茶茶台式料理 (已結業)

今日同朋友嚟到呢間專門食台灣料理嘅餐廳我哋見到入面都幾滿座所以諗住食物都會唔錯結果會係點呢?🤔🤔呢度有好多唔同味道嘅料理大家可以揀自己喜歡嘅味道每個鍋既材料都有少少唔同架我哋今次就揀咗藥膳同埋日式味增湯兩個湯底比較之後個人覺得藥膳湯底比較出味而且特別一路食都聞到好重嘅藥膳味道特別係啲菜會吸哂藥膳既精華真係好好味！原先我哋以為都會唔夠飽但係其實想食下都幾飽所以大家唔使急於加錢要個肉躁飯肉躁飯味道甜甜地尚算不錯飲品方面我哋飲咗芝士烏龍茶呢杯凍頂烏龍嘅茶味好回甘鍾意茶味嘅朋友一定要揀包保唔會令你失望仲有芋香珍珠奶茶朋友話珍珠唔太硬味道幾好今晚真係食得好飽好滿足！餐廳環境舒服會再來！

半年前食過一次，之後都一直心思思想再食，但係search極都搵唔到，原來餐廳改左名，咁就約朋友食多次。餐廳改名後多左串燒系列，我地就每款都試下。羊肉串較普通，最好食莫過於牛舌，好厚好大塊，而且唔難咬。每人揀左一個鍋，分別有藥膳豚/牛鍋，巴蜀烤魚鍋同咖哩奶蓋鍋。友人嘅bb辣烤魚鍋好辣！至於每鍋嘅配料都好豐富，慢慢食唔經唔覺就食哂，超級飽。打邊爐仲有得配芝士茶實在太好，我地叫左芝芝莓莓同芝士綠妍/紅玉，質素真係唔錯，有粒粒草莓肉，真材實料！

剛從國內回港，又餓又攰，在旺角東下車後立即往找食店醫肚，見有茶茶台式料理，一人一鍋岩曬我，急不及待入座食返餐。芋香珍珠奶茶夠大杯，珍珠煙靭，芋香味濃。招牌臭臭鍋，講得招牌，當然要試下，有臭豆腐、肥牛肉、米血糕、鴨血、滷大腸、台灣貢丸等，還有很多蔬菜類。湯底有辣度，可選不辣至極辣，本人覺少少辣可帶出食物的味道，比較惹味！火鍋少不了肥牛，鮮紅色的肥牛好新鮮，肉質鮮嫩。臭豆腐真係好臭，嫩滑！有加火鍋食材，添加了肥牛很好味，脂肪均勻，肉質細嫩。湯底惹味，加個公仔麵和湯底一齊食，甚感滋味！鹽酥雞扒：即叫即炸，外層酥脆，肉質嫩滑。蒙古羊肉串：用多種香料醃製過，肉質鮮嫩入味。

同朋友出旺角行街，行到肚餓搵嘢食，這雖然食肆林立，但要有特色嘅唔容易，今次俾我哋發現到呢間正宗台式火鍋食店，也可以飲到我哋鍾意嘅台式飲品。店內裝修簡約，坐得舒適。今天是平日，我們未到七點已經入座，過咗七點餐廳已經八九成坐滿客，多數是年青人。我們各自叫咗一個火鍋，我的是藥膳豚肉鍋，店員把火鍋送來時已經聞到好香藥材味，真的很喜歡這個味道，豚肉好淋好好吃，鍋嘅材料仲有一些蔬菜、豆腐、枝竹、鵪鶉蛋、炸魚片等等，多元化表現。朋友的是招牌臭臭鍋，她至愛這種獨有的台式風味臭臭鍋，見佢越食越滋味，主菜是牛肉，其他材料也差不多，不同的有蜆、貢丸、和味豬大腸及鴨血糕，完全充滿台灣特色。食台灣嘢一定唔少得鹽酥雞扒，大大塊熱辣辣即叫即炸，炸粉味道調教得啱啱好。另外點了一些BBQ，厚燒牛舌、蒜香燒茄子及炒韭菜。見到隔離枱都有叫牛舌，就知道係好嘢，果然，有口感得嚟唔會韌，且非常juicy，醃得入味，一試難忘。燒茄子豐富蒜味，雖然肥膩咗少少，但食到停唔到口呢。韭菜也炒得好香，加咗少少孜然粉，味道更可口。飲品點了純金鳳茶王及爆檸四季春，大大杯好抵飲。

