菊月町 (已搬遷) 新店位置

一向知道觀塘多工廈美食，通常都是西餐廳，但原來日式食 omakase 的餐廳也進駐觀塘，而且還是地舖，搵食更容易。餐廳不算大，裝潢簡單。我們坐在鐵板燒爐前，可以邊食邊欣賞廚師的功藝。刺身八件廚師發辦的刺身，都是新鮮時令的魚生刺身，其中油甘魚，帶子，赤蝦及金目鯛等都很鮮味，另外首嚐鮟鱇魚肝，口感細膩軟滑，令人回味。鐵板燒鱈魚鱈魚扒煎得外脆內嫩，魚皮分開煎，十分香脆，只加了少許調味已非常可口。鐵板燒羊鞍平時鐵板燒都是海鮮或牛肉，原來也有燒羊鞍。廚師按我的喜好燒至八成熟，保留了肉汁之餘肉質嫩滑，而且份量大，滋味得很。汁煮魚鮫醬汁調較得香甜，魚煮得很腍，既保留了魚本身的魚味，又全吸收了醬汁的香氣。炒飯雖只是在鐵板上炒飯，但依然"鑊氣"十足。蜜瓜最後以蜜瓜作甜品，清甜多汁，吃完鐵板燒食物再食些水果合適不過。第一次見識有鐵板燒的 omakase，既可食到新鮮刺身，又可品嚐鐵板燒物，而且價格相宜，絕對是一舉多得。

近排好興廚師發板, 公司附近都有一間呢D既日式居酒屋, 我覺得最正既係除左食平常既刺身壽司之外, 呢到仲有鐵板燒食TIM. 首先老闆會先問問我地會唔會有咩唔食, 跟住就由他發板吧, 哈哈….首先黎個刺身拼盤先, 老闆話有所都係飛機貨來的, 每日新鮮運到, 而且仲要係平時好少見到的. 有必食既三文魚腩: 非常肥美, 仲係厚切TIM AR. 刺身蝦: 非常大隻, 鮮味十足, 肉質爽口. 仲有帶子, 海膽, 墨魚, 大眼金槍魚等等….跟住再黎個壽司拼盤, 有三文魚, 吞拿魚, 八爪魚, 海謄, 刺身蝦, 帶子, 三文魚籽, 活赤貝, 墨魚等等….不過特別想講下既係活赤貝: 味道新鮮, 口感爽口. 吞拿魚 & 伊佐目: 味道會好D甘香.哈哈..鐵板師父出場, 呢個係安格斯薄切金菇, 好特別, 唔同出面個D金菇肥牛卷架. 呢到會加左柯白蘇葉 & 黑松露, 夾埋一齊食會有好清新既感覺, 少少薄荷味, 估唔到味道係可以夾得黎. 之後大廚再炒左個雜菌比我地食, 最後仲有呢個紅豆年糕, 大廚用個扒爐將年糕煎香後再加上大大粒紅豆, 口感煙靭.

一段時間未有品嚐和食，是夜在友人帶領下到了觀塘吃Omakese。對，工廠區都有高檔食店，且客人不少，亦因此上菜較慢。可幸師傅全程有禮，服務周到，亦能交流一下食材來源素質等。先來刺身拼盤共八款，一人一件已很豐富。刺身質素不錯，肉質都新鮮豐腴，特別是帶子、油甘、赤蝦和金目鯛，只收$198價錢超值。鐵板燒師傅全晚忙過不停，手勢純熟，不輸傳統旺區高檔餐廳。等了又等，師傅捧上銀鱈魚柳。魚皮和魚柳分開處理，皮香脆可口，肉燒得外脆內嫩，魚香十足，只簡單調味已很出色。跟著是燒羊，師傅燒得火候剛好。表面有微微焦香，燒至六成熟肉味濃郁，中間保持鮮嫩，好羊之人必定大愛。很多西餐廳收二百多元都沒有此份量質素，這裏？收$168。汁煮三文魚醬汁香甜，配合爽脆魚頭軟骨和鮮嫩肉身，令人食指大動。炒飯因大量製作，因此材料和飯粒都炒得不均勻，略略扣分。飯後蜜瓜果肉香甜多汁，美滿作結。這裏的小店氣氛令人放鬆，價錢相對便宜，雖未致完美但仍值得一再光顧。

在這炎熱的冬天，甚麼胃口都無的時候，日本嘢is my all time飛佛。一直經過鴻圖道，就好想試試這家身處觀塘鬧區角落的小店，今天首先試了特上丼飯，刺身份量足，紫菜醋飯惹味有特色。而且服務有禮，不收加一，下一次絕對會再來吃，等天氣沒有那麼熱，想再試試他們的種類多多的定食。

