華星冰室 (筲箕灣東大街)

營業中

休息中

先講菜名就已經值得一讚! 校長多士, 軟硬沙嗲牛肉包, Levis Toast…..很深入民心!熱拿拿既 toast, 加上番茄粒, 濃郁既芝士, 超多既黑松露! 香口得泥, 又清新! 每一啖都充滿著黑松露! 味道剛剛好! 作為一間茶餐廳的確係有誠意! 當然泥到茶餐廳定必要試一試常餐啦~ 叉燒通粉, 一舨, 沒有什麼特別. 但佢個炒旦, 嫩口到不得了~ 又香滑~ 加埋那一塊又香又趣的多士, 簡直係想再叫多件. 總結來說, 非常值得一試, 同平時的茶餐廳顯然不同! 係假日要排一陣隊~

之後，雖然飽飽地，又比我們見到呢間想食好耐的「華星冰室」點都要入去去飲杯野食少少野 ... 見到隔離枱食緊的炒蛋多士炒得很嫩滑本來想點網友推介的常餐 ... 但這個鮮茄豬扒燴意粉仲吸引賣相不錯 ... 還有大大塊的蕃茄及豬扒 ... 好足料囡囡好鍾意蕃茄，大大件的蕃茄啱哂她茄汁甜酸度適中，但稍嫌醬汁太多我至愛的熱奶茶香濃又夠滑嘆嘆吓奶茶，見到這個校長多士及軟硬沙嗲牛肉飽都好吸引但又食唔到咁多 ... 但都是點了個軟硬沙嗲牛肉包外層的麵包烘得外脆人內軟，裡面的鮮牛肉搭上濃郁的沙嗲汁滲入飽中，滋味又惹味 今次試住咁多先，下次要試埋校長多士、懷舊大菜糕 ....** 以上分享是以我的口味、喜好及情況作出分享及感受，合用 / 一試與否請自行決定

食到第2個胃都飽到嘔, 朋友想試埋印尼沙爹, 我都未食過, 都想試好耐, 等開舖期間, 帶朋友行咗一轉東大街, 發現好多餐廳下午茶呢段時間落半閘, 想搵地方落腳都難, 最後由街頭行到街尾...終於行到來華星冰室... 下午茶時段, 人客不多不少, 有4人卡位坐仲唔使搭枱, 正!!!看看餐牌... 咦... 恕我大鄉里出城, 凍檸廉我地真係第1次見... 初時仲驚係蛋糕果種Cream... 搵職員問問先... 原來係廉係忌廉汽水個廉... 聽落好似幾特別喎, 咁大個人都未試過, 就要2杯喇~ 忌廉加咗檸檬同好多冰, 味道無咩特別, 被檸檬的酸中和了忌廉的甜, Not Bad...1人飲1杯飲品, 無其他幫襯, 坐足90分鐘傾計, 咁都無比人趕走, 相信只有係下午茶市同晚市之間呢個空隙先有機會發生...

今早要到跑馬地，因時間尚早，於是坐叮叮去未尚踏足的筲箕灣去搵食，因知道那區有華星及一些出名小食店。首站是華星！電車終站下車不難找，因遠處已望見搶眼的塗牆招牌，就在店樓上的唐樓牆身上。差不多滿座，幸好還有一張卡位。還未到中午12點，還可以品嚐早餐：火腿通粉+炒蛋多士+熱奶茶。先來熱奶茶，用的是自家杯，杯口較一般的奶茶杯闊大，較易涼，幸好奶茶夠熱！能嚐到茶香奶滑，不苦澀，比預期好得多！因始終不是茶記老店又是明星效應，起初對此店之奶茶不存太大期望，怎料不錯！炒蛋多士：炒蛋香滑而不油，惜不夠熱。多士一般，不夠脆/熱。火腿通粉：通粉細粒無坑，看似不夠熟的樣子，其實吃起來硬到剛好，完全不會過腍，煮的時間掌握很恰到！值得一讚！雖然枱與枱之間較窄，但夠光猛整潔，環境不錯。小朋友還有特別的餐具，果然細心！值得再光顧！

今日吃蛋的quota用盡了!!!周圍都有炒蛋，點解要去到筲箕灣華星咁遠（我可是要過海呀!）因為這裡炒蛋都好好味，而且當你見到身邊所有人都在吃同一樣的，哈哈，感覺好得意。anyway，蛋炒得好嫩滑，好香，配有少少松露（okay啦! 單是炒蛋都夠好吃，松露都係點綴一下吧!）除了常餐外，炸薯條是必點的，新鮮炸起，條條都咁好味! 大型M字連鎖店的薯條完全比不上!! p.s.午飯時間要排隊啦!不過上菜時間好快，基本上客人食完就走，唔會死霸住個位，如果怕天寒地凍等位的話，2點後再來吧～

