莆田 (PopCorn 2)

營業中

休息中

今日趕唔切回家煮飯,又要買外賣啦…食咩好呢?呢兩三年抗疫期間不停叫外賣,淨係諗食乜都諗到頭痛。醒起附近有間莆田,上次外賣都覺得好好食,咁今日就番食啦!我梗係電話落咗order,然後自取先至係最醒目。於是喺openrice上睇返啲熱門菜式,跟住叫…芋香鴨,椒鹽豬手,興化炒米粉,莆田荔枝肉,黃金荷葉包,漁民紫菜燜飯菜,金湯時蔬,同埋砂鍋黃花魚湯。由於太肚餓,瘋狂地四個人嗌咗八個餸!好彩外賣自取有七折,如果堂食就真係有d肉赤。我好耐冇寫食評,皆因近來都冇咩出色嘅食物令我振奮。呢餐外賣就能夠激發我重寫食評嘅興趣喎,總之,兩個字"出色"!我從來寫食評都冇哇眾取寵,有嗰句講嗰句。先夾一舊芋香鴨,真係又香又好食! 我本來打算order四隻椒鹽豬手,接電話嘅職員好老實咁提我,兩隻都夠,真係喎,兩個人share一隻就啱啱好,一個人食曬一隻就會太肥膩囉。不得不提嘅砂鍋黃花魚湯,其實即係黃花魚豆腐湯,以為家常湯冇乜特別啦,我平時自己屋企都有煲魚湯㗎啦,呷一啖,果然有料到👍非常濃沃嘅魚味,加上豆腐又好濃豆味,我哋全家爭住飲,一滴不漏。搞到我要自我反省,我自家製嘅豆腐魚湯係咪有咩出錯,同人爭幾丈遠喎😵‍💫,下次

又嚟喇…「莆田」，上次試過其午餐，覺得味道唔錯、幾抵食又坐得舒服；今次途經PopCorn，👀有兩款下午茶套餐，款式頗特別，於是與 honey 入內試下！😉一坐底就有👆🏻小食～“酸蘿蔔”，認真醒胃，跟著其餘食物陸續上枱 😃👆🏻各款小點，大致上各有特色都👍🏻😋：有冰浸苦瓜、酥炸莆田扁肉、滷水嫩豆腐、水晶豬蹄凍、番薯包、蝦苗拌頭水紫菜、莆田糯米丸、蓮子雪耳湯…而我覺得最就係：* 冰浸苦瓜～苦瓜清甜爽口、甘甘哋* 水晶豬蹄凍～爽爽哋、咸咸哋，入口即溶幾得意* 蓮子雪耳湯～蓮子夠淋甜、雪耳爽口、糖水唔漏*  莆田糯米丸～糯米煙煙韌韌又軟熟，兼有香滑芝麻餡👆🏻主餐有“醬爆肉絲湯麵”～肉絲湯麵就一般啦…不過不失，但值得一提係“漁民紫菜燜飯”，估唔到燜飯好有紫菜淡香味兼有咬口 👍🏻😋

食品雖然好味，門口招待客人職員態度良好，但內堂職員態度差，廚房職員安排出菜亂，已經第三次遇到這情況，如果唔係因為啲嘢好食，都唔會再三次俾機會，但唔會再給予機會啦，拒絕再幫襯。

🦪莆田 (PopCorn)🦪-· 鮑魚海參大蝦盆菜 除咗鮑魚海參同埋大蝦🤩仲有乾瑤柱、蟶子、花菇等等食材🥳盆菜唔會過鹹☺️花膠超有膠質！下邊仲有啲菜索晒啲汁😍正-· 莆田扁肉湯有少少似得一粒肉嘅雲吞😂湯入邊有紫菜😍成碗湯飲落好鮮😍同埋十分暖胃-· 軟煎黄花魚平時自己都會買黃花魚黎煎☺️但係多數都係煎到個皮脆卜卜🤣第一次食加埋獻汁🥰幾特別😙-· 傳統海蠣煎有啲似蠔仔煎但係佢仲要再細啲😋煎得好香口仲有配個辣醬一齊食😚-•酥炒芋芯一開始以為係反沙芋🥰但係佢食落有少少鹹香味😂我本身好鍾意食芋頭嘅就覺得好好食🤣-· 莆田鹵麵佢係一種福建傳統嘅主食黎😍入邊有大蝦、蜆肉等等🤩佢嘅湯係好𠎀身，變到獻咁樣😚所以好掛汁🥳—推介指數：8/10———————————————🔺 莆田 (PopCorn) (將軍澳)🔺 將軍澳唐賢街9號PopCorn商場1樓F94號舖-----------------------

⏱時間過得真係快，又就快新年🧧見依家疫情嚴重咗，驚過年做節會好多人，所以同屋企人決定提前做節💥盆滿鉢滿飽魚大蝦盆菜（4人）$988材料非常豐富，入面有成12種食材，瑤柱、鮑魚、海參、花膠、冬菇、蟶乾、雞翼、燒肉、發菜、大蝦、白靈菇同蘿蔔，款款都索晒汁，勁入味✨另外仲有提供6/8/12人份量，新年做節外賣拎返屋企食就啱晒勒！💥扁肉湯 $22@扁肉皮相當透薄，內裡肉餡鮮嫩多汁湯嘅味道帶點酸味，令人胃口大開💥福建特式海蠣煎 $119餐廳做緊海蠣節，有7種唔同款式，我哋就揀咗海蠣煎，好有驚喜，蠔仔超多，平時喺打冷舖食得個幾粒仔，呢度係勁多蠔仔，仲要一啲都唔腥，我自己一個人都食咗半碟🙊💥軟煎黃花魚 $188阿爸阿媽好鍾意食魚，簡直係魚痴🤪呢條黃花魚煎得塊魚皮脆卜卜，魚肉細嫩，味道十分鮮美，啱晒兩位魚痴胃口😌💥酥炒芋芯 $89芋芯外酥內糯，外層甜甜地，好好味😋💥興化米粉 $88米粉細膩柔滑，加上多種配料，口感清新爽口！

因為疫情關係冇得堂食晚市🙈所以我地嘅家庭聚餐就改咗下午黎莆田食盆菜豐富到唔使食晚餐已經好滿足😝.🌟盤滿缽滿鮑魚大蝦盆菜 ($988/4人份)新年最好就係食盆菜 因為咩餸都有d 仲可以一次過食晒各種高級食材🍲呢個盆菜有12款食材 包括鮑魚、瑤柱、海參、花菇、蟶乾、雞翼、燒肉、髮菜、花膠、白靈菇、大蝦、蘿蔔認真非常豐富 而且真材實料 份量好夠四人食😛當中我最欣賞花膠煮得好滑又彈牙 而且鮑魚腍得黎又有𡁻口 海參亦都好出色餐廳仲有提供6人、8人同12人份量  可以外賣自取啱晒做節帶返屋企同家人分享👍🏻.🌟軟煎大黃花魚 ($188)我地屋企好少食黃花魚🐟 見到menu介紹佢地用左福建寧德嘅黃花魚就諗住試下呢道福建菜黃花魚先煎後炸 之後先加入醬汁燜煮所以煮到魚肉外酥內軟 果然唔錯.🌟福建特色海蠣煎 ($119)海蠣即係我地平日叫開嘅蠔仔 或者台灣嘅蚵仔🦪大大粒蠔仔加埋蔥加埋蛋漿一齊煎 再加埋甜辣醬非常惹味 將蠔仔嘅鮮味更加提鮮 餐廳做緊海蠣節 一次過點兩款有海蠣嘅菜式只係平均$100啱晒海鮮愛好者😚.🌟紅菇海鮮滷麵 ($108)滷麵分量十足 雞湯湯底濃郁🍜加上有好多材料 例如蝦、紅菇、香芹、椰菜、

莆田 (PopCorn) (將軍澳).無得食晚市後要出街食只好晏就🥺今日就係屋企樓下附近食個lunch透透氣！. ▪️新春四人盤菜▪️.呢個盆菜真係超正，最細分嘅四人就已經可以食！而且用料充足，仲要個汁好好味😋有瑤柱鮑魚海參花膠花菇蟶子乾雞翼燒肉髮菜以及大蝦🍤 四個人食都一大煲盤滿缽滿！超級之推薦大家新年可以叫佢呢個嚟食！去到10人份量都有㗎！.▪️扁肉湯▪️.呢個同我男朋友讚不絕口，仲甚至話我飲唔晒做咩唔俾佢飲😂微酸加上大量紫菜，扁肉就好似一粒粒雲吞仔，好好食！.▪️軟煎黃花魚▪️.細細條黃花魚非常之入味，雖然係比較多骨但係啲魚肉真係好滑，個汁甜甜地烹調得恰到好處。.▪️海蠣煎🦪▪️.呢個相信大家都唔陌生，就係煎蠔餅咁樣，邊皮煎得微焦，香的蛋香再加上勁多海蠣！ ！ ！.▪️酥炒芋芯▪️.愛好芋頭人士是必叫！外層嘅脆糖再加上炸過嘅芋頭，芋頭粒非常綿同粉！.▪️興化米粉▪️.呢個算係莆田嘅招牌菜之一，因為基本上我哋每次嚟到都會食。個米粉係屬於比較乾身同埋綿，我爸爸媽媽就唔係好鍾意因為覺得佢好似一啖棉花咁樣😂但係我哋兩個就好鍾意就因為覺得個獨有酸甜汁配埋個咁綿嘅米粉很不錯！.📌 莆田 (PopCorn) (將軍澳

