莆田 (PopCorn 2)

營業中

休息中

呢間新加坡米芝蓮餐廳，一直心思思想試，前排終於同媽媽去咗食個下午茶~每份下午茶可以揀兩款小菜加一款主食，另外仲有個甜品，我地兩個人就可以 share 四個小菜加兩個主食喇~ 哈哈先講主食，興化炒米粉好好味! 好鬆化，又唔太油~ 個包菜飯都唔錯~小菜叫咗蝦苗拌頭水紫菜，家常燜筍乾，滷水自製豆腐，仲有款豬膶，款款都ok，最鍾意個豆腐~甜品都幾好味~ 仲有壺菊花茶，好好飲! 好清甜! 特別一提不論係主食定小菜甜品，款款都係細細碗細細碟，配埋d靚靚餐具好精緻，絕對係品味食物多於醫肚~ 可能因為份量唔算多，下午茶時段唔太多人，可以搵個悠閒嘅下午去試食~

一家人約埋朋友一齊食飯因為有7大1B，俾左張大圓枱俾我地，坐得鬆動啲，可以放下野咁多人，叫套餐就唔駛煩反正之前食過lunch，味道係幾好所以對呢間食肆好有信心，相信家人會喜歡雖然7個大人，不過叫6人餐又唔夠飽，諗住8人餐，每人食多少少先來係前菜5碟（如果人少，食呢個前菜用盒仔裝，感覺好精緻㗎，不過原來人多，會放係隻碟，突然有啲失望添，俾唔多家人睇咁精緻嘅感覺）介紹下啲前菜先水晶豬蹄凍，食落口感好豐富，好似好多骨膠原感覺，味道唔會話偏咸，好味蝦苗伴頭水紫菜其實搵唔到蝦苗但見呢間鋪頭嘅電視播紫菜嘅片段，應該好特別，而家人都覺得好味，出邊都未食過，推介大家必食冰浸苦瓜用冰浸住，薄薄嘅苦瓜片，點啲蜜糖去食，好特別，亦好好味，一啲都唔苦，家人都好鍾意食，推介大家必食香伴海蜇頭呢個唔太特別，出邊有得食，不過味道都幾好味九轉小腸係蠟燭仔暖住上，不過一上枱就發現無左火要重點過，不過呢個味道又係好好味，豬大腸feel，又滑溜又唔會話食左好滯，我食左好多竹蔘海鮮羹menu寫嘅同上菜嘅次序。。。好似有啲唔同，唔係前菜後就上不過個羹好水，無乜特別蒜蓉蒸蝦開邊蒸容易食，不過唔係咩特別菜色，蝦都偏向細隻，無乜肉食

雖然住附近但都只係食過兩次✌🏿，主要係價格偏高😖當日小女子牛一生日🎂，屋企長輩話食個lunch同我慶祝下🍴🍽，周圍中菜餐廳都大排長龍👨‍👨‍👧‍👧👨‍👨‍👦‍👦👨‍👩‍👧‍👧👩‍👩‍👧‍👧👨‍👩‍👧‍👦👨‍👨‍👦‍👦👨‍👩‍👧‍👦👨‍👨‍👧‍👦👨‍👩‍👧👨‍👨‍👧👨‍👩‍👧，路徑莆田見到有位，長輩們唔想等位所以就入佐當然叫佐個4人餐，lunch set..但竟然來錯佐dinner set既前菜，變相變佐豐盛既一餐😳😳我當時反覆問佐兩次唔同侍應點解個前菜會係呢d，有無落錯單😳，佢地都話無😳，但當我地食完幾個前菜，經理就過來同我地解釋返係落錯佐，落佐dinner😳😳唔通生日當日真係特別幸運的girl😂哈哈小女子在此講聲多謝清甜爽脆，有疊蜂蜜比你點來食，不過係苦瓜片，屋企人唔食，得我食幾特別既，不過呢個係來錯佐既前菜👀嘻嘻，鮑魚啊，係冰鎮鮑魚啊，就係鮑魚咯，無咩特別，夏天食都ok呢個不過不失，無咩特別條魚好多骨😱😱😱，如果食真係要小心d骨😑，特別係小朋友，唔算好辣👀總論而言，唔係特別好食，不過真係偏貴

