茶茶台式料理 (已結業)

最近旺角開左好多新既餐廳,真係有排都試唔曬😂今次就揀左呢間新開左冇幾耐既台灣菜,係openrice 訂左位,但係因為去到冇咩人,所以店員問都冇問就直接帶左我地入去坐🤨餐廳既座位數目都算多,不過好快就坐滿曬🤯餐廳主打台式一人火鍋🍲不過都有其他飯set同埋台式小食招牌臭臭鍋(BB辣)($108)臭臭鍋都算係台式火鍋一個幾signature 既菜,所以就決定叫黎試下👍🏿鍋入面有好多材料,包括牛肉,臭豆腐,米血糕,鴨血,滷大腸,台灣貢丸, 鵪鶉蛋,蜆,炸菜,韭菜,粟米,椰菜,冬菇,蛙蛙菜,金菇同埋芫茜🙃材料係就係幾豐富,不過味道十分普通,係舊米血糕比較好食鹽酥雞扒滷肉飯🐷🍚($69)呢個係一個set 黎既,有前菜,滷肉飯同埋酥炸雞扒,唔包野飲,如果要飲既話要加$20蚊😞雞扒個炸粉太厚而且唔夠熱🙄滷肉飯夠大碗味道算過得去另外再叫左個台都香腸同埋少少台式小食,不過味道都係一般😖重點係D服務員既態度好差完全唔係服務員應有既態度😡而且佢既點餐紙係有人用過,問佢拎過張新既佢好似不情不願咁,點知黎過第二張都係用過🙄總括黎講唔太推薦大家去,因為野食真係十分普通而且服務態度劣

同朋友睇完戲後已經到左食飯時間,非常肚餓,朋友話既然咁肚餓,食火鍋一定飽,所以帶我去佢食過又覺得好食的一人一鍋餐廳!這裡係一間台式餐廳,佢有個標記係一隻好似恐龍仔的公仔食緊火鍋,非常可愛!踏入門口有一個水吧,可以在這裡買台式飲品帶走,亦可以坐低一邊食一邊飲!餐牌有特選套餐台式料理,串燒,火鍋和飲品選擇!我們被火鍋深深吸引住,湯底有6款,唔夠食的話可以追加食物,我們決定加多個烏冬和雞蛋!!!各自再叫多一杯凍飲!<宜蘭蕃茄豚肉鍋> 食材十分豐富,有豚肉,蜆,蕃茄,炸薯仔,炸枝竹,豆角,豆腐,粟米,椰菜,冬菇,娃娃菜,金菇和芫茜!蕃茄湯底非常濃郁,全部食材都滲著濃濃蕃茄味,唔洗點任何醬油都十分夠味!!豚肉肉質非常鮮嫩,厚度剛剛好,食起來口感不錯!<沙茶牛肉鍋> 食材一樣豐富,有牛肉,牛丸,台灣貢丸,鵪鶉蛋,蜆,炸薯仔,榨菜,韭菜,豆腐,粟米,椰菜,冬菇,娃娃菜,金菇和芫茜! 沙茶湯底一樣非常濃郁,可以選擇辣度,如果唔食牛肉,仲可以轉豚肉,十分貼心啊!!牛肉肉質柔軟美味,唔會因為煮耐左變得好韌,真的不錯!<純四季春> & <純茶茶八號&#

OT左幾日都無陪過女友，今日放假當然要好好補償下啦。 女友話茶茶裏面裝修都幾小清新，乾乾净净。食物選擇都幾多，飯，麵，鍋，小食，乜都有。我地叫左一人鍋+串燒+台式小食+芝士奶蓋茶 個沙爹好香好夠味道， 我無用調味料都覺得🆗！雖然話係一人鍋，但係裏面好多配料。好多肥牛，有丸啦 ，唔同嘅菜啦，蜆， 仲有鵪鶉蛋！我自己食曬分量剛好，如果女仔一個人食可能會太大份。 台式鷄排! Good! 仲有好邪惡嘅燒烤。。。野飲都好多野揀。佢個超級水果茶唔錯，又唔太甜。 飲唔曬可以直接攞走。方便。