今日夜晚等朋友放工約咗食飯，黎到觀塘，剛巧係AXA寫字樓隔離見到有間門口裝修好似日式風格的居酒屋店，就入黎試下。鋪面門口唔係好大，有少入面有兩三張檯，主要係坐吧台，可以望住壽司師傅整料理。今日我地叫咗個二人前的鐵板套餐，有帶子，龍脷柳，牛肉薄燒，炒雜菜同炒飯等，當然唔少得叫個刺身盛合刺身8點，有三文魚，新鮮嫩滑，八爪魚，大甜蝦，海膽，吞拿魚等，厚切，入口即溶鐵板燒套餐，有燒龍脷柳，燒帶子熱辣辣，好冧身，安格斯牛肉薄燒，夾住有洋蔥，好juicy蛋炒飯，飯粒大粒飽满，炒得比較乾身，係味道偏淡汁煮魚鮫，好入味，醬汁較甜，肉吸晒味，十分淋身。

前陣子一直都很忙，為了有更大的動力，阿頭放工叫我們一起到附近吃飯。初時以為是簡簡單單的一餐，後來卻發現一點都不簡單。 阿頭說是希望我們吃得開心，之後可以更有衝勁工作(這算是收埋人心嗎?) 反正阿頭話事，我跟另一個同事當然也不會客氣！ 大家不想思考太多，就要了師傅發板... 一個價錢，由師傅話事我們點的是HKD1100/人有9個部份先是前菜 - 八爪魚魚子沙律，酸微微很開胃，加上八爪魚有點咬口，做前菜很得宜然後是一小碟鮟鱇魚肝，非常濃的肝味，如果喜歡吃鵝肝的話，一定會超級喜歡這道小吃隔一陣子，我發現台上放了一塊白色的東西後來才知道，那是一塊岩鹽板是用來給師傅把刺身放在鹽板上給客人的吃過小食，我們就開始別刺身、季節魚刺身、貝類刺身刺身類吃了不少款式，最特別的是真鱈魚、 連子鯛、 秋刀魚刺身真鱈魚及連子鯛很少在外面一般的日食店吃得到，說他非常矜貴，其實也不算是，因為在日本的超市常見到一整條在賣，但在香港的話，總是物以罕為貴。真鱈魚口感很爽，肉質清甜，不常吃到，就更顯珍貴，亦很有新鮮感，驚喜萬分。 秋刀魚刺身最近吃不少，我對牠的喜愛度，就如第一次吃三文魚/拖羅一樣，秋刀魚本身有其獨特的味道，不

店舖門面簡單木板橫列鋪設。店內大部份也是鐵板式橫排座位，一堆朋友聚餐就比較適合以上的大桌，安全點 還是提早訂位。刺身8點。廚師發板刺身食材新鮮，厚切肥美，肉質彈牙嫩滑，入口鮮甜 洋溢幸福感覺。鐵板套餐。二人前推薦一堆朋友一起點這套餐，划算。薄燒安格斯牛肉卷洋蔥碎，入口即溶，惹味十足。燒帶子鎖住水分，肉質鮮嫩，甜美。汁煮三文魚師傅已把日式醬汁 調得比正宗日本更低甜度。三文魚肉質香滑，醬汁偏甜，配飯合適。兩人平均三百多元還是滿划算，已能一嚐刺身、鐵板、汁煮熟食多種口味。

菊月町 特上丼油甘魚三文魚甜蝦帶子海膽蟹柳三文魚籽咩都有‼️嗌呢個絕對係因為大滿貫💯但亦因該咁而唔夠喉🤦🏻‍♀️ 要係咁jam友人既三色丼💁🏻.對呢間餐廳幾有感情係因為前身係一間好細間嘅日式丼飯外賣店🤤再睇住佢攞埋隔離間鋪擴充做居酒屋形式😯但而家價錢貴左好多之餘 亦食唔番高質外賣丼既感覺🤧😔.鋪滿滿的刺身丼🤗💕雖然刺身份量都大但海膽 碎蔥拖羅蓉 都一般唔係好重海鮮味🤧店嘅格局行工業風 類似日式居酒屋個廚會現場鐵板燒💁🏻‍♂️但價錢係同區都唔算好平🤔🤔..地址：菊月町 (觀塘)觀塘鴻圖道46號世紀工商中心地下1A號舖幸福指數：6.5/10

