫩好滑，而且個蛋有好濃既奶味同蛋味，好正。至於塊火腿無咩特別，而且我唔鐘意食火腿，所以唔講。到叉燒通，叉燒切得厚度適中,但味道一般。通粉同平時出面食既差唔多。總括黎講，d野都叫做幾好食，價錢就一後啦!!!

聽聞係同佐敦果間"澳洲牛奶公司"D食品係一樣, 4pm剛剛經過, 見有一半空枱, 唔駛等位, 即刻走入去試下,叫了個茶餐, 叉燒湯通粉+厚多士+北海道牛奶炒滑疍+凍奶茶, $26+2 = $28,澳洲牛奶果邊1分鐘左右有得吃, 尼邊人少D啦, 點知等左成13分鐘先至有得吃, 北海道牛奶炒滑疍--吃時仍然係半濕半熟狀態--80分(唔錯),凍奶茶--OK 有80分, 厚多士烤得唔夠焦---差了一点点--俾70分, 叉燒湯通粉個湯好似係用罐頭鷄湯, 味道唔錯, 但通粉唔夠熟, 唔夠軟, 所以俾50分,整體而言75分啦。

呢間店幕後人是同娛樂圈人關係良好.當日去呢間新店就見到1位明星在門口傾外賣.牆上掛上明星的簽名.反而明星唱片封面相比灣仔店少.呢間店的確比灣仔細.而坐的舒適度.也比灣仔差..不過員工相當有禮.呢點要加分..同樣是在8月10日.我的假生日食的.哈....大家說呢間店同澳牛相似.賣的同是三款餐.又以滑蛋作賣點..今次...呢度的食物味道也接近了..滑蛋,蛋汁足夠.相當滑身..而多士也卜卜脆.而沒有黑邊..义燒通粉.通粉林身.湯是和暖的..义燒是後加上去後上枱.只嫌湯太多,而鹹.華田...奶味重.相當好飲...這裏可享受.見的人有禮.不用快快快.....我欣賞你.華星

新開的,服務好好,1流,叫食物的時候我們問侍應問題, 他都很有禮貌及樂意的一一回答...可惜吾記得帶電話叫左個常餐-火腿炒蛋及厚多士,牛肉通粉,雞翼2隻火腿炒蛋及厚多士牛肉通粉 仲要$32牛肉吾係好適合我口味,吾同其他餐廳FEEL炒蛋<---一般,冇咩特別 失望雞翼2隻<---$16 貴sad 但味道好好,好有高登炸雞FEEL!!吾多抵食..: