茶茶台式料理 (已結業)

茶茶台式料理交通： 今天與男友到旺角的香港電競館打機，玩了一會兒，我倆都感到肚餓，便到附近逛逛，看看有什麼好吃的，走著走著便看見茶茶台式料理，距離電競館大概10分鐘路程，餐廳位於旺角豉油街，鄰近波鞋街，交通便利。環境：餐廳佈局有點兒像coffee shop，簡單悠閒風格，收銀位置後是水吧，銷售台式飲料，即使不吃台式火鍋，也可外帶飲料，適合三五知己相聚，悠閒渡過一個下午，唯餐廳位置不多，餐桌較細，我和男友放了兩個火鍋後便沒有位置放其他小食了，但值得讚賞的是侍應姐姐知悉我們沒有位置放食物，迅速幫我們清理吃完的餐碟。食物：餐廳食物款式多元化，除了主打台式一人一火鍋外，令我意外的是還有其他小食，如炸雞、燒大蝦、燒茄子等，覺得火鍋太heavy的女士們，也可試試其他小食。台式火鍋的湯底有辣有唔辣，任君選擇，喜愛重口味的我選了沙茶牛肉鍋。味道：沙茶牛肉鍋湯底味道濃郁，而且火鍋配料比我想像的多，有牛丸，各類蔬菜、金菇、牛肉，還未吃完一個火鍋，我已經有點飽意。除了火鍋，我和男友亦點了台式鹽酥炸雞，炸雞與平時吃的炸雞不一樣，外皮金黃香脆，有點像炸魚皮的脆。 味道不錯，唯鹽味可再均勻多點。燒茄子令我最為驚喜

星期五七點半黎到，不用排隊，直接入座。我和朋友都點了A1 — 鹽酥雞扒滷肉飯。等候其間，發現身邊很多人也是點一窩窩的，感覺也不錯...跟朋友一邊吹水，一邊等呀等，期間也有其他人吹A1的單，因為一窩窩的很快便到，最後，我和朋友的A1在吹了2次，等了45分鐘之後終於到了！🤣哇！飯跟雞扒都很大，看得出雞扒是剛炸好的，外酥內juicy 滷肉也很多，很香，夠撈成碗飯。唯一美中不足的是飯，有點硬，好像不夠熟。以這個價錢來說，真的算很有質素

聽朋友講，旺角開左間台式一人一爐，咁岩得一支公，做下獨行俠先。茶茶台式料理位於港鐵旺角站 E2 出口, 步行約6分鐘，新寶戲院附近，都相當方便入到去，茶茶台式料理主要係食熱湯（窩）選擇都非常多，有8種不同既口味可供選擇（泰式海鮮&藥膳&烤魚&泡菜等等....都可供選擇）沙茶牛肉鍋（走辣） $108沙茶牛肉鍋真係好足料，窩入面有牛肉丸，娃娃菜，椰菜，雲耳，金針菇，鮮冬菇，豆腐，豆角粟米，炸魚皮，炸薯仔，炸枝竹，鵪鶉蛋，蛤蜊，鳴門卷，真係好多配料呀😻（出來時牛肉已熟，所以較老了一點）一個人食一窩剛剛好（我係大胃食個種），如果真係唔夠，仲可以加錢（加送食嫁）惹味燒牛舌 - $28惹味燒牛舌非常厚身，但食落較韌，牛舌上加入了蒜蓉及七味粉，非常惹味（但要用點牙力）芝士金鳳茶王 - $32茶味金鳳茶王飲落茶味較淡，芝士味感較薄弱