慕名新加坡米芝蓮推介而來，見到14:30開始有下午茶餐，同屋企人黎試一試，叫左3個餐，每個餐有2款小食($49)或小菜($69)，包一款主食，一款甜品，免茶錢，餐桌小食菜莆就要20蚊，價錢唔算貴。小食食左米糕，黃金糕，味道清甜幼滑，帶少許咬勁。炸黃金磚係幾層幾腐皮同魚肉夾住黎炸，充滿魚鮮香味，夠香脆。炸小雲吞咁既個碟係包住魚肉既炸雲吞，加泰式辣醬好脆口好惹味。中間是甜品凍冰糖紅棗燉雪耳，夠清潤。小菜餐加左22蚊變成5款小菜，比較出色既係涼拌紫菜，加左脆脆蝦米同甜醋，非常醒胃。油豆腐既滷水汁亦幾惹味，豆腐夠香滑。豬潤同炆筍就平平。主食炒米粉有好多海鮮，米粉好幼好滑。醬爆肉絲米線，醬汁好香，福建米線好滑，老人家都好適合食。包菜飯有菜莆腩肉炒成，味道平平。埋單二百頭，3位黎講價錢合理，環境服務不錯，但味道沒有驚喜。

一直想試福建菜，呢間嘅評語好好，所以一家人Book咗8:30喺莆田共聚晚餐。我哋準時到達，接待員唔太專業，亦有啲混亂，我哋等咗大約二十分鐘入座。之前已經睇過其他人推介嘅菜色，已經諗定食啲咩。餐前小食有兩款，紫菜花生以及菜圃，紫菜蘇脆，花生香口，菜圃亦爽口。第一道係菜九轉小腸我本身好鐘意食內臟，好淋好入味，無異味。第二道係百秒黃花魚，湯略帶鹹，魚肉嫩滑。第三道係椒鹽豬手，屋企人話好味，我覺得冇咩肉。第四道係酥炒芋芯，好香，唔覺得乾。第五道係脆皮蒜香雞，味道唔錯但無驚喜，好多地方都食到。第六道係興化米粉，好農家感覺嘅一道菜。

是日難得同友人食晚飯, 友人比較喜歡食中菜, 經過見到莆田, 想起過江龍新加坡莆田菜館仍提供褔建莆田菜, 定必合佢口胃.蝦苗拌頭水紫菜, 紫菜同平日食過嘅好唔同, 佢比較幼身嫩滑, 有少少醋味, 作為前菜十分合適.莆田扁肉湯係福建手工菜, 肉餃乃燕皮以棒反覆打扁豬肉而成. 扁肉餃細細隻味道鮮甜不錯, 不過個湯加醋就唔係好啱飲.酥炒芋芯外酥內軟, 咸中帶甜, 有少少似潮州反沙芋.莆田燜豆腐帶焦香味, 碎豆腐配上瑤柱、瘦肉、冬菇、雞蛋同燜, 餐牌寫話此菜補中益氣、和胃清肺、美容養顏, 養生菜最啱媽咪食. 菜館提供菊花茶, 清清地配莆田菜幾好.

講左好耐 終於等到2:30先去食莆田個下午茶有兩個選擇: ($48 兩款小食/ $68 五款小食 ) 兩個都配一主食同甜品由於每款小食都想試下 就決定點兩個$68餐 甘就全部都可以試曬蝦苗拌紫菜依個好食 酸酸甜甜好醒胃冰浸苦瓜聽人講到好好食 仲叫左兩個添 一般吧 無想像中甘好味 只是超薄苦瓜浸蜂蜜家常燜筍乾普通筍乾 可以吾試鹵水嫩豆腐好普通 都吾滑既d豆腐杞子白米糕好甜 我吾鐘意古法蕃薯包我鐘意依個 好有蕃薯味得一款甜品揀 就係冰糖雪耳估佢吾到 好有膠質 而且好好味主食方面包菜拌飯個飯有d似福建既咸飯入面有五花腩肉 生菜 蝦米 我覺得馬馬地好食 屋企咸飯整得仲好食d興化米粉個米粉就真係吾錯喇有一隻蝦兩隻蜆 炸洋蔥炸花生等等 好多料雖然油左d 但好好味糯米小丸子仲以為係類似糖不甩既野 原來係芝麻湯丸上面再加花生粉~吾會好甜 但一啖食左 滯滯地最後推薦個蕃薯包！真係幾好味～

很久之前已經知道有這間餐廳，有朋友之前來過，推介豬手正，於是今天便來試試我們點了一客精美四小拼，貪佢可以試多幾款，有蝦苗拌頭水紫菜，水晶豬蹄凍，滷水自制豆腐，九轉小腸。最喜愛九轉小腸，不肥膩，沒有臭味，處理得非常好之後到主角出場啦，極品椒鹽豬手，大大件，每件只有$39，抵食。餐廳會比手套揸住成舊食，特別好味。皮當然是脆卜卜，內裹的骨，肉也很鬆化，還是大量骨膠原的物體，真係超正 最來還有興化炒米粉，乾身爽口，而且用上極超幼的米粉，我喜歡

將軍澳站附近因爲有酒店，所以有很多下午茶的選擇，我大部分都試過，各有特色，今次來到將軍澳都四點多，大部分食店都準備晚市，暫停了下午茶，只有這間可以到五點多才落場準備晚市，那我們便懷著一個試新菜的喜悅去試一試。聽朋友介紹，這間店是食福建菜的。我都好少接觸，不過應該都係粥粉麵飯。以下是我們所點的部分：其實那個三小碟係可以選擇的。如果想食多幾款，加錢就成。本人覺得每人三款已經足夠，賣相很好，但食物本身都唔算什麼特別食材，所以只能滿足視覺，未能滿足味覺，主菜我選擇了炒粉，好彩這個都唔失禮，口感可以，朋友點選了湯粉，送來時已經無曬水，最後都只是試過就算。這裡可以是聚餐的好地方，因為地方夠大，坐位和坐位之間都唔太窄，但如果想食美味下午茶，就會失望而歸。

吃了377HKD，原本就不是很餓所以不小心點多了就打包來大概三分之一回家。味道都不錯的但吃的嘴巴有點干最後點了份香茅凍～好喜歡吃！解渴，但裡面的水果丁真的很少......豬手很好吃熱辣辣的外脆里嫩。凍豬蹄和飯一般般，可點可不點。另外黃花魚肉很嫩，只是個人覺得薑味過重了除了食物味道餐廳整體服務都不錯的，四道菜15分鐘就上齊了，很快。座位偏擠了。

中學好友請我食生日飯，地點要就腳，所以又係將軍澳！因為得兩個女仔，所以叫左一個蠔餅（$118）、一個莆田滷麵（$79）。蠔餅-一品海蠣煎（$118）兩個女仔食一個蠔餅！真係有點誇張😂但朋友好鍾意食炸野，唯有一齊食！蠔餅好大份，炸得非常香脆！蛋漿有許多蔥花碎，充滿蛋香，非常香口。蠔仔好肥美新鮮，沒有沙粒，份量也不少！由於蠔餅太大份，所以都食唔到太多菜式。莆田滷麵（$79）滷麵湯底用蒜爆香，有鮮蝦、蜆肉等海鮮，湯底熱燙燙的，惹味之餘不會太鹹！麵質亦不會太淋，令人好滿足！：D總結餐廳質素穩定，地點方便，環境舒適，是我多次光顧的原因！

