茶茶台式料理 (已結業)

朋友介紹到這間茶茶食臭臭鍋，但原來要夜晚才供應，最後唯有食午餐吧。午餐選擇都不少，有飯有麵，加錢可配台式飲料及小食，價錢貼地。裝修得似café，樓底很高，大大的落地玻璃，有大量自然光射入，很舒服呀!我選了午餐-士林鹽酥雞扒，雖然雞扒,不算厚身，但薄粉，炸得香脆，咬落卜卜脆，炸完肉仍然很嫩，味道剛好，不至過咸。配上老肉飯，肥美的豬肉加上香濃的醬汁，超好送飯。另外點了，賣相不及雞扒飯精緻，有牛展，鴨血，豬腸及貢丸，因為當日沒有豬腸，所以用了貢丸代替。麵質是上海麵，湯底頗辣，愛辣的朋友最岩。加了台式小香腸及花枝墨丸作小食，台式小香腸輕輕炸過，不錯!加錢亦可配台式飲料，大大杯的珍珠奶茶，珍珠煲得剛好，不太淋身又好咬口。我會再返來食臭臭鍋的。

今晚去了間唔錯嘅台式料理，主打係一人一個鍋底選擇，份量十足，價錢相宜，絕對抵食！餐牌上有九種口味各具特色，當然推介嘅應該比較可靠，就係咁點了個招牌臭臭鍋$108，就咁望主個鍋嘅材料一啲都唔少，而最緊要係材料十足都係一個價錢，話就係臭臭鍋，但其實都唔係想像中嘅臭，上枱時店員送上一個一人份量火鍋，真係有火滾住，個火絕對足夠你食完整個鍋底，食到一半我已經認唔住請店員幫我弄熄個火，唔想太熱吃！而裡面最出色就係件臭豆腐吸收了整個湯汁，入口十分軟熟入味！而件米血糕亦十分煙韌彈牙夠晒口感，還有件鴨血都係十分彈牙入味！除此之外個火鍋可以加$12要埋個台南滷肉飯，滷肉已經鋪滿了個飯，混埋一齊入口味道香濃，如果喜歡湯底，還可以加湯一齊入口，多種食法！當然這裡嘅小食亦十分抵食，台灣夜市小香腸$26，燒得香脆入口肥美彈牙，熱辣辣十分惹味，完全係台灣美食之選！而柚子蜜雞翼$26亦都係推介之作，燒得香脆嘅雞翼上淋滿了柚子蜜醬，入口有陣陣嘅柚子蜜香嘅雞翼感覺又幾清新！這裡還有特色嘅台茶選擇，選了杯芝士金鳳茶王$33是台灣的一種烏龍茶，烘焙過的茶底香濃，經典芝士奶蓋使用新鮮芝士製成，芝士奶蓋佔飲料的三分一，喝起來夾雜

同朋友喺旺角行完街，一齊去咗呢間位於豉油街嘅《茶茶台式料理》食嘢。餐廳裝修簡潔清新，位都坐得幾舒服。餐牌上有一人鍋、小食、串燒等，都有幾多選擇。藥膳豚肉鍋 ($108) - 甫上枱已經聞到好香藥膳味，豚肉片豚味鮮甜，除咗豚肉外，仲有好多新鮮配料：粟米、雲耳、金菇、炸魚皮，冬菇、椰菜、娃娃菜、豆腐、薯仔……等等，湯底鮮甜中帶有藥膳香味，鮮味豐富之選。巴蜀烤魚鍋 ($112) - 烤魚表面十分香口，入面嘅魚肉嫩滑，有十分多配料，湯底又香又辣，各種食材索咗湯底嘅味道之後，相當惹味。麻辣臭豆腐 ($38) - 臭豆腐最怕就係唔夠臭。呢個麻辣臭豆腐聞落同食落都相當夠味，口感軟腍，配上麻辣汁，滋味倍增。蒜蓉燒茄子 ($35) - 茄子表面燒得香口及帶點乾身，入面相當 juicy，以蒜蓉、辣椒粉及入少許香料調味，yummy！滿杯百香果 ($35) - 清新嘅茶味中加入百香果味，飲落份外香甜。芝士苺苺 ($39) - 加入士多啤梨及藍莓，令茶中帶有果香味，估唔到同味道鹹鹹地嘅芝士奶蓋十分夾。