1人1鍋打邊爐除左連鎖店，呢到系另一個好選擇，最重要系地方夠寬敞舒適，而且選擇多。3款配料，仲有調制完美比例醬料既祕訣。【招牌臭臭鍋 】$108叫左呢到既主打鍋，有臭豆腐、牛肉片、蛤蜊、米血糕、鴨血、滷大腸等，材料好豐富。臭豆腐有好多孔，索哂湯汁，聞落少少臭。第一次試米血糕，煙韌有咬口，口感幾得意，但就吾太入味。【牛肉片】#36另外點多左牛肉先滿足，湯汁煮熟再蘸埋醬，甜甜地又帶香口蒜蓉味，牛肉肥瘦比例都吾錯，入口嫩滑。【巴蜀烤魚鍋】 $112選用一大塊鯇魚，鯇魚炸過食落完全吾腥，可口魚骨大條易挑出。辣度可以揀，屬於香辣吾嗆，吾食得辣都可以叫小辣，幾惹味。【大蝦拼青口】$38每樣各二，大蝦肉質好彈牙，大青口幾肥美厚肉。【粉絲】 $8必點粉絲，又飽肚又好食，份量好多，煮耐左吾會糊爛，同火鍋好夾。【芝芝莓莓】$39甘似x茶既，不過又吾差wor，雖然就甘試芝士奶蓋比較咸，但系混埋系新鮮藍果茶就好好飲，同埋好解辣。

上星期和朋友到旺角食茶茶，得知茶茶是食一人一鍋的，也期待味道如何！環境放面不算太大，也會經常full啊！店員服務也不錯。招牌臭臭鍋：臭豆腐的確極濃臭味，它放在鍋中已傳出陣陣臭味。牛肉片份量不少，吸入湯汁令牛肉更入味！米血糕煙煙unun，鴨血比較實。當中我所食的鍋十分多菜，包括椰菜及娃娃菜，真的健康！可惜卻少了鵪鶉旦、蛤蜊、嗚門卷呢。。另外，加了公仔麵令自己更飽肚。而另加牛肉片，份量也很多呢！韓國泡菜鍋：朋友吃的鍋辣辣的，當中是豚肉、年糕、餃子、韓國泡菜和半個公仔麵。他說愈食愈辣呢！如果中意食部隊鍋不仿考慮一下！檸檬紅玉：味道甜甜的，中意食檸檬茶的必飲！滿杯菠蘿：是菠蘿沙冰來的，味道酸酸甜甜，十分開胃！蒙古烤羊肉串：味道帶少少羊羶味，口感不硬，作小食也不錯。

Mk一人一鍋台式火鍋Friend係4月份生日，所以同老婆👱🏻‍♀️搵佢食飯慶祝生日大家都係愛打邊鍋，而我朋友又鍾意飲台式飲品，所以就揀左e間餐廳食飯慶祝佢生日。一行4個人，我地一人叫人鍋，我叫左藥膳豚肉鍋，老婆叫左烤魚鍋（BB辣），朋友就分別咖喱奶蓋同藥膳轉牛。再追加一份火鍋牛肉。藥膳湯底好重味，老婆烤魚鍋BB辣，都好辣🌶。叫左兩杯芝士莓莓ok好飲，飲曬之後我都再叫多左杯飯。小食佢價錢吾貴，大部分都係20至40到，所以我地叫左好多小食。最驚喜係牛舌，超厚又燒係吾錯，所以我地再叫多左兩份食😆。食完個個都肚賬賬咁走😂

茶茶台式料理.佢係有1人鍋食又台式飲品叫嘅火鍋店，火鍋有好多款選擇，主打有臭臭鍋同臭豆腐，可惜小妹當日去到已經賣哂😂🤔所以最後揀左巴蜀烤魚鍋同埋泰式海鮮鍋，哈哈，去台式餐廳食唔屬於台式嘅野😝 佢辣度有得揀，小妹揀左中辣，呢個辣度起初食啱啱好，但隨著時間越滾越濃，越滾越辣，呢點大家要考慮喔。.烤魚佢係預先燒炸過，所以外皮酥脆，內裡腍腍，放入鍋唔會散開，魚骨唔多，幾方便食。配埋佢個麻辣湯底👍好惹味。.飲品方面同東喜茶嘅款式有幾分相似，試左滿滿紅柚，荔枝紅玉同爆檸四季春。都ok。

好耐冇同個仔單獨一齊出街食飯，咁啱佢放學我又要出門做嘢。就搵埋佢一齊食完晚飯先返屋企啦。阿仔咁熟旺角，就帶咗我去呢間茶茶台式料理，佢話好抵食。店面入面有個水吧專for整飲品，睇嚟呢間嘅特飲應該會唔錯。先嚟一人一個火鍋先。我就叫咗沙茶牛肉鍋、阿仔就麻辣牛肉鍋。另外小食我哋仲叫咗麻辣臭豆腐、台灣小香腸、鹽酥雞扒、麻辣雞翼。飲品都嚟埋啦！一杯芋香珍珠奶茶，芋頭味幾濃，又冇蓋過埋奶茶嘅味。一杯滿杯菠蘿，佢上半係泡沫咁樣，下半先係菠蘿汁，飲到底就會飲到啲泡沫。我哋個鍋都到啦！哇！阿仔個麻辣鍋紅到呢，我見到唔太敢食……不過阿仔話勁正，辣度足夠，入面有好多料：肥牛、豆腐、腐竹、嗚門卷、金菇、肉丸、薯仔、菜......真係好多好多講唔晒。我個沙茶鍋嘅都差唔多，係多啲沙茶香味。小食都到埋，臭豆腐我都係搞唔掂，食唔慣嗰個質感，最後係比阿仔包晒底，佢好似幾鍾意食咁。台灣香腸就硬咗少少，不過都好香口。我最推薦係鹽酥雞扒，炸得剛剛好，咬落又唔會有太多油爆出黎。第一輪叫嘅嘢食晒咁濟……都仲未有7成飽，round 2來啦！叫咗2份肥牛、1份大蝦拼青口、1份炸魚皮、一碗台灣滷肉飯。阿仔話食得台式餐廳一定食返碗滷肉飯先

復活節假將到，今日約咗兩個朋友傾旅行行程，揀旺角做中心點吃晚飯，食完大家返屋企嘅交通都好方便。這食店有台式火鍋，也有台式小吃，當然有台式飲品。呢度嘅台式火鍋共有九款湯底嘅選擇，我們三個人揀選了兩個火鍋及一些小吃，招牌臭臭鍋是正宗台式的，聞到陣陣臭臭的味道，其實好香呢！材料包括旺菜、冬菇、蜆、貢丸、肥牛、鴨血糕、豬大腸等等，好豐富，朋友好喜歡這個濃濃的味道。藥膳豚肉鍋的香味也很吸引，這個我較喜歡，材料包括豚肉、 鵪鶉蛋、菜、粟米、金菇、雲耳、枝竹、豆腐等等，食到尾依然充滿藥材味，正啊！麻辣臭豆腐，唔太辣，聞落臭，吃落香，喺香港唔係周圍可以食到呢個台灣風味，推介要試。柚子蜜雞翼，雞翼燒得香噴噴，加入柚子蜜，味道好夾，一人一隻唔係好夠。這裡特別地有些川味燒，點了幾款試試。蒙古羊肉串，當然少不了孜然粉，熱辣辣，香口好食。厚燒牛舌，的確厚切，豐富肉汁，越食越惹味。蒜香燒茄子，整條茄子開邊燒，鋪滿蒜蓉，勁可口，如果可以切件上就更理想。燒翠玉瓜，都是加了孜然粉調味，熟嘅程度剛剛好，唔會太淋，依然爽脆有口感。爆檸四季春(微糖)，因為用了大量青檸，味道有些澀，或者揀半糖會好一點。純金鳳茶王(無糖)，清爽