一向觀塘工業區都有好多隱世正嘢食，今次去到觀塘工業區大街十字路口位嘅地舖叫做《菊月町》，餐廳位置比較開陽，門口已經可以泊車，非常方便。餐廳嘅座位有吧枱同埋四人枱等嘅座位選擇，當然享受美味嘅日本料理梗係要坐吧枱，一邊睇住師傅整，一邊享受啦。全部食物有廚師發板，首先嚟咗前菜係章紅魚蘿蔔粒，屬於熱食，酸酸甜甜的味道，好開胃。跟住就食油甘魚刺身同埋目仁內魚刺身，係用鹽板上的，唔需要點任何醬汁，就咁點小小鹽已經好夠味。櫻雕刺身的魚皮上有柚子粉，咬落去口感爽口彈牙，煙煙靭靭嘅外皮，質感一流。放喺碗仔入面嘅鰹魚即是木魚，師傅燒燶魚皮，加埋入面嘅蒜片、葱同埋酸汁一齊食，同樣地非常醒胃。拖羅片未經急凍，就已經有得食啦，所以食落去非常新鮮，有入口即溶嘅感覺。生蠔賣相非常吸引，平時唔食嘅我，都覺得非常新鮮，完全冇腥嘅味道。秋刀魚刺身正值季節限定，細細粒食落去有好濃郁嘅魚味道。食完刺身就開始食鐵板燒，首先就係奶汁煮蝦煮成半生熟，味道非常Creamy。除此之外，師傅將蝦頭壓碎，食落口非常香脆。最後就係食壽司類別，包括有赤身吞拿魚壽司、北寄貝壽司同埋干飄壽司仔。今次呢餐非常豐富，價錢只係$2400左右，每人平均消

朋友生日，就去到觀塘一間日本料理店《菊月町》，試吓佢嘅廚師發板料理。行咗咁耐街非常頸渴，即刻叫咗杯可樂飲下，店員非常體貼，即刻俾個保冷套可以令可樂凍啲。而我的朋友則用熱茶招呼。廚師發板系列中，包括前菜、刺身、鐵板燒同埋壽司等等嘅食物，非常豐富，係落單前會先提問客人有乜嘢唔食，感覺非常親切體貼。坐吧枱可以一邊睇住師傅親手整食物，一邊享受美味嘅日本料理，真係人生一大樂事。首先來一客章紅魚蘿蔔粒，入面仲係熱辣辣，食落口章紅魚口感嫩滑。然後就係油甘魚刺身、目仁內魚刺身同埋櫻雕刺身。最特別嘅係櫻雕刺身上有一點點橙色嘅柚子粉，非常特別，食落去非常新鮮嘅魚味道。廚師將鰹魚燒燶魚皮，食落去有煙燻嘅味道，再配以多款配菜，例如蒜片、葱同埋酸汁一齊食，更加開胃。我最鍾意食嘅拖羅片係新鮮運到香港，師傅未經急凍之下，即刻切左兩片俾我哋試吓，食落去軟綿綿嘅口感，好好食呀。之後仲有生蠔兩隻同埋秋刀魚刺身等等。仲有佢嘅芥末Wasabi係即磨的，我哋即刻攞嚟睇吓，非常得意呀。鐵板燒就有奶汁煮蝦、燒羊架同埋玉子燒等等。不得不提佢嘅大蝦煮得非常好食，芝士奶味道嘅醬汁融入大蝦入面，食落去爽口彈牙之餘，仲要非常滋味。壽司方面就

This little shop does offer something different in the Kwun Tong area... By having this piece of Rocky Salt plate to go with every one of the sashimi dish... a very unique way of enjoying the fresh food here... Fish Liver is almost a must for every Omakase set in town, as this is the best season in Winter... I am not particular fond of it, as the texture is nothing close to foie gras but much stronger in taste ... just not my cup of tea... Tiny little shrimp to get our taste bud ready for the re

平日經常都會經過呢間日本餐廳, 而且間唔中都會外帶丼飯做LUNCH, 質素都唔錯咖. 而最近餐廳剛剛裝修完，環境舒適左地方又大左, 於是放工後就同朋友仔一齊黎堂食試下佢地嘅Omakase. 先黎餐前小菜:  鮟鱇魚肝 - 由餐廳自製的鮟鱇魚肝，入口化綿魚肝味非常香。冇半點腥臭味, 而且又冇鵝肝咁油膩，確實係好味;  由新鮮八爪魚粒, 三文魚籽, 牛油果 & 青瓜絲 整的清爽沙律, 味道酸酸地辣辣地, 十分開胃; 跟住就係刺身啦, 都係平時少食到的季節性魚刺身, 唔係一般大路的魚刺身.  真鱈魚刺身 - 先用昆布湯醃左一日的真鱈魚刺身, 食落有淡淡的昆布味道, 魚肉嫩滑得黎有少少結實, 有咬口. 如果覺得味道淡左d的話, 可以將刺身放係鹽板上拖兩拖, 加返少少咸味都唔錯;  深海池魚刺身 - 厚切池魚刺身, 味道鮮美肉質較細緻, 爽口有彈性, 味道鮮甜;  連子鯛刺身 - 肉質細嫩, 食落爽口, 魚味帶點清甜;  秋刀魚刺身 - 秋天係食秋刀魚的季節, 所以特別肥美肉厚, 最啱做刺身. 魚肉入口有輕微腥味, 但魚肉非常厚身, 味道都幾鮮甜又有口感;  日本馬糞海膽 - 海膽味較

