茶茶台式料理 (已結業)

· 旺角開咗間茶飲之餘仲有食台食的餐廳 環境好文青同坐得好舒服❤ 之前都飲過呢間的台飲都覺得唔錯今次嚟約埋朋友一起嚟食個dinner 先!滷肉飯其實去過唔少台食餐廳都覺得滷肉飯一般般剩係得一間深得我喜歡 ,令我唔敢想試不過朋友想試~ 我就試一啖咁多點知味道係幾好食~ 滷肉和飯的飯量啱啱好下次再嚟必定"番卓" 食呢個Again 💪芝芝莓莓 和 芝士四季香 芝芝莓莓係奶蓋草莓沙冰嚟啖啖飲到草莓的果甜和果肉芝士奶蓋濃郁都幾好味👍四季春茶味非常甘香 呢間茶飲都係非常唔錯呢排天氣又咁熱 消暑一流呀!!小食系列 叫咗個小食拼盤有墨丸,台灣腸和雞翼作為餐前小吃都唔錯 幾惹味!呢度招牌係食一人鍋 上網睇招牌麻辣臭臭鍋係熱食之選不過唔太食鴨血米血糕之類的所以我地叫咗一個藥膳雞鍋食藥膳雞湯勁好飲😍 我飲唔停個湯😆唔食得辣嘅朋友推介點呢個食👍好多食曬個藥膳 覺得唔夠喉話明一人火鍋 我地2個人決定叫多個😛今次就叫咗個麻辣魚鍋 😍魚肉好新鮮好嫩😍😍😍麻辣湯有點香辣感 麻就一般 但味道都唔錯👍餐廳好貼心有醬料同教你點配搭先最好食下次要試埋啲水果茶!!!

今天跟朋友去這家台式邊爐，裡面裝修得挺整齊。我們兩人各人選了一個火鍋，我選了麻辣豚肉鍋，他選了藥膳雞鍋。藥膳雞鍋的藥味不算太濃，我也能接受得了。裡邊的配菜豐富，有豆腐、炸魚皮、娃娃菜等，非常補身，適合追求健康的人士。我則叫了麻辣湯底，還可以選擇辣度，小辣不算太辣。裡面還有墨魚丸、魚蛋、腐竹等，吸收了辣湯的日月精華後，真的非常邪惡最重要是有公仔麵另外，我叫了芋香奶茶，半糖以後不會太甜，而且芋頭香味清新，正！

同朋友黎食，每人點左一個鍋，再另加一些小食，結帳大約三百多，整體食物質素不錯，價錢亦合宜，用餐非常愉快🤗花蓮烤魚鍋辣度十足的烤魚鍋，配料包括鯇魚、蜆、鮮冬菇、娃娃菜等。食材隨湯底滾得越耐就越入味，放入口中輕輕一咬，使香辣精華四溢，嗜辣者必呼過癮。然而，主角鯇魚魚肉僅熟，肉質普通，未夠嫩滑，較配料失色。宜蘭番茄豚肉鍋與花蓮縣相鄰的宜蘭縣噶瑪蘭黑豚聞名於台灣本土黑豬界，茶茶是否採用宜蘭縣噶瑪蘭黑豚就不得而知。湯底清淡，番茄味不會太濃，主菜豚肉味道不俗，與配料配撘得宜，穩陣之選。涼伴小青瓜、滷肉飯另外點了一份涼伴小青瓜及隨鍋加配了一客滷肉飯。涼伴小青瓜賣相一般，但味道仍不錯，清涼開胃；肉飯以珍珠米弄製，滷肉味道中規中矩。

今日嚟到旺角，想試吓台灣嘢食，搵到一間最近新開嘅台式餐廳。餐廳位置都唔算好方便，要行一段路仔。入面環境寬敞，座位多，坐得舒服，枱同枱之間吾會迫。🐟花蓮烤魚鍋 - $112小編揀咗BB嗱，都已經幾辣。所以如果唔食得辣嘅朋友仔就唔好揀太辣啦，食到最尾真係又麻又辣。個鍋都幾抵食，入面嘅配料豐富，有一大片嘅鯇魚，豆腐、金菇、鵪鶉蛋、娃娃菜、椰菜、四季豆、腐竹……🍚滷肉飯 - 加$15上面滿佈左滷肉，滷肉五香味濃，半肥瘦。撈埋火鍋嘅配料一齊食真係好滋味。🐏羊肉串燒 - $18 兩串羊肉味出，唔騷。🍆燒茄子 - $35上面佈滿粒粒的蒜同蔥，仲有少少辣椒。茄子吸收晒個醬香，好惹味。🐔雞肉串 - $17雞肉嫩滑，燒得啱啱好。🥩煙肉金菇串 - $28估唔到煙肉配金菇都幾好食，煙肉有少少窿窿。🥤滿杯紅柚子 $35入面有兩片西柚，飲到有西柚嘅果肉。西柚唔會太甜又唔會太酸，係食緊火鍋嘅時候一齊飲可以消下濟。

阿女考完試，星期日去旺角波鞋街，12點左右去到，有d餓，都係醫左肚再行街，見到呢間茶茶有台式粉麵，阿女話想飲芝士奶蓋，就食呢間。川味香辣牛肉熱湯配米線湯底唔算辣但麻辣香味好香，米線滑流，肥牛和配菜份量好多，同食火鍋有點似！農場蕃茄牛肉熱湯配手作麵手作麵好彈牙好煙韌，阿女好欣賞呢個蕃茄湯，果然係鮮茄味香濃，好有住家湯味道！柚子炸雞翼雞翼控既朋友值得一試，平時食蜜糖雞翼就食得多，今次食柚子味既雞翼，相當清新，感覺無咁脷！台灣夜市小香腸（未影相已經比阿女食左兩片）小朋友既至愛！芝士莓莓 - creamy 芝士奶蓋，香濃草莓味！超級水果綠妍 - 清新水果味配上香濃茶底！食左一餐美味豐富既午餐，可以同阿女去行波鞋街買新波鞋！

喺旺角同幾個朋友食晚飯，行到呢度附近見到有間新開冇耐嘅台式餐廳，都有唔同嘅火鍋選擇，而且又有台式飲品，於是我哋就入咗去試下。沙茶牛肉鍋 牛肉鍋嘅份量好大，預先將牛肉煮熟。同時湯底比較濃郁，有沙嗲味，不過整體味道都偏鹹。而入面嘅材料豐富，有薯仔、豆腐、粟米、娃娃菜、金菇、魚蛋、貢丸等等。份量相當大，兩個人share食其實都可以。鹽酥雞扒個人相當欣賞呢個雞扒。炸得啱啱好，非常之脆口，而且啲雞扒入面相當juicy。燒菠蘿大大嚿，又甜又多汁。芝士茶味道香濃，有喜茶嘅感覺。芝士份量多亦都重芝士味。整體我哋四個人食咗大概九百蚊都已經食得好飽。食物嘅質素幾高，係一間唔錯嘅餐廳。

行行下旺角好想食台灣火鍋，經OpenRice 就搵到呢間茶茶，貪佢除左有火鍋，仲有台式飲料，一舉兩得。茶茶除左火鍋同飲料，仲有飯類同串燒，所以我地兩個人叫左一個台式火鍋，加烏冬、兩杯台式飲料同串燒，食得好飽呀！爆檸四季春：都真係爆檸，青檸味濃，飲到好多粒粒檸檬。配埋四季春，感覺好清新，好飲！滿杯菠蘿：真係用菠蘿肉搞伴出來的，見到d泡沫就知，飲落好重菠蘿味，除了菠蘿味，還是菠蘿味，啱晒喜歡菠蘿汁的人！宜蘭蕃茄豚肉鍋：裡面配料極豐富，除了多蕃茄，豚肉（豚肉好林），還有奄春旦、金菇、粟米、椰菜、娃娃菜、蜆、腐皮、豆腐、薯仔，加埋個手打烏冬，兩個人食都夠！湯底好飲，配料新鮮、烏冬彈牙，唔錯唔錯！串燒虎蝦：燒得香、好有炭烤味，而且落左孜然粉就更加美味！

約左個friend去旺角睇戲，早到左成個幾鐘，決定醫左肚先～室內白色牆身，簡約裝修，好有台灣文青感覺，加上有幾枱少女邊飲邊食邊影相，有啲身處小台北食台嘅感覺～台式飲品配台式火鍋，一定夾過飲汽水啦！茶茶麻辣鍋（小辣）- 唔係嗆喉濃味嘅辣，呢種係麻辣香嘅小辣，啲菜同公仔麵索哂d湯，頁丸彈牙爽口，我都忍唔住食左啲～藥膳雞鍋 - 雞件份量都幾多，湯底好香藥材味，我仲搵到有當歸片、杞子，啲餸菜咬落去有啖啖藥膳湯，好正～香烤燒牛舌 - 燒烤調味唔錯，牛舌口感好好，好味！芝士綠研 - 芝士奶蓋咸咸地，加埋清新綠茶好鬼夾。滿杯紅柚子 - 出面已經望到兩大塊嘅果肉，吸引～味道好fresh好有柚子味。中路價錢好味又坐得舒舒服服度過嘅個幾鐘，超值！

夏日熱辣辣，冰涼芝士茶真係飲到我上曬癒上網見呢間餐廳平平地，又有芝士茶又有一人鍋，就約埋朋友去試下～星期五夜晚7點半去到都幾旺場，見到人哋食嗰啲鍋好似好多，所以我哋都係share 一個鍋同叫多個飯餐算我哋係專登為咗個芝士茶而嚟嘅，一人一杯當然係基本啦！*芝士金鳳茶王 *好好飲！芝士奶蓋口感細緻幼滑，濃濃嘅忌廉味中又帶點芝士嘅鹹香，再配埋清爽嘅金鳳茶，教我如何不上癮！*芝芝莓莓*朋友點嘅芝芝莓莓，佢覺得唔錯。我都試飲咗幾口，莓莓酸酸地又有啲一粒粒莓碎，有味道有咬口，但始終覺得芝士都係配茶夾啲。*涼拌小青瓜*開胃爽口嘅涼拌青瓜，酸辣得嚟又食到麻油嘅香，如果可以多啲蒜就仲正*台灣夜市小香腸*必點嘅前菜，香口惹味，我同朋友三兩下就食曬*藥膳雞鍋*未上檯已經聞到好香藥材味！呢個鍋真係好健康，佢唔係得一兩條蟲草花喺度扮嘢，而係真係食到底都仲有蟲草花同杞子湯底夠曬真材實料，藥膳味重，所以食嘅時候都幾乎冇點過豉油。雞肉嫩滑，材料豐富，好彩我同朋友share一鍋，自己一個真係食唔曬*鹽酥雞扒滷肉飯*鹽酥雞扒有驚喜！外脆內滑帶有鹽香，加埋鹹甜可口嘅滷肉飯，呢餐飯好滿足呀

待應講野唔正，我地聽唔明佢講麥，佢又好似聽唔明我地講麥咁！都算喇，新移民一黎就要我調位坐入邊，話會整到我，但又叫我男友唔洗坐入去，難道要我地打斜坐食飯嗎？😑都算我地買左三袋野，要放係椅子到，食食下，佢話要搭枱😨我俾錢黎食野要搭枱😨無病嘛？重話將我地啲野放係廚房門口定廚門😰😰😰😰真係未聽過咁既提議！沙茶火鍋！又難食又無料，食完都唔飽！唔知點解會有會話呢度又好食又抵！完全唔覺！唔會再黎！

聽朋友講呢間台式菜嘅cp值好高！我都約埋朋友去try下先😎.Lunch set一般四十幾蚊，大大份！都真係幾抵食🤣味道仲唔錯！！.台灣清湯牛肉麵 $48牛肉又大舊大夠腍！好食！🤤個湯底都ok！不過麵質就硬身少少會更有口感。馬來沙茶牛肉熱湯手作麵 $48見個湯底幾特別就叫嚟試下🤣不過好似一般🤔勝在肥牛同雜菜算多搭夠👌🏻惹味香茅豬扒煎蛋飯 $49賣相好吸引！豬扒夠腍，太陽蛋煎得出色🤤又大碗！夠晒飽肚👍🏻蠔油時菜 加$6，我哋每人加一碟，食多啲菜丫嘛🤣超級杯水果綠妍 $37好多鮮果！唔會太甜，朋友話好好飲！佢哋嘅芝士奶蓋茶都唔錯！lunch set有部分指定嘅飲品加10蚊左右就飲到！好大杯的！ 👍🏻