每次去 Pop Corn 逛街路過莆田，媽媽必要停一停睇餐牌，因為餐目差不多款款菜色單憑照片已經令人食指大動。將鄉村風味融入現代感嘅閩菜餐館而且屢獲飲食獎項，我斗膽肯定香港僅此一家。不過次次都好大群客人等檯。終於八月有一晚涯餓逛到差不多九點，唔需要等位接待員就直接帶我哋入席。肚子餓嘅時候「眾多選擇」真係特別難做決定，幸好侍應生好好耐性介紹莆田最受客人歡迎嘅菜色，而且又講解廚師大概如何準備某些菜色嘅食材。頭盤叫咗一份蝦苗伴紫菜，一份花雕酒蒸蟶子。混入香醋嘅紫菜爽口彈牙，帶點酸酸嘅味道令人特別開胃，美中不足就係蝦苗迷你到唔係好顯眼。上碟後嘅賣相亦值得一讚，因為餐牌上嘅圖係無青瓜片圍住紫菜ga！花雕酒蒸蟶子簡直一百個讚！其實我同媽媽都好鍾意海鮮，不過每次想食貝殼類海產都好怕有沙。莆田嘅侍應生極力推介蟶子因為係季節性限量供應，而且廚師亦晨早讓蟶子吐沙可以令客人安心享用。清香嘅花雕酒味配合蟶子簡直絕配，而且密密麻麻排滿容器有 16 隻，童叟無欺！雖然其中一兩隻有少許沙要吐出，不過都係好幼細嘅沙唔會咬壞牙齒，我哋亦好明白貝殼類再清洗N次都無可能完全去沙。所以真係好期待下季蟶子當灶，再次黎莆田品嚐其

Glad Putien didn't disappoint me this time because they disappointed me earlier at Diamond Hill twice.Anyway, it is good to see they have new items all the time.Cute rice bear!I wonder if the rice is that touching to make you cry from the Chinese wording.Overall, the food was good this time, there was no smelly pork or overly oily dishes.

呢間新派福建菜過江龍，午市同晚市例必人頭湧湧大排長龍，今日打次突襲，吼準TEA TIME唔使排隊就嚟儃番個下午茶。餐廳裝修新潮，以TIFFANY BLUE同白色為主調，光猛乾淨，坐得舒服。侍應好敏捷提供一壺菊花茶，出奇地好飲，每張枱只提供自家制辣醬，少酸少辣，非常開胃。下午茶總共提供八款小食/點心同4款主食，眼見樣樣都好吸引，於是我研究吓點先可以貪心啲試晒佢。終於我叫咗大小兩款下午茶餐再加$10追加一款ITEM,就可以一網打盡喇兩款點心/小食下午茶餐$48五款點心/小食下午茶餐$68追加一款點心/小食$10鹵水自制豆腐-左上自制豆腐比較似我哋食開嘅豆卜，鹵水完全滲透，又鹹又甜嘅鹵水豆腐，又係開胃之選。家常燜筍乾-中上筍乾片浸住濃郁醬汁，重口味，入口爽甜，好有家鄉風味。冰浸苦瓜-右上跟次序先試涼盤，苦瓜切得透光，入口爽脆清涼，微苦刺激味蕾，分泌唾液，令我胃口大開。水晶豬蹄凍-左中淨係造型已經靚到唔捨得食，整到粒骰咁嘅豬蹄凍，入口即溶，少少鹹嘅豬肉啫喱，比一般長條型嘅鎮江肴肉更易入口。雪耳紅棗糖水-中央凍食好滋潤，糖水清澈，唔會因為有雪耳而杰撻撻。蓮子尚算鬆化，原粒紅棗煮得熟透，簡單甜品都

1430-1630是平日下午茶的時間 食物不錯 種類不少 份量也合適 還奉上菊花茶 非常值得推薦可惜侍應竟於1550 就拒絕客人入座 說1615必須清場明明下午茶大海報上寫著至1630的呀 莫非侍應視中場休息為第一優先？若這是公司規則 請改印下午茶海報 更正供餐時間 否則應訓示員工 以客為先 個人認為即使客人1615 行入餐廳 也應招待 並禮貌提醒客人 餐廳下午茶只供應至下午四時 餐廳會中場休息 其實餐廳附近有不少選擇 例如豆子餐廳也不錯呀 希望管理層關注此情況