茶茶台式料理 (已結業)

最近對台式火鍋有啲上咗癮咁，今日見到旺角有一間台式火鍋專門店，佢係一人一鍋嘅模式，而且仲要有臭臭鍋食。臭臭鍋即係台灣有臭豆腐既火鍋，我就點左一個招牌臭臭鍋。都幾足料㗎，除咗有臭豆腐之外，仲有牛肉、金菇、豬紅、粟米、同埋好多嘅菜，非常豐富。另外我哋仲叫咗啲小食，比較特別嘅係燒菜心，坦白講我第一次食串燒嘅菜，口感比較同平時唔同，佢係比較爽口嘅。呢度嘅串燒都會落咗好多調味粉喺面度燒，食落去好香口。另外，呢度都有一啲台式飲品可以叫，唔係一般嘅水果紅茶果類啦，而係珍珠奶茶，仲有芝士奶蓋添。我就叫咗一杯芝芝莓莓，都幾正