約左個朋友食飯，朋友喜歡食火鍋，就佢係佢公司附近食呢間台式火鍋。店內雖然唔太大，但坐得都好舒適！宜蘭蕃茄豚肉鍋新鮮既蕃茄薯仔湯底，豚肉好淋，豆腐好滑，配菜又多，好抵食！魚片香脆，再叫左碗粉絲！台式小食拼盤小香腸-正宗台灣香腸，好香好味！花之丸-外面香脆，好彈牙！雞翼-個皮好脆，裡面仲係好juicy架！涼拌小青瓜勁爽口既青瓜，份糧多，食d青瓜可消消滯！麻辣臭豆腐係香港唔多地方食到呢款麻辣臭豆腐，勁香麻辣，好野味吖！呢間小店，除食物好味，台式飲品亦十分出色。左：百香果綠妍右：滿杯百香果其實兩杯既味道都好似，都好濃百香果味，茶味又香濃，只係滿杯百香果多左d檸檬味！兩杯都好味而解渴！

台灣菜係我最愛的其中一樣野食，之前行mk 經過想試， 但果時full 晒冇得食， 所以今次醒目仔一早bk 左，7 點零鐘黎到， 安排左近冷氣既位， 呢d 熱辣辣既天氣最爽就係住訓冷氣位😎環境舒服， 小清新感覺， 一入門口係對住水吧位， 見到一堆台式飲品既水牌， 價錢同出面既台式飲品差唔多我地兩個人叫左燒茄子， 燒翠玉瓜， 燒雞軟骨， 紅燒牛肉麵， 炙燒牛肉飯， 小食拼盤，仲有芝士茶茶8 號&滿杯紅柚子先黎左串串燒物， 翠玉瓜同茄子， 唔會燒得好干， 有孜然粉味， 但茄子就比較油😫， 雞軟骨有唔少雞肉連住， 味道還好la到主食la, 紅燒牛肉麵😍， 先飲左一啖湯， 有陣枸杞的味道， 而麵係我鐘意既粗麵， 口感煙un, 鐘意煙un 既人必食， 紅燒牛肉， 唔會鞋口， 有肉味， 未去好好食， 但唔會差！炙燒牛肉飯， 第一眼睇落去好日式， 醬汁幾香濃， 食落去幾重黑椒味， 佢係燒肥牛， 再配白飯好夾， 十分野味， 可惜只係肥牛比較干左d, 但整體唔錯👍🏻而台式拼盤， 有雞翼， 台灣腸同埋花枝丸， 台灣腸佢係甜既， 應該係蜜糖版， 唔會太干， 幾好雞翼佢係有淋上柚子醬， 可以一解炸既熱氣， 味道

同事介紹我旺角茶茶d野唔錯，CP值好高，所以今次約埋朋友一齊去食。一去到，最吸睛既，係佢個個招牌，隻恐龍好Q好得意😍。我同朋友兩個人去食，所以都唔敢叫太多野食，只係叫左招牌臭臭鍋+烏冬、四寶滷肉飯餐、炸魚皮、一串燒豬大腸同兩杯野飲。茶茶唬上餐都好快同服務態度都好好，值得一贊👍🏻。招牌臭臭鍋，可選辣度 （小、中、大、特、勁辣）朋友唔食得好辣，所以只係叫左小辣。個鍋好足料，臭豆腐好正，蔬菜都好多。炸魚皮點埋臭臭鍋d湯黎食，又脆口又好味，堅正🥰。 之後再落埋個烏冬，好好食😋。台式寶滷肉飯餐，話就話四寶，計埋份青瓜，其實可以叫五寶囉，因為份青瓜都好清爽好好食😁 依個餐飯餸份量好多，好抵食。起初驚大多野食，所以串燒只叫左一串燒豬大腸。食左一舊，發現原來佢地d串燒好好食，原本想追加串燒黎食，但朋友仔驚叫多左食唔哂就變左大蹝蹝鬼😣，d串燒唯有下次再黎食啦😥。飲品其實好多選擇，我叫左芝士莓莓，好好飲。朋友仔就叫左芝士凍頂烏龍茶，佢都話好正喎😚。整體黎講，同事無介紹錯，真係好高CP值，唯一就係無咩食到串燒，唯有下次食啦。😬

