茶茶台式料理 (已結業)

晚飯時間光顧，叫咗台式四寶滷肉飯同牛肉飯，再加兩杯飲品。Menu上只供參考嘅圖片四寶飯有雞翼、牛展、香腸同花枝丸。上菜果時得返雞翼、牛展同花枝丸。問侍應佢再問廚房先話無晒香腸。其實睇返參考圖片，佢有比返多一隻雞翼同一粒花枝丸，算係均真。不過同顧客嘅溝通可以做好啲囉，唔好老馮咁樣，又唔係平。實物 （食咗半粒花枝丸）參考圖片

👃🏻 呢度既西利之處係菜一上檯，食物既香味非常濃烈，即使係普通菜式未食已經聞到香噴噴吸引你👅呢個翠肉瓜好重孜然味，少少辣，味道可以，但未燒得淋身，食落有少少硬，扣左分。淋的話就會好正！蒜燒茄子好掂呀，超多蒜而且好入味，廚師好中意用孜然😂唔知其他所有燒物都用孜然呢？😹可以再食呢個小菜。雞鍋都幾多料，藥膳味都有但唔係話太突出，所以食落就唔係好覺有吸引既藥膳味。但料係多既，有木耳 豆腐 炸魚皮 蛋 雞肉 冬菇 冬蟲草花 芫荽 菜，基本上一個人食一定飽住走。雞肉切得好大舊，但都算煮得入味😚👍🏼

同女朋友去旺角行街，撞到朋友，介紹左呢間茶茶，好啦，諗住一心試下，入門口都已經冇人招呼，仲要冇一個人有笑容，唔講以為岩岩死老豆，之後行入鋪頭一半先有人問幾多位，之後坐底，除左火鍋，晚餐就只有6款正餐比人選擇，其後，分別叫左個A4(四寶鹵肉飯)同A5(紅燒牛肉麵)，鹵肉飯都尚可接受，但係四寶入面除左牛展係正常外，其他都炸到乾哂，實在唔知想點，另外既紅燒牛肉麵明明叫紅燒，但係啲麵同啲牛肉係辣既，仲要個湯底好咸，唔知係咪味精好平。總結：味道同價錢唔成正比，唔會再有第二次，就算全旺角得返佢一間野食，都唔會選擇呢一間，絕對有理由相信啲好評係搵人打或者買返黎

一早諗住慶祝朋友生日，打電話問收唔收切餅費，啲姐姐唔明我講咩，買咗蛋糕上去餐廳，我地一早卜左7點鐘，7:01 就問我地幾時齊人，啲姐姐態度太差，比說話我地聽，隔多幾分鐘又催我地到食完之後，同啲姐姐講嗰陣講可以上埋個蛋糕，佢直接拎成個蛋糕出嚟擺上枱，連蛋糕盒都冇拆開，我生日個friend睇到呆左，我地要自己拆開個盒。。。仲要問佢拎碟，咁既服務質素。。。我未見過一間餐廳會咁樣。。。啲野食又麻麻地，份量少，以後都唔會再去食

同男朋友去旺角行街見肚餓，周圍搵下嘢食，見到呢間新開無耐嘅台式餐廳，鍾意火鍋嘅我見到有火鍋即刻想試。佢哋有好多唔同嘅台式飲品，我哋就叫咗兩杯芝芝一杯$39 價錢唔算平但係飲落去唔係用新鮮水果，同平時在喜茶開嘅好唔同！男朋友叫咗個麻醉鍋中辣，裏面有肥牛、粟米、冬菇、豆腐、墨魚丸、金菇、蟹柳等等。佢嘅辣味好表面，就好似整完個湯再加辣粉嘅味道。我就叫咗個藥膳雞鍋，有幾件雞、炸魚皮、金菇、粟米、蜆、雲耳等等。湯底見到有杞子同埋少量藥材，味道唔錯一鍋百幾蚊，連埋飲品共三百幾蚊，性價比偏低！P.s.食嘅時候有隻小飛蟲🦟相信清潔度有待改善

今次預約左呢間台式料理餐廳 內𥚃有火鍋, 台式料理, 飲料同各款小食 飲品嘅選擇都好多 對我呢個愛好者而言 真係非常吸引呀$108 茶茶麻辣鍋火鍋裏面材料豐富 牛肉 粟米 金菇 蟹柳 公仔麵 魚蛋 墨魚丸 牛丸 蔬菜等等 一個火鍋已經夠兩個人食 味道相當濃郁香口🌶$43台式小食拼盤有迷你腸 墨魚丸 柚子雞翼💛 每一款小吃都好好食啊$28 金排烤羊肉串調味很好 而且份量都不算少👍🏻$37 超級杯水果綠妍水果份量都幾多 而且好Juicy😍🍓🍉🍐 解膩作用超好🤤💰結帳：

