莆田 (PopCorn 2)

營業中

休息中

假日突然想同老公食中餐，但又唔想飲茶，就去咗莆田。餐廳提供各式假日餐，全包，包括茗茶、小食及加一。我哋就叫咗二人B餐。有個熱鍋暖住d荀，非常精緻，又入味，夠晒熱藥膳味都幾重，但我鍾意飲完好溫暖，隻蝦都好新鮮。表皮好脆，其實食完都唔知係咩，但加上佢個特製醬汁，好味道！原個木桶上，好有氣勢，飯有口感。唯一餸比較少，不過整體好味。大家可以不妨試吓佢個秘製辣椒醬，同出面日常嘅辣椒醬有所不同，入口越食越辣，好正

咁岩又要入黎將軍澳拎野，尋日食過佢既下午餐套餐，今次試下另一款點心套餐。#酥炸黃金磚，侍應哥哥上錯左兩份扁肉，叫佢轉番。#酥炸莆田扁肉、扁肉鮮香。#興化米粉，米粉非常乾身，而且好香海鮮味。

入黎將軍澳踩下單車，出發前搵野醫肚先，坐低之後咁岩兩點半下午餐時段，叫份#小菜 - 下午茶套餐。侍應已經講到明細細份，咁就岩哂可以試下唔同款既菜式，今次試左#蝦苗拌頭水紫菜、#家常燜荀乾、#雪耳糖水、#醬爆肉絲湯麵。下次再試下其他先。

我之前試過莆田兩間分店，一間在馬鞍山，另一間在鑽石山，兩間都Ok呀！所以今晚特別帶家人出來一起去試將軍澳這家，原本以為這家都一樣好吃。首先環境0k我之前試過莆田兩間分店，一間在馬鞍山，另一間在鑽石山，兩間都Ok呀！所以今晚特別帶家人出來一起去試將軍澳這家，原本以為這家都一樣好吃。首先環境0k，但服務態度真的要改進，不知道待應們在做什麼事情，每個都魂不守舍，只有一個黑衣姐姐努力工作。怎知道，出來的餸菜味道太強差人意，被我經常出外吃飯的吃貨媽媽一邊吃一邊說不好吃。唉！慘被媽媽批評，這家分店自然是納入我的黑名單了。

呢間想試好耐, 因為見佢係米芝連餐廳同咪見佢餐牌都幾吸引, 所以決定一試蒸聖子, 味道一般, 比較普通..雞算滑, 但偏咸......豬手一流, 一定要食..外脆內軟!!!, 呢個夾包都好好食...皮脆, 入面好軟綿綿, 好似海綿蛋糕咁白菜軟豆腐湯, 味道都算濃, 好飲總括來講味道都唔差, 可以一試.

12點約左朋友食飯，估唔到唔太多人，大把位坐低睇menu，set lunch都幾豐富一個點心，跟一個主食，飲品有冬瓜薏米水可以無限免費refill（凍熱都有），價錢係$68朋友加$10叫椒鹽豬手湯麵原來佢好鍾意食，咁我成隻讓俾佢食我就叫左粟米菜粒炒飯點心叫左莆田糯米丸同古法蕃薯包拼杞子白米糕，可以試晒2款叫左2個set，職員問要唔要個蒸水蛋俾bb食?我concern當然係要俾錢嗎?職員話唔駛錢，請bb食，唔會落糖同鹽跟住有職員拎左個扭扭汽球俾我仔仔估唔到莆田有咁好嘅增值服務，真係好意外，真係要大讚蒸嘅點心比較遲來莆田糯米丸以為咸。。。。原來係檑沙湯圓咁甜品來古法蕃薯包同杞子白米糕唔太甜同埋個味好似唔太出，麻麻地好味冬瓜薏米水。。。ok la唔太甜，不過好大杯，我地無添飲豬手我食過，而今次讓左朋友食，佢都覺得好好味，唔夠喉而個湯麵，湯底唔知點整，令到個麵好入味，好好味但個炒飯就有點失望，無乜特別，只係夠大碟夠頂肚

Popcorn呢個商場為美食沙漠將軍澳帶來一片綠洲，多左好多唔同類型嘅餐廳，實在是TKO子民的福音莆田都算幾岀名，打住米芝蓮推薦食府的名氣，所以都多人黎食，晚市都幾多人排隊，所以book定位就方便啲！先點了個拼盤，細細4盤可以試下不同的小食。點了推薦菜式椒鹽豬手，好貴！不過真係幾脆口！點了呢個鐵板蟶子，幾特別怕不夠飽就叫了興化炒米粉，米粉夠乾身味道不錯～呢碟酥炒芋頭超級好食！！絕對是必點菜式！為左呢碟菜可以再encore黎食！好甜好香的芋頭，又夠''粉''！真係回味無窮