成日都覺得旺角雖然好多餐廳 但係好味而價錢相宜嘅都係得幾間今日就去試咗開業唔係好耐嘅 茶茶台式料理佢主打係臭臭火鍋 夜晚七點半左右去到都唔算太多人佢一共有九個鍋底俾你揀 而我當然就會叫咗一臭臭鍋 男朋友就叫咗藥膳豬肉鍋 一人一鍋 貪佢兩個湯底夠唔同呀嘛 原來份量好大 佢絕對有超過一個人份量嘅肉 仲配埋啲蔬菜 硯 菇等其他配料 一個人食絕對係夠飽同埋價錢都好相宜而佢個湯底係超級惹味 係有少少辣亦都有少少麻醬嘅味道 都好開胃㗎至於男朋友個藥膳湯底相對來講就比較清 冇臭臭鍋咁濃味 但係份量依然係好足不得不提我叫咗個嘢飲 係水果茶 佢係絕對同x喜茶 有得揮 佢係橙汁底 再配好多水果 三十幾蚊實在太抵 超級足抖 而且好新鮮!!!!!下次我行街行到口渴 我都應該會買呢杯水果茶飲 因為真係好足料同新鮮 我好推介俾大家至於個珍珠奶茶就不過不失啦 可以一試

到底我們有多喜歡台式料理 (❁´ω`❁)這次我們更帶同男友的媽媽一起品嚐正宗的台灣美食～ 在菜式還沒上桌前，飲品馬上便到了！我喝的是超級水果綠妍，水果很多，讓飲品不會只帶有綠茶的澀味，而是帶有新鮮水果的甜味，比「一芳」的水果茶好喝多了！男友點的是芝士綠妍，雖然芝士奶蓋與下底的綠茶融合了後就像奶茶一樣，但味道不像奶精般假，而是真的有奶香味，沒想到這裡連飲品都比外面的飲品店好喝～Auntie點的是滿杯菠蘿，雖然她本來想像是一片片的菠蘿，但結果是沙冰，她也喜出望外，覺得菠蘿味很清新。 在眾多的鍋物裡，我們選了巴蜀烤魚鍋，加BB辣。魚肉很嫩，魚骨也不會太多，夾著芫茜一起吃很惹味～鍋中還有豆腐、冬菇、豆、金菇、木耳、粟米、蜆、菜和鵪鶉蛋，可能因為湯底帶點酸辣的口味，所以真的很夠味！巴蜀烤魚鍋 $112惹味燒牛舌很Juicy～肉質燒得剛剛好，而且也很大片！牛舌上加了類七味粉的調味料和蒜蓉，令牛舌的味道更豐富。惹味燒牛舌 $28/串監燒大虎蝦超大隻！很多肉，而且蝦肉不霉，很爽口彈牙！監燒大虎蝦 $38/隻超喜歡雞軟骨的我十分欣賞這裡的惹味燒雞軟骨，調味料的味道不會太重，有咬感。惹味燒雞軟骨 $23

想食一人一鍋既火鍋，除左吉野家之外真系唔多選擇，呢度系其他一間，最特別系有台式茶，一邊食火鍋，一邊飲冰凍台式飲品，簡直系人生一大樂事！本來以為唔系台式飲品專門店，飲品質素唔會太高，點知出乎意料，茶底甘濃，奶蓋仲好滑好香芝士味，比唔少專門店更好飲！火鍋有9款選擇，大部分味道都比較濃，我㨂左較為清淡既藥膳豚肉鍋。湯底有淡淡藥材味，蔬菜種類多，金菇、娃娃菜、雲耳、冬菇、粟米等都有，仲有豆腐、雞蛋...非常豐富。除左火鍋，呢度仲有唔少台式食品，例如魯肉飯。同埋大雞扒！鍾意台灣菜既人可以嚟一試！

約姊妹收工黎十下十下，呢到裝修以白磚為主，有文青小清新嘅感覺。服務都唔錯，會主動加湯熄火執野，仲會比你慢慢坐。湯底濃郁，食材新鮮。今次兩人各自叫左一個鍋加麵配飲品同一個小食，加一服務費後，每人平均$175。沙茶牛肉鍋 $108個鍋都有幾多料下，有娃娃菜，有幾磈牛肉，兩粒牛丸，粟米，金茹 ...... ，而個湯做得幾好，沙茶味好濃好出。藥膳豚肉鍋 $108一樣料多款多，但呢個就轉左豬肉，個湯藥膳味好重，好明顯有陣陳嘅枸杞味道，飲落好舒服，清清地唔會覺得好熱氣。芝士金鳳茶王 $32呢個芝士做得幾好，唔會好咸，好香茶味，飲落唔苦澀。芝士茶茶八號 $34同上面差唔多，茶味再濃啲。酥炸花枝墨魚丸 $36有六粒，唔油膩，仲好彈口，配埋泰式辣醬好好味。

