影片
更多
2017-12-12
1941 瀏覽
平日經常都會經過呢間日本餐廳, 而且間唔中都會外帶丼飯做LUNCH, 質素都唔錯咖. 而最近餐廳剛剛裝修完，環境舒適左地方又大左, 於是放工後就同朋友仔一齊黎堂食試下佢地嘅Omakase. 先黎餐前小菜: 鮟鱇魚肝 - 由餐廳自製的鮟鱇魚肝，入口化綿魚肝味非常香。冇半點腥臭味, 而且又冇鵝肝咁油膩，確實係好味; 由新鮮八爪魚粒, 三文魚籽, 牛油果 & 青瓜絲 整的清爽沙律, 味道酸酸地辣辣地, 十分開胃; 跟住就係刺身啦, 都係平時少食到的季節性魚刺身, 唔係一般大路的魚刺身. 真鱈魚刺身 - 先用昆布湯醃左一日的真鱈魚刺身, 食落有淡淡的昆布味道, 魚肉嫩滑得黎有少少結實, 有咬口. 如果覺得味道淡左d的話, 可以將刺身放係鹽板上拖兩拖, 加返少少咸味都唔錯; 深海池魚刺身 - 厚切池魚刺身, 味道鮮美肉質較細緻, 爽口有彈性, 味道鮮甜; 連子鯛刺身 - 肉質細嫩, 食落爽口, 魚味帶點清甜; 秋刀魚刺身 - 秋天係食秋刀魚的季節, 所以特別肥美肉厚, 最啱做刺身. 魚肉入口有輕微腥味, 但魚肉非常厚身, 味道都幾鮮甜又有口感; 日本馬糞海膽 - 海膽味較
而最近餐廳剛剛裝修完，環境舒適左地方又大左, 於是放工後就同朋友仔一齊黎堂食試下佢地嘅Omakase.
先黎餐前小菜:
鮟鱇魚肝 - 由餐廳自製的鮟鱇魚肝，入口化綿魚肝味非常香。冇半點腥臭味, 而且又冇鵝肝咁油膩，確實係好味;
由新鮮八爪魚粒, 三文魚籽, 牛油果 & 青瓜絲 整的清爽沙律, 味道酸酸地辣辣地, 十分開胃;跟住就係刺身啦, 都係平時少食到的季節性魚刺身, 唔係一般大路的魚刺身.
真鱈魚刺身 - 先用昆布湯醃左一日的真鱈魚刺身, 食落有淡淡的昆布味道, 魚肉嫩滑得黎有少少結實, 有咬口. 如果覺得味道淡左d的話, 可以將刺身放係鹽板上拖兩拖, 加返少少咸味都唔錯;
深海池魚刺身 - 厚切池魚刺身, 味道鮮美肉質較細緻, 爽口有彈性, 味道鮮甜;
連子鯛刺身 - 肉質細嫩, 食落爽口, 魚味帶點清甜;
秋刀魚刺身 - 秋天係食秋刀魚的季節, 所以特別肥美肉厚, 最啱做刺身. 魚肉入口有輕微腥味, 但魚肉非常厚身, 味道都幾鮮甜又有口感;
日本馬糞海膽 - 海膽味較濃郁而且味道鮮美，口感軟綿入口即溶, 好味~
日本活赤貝刺身 – 難得可以現場見到師傅即劏活赤貝, 果然非常新鮮. 赤貝刺身咬落口感非常爽, 而且味道鮮甜!
漬淮山 – 第一次食漬淮山, 口感脆脆地又甜甜地咁, 幾得意;
汁煮鰤魚頭 –鰤魚頭非常大件, 但依然燘煮得好腍好入味, 食落一啲魚腥味都冇, 醬汁甜甜地. 因為魚頭夠大, 所以啜落真係啖啖都係骨膠原的感覺, 膠質非常重非常黏稠, 超級~
除左膠質之外, 魚面同頸位都有唔少魚肉食咖~
鐵板燒牛肉卷 - 5成熟的鐵板燒牛肉入口嫩口唔會柴, 而裡面就包住煎香左嘅可以i 的牛肉牛肉肉牛肉牛蒜蓉, 蒜香味非常重非常惹味~
吞拿魚壽司 –魚肉顏色非常靚, 呈棗紅色, 而且仲好有光澤. 吞拿魚入口感覺肥美甘香, 完全冇我害怕的血味;
八爪魚壽司 –八爪魚味道鮮甜, 口感都OK彈牙;
馬糞海膽壽司 – 用黎做壽司嘅馬糞海膽一樣咁正, 鮮甜軟綿, 壽司飯够細件；
阿拉斯加蟹腳壽司 – 即場見到師傅拆出阿拉斯加蟹腳肉用黎整壽司, 新鮮! 蟹腳肉大大舊, 食落有淡淡的海水味同鮮甜味, 都唔錯!
芽蔥壽司 - 蔥細細條顏色鮮綠咁好得意, 食落口感清爽，蔥味都幾突出但又唔會太刺激, 冇辛辣/ 澀味。
梅卷 – 外貌睇落平平無奇, 但原來裡面係包住左日本梅醬. 味道酸咪咪又帶有梅的清新香氣, 都幾特別.
最後食返件香甜蜜瓜做結尾, 大滿足!!
張貼