成日搭地鐵都見到呢間餐廳海蠣節banner，仲好記得佢有句slogan係愈吃愈蠣害🤣🤣今次除咗食海蠣節item，仲食埋新年必食嘅盤菜，食到好飽好滿足啊🍲盆菜有鮑魚、花膠、海蔘、瑶柱、大蝦、蟶乾、白靈菇、大花菇、雞翼、燒肉、菜、蘿蔔鮑魚花膠燜到好入味；大花菇大粒又爽口；白靈菇好好食又爽口，口感感覺似食鮑片咁，食咗好多；蟶乾第一次試，味道幾好；菜同蘿蔔索晒啲汁，正～🥢軟煎黃花魚平時都好鐘意食煎黃花魚，呢個加埋茄汁滋味好多🥢海蠣煎好鐘意食～其實就係蠔仔蛋咁，好多海蠣，蛋又煎得香，可以加埋辣醬一齊食🥢酥炒芋芯似反沙芋咁，呢個炒芋芯，外面有糖嘅關係，外面好脆，入面實淨，甜甜哋好食🥢興化米粉炒米粉最重要係炒得夠乾身，呢個完全做到，米粉幼身，加埋其他材料好食🥄扁肉湯有啲紫菜嘅湯，呢件扁肉其實係好似雲吞皮包住扁肉咁，扁肉調味好，幾好食🚩莆田 (PopCorn) (將軍澳) 莆田香港📍將軍澳唐賢街9號PopCorn商場1樓F94號舖

就快到新年🎊🧧要物識盆菜同家人團年食見到莆田推出左盆菜就同朋友去試一試👭最近餐廳仲推出海蠣節有一系列嘅海蠣美食選擇員工服務非常殷勤盆菜份量好足夠🔸盤滿缽滿鮑魚大蝦盆菜 $988 (4人份量)一盆包含12款美食，有鮑魚、大蝦、燒肉、雞翼、迷你海參、瑤柱、冬菇、花膠、百靈菇、髮菜、蟶乾、蘿蔔。真係包羅萬有，款款都索晒汁好入味，唔會好鹹👍四人份量都好足料🍃🔸傳統海蠣煎 $119呢款係餐廳必食推介，蛋餅內有好多海蠣。完全搵唔到有缺海蠣嘅位置😮海蠣仲要非常鮮甜，蛋完全無搶左海蠣風頭，兩者比例配搭得完美😋🔸軟煎黃花魚🐟 $188本來擔心會有魚腥味，但食落好香滑無腥味。條魚煎完再淋上醬汁，魚肉配埋個甜甜地嘅醬汁，好開胃惹味🔸酥炒芋芯 $89外層有酥脆甜甜嘅口感😀咬開芋頭味十足，唔會過淋，有拔絲感覺。🔸興化米粉 $88例 / $168大份米粉份量好多，當中有脆紫菜、蝦米、🦐大蝦、蜆、腩肉，炒得好入味，米粉好幼唔會痴埋晒一舊，條條分明！推介🔸莆田扁肉湯 $22呢款係餐廳招牌菜。湯入面有唔少好似雲吞嘅扁肉，飲落微酸， 幾開胃😆

想食正宗福建菜, 莆田係一間好選擇, 臨近新年佢哋仲推出咗盆菜, 四人盆菜都只係$8999, 材料豐富, 鮑魚, 海參, 帶子, 大蝦, 蟶子等等, 諗起就想食多次。紅菇海鮮滷麵: 一碗麵有十三種鮮味食材， 香港比較少有嘅紅菇原來食落好似海鮮咁有鮮味， 配埋蟶子干， 花甲，鮮蝦等提鮮嘅食材， 成碗麵我連湯都想飲曬去， 唔嗌就後悔😁😁海蠣煎: 即係蠔仔煎餅😁, 細細粒蠔仔蠔味十足, 而且營養豐富, 煎到好似薄餅咁外圍金黃輕微脆卜卜😍, 然後每一啖都有幾粒蠔仔肉, 加上而家當造， 蠔仔非常肥美creamy， 超正🤤扁肉湯: 真係好耐冇食過呢種咁正宗嘅福建味道, 用豬肉為主要材料做成嘅小雲吞, 配上自家研發嘅鮮味湯底同埋紫菜, 又係可以一人食兩碗嘅😳❤️~~~~~~~~😋味道: 9/10📸賣相: 8/10🛋️環境：8/10💁‍♂️服務: 8/10💎性價比: 8.5/10💲人均：$200up⏪回頭率：80%~~~~~📍莆田 (PopCorn)將軍澳唐賢街9號PopCorn商場1樓F94號舖~~~~~