一向都好鐘意食台灣野既我，知道旺角開左開新既台式食店，即刻忍唔住去試吓一入到門口就比佢個招牌吸引左，好得意呀店內裝修行小清新既風格，有種好舒服嘅感覺今晚七點都未夠就成間店爆滿人啦，係米真係咁好食呢Menu分別有三張，主打係臭臭鍋，仲有其他鍋物既，仲有小食同串燒，又有埋台式飲品好似去咗台灣咁既款我同朋友揀咗個人氣臭臭鍋配滷肉飯，燒雞扒，台灣腸仔，臭臭豆腐，羊肉串，燒牛舌，燒冬菇❤️❤️❤️野飲方面嗌左芝士四季春同埋純凍頂烏龍係等緊嘢食嘅期間，成間鋪頭都係臭臭鍋的味道，好鐘意呀。首先嗰鍋一上枱好吸晴喔，食物擺得好靚仔，好多肥牛，金菇，豆腐，糯米糕等等既材料即刻飲啖湯底！好夠味呀，豆腐索哂嗰湯既精華配埋滷肉飯食真係好似番左台灣咁囉串燒方面就感覺似四川多啲，不過同樣地好食，最正係牛舌，切得超厚身呢不過仲有驚喜嘅竟然係台式腸仔，新鮮煎出嚟嘅台式腸仔，嗰皮脆脆地，裏面好有趙口💕💕芝士四季春同埋純凍頂烏龍💕💕臭臭鍋💕💕臭臭豆腐💕💕台灣香腸💕💕燒牛舌💕💕燒冬菇💕💕滷肉飯💕💕燒半肉

去旺角買點東西，之後同老公去找餐廳食飯，經過豉油街見到茶茶台式料理，一家主打一人一鍋和台式飲品的食店，老公好想試下，我們便入座了！泰式海鮮鍋 ：材料有鮮蝦、青口、蛤蜊、番茄、娃娃菜、椰菜、雲耳、金針菇、鮮冬菇、豆腐、豆角、粟米、炸薯仔、鵪鶉蛋、鳴門卷、香菜。湯底濃郁，味道酸辣，鮮蝦大隻又彈牙，味道不錯！巴蜀烤魚鍋 ：有腕魚、娃娃菜、椰菜、雲耳、金針菇、鲜冬菇、豆腐、豆角、粟米、炸薯仔、炸枝竹、鵪鶉蛋、蛤蜊、名門卷、香菜。材料豐富，湯底選BB辣，將魚炸至金黃色，放入湯中滾起就食得，吸收了湯汁，味道鮮美帶點辣，魚肉鮮嫩，其他配菜也很好味！台灣夜市小香腸 ：口感香脆，肉質鮮嫩香口。宇治鮮奶抹茶 ：大大杯，甜度適中，鮮奶香滑，抹茶味也夠濃。雪碧加點豚肉片，薄切的豚肉片，脂肪含量較少，有口感。老公還加了個公仔麵。