今日一個人在旺角想搵間坐得舒服既餐廳食午餐好多地方一係多人 一係又係米線碟頭飯之類行行見到呢間茶茶台式餐廳見唔洗等位 即刻入左去坐地方大 感覺唔迫 佢午餐加埋杯台式飲嘽閩只係五十幾蚊算係好抵食係街就算買一杯普通台式飲品都要二十幾蚊我今次叫左個台式鹽酥雞排肉燥飯飲品要左杯荔枝紅玉我食過好多間鹽酥雞 好多做法都唔到呢一間就炸完面頭有啲粉作吊味雞排炸得脆 但就唔係酥脆果隻而肉燥就一般 正常通常肉燥飯都配有椰菜呢一碗都唔例外 但味道就似我返回中學時代飯盒中既蔬菜味道而荔枝紅玉 我叫左小甜就真係無乜甜味 都算唔錯而佢係一個外賣台式飲品杯咁上同平時台式餐廳唔同見到好開心 飲唔曬都可以拎走正體黎講 午餐呢倨價錢呢個水準算唔錯

放工經過旺角豉油街好似開咗幾間新野就入去試下星期一七點幾鐘冇咩人唔使排隊，兩個人坐咗張四人枱。（埋單走果陣就坐滿曬）環境方面真係要讚一讚👍，有鍋有串燒，但係通風做得好，無好大煙味道。唔洗驚食完成身味 XD見到佢個飲品Menu 真心有驚喜。。竟然有芝士奶蓋！ 我即刻叫咗個芝士金鳳茶王😆男友就叫咗個超級水果綠妍，真係超多水果。同街買果D手調飲品有得揮，哈哈！男友話佢好肚餓，就叫咗個沙嗲牛肉鍋俾佢。BB辣啱怕辣嘅朋友 ，哈哈！我唔太餓就主攻小食同串燒個沙爹牛肉鍋裏面真係超多料，一個人食剛剛好， 仲可以加烏冬。 串燒唔少得嘅燒茄子 （重蒜！哈哈） 鹽酥雞排！烤雞中翼 夠脆！金菇煙肉卷 ，用煙肉黎卷香過直接用肥牛！烤雞串炸花枝丸最後叫左燒菠蘿🍍做甜品 買單兩人食左400 ， 少貴但係質素🆗！

同朋友經過旺角比佢既大大招牌燈吸引左入去🥰，就係呢間茶茶台式料理！入到去燈光明亮，令人幾精神，只係坐位比較狹窄！宜蘭蕃茄豚肉鍋🍅🐖：（加配滷肉飯）個鍋都好豐富，入面有枝竹、金菇、多串豚肉、蜆、粟米等等！湯底蕃茄煮得夠入味，伴有蕃茄係湯底入面，豚肉富有肉香，配做火鍋的確柔軟唔會韌！單配滷肉飯只係+$15，滷肉好多，味道唔會太咸，配飯入口一流！台式小食拼盤：有小香腸、雞翼、花枝丸各2件，同朋友岩岩好一人一件試曬三款👅，小香腸好香甜，咬落好多肉汁！雞翼用左柚子醬錦上添花，解一解油炸既感覺，雞翼炸得金黃，肉質Keep到嫩滑！花枝丸外皮炸得夠脆，入面仲超多花枝既粒粒！🍻串燒（香烤韭菜🥬，蒜蓉燒茄子🍆）韭菜面加上香烤七味粉，十分香口！微微既七味粉辣香，令人更加食指大動！蒜蓉茄子更加唔洗多講，超多蒜蓉，而茄子燒得夠，茄子肉夠林，一拉就輕易同皮分開！正！🥁奶香嫩仙草：仙草甜品正常，如果可以加上一d水果/最近大熱芋圓會更好！😝芝芝莓莓： 芝士夠杰身，香濃軟滑，奶味同芝士都夠！莓味酸酸甜甜，伴住晚餐開胃之選，難怪8成枱都見到佢既蹤影！😍芝芝金鳳茶王：同樣芝味夠濃，茶底亦突出，飲到茶香甘味，芝士同茶底都好夾