一直未試過新加坡米芝蓮一星嘅莆田，尋晚同朋友經過見唔多人就入去試吓，咁啱遇上莆田海蠣節，$209有兩道菜，抵！兩個人叫咗招牌特色海蠣煎同九層塔香燜海蠣。前者有福建特色，蛋、粉漿同海蠣嘅比例啱啱好，食得出海蠣好新鮮本身配一個微辣嘅汁，都幾開胃，但我同朋友都覺得海蠣煎同魚露嗰種鹹鮮先最夾，問一問侍應又真係有魚露提供，服務真係唔錯。後者一上菜，侍應就將酥炸過嘅海蠣同九層塔紫洋蔥煮嘅汁醬混合，又香又惹味，啱晒伴飯。不得不讚嘅係枱上一早備好嘅茶，原先以為係茶膽，冇期望，但飲落有菊花清香，清新解膩。

莆田之前食過一次，味道一般。隔咗一排，朋友話呢間愈食愈好味😅😂於是帶我去食，味道又好似真係改善咗唔少。夜晚唔算多人，都算坐得舒服，可以慢慢食慢慢吹水😌仲叫咗碗面（無影到相），份量都幾多，味道都唔差。

PopCorn「莆田」的午市套餐，啲食物拍攝得好精美、價錢唔算貴又免茶加一服務費，吸引了我和honey去試下 😉一入內環境好清靜優美，彩藍色椅子好醒神，令人覺得好relax ☺我們選了角位坐下後，便點了兩個套餐試食🤤👆🏻先嚟6款前菜～每款各具特色，味道咸淡適中，全部都😋。而我最喜歡就係“冰鎮苦瓜”，食落清甜兼爽口，而“蝦苗拌頭水紫菜”，酸酸甜甜好醒胃 😚👆🏻每日不同燉湯，今日係“蟲草花淮山排骨燉湯”，湯味比較淡，食落淮山少少似蕃薯，排骨肉質淋滑 😚👆🏻“漁民紫菜燜飯”～飯味頗特別，有啲淡菜味，好有咬口，加埋蔥花 👍🏻😋👆🏻“興化炒米粉”～蜆肉比教細但好好味冇沙、豆腐乾好入味、蝦爽甜紫菜脆，米粉係用非常幼細果款，炒得好鬆軟 👍🏻😋👆🏻“菊花茶”～一般食肆提供嘅茶唔會有咩特別，但估唔到呢杯好濃菊花香味，飲落非常清甜舒服 superb 👍🏻😘👆🏻最後還有意外驚喜～原來適逢「莆田」開店21周年，所以每位客戶贈送一樽“秘製辣椒醬” 👍🏻😃總體而言，今餐食得頗滿意，坐得舒適、食得開心，兼有贈品！😁

🍭莆田係一間主打興化菜餚嘅餐廳，食材新鮮直接由當地運送到港，務求達到原汁原味鄉土純樸的氣息，係香港少有的精緻福建菜😛椒鹽豬手呢個猪手簡直不得了，咬開香脆惹味嘅外皮，內裡係滿滿嘅骨膠原，完全冇油膩感同埋肥膏，超級惹味，好正呀莆田紅菇海鮮鹵麵味道好特別，海鮮同紅菇令到個湯底幾鮮甜，配料都幾多，個人覺得個麵偏淋咗dd炒蜆味道可以，但冇咩鑊氣，食完後覺得炒蜆都係去返大牌檔食吧😂💁🏼‍♀️食咗好多次都可以保持水準，食物真係幾好，穩陣之選

呢間野服務真係好到加零一啊啲送來之前會有前菜會有酸蘿蔔嗰啲前菜之後因為太想食啦 所以都額外加咗$10 之後點知過咗一陣個店員額外比多一碟我地！！跟住整體個感覺環境好舒服食嘢感覺好high class每碟嘅餸菜都係新鮮嘅 最鍾意都係嗰個芋頭！！！推薦💥💥💥粉絲嗰個我就麻麻哋係幾特別嘅 好乾身添 佢粉絲係比較幼身 放入口食好似冇食過咁樣㗎 所以係幾特別但係就味道冇咩味囉不過撇除呢一碟嘅話嗌嘅每一樣野都好好食芥蘭係真係爽口！甜嘅！嗰碟大腸雖然細兜咗啲 但係口感係幾好食 唔會有太多味精 或者食到麻油囉所以整體係幾好食㗎👍🏻👍🏻👍🏻👍🏻