其實今次係我第２次去華星個度食野，之前個次係係ＭＫ個度個間度食既。第１次可能係因為明星效應咁就去左試下，但真係的確唔錯既，所以今次都再幫襯番。咁今次就係因為咁岩搭電車去筲箕灣個頭，有Ｄ事要辨，搭到差唔多到筲箕灣總站，見到有間華星冰室係度，咁就打算入去嘆番下個靚靚下午茶。上次試過佢個常餐同個校長多士，幾好味，所以個印象都幾深刻。今次就想試下新野啦，叫左個豬扒包，同埋個沙嗲牛肉包。佢呢２個包都整得好好味，佢個豬扒包個舊豬扒都算幾厚同大，唔似得有一Ｄ茶記鬼死咁細塊。　唔知係因為我都幾肚餓既關係定點，真係覺得真係好好味，加上筲箕灣呢間分店比我既感覺寬敞Ｄ，舒服Ｄ。我整體黎講十分鍾意係呢度食野，值得推介。

差不多每個月都會到筲箕灣工作，東大街上的茶餐廳也食勻，如果不論價錢，華星冰室的水準是最穩定和滿意，早餐供應時間較長至12時。早餐的滑蛋多士是本人心水，滑蛋份量很多，名副其實“滑”兼有蛋香，濕度剛剛好，吃罷碟上沒有水份。多士極厚而軟熟，相對火腿通則是合格，通粉是實一點但仍夠味。這裡的奶茶也不錯，不會鞋口，茶味也可以。順便一提，這裡的侍應全是年青型男，反應快，有禮貌，上菜甚快。

一點幾去左東大街搵野食，去到呢條食街真係好多野都好吸引，咁岩見到 華星冰室唔洗排又想試好耐就係個度lunch!去到就食個常餐先，炒蛋好滑，我覺得好味過澳牛，又有蛋味。多士都唔錯，牛油味好夠！加埋炒蛋食正啊！火腿同叉燒意粉就大路貨色，不過啲叉燒都幾多。去到華星當然不得不試校長多士，姐係黑松露芝士多士。價錢同譚校長一樣年年廿五。黑松露味好重，好香好好食又特別。仲見到otto巡舖：p 整體黎講都唔錯，服務態度仲好過澳牛！

是日要預早慶中秋，午飯時段再來到位於東大街的華星冰室，由於我們一行五人，所以需要等好一陣子才安排到座位。想不到今次竟然坐在上次光顧的位置，非常巧合！今次各人點了多款不同的食品，這樣便可以試多一點美食呢～今次來了個新嘗試，吃了豬扒炒意粉（＄４１）。呈棕色的意粉看起來很油膩，但吃起上來非常彈牙爽口，是可以接受的程度，而事先切成一件件的豬扒肉質嫩滑，配上洋蔥和香蔥特別香口，不俗！長輩推介這裡的軟硬沙嗲牛肉包（＄２３）。包的表面烘得金黃，熱噴噴，帶點甜味，口感鬆軟。而中間夾著沙嗲牛肉片，味道比較濃，未必人人能接受，但配上旁邊的蕃茄和青瓜片可以減低油膩感。另外還試了魔鬼潛艇。原以為是用法包送上，原來是跟沙嗲牛肉包很相似，只是中間的餡料不同。切開成兩份的麵包同樣用牙籤固定，包面依然烘得金黃。但今次的餡料則換上厚厚的司華力腸和芥末，味道不錯，不過既然已經試過類似的沙嗲牛肉包，魔鬼潛艇的驚喜不大。同行家人還點了兩份最抵食的常餐。吃完之時其實有點意猶未盡，但見今餐已經吃過很多肥膩的食品，還是等下次再嚐吧！離開時已經接近下午茶時間，從電車上望下去、聽著叮叮的電車聲，我還會再來的，華星冰室。

華星冰室，彷如明星代言之食店，一直以為名過於實，只靠名人效應。若非朋友介紹，難以吸引我入店。之前沒收集資料，隨便點了魔鬼豬仔包，$23試下一個希望。端上來的豬仔包，沒有明星的外表，咬下去，發覺這般口感很特別，真的與眾不同~!!豬扒熱辣辣，鮮製的明證、wasabi醬汁，刺激味覺和鼻腔，有點久久不散、包是脆的，表層像酥皮般，一咬即散。這個份量，也算滿意，不會太細份縱使伙計不是sell親切(或者他們根本不是行親切的路線)，服務沒有給賓至如歸的感覺。但情人眼裡出西施，魔鬼豬仔包的味道彌補了不足。補充: 近3時用餐，店內仍有許多位，下次可考慮平日下午茶時間嘗嘗其他招牌菜~!