同朋友行mk, 佢突然話想烚下烚下，突然邊度有位呀大佬😂😂然後行過呢間餐廳，唔似一般打邊焯嘅門面，好光猛好舒服，又唔算多人，於是一試！Menu有三張，有台式一人鍋、燒物同台式飲品！鍋物方面，選擇有6個，好欣賞每個鍋下面都寫左有咩料，好貼心💗💗因為我同fd子都唔食牛，於是叫左番茄豚肉鍋同藥膳雞鍋。menu左下角仲有教你調配料比例！務求食到最佳風味！🤤🤤燒物方面都好多choice, 價錢一定無大陸食咁平，但都還好，叫左幾款過下口癮😬😬最surprise 係drink menu有好多選擇😍連賣飛佛芝芝莓莓都有！咁洗去排隊買！即點！好快2個鍋就到左，雖然話一人一鍋，個一個鍋勁大勁足料😱😱我仲以為係吉x家size 添呀！2個鍋湯底都好夠味，一啲都唔假！藥膳雞鍋愈煲愈甜愈濃味，忍唔住追加左個烏冬嚟食！個人覺得藥膳味好易入口，連唔太好嘅我都Lam lam脷！番茄嗰個都唔錯，豚肉唔in, 有豬肉鮮味！燒物方面，有落足孜然粉，好有風味！冬菇好易燒乾，佢仲係好juicy, 超正！雞軟骨骨肉匀稱，都好值推！扇貝就用蒜蓉粉絲燒，都好厚肉同juicy!!!飲品方面，呢杯芝芝莓莓還原度極高！除左無咁沙冰！😂😂超滿

買完波鞋又到晚飯時間了芝士桃桃少冰都不錯，桃跟芝士的配搭很夾。鹽酥雞扒滷肉飯，滷肉份量多，更有菜伴碟。雞肉厚肉大塊外脆裡面亦很入味。招牌臭臭鍋選少辣，牛肉、臭豆腐、米血糕、台灣貢丸、鴨血、蜆、滷大腸、等十多種材料而味道不算太濃。臭豆腐不算太重味，L 個人覺得偏淡。米血糕有質感雖有辣椒粉及蒜蓉調味加持，但最後都沒有用到金牌烤羊肉串很美味，外面香口而且香料味重，裡面則肉質嫩滑。蒜蓉燒茄子易整難精，但這裡確實不錯。茄子一絲絲又不乾身，表面香料很正。滿杯紅柚子 L 選了無糖，入口清新品嚐到西柚味之餘亦不過甜。

茶茶唔喺旺角最熱鬧嘅街道，平時搵食真係未必識搵嚟呢度，朋友話之前試過，呢度d鍋物唔錯，所以帶我嚟試試!睇Menu都有好多種類嘅嘢食，我哋兩個人，想試多d唔同種類嘅嘢，所以叫咗一個鍋，小食拼盤同埋串燒!今日有少少唔舒服，所以無叫到辣鍋，叫咗個蕃茄豚肉鍋，感覺較清較健康，蕃茄湯底夠濃，d食材都好多好豐富，有菜、豆腐、冬菇同主角蕃茄同豚肉等等，份量足，一個人食絕對足夠! 豚肉嫩腍，口感唔錯! 小食拼盤有我喜愛嘅台灣腸、香甜嘅柚子雞翼同花枝丸，味道非常唔錯!我最欣賞佢嘅串燒牛舌，燒得剛剛好，厚薄適中，又腍又好口感，勁正!至於羊肉串，感覺味濃，可能為咗辟羊騷味， 醃料就似乎重手咗d! 雞串就不過不失!套餐加配咗飲品，蜂蜜綠妍，淡淡綠茶香，唔會太甜，啱哂口味!