要乜有乜，一步到位是MK精神也是香港精神。貪食如我，想一次過滿足晒食最地道的炸雞排，台式香腸，火鍋，飲台式手搖茶等等等等的貪心願望，到台灣走轉也未必能夠做到。但在MK在Cha Cha就可以，重有我至愛的串燒！當然，主角一定係台式火鍋，一人份量，各自各精彩。當日選了沙茶肥牛火鍋， 是最傳統的台式風味。沙茶醬湯底極濃厚，好耐冇吃過如此香濃的湯底，肥牛的油脂滲入湯底，越食越濃！再叫杯百果香茶消消膩，又决戰過！炸雞排極香脆又不乾柴，台式腸是典型的甜美，真的不用去台灣了！再來暴食串燒，厚切牛利最impressive， 外脆內嫩。燒菠蘿亦是一絕， 燒過的特別香甜， 亦可以解解膩！ 能一站式吃盡臺式食物，水準又比美台灣， 只此一家！

一人鍋、串燒、台式飲料樣樣齊👍🏻旺角真係好多好野食 今次行近油麻地多少少😛好少食台灣料理 trytry吧🥰呢到都幾多選擇 有台式火鍋、串燒、小食同飲品 去到九點仲爆場 應該不錯吧✨ 巴蜀烤魚鍋 $112烤魚好大件 入唒味又夠惹味配菜有粟米 冬菇 娃娃菜 湯底越滾越辣配菜索唒湯 好味道👍🏻✨ 沙茶牛肉鍋 $108沙嗲味好香濃 鍋裏有牛肉、金菇、牛丸等等肥牛嫩滑 再加埋公仔麵 正呀🥰✨ 脆香烤汁雞中翼 $22/2隻雞翼好大隻 燒得好香脆 味道有啲似土匪雞翼 不錯的☺️✨ 甜燒菠蘿 $22菠蘿好甜呀 又開胃 食甘多肉類來一舊 正！✨ 麻辣臭豆腐 $38呢個好味道 夠唒麻辣臭豆腐唔會好臭 啱啱好！✨ 芝士金鳯茶王 $32最後整左杯奶蓋 芝士味都濃 奶蓋好綿密茶味都濃 不錯喝👍🏻🍽 茶茶台式料理🔎 旺角豉油街60-104號鴻都大廈地下AB號舖

台式料理真係好耐冇食過，所以今日同朋友黎食lunch ，大家了解下近況，12點半到達，已經9成滿座。Lunch set 都好抵食，可追加小食，甜品，加錢跟餐飲品，價錢唔貴。台南香菇滷肉飯煎蛋飯（$38）好大碗飯，肉質軟綿的滷肉醬汁與荷包蛋拌飯一齊吃，非常好味，而且好夠飽蜜桃綠研（$25）茶味比較突出，淡淡的蜜桃味，甜度剛剛好+12/2粒酥炸花枝墨魚丸我加了兩份，因為兩粒唔夠喉，夠酥脆+12/2隻柚子雞翼炸雞翼上加了柚子汁，酸酸甜甜，好開胃+15/2台灣夜市小香腸

今日去左食一間好正既台式火鍋餐廳係一人一鍋，仲要可以叫珍珠奶茶飲！餐廳叫茶茶chacha,有隻好得意既恐龍仔由於我唔食辣，所以就揀左藥膳豬肉鍋（$108)雖然係一人鍋既份量，但其實兩個人食都ok, 而且材料好豐富，有豚肉之外，仲有娃娃菜、椰菜、雲耳、金菇、冬菇、豆腐、豆角、粟米等等。一次過可以食到咁多配料，實在好滿足！而且因為有紅棗、枸杞呢啲配料，所以藥膳既味道都好濃郁，好養生。另外仲叫左一個台式小香腸小食仲有一杯滿杯紅柚子（$35)柚子味濃之餘又飲到茶既清香，唔錯！

之前係尖沙咀食個間類似咁樣既台式一人一鍋, 覺得好正, 除左味道好之外, 價錢又合理, 份量又唔使好似任食咁食多左好多唔知點減, 今日出開黎旺角, 就係OPENRICE SEARCH到呢間新開既台式臭臭鍋, 所以就黎試下啦!!我地星期五差唔多8點幾去到, 都幾多人, 裝修都好台式, 乾乾淨淨咁唔錯!!我地2個人叫左2個鍋跟住叫左2款小食同2杯野飲!!招牌臭臭鍋 $108沙茶牛肉鍋 $108唔知點解食落2個鍋都差唔多味, 係個臭臭鍋聞落去多左陣臭味, 但整體上都係好味!! 我地揀左小辣, 隔離姐姐叫左中辣好似真係好辣!! XD大家小心!!材料新鮮, 而且好多野食, 夾極都仲有, 真係食到好飽, 講下佢牛肉既份量, 其實真係算多, YUMMY!!!仲要講下佢個醬汁, MENU教我地係1份蒜蓉+2份醬油+3份豆瓣醬, 至於辣椒粉就除個人喜好, 我就照跟住做, 再加左小小辣椒粉!! 勁好味!!!!!!!!!!!點牛點菜點丸點咩都得!!一定要試下!!厚燒牛舌 $28台灣夜市小香腸 $26芝士苺苺 $39呢個當然冇大陸HEYTEA咁受歡迎. 但絕對可以頂下引, 芝士味濃郁, 苺又甜, 食火鍋配呢個

話說聽講旺角開左間電競館，好奇心之下就諗住去睇下咩環境，甘去到旺角自然直接係果頭搵野食架啦～係果頭附近行左陣，見到呢間茶茶台式料理，係外面已經聞到入面啲野食既香味，女朋友又話行到有啲攰，入面有位5洗等，就決定食呢間啦入到去好快有人招呼坐低（啲姐姐都幾好笑容喎），位置就5算太大，但位與位之間都還算闊落既～呢度有得打邊爐，一人一鍋，又有得叫小食，價錢以旺角區黎講都幾抵食。我地樣樣都點左啲，呢度等我逐樣介紹下呢個沙茶牛肉係我女朋友叫，牛肉都5算太少，都有6，7塊，其他都係啲娃娃菜、冬菇、豆腐、金菇、栗米，個湯底有小小辣，食落都幾惹味。跟住黎既係台式小食拼盤，佢有兩飯柚子醬雞翼，兩粒炸花枝丸，幾塊切片既台灣腸。台灣腸認真好食，炸花枝丸都5執輸，但個柚子雞翼就真係見人見至啦.. 我就麻麻地，本身都5多鍾意柚子味，雞翼食落都香口同嫩既。然後呢塊鹽酥雞扒，呢塊真係不得了，香酥肉嫩，炸到岩岩好，雞扒又5會老，味道夠！ 強力推薦然後仲叫左隻鹽燒大虎蝦，大大隻，勁好味，食落彈牙新鮮，但38$一隻.. 我就有啲嫌貴..（窮呀） 所以叫左一隻兩份食～最後既重頭戲，係佢地啲台杯飲品，種類非常多，我就叫左杯芝士茶

放假瞓到黃朝百晏，起身梳洗後已經係一點幾了，就同媽媽去屋企附近食個Brunch。見到呢間茶茶台式料理店內坐滿客人，好受歡迎咁，我地都去左試下究竟有幾好食午市套餐好多選擇，有台式飯類、丼飯、麵類等等，價錢都係幾十蚊起，難怪會咁受歡迎台灣清湯牛肉貢丸麵麵條係自家製的手作麵，曲麵條煙韌有嚼口，掛湯效果佳，富有麵粉香，好好食呢！牛肉偏瘦，肉質都幾香軟，仲有少許牛筋，炆煮得好入味~ 貢丸充滿香菇豬肉味香煎雞扒滷肉飯滷肉色香味俱全，濃稠度適中，用上半肥瘦的豬肉所以入口特別香軟，帶有豬肉肥脂香。而滷肉加入左少許香菇一同煮製，所以亦帶有菇香氣！雞扒大大塊，好厚肉，而且好肥美添！雞皮煎得金黃香脆，雞扒雞肉味濃郁，伴滷肉飯一同食用非常滋味蠔油時菜跟餐加$6就可以享有蠔油時菜，𤆥菜芯無添加油，所以非常健康酥炸花枝墨魚丸金黃色的墨魚丸內裏充滿花枝粒，爽口彈牙，質素不錯金鳳茶王(右)無糖的金鳳茶王茶味香濃超級杯水果綠妍(左)冰爽綠茶裡加入滿杯水果，當中有西瓜、草莓、藍莓、西柚、檸檬、百香果等等，水果用料豐富，酸酸甜甜的，好清新開胃

開放式落地玻璃門面，透光性好，可以讓室內光線更充足，通透的觀感，簡約時尚，給人清爽的視覺之感。店內裝潢以白色為主，簡潔明亮，讓室內更為光猛，增強了現代感。座位間距寬敞，用餐舒適不會感覺壓迫。湯底選擇非常多樣，有9種不同口味，無論喜歡清淡或濃味，都可隨自己的喜好做到選擇。而且湯底亦設有不同程度的辣度及不辣，不吃辣的朋友也不用擔心。這裡還有串燒及小食可以選擇。飲品多款式又夠多元化，任君選擇！沙茶牛肉鍋 ($108)一上桌就沙茶的香氣就不斷撲鼻而來，沙茶辣味輕微，惹味不淡，與牛肉形成絕配。滷肉飯點了湯鍋可以以優惠價$12加一個滷肉飯。吃台灣菜又點少得滷肉飯，當然要加配！滷汁氣味飄香，油脂豐富更為潤口滑嫩，創造出不油不膩的口感。惹味燒牛舌/ 1串 $28厚切牛舌有嚼勁，牛舌上有蒜蓉及七味粉，香口又惹味，配白飯超讚！脆香烤汁雞中翼/2隻 ($22)不單皮脆肉嫩，更香氣逼人，非常美味。吃台式火鍋又怎可缺少台式飲料～.(左) 芝士莓莓 $39草莓沙冰加茶再配上一層濃厚芝士，口感豐富清新，一口綿密一口清爽，一次過能喝到多方面的味道！(右) 芝士金鳳茶王 $32茶味不會太濃郁，清淡易入口。加上濃厚的芝士

最近好輕一人一鍋，平平地既可以去吉野家，但係想食質素好少少同特別啲既，呢間會係唔錯既選擇。點解我會揀黎呢度食，係因為除左一人一鍋之外，仲有好多串燒同小食，選擇好豐富。門口仲有得嗌野飲，十足十街邊既手搖飲品，好似好高質！ 我地四人嗌左兩個鍋share!《巴蜀烤魚鍋》$112有得揀辣度，我地揀左小辣岩岩好。烤魚好入味，好有咸香🤤外面塊魚皮好脆，增添口感。鍋入面仲有大量配料，唔夠仲可以額外加😬《沙茶牛肉鍋》$108估唔到啲牛肉都幾高質素，軟嫩又夠淋，唔錯！索左沙茶味既湯底好入味，唔洗點醬汁已經夠可口。配料同巴蜀鍋差唔多。《香烤翠肉瓜》$13好juicy，撒上香料後辣辣地，又好香孜然味，好惹味！《香烤手打墨魚丸》$18口感好彈牙，而且唔乾身，幾好味。《脆香烤汁雞中翼》$22/2好有驚喜，雞翼皮脆肉嫩，好多肉汁，味道剛好唔太咸。《鹽酥雞扒》$32有驚喜呀！炸粉薄又炸得酥脆，唔太咸，雞肉都好嫩滑無雪藏味，幾出色。《麻辣臭豆腐》$38臭味超出，好香。好多時臭豆腐聞落臭，但係食落就無咩臭味，但呢個臭豆腐聞同食都好香臭味，好有正宗既味道，好入味，好推薦！《滿杯百香果》$35清清地，唔太甜，而且好多百