同事啱啱喺台灣返嚟話食咗好多台灣美食，搞到我都好想食啲台式料理。上網查一查比我查到呢間茶茶台式料理，唔諗啦！快啲帶埋我老死一齊去食啦。行到去即刻比佢個招牌吸引住，大大個霓虹燈 招牌同埋隻怪獸logo都幾cute㗎入面有個水吧專係整飲品嘅，好似佢啲飲品幾值得一試咁，相信有咁大個水吧，啲飲品應該係有返咁上下的。坐定定叫嘢食先！我個朋友就食沙茶牛肉鍋，入面料都好豐富：牛肉、牛丸、菜、金針菇、粟米、炸魚皮、嗚門卷……好多好多。個鍋一到即刻就聞到佢好香嘅沙茶醬香味。我就食麻辣牛肉鍋，入面料基本上差唔多：仲要有豆腐、炸薯仔呢啲我鐘意食嘅火鍋料。而且果鍋湯都幾紅下又唔會太油喎，辣度足夠，一般有食開辣嘅都接受得到。另外我哋都叫咗唔少小食，麻辣臭豆腐、鹽酥雞扒、台灣夜市小香腸、麻辣雞翼。個人最推薦嘅係鹽酥雞扒，炸得啱啱好，並冇炸到硬晒，非常之卜卜脆，內裡雞肉亦都嫩口。飲品我哋叫咗芋香珍珠奶茶同滿杯菠蘿。味道方面都真係冇愧對佢個水吧，兩款飲品都好飲嘅。特別係個滿杯菠蘿…滿滿的菠蘿香味！叫嘅嘢都快要食晒啦，一於再嚟第二輪。我哋再叫多一碟炸魚皮、一份大蝦拼青口、兩份肥牛同一碗滷肉飯。去食台式料理係一定要叫返碗

今日小弟同女友人加埋兩位朋友黎左呢間餐廳開大餐月頭出左糧係爽既要大吃一餐減下壓本身小弟已經好鍾情奶蓋飲品，我對小火鍋都好熱愛的說.. 今次我地4個人每人叫左既鍋分別有藥善豚肉鍋x2，巴蜀烤魚鍋同埋咖哩奶蓋鍋。四個鍋既湯底都好獨特，我個奶蓋咖哩先正濃味得黎有奶香好creamy ..我地叫左勁多小食有鹽酥雞扒，台式夜市小香腸，酥炸花枝墨魚丸，蒙古羊肉串，燒雞肉串，燒雞翼，厚燒牛舌，蒜香燒茄子，鐵板炒韭菜，燒翠肉瓜同埋燒冬菇.. 全部都好正，叫到好似食放題咁..野飲我地都叫左芝士莓莓，芝士綠妍同芝士紅玉.. d飲品都好唔錯拍得住大陸d奶蓋茶.. 整體黎講成餐我超滿意大滿足的說. 因為咁樣食法每人都只係300蚊左右.. 講真邊度搵，完全滿足晒我對食既價錢同品質既要求..

今日星期日，朋友下午放工就約左佢食晚餐聚一聚。一直鐘情一人一鍋，上網見到呢間茶茶新開，本來約左5點，去到發現下午茶時段原來冇得食鍋物，所以呀姨叫我地5點半再返黎食。行左一陣，入到去餐廳，因為時間尚早，人唔算多。見到餐牌有招牌臭臭鍋，雖然好好奇，但我地最後都係唔敢試！好咋呀我地哈哈！最後我地2個人叫左2個鍋，2杯飲品，同埋2款小食。巴蜀烤魚鍋（$112）烤魚望落份量唔算話好多，但原來都有好多魚肉。雖然食魚預左有魚骨，不過因為我細個啃過魚骨所以好怕魚骨，好彩d骨都算大條，小心d都揀到出黎。而且舊魚烤過，所以好香口。配料除左鯇魚，仲有娃娃菜、椰菜、雲耳、金針菇、冬菇、豆腐、粟米、炸薯仔、、鵪鶉蛋（好正呀好耐冇食）、仲有鳴門卷，多到數唔曬！鍋底可選辣度，我地叫左小辣。對唔算食到辣ge我黎講，已經係辣得好過癮！哈哈好犯賤。我朋友就話辣度剛剛好！推薦！藥膳豚肉鍋 （$108）豬肉片好多好大塊，好多配菜，有豚肉、紅棗、枸杞、娃娃菜、金針菇、冬菇、粟米、雲耳，同埋豆腐等等。望落好似唔覺有紅棗、枸杞等藥材，但聞同食落都算有陣藥膳味。自我麻醉湯底一定好健康好養生，減少罪惡感哈哈。總括而言，湯底味道好好，火