見到咁多好評 所以特登黎試下 點知好失望囉🤦🏻‍♀️雖然間舖頭入面所有職員都係講普通話 可能係台灣人 但啲食物完全冇台灣嘅味道🤷🏻‍♀️首先滷肉飯同肉燥飯都分唔到🤦🏻‍♀️ 滷肉飯啲肉應該一粒粒同埋有肥膏 而肉燥就係攪碎嘅瘦肉 個肉燥嘅汁非常之少 肉碎又少 不過鹽酥雞就炸得幾脆牛肉麵 不過不失 啲肉有啲韌 咬唔開滿杯百香果 跟餐加16啲百香果少得可憐🤷🏻‍♀️ 其實見隔離枱嘅珍珠奶茶嘅珍珠都少得可憐 廿粒都唔知有冇 好彩呢杯跟餐係16蚊 如果原價35蚊就真係唔會買芝士四季春 跟餐加12奶蓋非常之少 奶蓋又薄又稀 芝士味係有少少嘅 但茶味就無啦兩杯飲品我都係走冰 拎上入手杯嘢飲竟然係暖嘅🤷🏻‍♀️

本身見到一人一鍋都剩係想去打個邊爐，點知仲可以食串燒同埋台式野飲，爽yy 🥰同男朋友2個去食，因為我地驚點2個鍋會食唔哂，而且都想食下啲串燒，所以剩係簡左一個藥膳鍋同串燒share。藥膳鍋一黎就即係聞到勁香藥膳味，而且啲料都好足！都幾surprise 有炸魚皮同鵪鶉蛋食，好好味呀。除咗個鍋，我哋仲追加咗滷肉飯同埋粉絲。個滷肉飯真係好好食呀，好香，一黎邊爐都未開始打就忍唔住食晒。串燒就點左牛舌，台式小食拼盤同蒜蓉燒茄子，個茄子真係超級好食，入口啖啖蒜香味。牛舌都唔錯，小食拼盤男朋友就略嫌乾左啲，但都ok既。

係旺角個行完街，喺新寶戲院前少少 見到呢一間茶茶台式料理，俾佢門口嗰隻恐龍仔logo吸引到，而且見佢感覺干淨，裝修輕鬆，咁我就同朋友入去試一試啦！呢一間台式料理主要係食火鍋，總共有六個口味，而且有一個叫招牌臭臭鍋，雖然好想試，但係因為見到佢係有隻辣椒係隔離，我又唔識辣嘅，所以冇叫到😹！不過見佢嘅材料都係臭豆腐，米血糕，滷大腸，食辣嘅朋友下次可以叫黎試吓。今次我哋就叫咗一個沙茶牛肉鍋，價錢都係108，感覺好似好抵咁！雖然佢都係有辣椒仔係隔離，但問過職員佢話唔辣嘅，所以我哋就叫左。驚佢唔夠飽我哋另外仲叫咗個烏冬添！大約10分鐘左右就上菜啦，火鍋湯底有少少淡口，如果沙茶再濃啲就更加好，不過味道係好食嘅！而且配料有好多蔬菜，有娃娃菜同椰菜，食落都唔會太罪惡感，清清地好似健康d！另外我哋見到佢門口有個沖手搖飲品嘅位置，咁我哋當然要叫返杯台式飲品試下！本身我哋想叫一杯芝士桃桃，但係咁岩冇晒，所以改叫咗一杯芝士莓莓！飲落又真心好好飲，佢啲奶蓋係拍得住<喜X>！ 搞到我一個人飲咗兩杯，飲完真係勁大罪惡感😂