今晚來到旺角吃台式火鍋。這個是台式有名的臭臭鍋，是筆者第一次見識呢。一人鍋的份量，盛載著多到滿瀉的食材：臭豆腐、鴨血、米血糕等逾廿種，從蔬菜到海鮮肉類統統包含著。湯底有著濃烈臭豆腐味，並帶點微辣。臭豆腐只臭在嗅覺，味覺上是香口惹味的。四川風味的烤魚鍋，這鍋便頗有辣勁了；隨著湯底滾燙的時間越久，浸在鍋中的娃娃菜、金菇盡吸香辣精華，使人辣得過癮。腕魚經炸香後才放入鍋內，但魚肉未算嫩滑，反覺得未夠其他配料出色。另外以加配價點了一小碗滷肉飯。滷肉飯用的是珍珠米，配以由香菇和豬肉粒組成的滷肉。味道不過不失，但有點油膩，沒有筆者在台北旅遊時吃到的那種乾爽感。小食拼盤有小香腸、雞翼和花枝丸。小香腸燒好後塗了蜜糖；而雞翼就配了柚子醬。味道正常沒太大驚喜但至少沒有伏。串燒定價合理。味道方面，筆者個人認為調味粉下得有點多。縱然點了豬羊雞幾點款式，味蕾感覺都是大同小異。不過平日討厭的羊羶味被味粉所遮蓋，可以開懷吃掉一串，算是意外收獲。由糯米和動物血而成的米血糕，味道甜甜的又有著糯米的煙韌口感。上枱時熱辣辣進食為佳。香菇上都是蒜蓉，愛蒜味人士之選！入口都是強烈的蒜香，冬菇口感亦見軟腍。菠蘿香甜多汁，燒香後吃更

去完台灣偶然都會諗起臭臭鍋 識欣賞就會覺得香 老公話其實香港都有 話今晚就同我去食估唔到原來就係旺角 有得食仲有得飲手搖杯坐底店員先提供調味料 豆瓣醬 辣椒粉 蒜蓉然後我地點個招牌臭臭鍋 材料豐富 總共十九款臭豆腐 牛肉片 米血糕 鴨血 滷大腸 台灣貢丸 娃娃菜 椰菜 雪耳 金針菇 鮮冬菇 豆腐 豆角 粟米炸薯仔 炸枝竹 嗚門卷 蛤蜊 鵪鶉蛋最特別係米血糕煙煙韌韌 鴨血濃郁入味 滷大腸軟綿 湯底帶微辣 接近台灣嘅味道 基本上一鍋可以二人分享 我地仲留肚叫小食 追加柚子蜜雞翼 雞翼大隻厚肉 外皮煎香過 仲見到真·柚子 真材實料酥炸花枝墨魚丸 炸至粒粒金黃色香口之餘又爽口彈牙 點埋泰式辣醬一流台灣夜市小香腸 每次去台灣必食 外層燒至脆皮 內層夾雜肥瘦豬肉 滿載肉香蒜蓉燒茄子 孜然粉灑面配合蒜蓉 啱晒重口味一族茄子仍然保留水份 入口juicy 手搖杯推薦芝士莓莓 上層芝士奶蓋滑溜味濃少少鹹味 加埋香甜士多啤梨沙冰 間中會吸到果肉不得了 比起外面嘅手搖杯專賣店做得更出色 自此以後當我想念臭臭鍋就可以黎呢度