同相逢恨晚既美女朋友行左陣mk，之後決定繼續（扮）青春，去食近年都幾受年青人歡迎既台式一人鍋呢度仲有個open area for 沖台式茶飲同手調，既可以坐入餐廳飲，亦可以帶外所以未睇食咩，我地就揀左飲品先！我要左杯“芝芝莓莓”HKd$39+10%，美女就要左杯“水果綠妍”HKd$37+10%而一人鍋就有9款選擇，我要左個人氣No.1既“招牌臭臭鍋”HKd$108+10%，美女就要左個小辣既“巴蜀烤魚鍋”HKd$112+10%，再加12蚊要左碗滷肉飯除左台式一人鍋之後，呢度仲有台式小食同川式串燒食啵我地睇到之後就追加左個“台式小食拼盤”HKd$43+10%同串燒鍋物都好快送到，未食都聞到美女嗌既魚鍋個種麻辣味美女既烤魚鍋既魯係用上魭魚腩，試左小小，辣度都唔少，唔食得辣既我都係乖乖地食返我order既走辣臭臭鍋啦雖然話係走辣，但都有小小辣架，湯底都係屬於重口味鍋物入面材料種類都幾多，連鵪鶉蛋都有xppp加配既滷肉飯唔算大碗，係每人一鍋既情況下，二人分吃剛剛好個拼盤就有兩隻雞翼、兩粒炸花枝丸同台灣小香腸， 雞翼大隻兼皮脆肉滑！味道相當唔錯串燒方面就最中意呢個燒菠蘿，又甜又juice-整體

最近經過呢間台式火鍋見唔少人食，所以心郁郁同男朋友去試下入到去見倒個爐先知係以前嘅湯米，唔知佢哋有無關係呢同男朋友一人一窩，我叫左沙茶牛肉鍋佢就叫左韓式泡菜鍋兩個湯底都好足料有鵪鶉蛋, 蜆, 牛丸, 炸薯仔等等男朋友個過就有埋公仔麵同年糕好惹味我就比較鍾意自己果個沙茶湯，好濃郁配牛肉食一流我仲加左碗白飯撈湯時食真係好正炸薯仔同牛肉都好好食，所以我地encore左!個人覺得除左可以自私食唔洗爭又可以揀倒自己鍾意嘅湯底之外，呢度最正係有埋我最鍾意飲嘅台式飲料一個字爽不過建議芝士奶蓋可以多d就very good👍🏻

諗諗下發明火鍋嘅人都幾利害，食材多樣化，歡喜食肉/素都可以照顧到，只要湯底唔同，就可以變化成唔同口味嘅火鍋，依加仲發展到可以一人一鍋，有時兩口子想烚下烚下又唔想咁貴，去呢類台式火鍋料理店就搞掂啦!9款特式火鍋，有辣有唔辣火紅台式飲品當然唔少得仲有台式小食類，唔係只有火鍋咁單調亦有串燒供應酥炸花枝墨魚丸，一客有6粒，入口熱辣辣，口感唔算好彈牙，唔多食到墨魚粒!呢客鹽酥鷄排出場率都幾高，見隔離左右都有叫到，可能比"必試"呢兩個字加持左 (哈..)切好一件件容易食，外皮有惹味鹽調味，鷄肉幾嫩滑多汁，唔係嚡同乾，趁熱食果然唔錯!唔否認係個哈韓族，見到呢個韓國泡菜窩點可以抗拒?!  材料超級豐富 : 有豚肉，公仔麵，泡菜，年糕，豆腐，娃娃菜，椰菜，雲耳，豆角，冬菇，金菇菜，薯仔，粟米，炸枝竹，蜆及鵪鶉蛋送上枱後點著火爐，火力幾猛，唔駛等好耐就滾起湯底幾香泡菜酸辣味，豚肉份量有幾片，蔬菜量反而唔少，就算食晒都唔會好膩，今晚胃口唔錯，仲可以加配白飯!巴蜀烤魚窩亦係滿滿材料 : 有鯇魚，豆腐，娃娃菜，椰菜，雲耳，冬菇，金菇菜，豆角，薯仔，粟米，炸枝竹，蜆及鵪鶉蛋鯇魚先炸香左，魚皮變得香脆，魚肉無咩細骨