如題服務-100分 以前經過覺得幾得意 一直都想去試下 但試完一次之後 就覺得不了 以後唔會再去見佢係openrice評分都幾好 都幾期待下我地一行四個人 特意book了位 去試試佢但店員（唯一著shirt衫個位 ）態度很差即使我地book左位 仍逼人轉位給walk in的人 而且係用一個命令嘅口吻！？我地覺得不被尊重 選擇唔轉 然而佢地扮落單 就偷偷hold起d單 唔幫我地落 （黑人問號？我地等左半個鐘 隔離檯全部遲過我地黎嘅人都全部有野食 但我地連單都無！仲要係再追問先知原來無落過單！！what？店員機心到爆 尤其是著恤衫個個疑似經理！自己做錯就推比其他店員！hello？你忘記了你做左d乜？ ps. 第二次有大量客人 店員客氣地問我地轉唔轉位 我地答應了 從來都只係態度嘅問題 咁嘅服務態度唔得架 轉完臺就有野食到哈哈 仲唔係玩野？！btw隔離檯都有投訴落錯單 好嬲！以後唔去！！！食物質素一般 雞排還不錯 但招牌沙茶鍋 份量很少 吃不飽 整個煲多菜少肉 但牛肉更”鞋”到好難食 同樣嘅價錢 絕對可以食到更好嘅食物 完全中伏了

旺角也有一人享用的臭臭鍋！這店更設有台式飲品，芝士奶蓋茶、水果茶、珍珠奶茶等等，價錢則與其他飲料店相若。最後點了沙茶牛肉鍋，這一人鍋的配料有：蜆、牛肉、牛丸、台灣貢丸、鵪鶉蛋、炸薯仔、金菇、豆腐及其他蔬菜類。沙茶湯底夠香濃，微辣的味道使整鍋更惹味。要是兩個女生來吃，可以先點一鍋再加其他食物分享，可以嚐更多！

行完旺角， 梗係去搵好嘢食啦 ，我哋就去咗成日排長龍嘅茶茶台式火鍋 度試下， 一人一鍋唔使爭啦第一次嚟梗係食 招牌臭臭鍋，主要配料就係臭豆腐、滷豬腸、鴨血等同埋大量嘅蔬菜，份量都算大，足夠兩個人食，建議如果兩人嚟嘅時候呢就係要叫一個鍋加其他嘅小食和燒烤串燒咁就剛剛好。味道方面雖然個名叫臭臭鍋，但係一啲都唔臭，當然每人口味不同就正如榴槤有人喜歡有人唔喜歡，但呢個鍋味道10分不錯，仲有其他選擇，有辣有唔辣。至於小食方面叫咗台式烤腸、炸雞翼、花枝丸等等，上枱時熱辣辣並不是預早製造。同時另外叫咗燒烤串燒，有羊肉、豬肉、雞肉及蔬菜類，再配合特製嘅味粉出嚟十分香脆美味， 有驚喜。飲品方面有不同嘅台式嘢飲，但最突出嘅就係本地釀製嘅啤酒，個名字好特別，大家記得試一試。整體來講呢間餐廳嘅食物水準屬於中上，喜愛台式料理嘅有多一個好選擇。

今晚朋友話想打自私邊爐，所以同我嚟咗呢間餐廳食一人邊爐。呢間餐廳有得食充滿台灣味道嘅湯底，間唔中食吓都唔錯。餐廳以白色裝修為主，招牌有隻小恐龍幾得意。除左有邊爐食，仲有串燒同埋台灣飲品。我嗌咗個藥膳雞鍋，個湯底藥材味都幾濃，雞嘅肉質都嫩滑，入面除咗有雞食，仲有炸魚皮、豆腐，同埋多款蔬菜。我仲口痕加多咗個滷肉飯，撈埋啲湯一齊食特別惹味。台式飲品又點少得珍珠奶茶，珍珠幾煙韌，奶茶香滑，茶味都幾濃。小食嗌咗個麻辣臭豆腐，麻辣味就唔算好濃，豆腐有少少臭臭地嘅味道，有啲似香港臭豆腐，幾特別。Lee度仲有串燒，我哋嗌咗牛舌、豬大腸仲有燒茄子，牛舌估唔到都幾juicy，唔會燒到乾哂，豬大腸洗得幾乾淨，冇臭味！燒茄子蒜蓉都幾多，調味亦好夠，所以特別好味。