茶茶台式料理 (已結業)

去旺角行街行到攰見到哩間logo 咁可愛嘅台式餐廳，仲有埋芝士茶飲，就決定同朋友試試佢。我地兩個人叫左一人一鍋，因為我本身鐘意食臭豆腐，所以就試左個臭臭鍋。朋友就叫左個花蓮烤魚鍋，兩個鍋都叫左中辣，我本身都鐘意食辣，所以覺得哩個辣度岩岩好。個臭臭鍋一黎到已經好香臭豆腐味，材料都多。飲埋杯芝士金鳳茶，芝士味唔會太重搶左茶味，一啖臭臭鍋一啖芝士茶真係高級享受。最後我地仲叫左個茄子，燒得好香又多蒜蓉！滿意！