第二次光顧了，上次沒有機會品嘗校長多士，今次終於叫了$25，再加一個常餐跟友人share，飲品選擇了熱牛奶，因為上次已經嘗了招牌奶茶，所以今次試別的。熱牛奶太過奶了，奶味太重不太適合我校長多士. 味道不錯，有香濃的黑松露味道，烘得剛剛好，好香好脆，不過好像乾了一點。厚多士一直都是我的最愛，有香香的牛油已經塗上，增加了香味，火腿蛋只是一般貨。

夏日炎炎不宜外出，但眼見電腦保用期快到，惟有大長征到筲箕灣的維修中心。既然難得來到筲箕灣，我事先做足功課，與baka到近電車路的華星冰室嚐嚐港式特色。因有親人住筲箕灣附近，所以我對這裡的餐廳都略有認識，華星冰室的大名也早已聽聞過，原打算在去書展前在灣仔的分店用餐，但假六下午理應很多人，還是在筲箕灣悠悠閒閒吃午餐較好！去到時大概12點，前面有4-5名食客在排隊，侍應走上前詢問我們人數，大約等了15分鐘便能入座。在等候的時候我和baka也不忘在外面討論想吃的食物。我們被安排到最裡面的卡位位置，要跟另外兩名食客搭枱，不過環境不算太擠迫，可以接受。餐廳裡有很多佈置，當中不乏有名藝人的簽名海報和留言。落單後不久食物便陸續送到。我們點了一個常餐（＄３８）。首先送到的是叉燒通粉。記得小時候到茶餐廳吃早餐時總會有叉燒意粉或通粉的選擇，不過近來選擇中以火腿通粉或雪菜米線佔大多數，今次再嚐這款平凡的叉燒通粉卻使人感觸不已。通粉送到時還未看到當中的叉燒，原來全部都被通粉蓋住了。叉燒通粉很難煮得特別，略嫌份量不足，不過通粉質地和味道很有家的感覺。跟餐還有火腿炒蛋和牛油多士。炒蛋不算很滑和特別，但牛油多士烘得超

今日同朋友去石澳bbq，難得入筲箕灣唸住周圍行下順便去華星食個tea。兩點去到門口已經有一條人龍，不過唔算太多人大概十個到，等左一陣就入到去。店入面裝修幾特別，好有懐舊feel。校長多士分開左四份，松露同芝士滿佈係多士上面，每一啖都食到好香濃既松露同芝士味，好香好好食，松露同芝士好夾，塊多士好軟熟，一試難忘，一定會再尼食！炒蛋多士一大份炒蛋係多士上面，蛋味香濃，好滑，入口即融。多士烘得岩岩好，配埋啲炒蛋好正，口感一流！常餐有叉燒意粉，牛油多士，火腿同煎蛋，煎蛋可轉炒蛋，不過隻蛋就細少少冇炒蛋多士咁多。牛油多士幾厚烘得好好食。

可能好耐冇去過港式茶餐廳食野，平時見到一般都係充滿遊客既市區茶餐廳，突然慶起去呢間度排下隊，希望搵番下童年回憶，未見舖位先見龍尾，排左約25mins, 兩個人叫左一個常餐（叉燒意粉，多士，火腿炒蛋，凍寧茶），散叫左一份校長多士， 沙爹牛肉米，凍奶茶。先講個炒蛋，真係好滑好好好味，加塊火腿，放係塊外脆內軟既多士上面，真係好好味！跟住黎個沙牛米，都係超讚，用左應該係銀絲米既幼米，重俾埋包調味油你自己落，沙牛又淋又入味，好味！校長多士好有驚喜，係芝士焗黑松露醬，搽到滿晒係塊外脆內軟既多士上面，都係好好味！總知食完之後覺得成個人都開心晒！一定會等冇咁多人既時候再去食！

東大街咁多選擇 最後都係揀左華星 11點9 仲趕得切食早餐！😁早餐$32 8分火腿通粉炒滑蛋走油多士熱朱古力火腿通先上 望住金黃色霧住白煙嘅通粉 本身唔係好肚餓嘅我 頓時食慾大開  通粉質地chewy 軟硬適中 有咬口！☺️湯底係淡淡粟米忌廉雞湯 是女人的浪漫！鋪上一大把火腿絲 非常滿足！食左兩啖多士就黎啦 當然要襯熱食！炒滑蛋夠滑 有蛋味 但如果再生少少就更合個人口味啦！ 多士走了油 因為知道炒滑蛋嘅熱量都唔少！但冇減少佢嘅美味度！ 因為佢係烤得熱哄哄 金黃色嘅厚多士！！！ 外脆内軟 足夠嘅高度令佢非常鬆軟 每一條邊都非常脆 加埋滑蛋 香脆美味！食完一塊第二塊仲熱嫁！最大嘅敗筆就係杯熱朱！ 唔夠濃味.... 不過整體黎講非常滿足 食物質素沒有比灣仔總店「信」色， 相反， 我更喜歡呢度！ 冇左灣仔果種壓迫感，坐多陣都唔好意思嘅感覺！ 坐得舒服 亦食得舒服！ 店員亦都好nice 同街坊有講有笑 有效律得黎亦好有禮貌！ 係開始你美好一日嘅好地方！