去台灣旅行我見佢哋潮流興食一人一個火鍋台式一人一鍋裏面最有名氣嘅應該都係臭臭鍋啦！睇網上介紹原來最近旺角有間幾正宗的茶茶台式料理，放工一於去試吓！地點方便人流暢旺，店內小清新裝修格局，侍應阿姨服務很好笑容，國語 mix 廣東話 好可愛！招牌臭臭鍋 $108顧名思義有少少臭臭的，原來裏面有台式臭豆腐。最有特色嘅我覺得就係臭豆腐、牛肉片、鴨血、米血糕、滷大腸⋯ 令到整個鍋嘅湯汁鮮味提升，越滾就越好味。冬天食真係一流，暖在心嘅感覺。仲有辣都可以揀，我揀咗小辣，辣得來夠晒好味。滷肉飯 +$12而且食招牌臭臭鍋 加$12就有個滷肉飯食啦！可以話係超級優惠，肥美嘅滷肉熱辣辣嘅白飯一起吃，好味非常！鹽酥雞扒仲有街頭嘅小食絕對不能錯過，這裏的鹽酥雞扒炸得很有台式風味，口感皮薄脆口，肉質鮮嫩又多汁。酥炸花枝墨魚丸又係另一個令人懷念嘅台灣小食，酥炸香氣撲鼻，花枝墨魚丸 彈牙。芝士茶茶八號一入門口就見到台式飲品bar枱，這裏的招牌芝士奶蓋，果然係值得推介，芝士奶蓋味道濃郁清香，回味無窮。香烤豬腩肉夜晚川原來有式燒烤食，豬腩肉肥瘦均勻，的入口鬆脆多汁。金菇煙肉卷平時食開牛肉卷，金菇爽口配搭肥美的煙肉卷，又有一

終於終於放假喇！！！！！！超級感動！！！！即刻約好友食餐好既！！！我地約咗喺大家既中間點，即係旺角食野。今個冬天一d都唔凍，冇出去十下十下，所以想打邊爐。本身打算一人一鍋，後來見小食幾吸引，所以2人share一鍋，然後叫小食。近排腸胃唔太聽話，所以揀咗藥膳豚肉鍋（$108），除咗有一般既食材如豚肉、豆腐、粟米外，仲有雲耳、枸杞、紅棗等。我地追加咗公仔麵（$8）。個鍋好唔錯，湯底既藥膳味感覺養生，亦唔會搶去食材味道。相比起鍋物，我地更鍾意d小食，好有台式味道👍金菇煙肉卷（$28）、香烤雞肉串（$17）同香烤豬腩片（$18）都落咗孜然粉，而雞肉串既雞肉好嫩滑，烤得啱啱好！甜燒菠蘿（$22）菠蘿好甜好juicy🤤台式小食拼盤（小香腸、雞翼、花枝丸 各2件）（$43）小香腸好有台灣夜市風味，花枝丸同雞翼都好好味！朋友飲珍珠奶茶，我就飲忌廉。

約咗friend出旺角買嘢， 行到去豉油街嗰邊都差不多晚飯時間。 條街好多唔同特色美食，餐廳。。 咁嘅情況又發生選擇困難症。最後揀咗依间食台式火鍋， 簡簡單單又唔會隆重複雜， 啱曬我哋一路食一路傾。藥膳豚肉鍋$108本身已經有好多材料， 豚肉片記得唔好錄咁耐。 大量蔬菜 金菇， 豆腐，腐竹，雲耳， 豆角，魚皮等等。 湯底濃郁滲出藥材味道， 味道香濃獨特又有啲似肉骨茶， 仲加咗鵪鶉蛋同公仔麵， 夠曬豐富～蒜蓉烤冬菇蒜蓉部分唔夠香， 冬菇仲係好juicy, 可能蒸完之後燒烤嘅時間唔夠~ 感覺冇咁熱氣😁台式小食拼盤有兩隻燒雞翼，燒墨魚丸和燒台灣腸。 台灣腸最出息， 甜甜地外皮又夠脆。 墨魚丸超彈牙，仲有粒粒墨魚。 燒雞翼則比較乾。麻辣臭豆腐臭豆腐的臭非常惹味， 酸臭嘅味道並不強烈， 表面嘅麻辣平衡左個臭味， 做得唔錯，果然係推介項目！試左一杯走芝士奶蓋嘅『芝士莓莓』。 沙冰嘅狀態， 加入士多啤梨打成，夠棉唔會太甜～ 飲落夠凍夠解渴。串燒孜然羊肉孜然粉和羊肉當然夾， 羊肉唔會太羶，有咬囗，惹味！

