茶茶台式料理 (已結業)

想食一人一鍋既火鍋，除左吉野家之外真系唔多選擇，呢度系其他一間，最特別系有台式茶，一邊食火鍋，一邊飲冰凍台式飲品，簡直系人生一大樂事！本來以為唔系台式飲品專門店，飲品質素唔會太高，點知出乎意料，茶底甘濃，奶蓋仲好滑好香芝士味，比唔少專門店更好飲！火鍋有9款選擇，大部分味道都比較濃，我㨂左較為清淡既藥膳豚肉鍋。湯底有淡淡藥材味，蔬菜種類多，金菇、娃娃菜、雲耳、冬菇、粟米等都有，仲有豆腐、雞蛋...非常豐富。除左火鍋，呢度仲有唔少台式食品，例如魯肉飯。同埋大雞扒！鍾意台灣菜既人可以嚟一試！