呢間新加坡米芝蓮餐廳，一直心思思想試，前排終於同媽媽去咗食個下午茶~每份下午茶可以揀兩款小菜加一款主食，另外仲有個甜品，我地兩個人就可以 share 四個小菜加兩個主食喇~ 哈哈先講主食，興化炒米粉好好味! 好鬆化，又唔太油~ 個包菜飯都唔錯~小菜叫咗蝦苗拌頭水紫菜，家常燜筍乾，滷水自製豆腐，仲有款豬膶，款款都ok，最鍾意個豆腐~甜品都幾好味~ 仲有壺菊花茶，好好飲! 好清甜! 特別一提不論係主食定小菜甜品，款款都係細細碗細細碟，配埋d靚靚餐具好精緻，絕對係品味食物多於醫肚~ 可能因為份量唔算多，下午茶時段唔太多人，可以搵個悠閒嘅下午去試食~

一家人約埋朋友一齊食飯因為有7大1B，俾左張大圓枱俾我地，坐得鬆動啲，可以放下野咁多人，叫套餐就唔駛煩反正之前食過lunch，味道係幾好所以對呢間食肆好有信心，相信家人會喜歡雖然7個大人，不過叫6人餐又唔夠飽，諗住8人餐，每人食多少少先來係前菜5碟（如果人少，食呢個前菜用盒仔裝，感覺好精緻㗎，不過原來人多，會放係隻碟，突然有啲失望添，俾唔多家人睇咁精緻嘅感覺）介紹下啲前菜先水晶豬蹄凍，食落口感好豐富，好似好多骨膠原感覺，味道唔會話偏咸，好味蝦苗伴頭水紫菜其實搵唔到蝦苗但見呢間鋪頭嘅電視播紫菜嘅片段，應該好特別，而家人都覺得好味，出邊都未食過，推介大家必食冰浸苦瓜用冰浸住，薄薄嘅苦瓜片，點啲蜜糖去食，好特別，亦好好味，一啲都唔苦，家人都好鍾意食，推介大家必食香伴海蜇頭呢個唔太特別，出邊有得食，不過味道都幾好味九轉小腸係蠟燭仔暖住上，不過一上枱就發現無左火要重點過，不過呢個味道又係好好味，豬大腸feel，又滑溜又唔會話食左好滯，我食左好多竹蔘海鮮羹menu寫嘅同上菜嘅次序。。。好似有啲唔同，唔係前菜後就上不過個羹好水，無乜特別蒜蓉蒸蝦開邊蒸容易食，不過唔係咩特別菜色，蝦都偏向細隻，無乜肉食

雖然住附近但都只係食過兩次✌🏿，主要係價格偏高😖當日小女子牛一生日🎂，屋企長輩話食個lunch同我慶祝下🍴🍽，周圍中菜餐廳都大排長龍👨‍👨‍👧‍👧👨‍👨‍👦‍👦👨‍👩‍👧‍👧👩‍👩‍👧‍👧👨‍👩‍👧‍👦👨‍👨‍👦‍👦👨‍👩‍👧‍👦👨‍👨‍👧‍👦👨‍👩‍👧👨‍👨‍👧👨‍👩‍👧，路徑莆田見到有位，長輩們唔想等位所以就入佐當然叫佐個4人餐，lunch set..但竟然來錯佐dinner set既前菜，變相變佐豐盛既一餐😳😳我當時反覆問佐兩次唔同侍應點解個前菜會係呢d，有無落錯單😳，佢地都話無😳，但當我地食完幾個前菜，經理就過來同我地解釋返係落錯佐，落佐dinner😳😳唔通生日當日真係特別幸運的girl😂哈哈小女子在此講聲多謝清甜爽脆，有疊蜂蜜比你點來食，不過係苦瓜片，屋企人唔食，得我食幾特別既，不過呢個係來錯佐既前菜👀嘻嘻，鮑魚啊，係冰鎮鮑魚啊，就係鮑魚咯，無咩特別，夏天食都ok呢個不過不失，無咩特別條魚好多骨😱😱😱，如果食真係要小心d骨😑，特別係小朋友，唔算好辣👀總論而言，唔係特別好食，不過真係偏貴