💖心心推介💖*抵食夾大份*茶茶台式料理Cha Cha🐟🍲🥘🥗🍝🍜🍛🍹🍽朋友介紹一間位於好景商業中心地舖既台式餐廳， 由地鐵出行幾分鐘就到，以簡單白色牆同綠色嘅盆栽為主題，環境舒適又有格調，連菜單 嘅設計 都係別出心裁，色彩豐富鮮明。😍😍😍😍😍😍😍😍😍😍* 士林鹽酥雞扒滷肉飯* 大大份鹽酥雞扒，炸到剛剛好，大大啖肉，重要冇骨，滷肉飯有好多配菜，滷肉汁撈飯好滋味。😏😏😏😏😏😏😏😏😏😏* 宮廷藥膳豚肉手作麵* 一上桌聞到香濃藥膳味，薄片豚肉連住軟骨，吸收藥膳湯精華，味道一流，加上金菇，冬菇，雜菜等配料，手作麵口感好特別，食落好好味。🤤🤤🤤🤤🤤🤤🤤🤤🤤🤤* 套餐加配每款小食都係$20內，因為好少黎依度食，所以一次過加晒甘多款。* 酥炸花枝墨魚丸，可以沾上特製 酸酸甜甜嘅醬汁。* 柚子味炸雞翼，厚肉，味道香甜。* 台灣夜市小香腸，切塊上盤，份量剛好。* 蠔油時菜，菜心鮮甜，配上蠔油更有層次感。* 香煎雞蛋兩隻，其實就係太陽蛋，中間仲係流心。💞💞💞💞💞💞💞💞💞💞另外點左兩杯滿滿百香果，大大杯仲真係每啖都飲到百香果粒，酸酸甜甜好開胃。💯💯💯💯💯💯💯💯💯💯💃💃💃💃💃💃💃💃💃💃*☎：23273011*🍛

放工到旺角逛街，經過這間台式料理店， 這裏主打台式一人火鍋，還有串燒和台式飲品，未食過臭臭鍋所以很有興趣一於入去一試。 星期二的晚上已經坐滿了客人， 幸好店員很快為我們安排座位。 我們點了招牌臭臭鍋走辣 $108，台式小食拼盤$43， 台南滷肉飯$28，涼拌小青瓜$28，金牌烤羊肉串$28，香烤韭菜$16，香烤米血糕$23，蒜蓉燒茄子$35，芝士茶茶八號$34， 滿杯紅柚子$35。招牌臭臭鍋 ～ 我點了唔辣，但係食落都有點辣。 根據餐牌所講火鍋入面有臭豆腐，牛肉片，米血糕，鴨血， 滷大腸，台灣貢丸，娃娃菜，椰菜，雲耳，金針菇，鮮冬菇，豆腐，豆角，粟米，薯仔，炸支竹，鵪鶉蛋，蛤蜊，嗚門卷等等。 但是昨晚的臭臭鍋好似冇鵪鶉蛋和冬菇。 不過配料都已經好豐富，我最喜歡吃台灣臭豆腐和鴨血， 很有台灣風味啊！涼拌小青瓜～ 惹味帶點微辣， 入口清新開胃。台式小食拼盤～ 有台灣小香腸， 炸花之丸，炸雞翼。 台灣小食永遠都是令人食到停唔到口， 三款我都很喜歡。台南滷肉飯～ 台灣菜必吃的， 滷肉送飯一流。香烤韭菜～ 稍為烤得耐了一點， 有點硬。金牌烤羊肉串～ 比較細粒， 但有我最喜歡的羊肉騷味。蒜蓉燒茄子

🔎 旺角豉油街60-104號鴻都大廈地下AB號舖 * 「餐廳環境寬敞] - 茶茶台式料理 . 惹味燒牛舌 (HK$28/串)：有三大塊，也挺厚的，咬起來啖啖肉，比較煙韌，撒上特製調味料後燒得又香又惹味，擺盤也非常有感覺，很有台灣家常小碟的美。 香烤米血糕 (HK$23/串)：之前在台灣都不太敢吃，但竟然是最令我驚喜的一道，香噴噴的米糕味，沒有甚麼怪味，卻是非常之涮嘴，一塊接一塊的吃下去，一點也不膩，拍心脯推薦大家點來吃吃看！ 招牌臭臭鍋 (HK$108)： 所謂的臭臭鍋，通常是指有鍋中有臭豆腐的火鍋，這火鍋除了有「香噴噴」的臭豆腐之外，還有好多配料，例如鴨血、滷大腸、米血糕、牛肉片、貢丸、豆角、炸薯仔、炸枝竹、鳴門卷等等數不完的食物，也是我第一次的嘗試，我自己有在台灣吃過臭豆腐，可能是為了配合香港人的口味呢，味道不是說真的很臭，但臭的香味還是有保留，臭豆腐很臭很好吃，你又夠膽子嘗試嗎？ 香烤韭菜 (HK$16/串)：韭菜是他們家的必試菜式，又便宜又好吃，爽脆香口，平凡卻有其不平凡，在香港也是屬於比較少見的小菜，可以點來跟朋友分吃，不錯～ 惹味燒豬大腸 (HK$1