較早前經過見到裝修幾吸引決定同同事晏晝黎試下點知自己中左伏我叫左豚肉生姜鐵板燒定食餐牌寫包湯、前菜、菜、白飯及甜品午飯時段餐廳幾好生意等左15-20分鐘 我們的食物陸續上枱來的是主菜我吃時沒有太大注意 只覺豚肉薄薄的帶點少許的粉紅色而且沒有生姜味 味道屬普普通通結果食完餐飯已開始覺得有點不對勁肚有點隱隱作痛嘔出來的全是粉紅粉紅的肉好辛苦懷疑是豚肉的部分或內部沒有完全煎熟又不太新鮮同行同事叫的是其他食物 他們都沒事一方面本身自己都有責任看清楚食物是否熟透才放進口裡另一方面餐廳亦有責任確保食物的質素和安全這次午飯的代價可真大！其次我們都把主食清光了9成湯和前菜要催請了兩次後才預備好上枱而所謂的前菜跟我們的期望有十分大的出入只是大概4分1手掌般大小的漬物有細碎的菜漬物和半片的醃黃了的蘿蔔之類的賣相很滑稽 寧願唔好在餐單上提及還好甜品是每人一粒的紅豆糯米粒？整體鐵板燒定食的質素平平這次還是俾錢買難受 食物賣相一般 當時都沒有影相的衝動見這裡大多都是好評應該也有其原因吧但我就blacklist呢間 始終因爲食左這間餐廳而經歷過辛苦事

廚師發辦係來自日本，由廚師在食客面前一邊製作當日新鮮食材，一邊同食客交流、分享同介紹食物，係日本菜之中最好嘅食法。係香港食一餐廚師發辦動輒都要過千元，之前睇介紹見到觀塘有一間日式小店除左提供普通日本料理及鐵板燒之外，仲有提供廚師發辦，而且最平只需$580就可以享受一晚由廚師發辦嘅日本菜，非常吸引。 我地約好之後，上星期已經訂定位今晚黎食，未放工心情已經好興奮好期待。菊月町係觀塘工廠區入面，門面唔係好顯眼而且裝修都係簡簡單單，單憑外表好難想像呢度原來可以食到咁高級嘅優質食材。我地訂枱時已經預定係廚師發辦，所以冇乜仔細留意個餐牌，不過都見到有壽司同刺身點，而且價錢都幾平。食完前菜之後廚師就端上鮟鱇魚肝俾我地品嚐，鮟鱇魚肝味道超濃郁，鮟鱇魚嘅肝油感重，非常美味，食完呢個鮟鱇魚肝令我對今晚嘅其他菜色更加期待。前菜鮟鱇魚肝上刺身之前廚師先係我地面前放一塊岩鹽板，之後每一道剌身都是放在此板上，係岩鹽板上夾的刺身已經略帶咸味，不需要再點醬油。目仁奈係第一道上嘅刺身，而且我都係第一次食，味道鮮甜，口感爽脆，每人食完4件都仲想再添。目張廚師先用火輕燒，魚嘅香味更出，魚味都好濃郁。 深海池魚比平時食到嘅海

若不是好朋友帶我來，真的想不到在觀塘工廠區居然有這麼一間隱世高級日本料理私房菜。餐廳位於街口轉角處，裝修時尚。地方不太大，只有一張長方抬，其他全是爐端燒弍的吧枱，相信是為了方便更多客人可以欣賞廚師的精湛廚藝吧！我們剛坐下，即見廚師在準備剛剛才新鮮運到的刺身食材，洗洗切切，起骨拆肉，工序繁複，最後將一片片晶瑩剔透的刺身配上精緻的伴碟奉上，盡顯廚藝功架，真是大開眼界呢！Omakase，日語意謂廚師發辦，是品嘗日本料理的最高境界。大師傅會為你嚴選空運到港的優質食材，務求以鮮味征服客人的味蕾。慢工出細貨，耐心等待也是值得的。套餐有幾款價錢，由每人$580 ~1100不等，包括前菜，季節魚刺身，貝類刺身，漬物，和食，鐵板燒，壽司及甜品。前菜 "秋葵沙律菜" ~ 爽脆有機沙律莱配秋葵加甜酸沙律醋，令人食慾大增，更加期待師傅精心炮製的Omakase。首先出場的是令人驚喜的「岩鹽刺身」，以 岩鹽板作碟，令天然鹹味帶出刺身的天然鮮味，絕對不需再加任何醬料了。單看賣相已令我們食指大動，用上特別的平目魚，金鱈魚，金目魚，黑鯛魚及秋刀魚，刺身光澤誘人，肉質通透，用料非常新鮮，鮮甜十足 ! 尤其是秋刀魚，從來也