慕名新加坡米芝蓮推介而來，見到14:30開始有下午茶餐，同屋企人黎試一試，叫左3個餐，每個餐有2款小食($49)或小菜($69)，包一款主食，一款甜品，免茶錢，餐桌小食菜莆就要20蚊，價錢唔算貴。小食食左米糕，黃金糕，味道清甜幼滑，帶少許咬勁。炸黃金磚係幾層幾腐皮同魚肉夾住黎炸，充滿魚鮮香味，夠香脆。炸小雲吞咁既個碟係包住魚肉既炸雲吞，加泰式辣醬好脆口好惹味。中間是甜品凍冰糖紅棗燉雪耳，夠清潤。小菜餐加左22蚊變成5款小菜，比較出色既係涼拌紫菜，加左脆脆蝦米同甜醋，非常醒胃。油豆腐既滷水汁亦幾惹味，豆腐夠香滑。豬潤同炆筍就平平。主食炒米粉有好多海鮮，米粉好幼好滑。醬爆肉絲米線，醬汁好香，福建米線好滑，老人家都好適合食。包菜飯有菜莆腩肉炒成，味道平平。埋單二百頭，3位黎講價錢合理，環境服務不錯，但味道沒有驚喜。

一直想試福建菜，呢間嘅評語好好，所以一家人Book咗8:30喺莆田共聚晚餐。我哋準時到達，接待員唔太專業，亦有啲混亂，我哋等咗大約二十分鐘入座。之前已經睇過其他人推介嘅菜色，已經諗定食啲咩。餐前小食有兩款，紫菜花生以及菜圃，紫菜蘇脆，花生香口，菜圃亦爽口。第一道係菜九轉小腸我本身好鐘意食內臟，好淋好入味，無異味。第二道係百秒黃花魚，湯略帶鹹，魚肉嫩滑。第三道係椒鹽豬手，屋企人話好味，我覺得冇咩肉。第四道係酥炒芋芯，好香，唔覺得乾。第五道係脆皮蒜香雞，味道唔錯但無驚喜，好多地方都食到。第六道係興化米粉，好農家感覺嘅一道菜。

是日難得同友人食晚飯, 友人比較喜歡食中菜, 經過見到莆田, 想起過江龍新加坡莆田菜館仍提供褔建莆田菜, 定必合佢口胃.蝦苗拌頭水紫菜, 紫菜同平日食過嘅好唔同, 佢比較幼身嫩滑, 有少少醋味, 作為前菜十分合適.莆田扁肉湯係福建手工菜, 肉餃乃燕皮以棒反覆打扁豬肉而成. 扁肉餃細細隻味道鮮甜不錯, 不過個湯加醋就唔係好啱飲.酥炒芋芯外酥內軟, 咸中帶甜, 有少少似潮州反沙芋.莆田燜豆腐帶焦香味, 碎豆腐配上瑤柱、瘦肉、冬菇、雞蛋同燜, 餐牌寫話此菜補中益氣、和胃清肺、美容養顏, 養生菜最啱媽咪食. 菜館提供菊花茶, 清清地配莆田菜幾好.

講左好耐 終於等到2:30先去食莆田個下午茶有兩個選擇: ($48 兩款小食/ $68 五款小食 ) 兩個都配一主食同甜品由於每款小食都想試下 就決定點兩個$68餐 甘就全部都可以試曬蝦苗拌紫菜依個好食 酸酸甜甜好醒胃冰浸苦瓜聽人講到好好食 仲叫左兩個添 一般吧 無想像中甘好味 只是超薄苦瓜浸蜂蜜家常燜筍乾普通筍乾 可以吾試鹵水嫩豆腐好普通 都吾滑既d豆腐杞子白米糕好甜 我吾鐘意古法蕃薯包我鐘意依個 好有蕃薯味得一款甜品揀 就係冰糖雪耳估佢吾到 好有膠質 而且好好味主食方面包菜拌飯個飯有d似福建既咸飯入面有五花腩肉 生菜 蝦米 我覺得馬馬地好食 屋企咸飯整得仲好食d興化米粉個米粉就真係吾錯喇有一隻蝦兩隻蜆 炸洋蔥炸花生等等 好多料雖然油左d 但好好味糯米小丸子仲以為係類似糖不甩既野 原來係芝麻湯丸上面再加花生粉~吾會好甜 但一啖食左 滯滯地最後推薦個蕃薯包！真係幾好味～

很久之前已經知道有這間餐廳，有朋友之前來過，推介豬手正，於是今天便來試試我們點了一客精美四小拼，貪佢可以試多幾款，有蝦苗拌頭水紫菜，水晶豬蹄凍，滷水自制豆腐，九轉小腸。最喜愛九轉小腸，不肥膩，沒有臭味，處理得非常好之後到主角出場啦，極品椒鹽豬手，大大件，每件只有$39，抵食。餐廳會比手套揸住成舊食，特別好味。皮當然是脆卜卜，內裹的骨，肉也很鬆化，還是大量骨膠原的物體，真係超正 最來還有興化炒米粉，乾身爽口，而且用上極超幼的米粉，我喜歡