招牌臭臭鍋、滷肉飯、沙茶牛肉鍋、台式小食拼盤、鹽酥雞扒、藥膳雞鍋通通都係Cha Cha茶茶台式料理既主打料理, 款式夠哂多樣化, 令你每次過黎食Cha Cha都可以揀到唔同既款式, 而今次火鍋達人主力都係去試招牌臭臭鍋同埋藥膳雞鍋, 臭臭鍋比較特別係以白臭豆腐為主打, 鍋入面都出奇地多食材, 有牛肉/臭豆腐/米血糕/鴨血/滷大腸/台灣貢丸/鵪鶉蛋/蜆/榨菜/韭菜/粟米/椰菜/鮮冬菇/娃娃菜/金菇/芫茜, 其中最特別係「米血糕」, 食落口煙煙靭靭, 口感好似年糕！ 另外藥膳雞鍋個湯底都算幾好, 幾濃雞湯味😍 如果你未試過臭豆腐既火鍋, 不妨都可以試下啦～--●驚喜菜式: 米血糕 藥膳雞鍋-●綜合評分: 1. 湯底: ★★★☆☆ 2.食材: ★★★☆☆ 3. 環境: ★★★☆☆ 4. 價錢: ★★★★☆ -

呢間台式火鍋，同我食開嘅臭臭差不多。都係一人一鍋啦，都係一堆配料自滾。味道都唔錯，但就算叫左小辣都幾辣下，唔食得辣嘅要叫啲唔辣嘅鍋至得。但個公仔麵唔應該放埋一齊滾，滾到中間已經冧哂，唔滾住又唔夠味至於佢嘅五花腩飯，就正正常常不過不失。啲肉就有少少韌，個汁都唔錯。跟餐可以加20蚊有杯嘢飲，杯珍珠奶茶都係正正常常，唔算太甜個種餐廳裝潢都唔錯，坐得幾舒服同三五知己吹下水食下飯都ok嘅。雖然星期六去，可能因為早，唔使排隊就入得了！

慎入！已經覺得物非所值，唔明D好評點黎，難食到無想再形容...無下次！.....呢間嘢D煲又大個，但位就逼到傻，搭臺座下下都要比個體型比較大的呀姐撞..唉，真係倒胃口！..

之前經過呢到幾次 覺得佢既鍋都幾吸引今日終於黎咗試大約9點9黎到 唔洗等位好快就落咗單叫咗鹽酥雞滷肉飯同茶茶麻辣鍋不過上菜速度真係好慢係只有6成人入座都等咗約20分鐘鹽酥雞十分大件嫩滑 唔會太鹹又有味 比想像中出色滷肉飯幾多肉 略嫌太少菇 但味道都係唔錯 反而個鍋有d失望麻辣鍋有辣無麻上枱時未滾但好多料已浸淋/散好似蟹柳咁 未熱已散味道普通 肥牛較韌但一個鍋都幾大加15蚊可以配多個滷肉飯唔大食既建議可以叫一個鍋再加其他野2人share下次會想試下沙茶鍋宜家晚市930後仲有7折 算抵食

晚上原本想吃火鍋，點知隔離間一鍋堂要等70張枱 經過見到呢間都有煱食就入去試下喇。由於已經係夜晚10點所以就唔駛等位。坐低叫咗個茶茶鍋（$108）同一份鹽酥雞扒滷肉飯（$69）。等咗大約二十分鐘先上份雞扒滷肉飯，老實講有啲慢。不過雞扒都算大份，係唔錯嘅。個滷肉飯無冬菇味，雖然唔係話好好味但都好過個茶茶煱。個茶茶煱裡面就係非常普通嘅食材，娃娃菜、一粒魚蛋、一粒貢丸、一粒墨魚丸、一小小截粟米、一條蟹柳、兩隻蜆、肥牛、公仔麵、兩小舊豆腐同枝竹。嚟到之後加多一個滷肉飯（$15跟火鍋），飯量都唔係話好小，但就唔建議加其他食材因爲都幾唔抵食。原價應要$211（加一），但9:30後食會有七折所以埋單$174。總括而言就唔會推薦茶茶煱，但鹽酥雞扒可一試。

第一次在香港吃台灣一人火鍋，與友人一人一鍋。座位雖多，不過較擠迫，尤其當日比較多客人，枱面位置很細，尤其是當每人放了一個大鍋後，就沒有很多位置放其他小食飲品了。不論飲品、菜式方面的配搭都很新穎，還有川式烤串燒，而且價錢算是貼地。藥膳雞鍋：藥膳味不濃，易入口。雞件多，不過不夠入味。材料豐富，有金菇、鵪春蛋、鮮冬菇、鳴門卷、豆腐、炸魚皮、蔬菜等，還有蟲草花，非常補身。金菇、椰菜等材料較能夠吸盡湯底精華，相對最濃味。另外還可追加飯麵及配料的。麻辣臭豆腐：銷魂的臭豆腐味道，豆腐質感軟滑，想念台灣的夜市了。芝士莓莓：一層厚滑的芝士奶蓋，鹹香味濃的芝士，下面是雜莓味的果茶，甜度自己選擇。先呷一口芝士，之後再慢慢喝到底部的果茶，芝士及雜莓味道配搭十分夾。

從來唔寫食評，呢間真係差到我覺得唔可以唔講，一入間鋪，並冇部分評價請得咁有禮貌，咩帶位/歡迎光臨當然都係冇，點餐部分，叫左一個藥膳煲 亦有叫其他食物，其他唔講，藥膳煲冇記錯係$112 ，首先，絕對唔係「煲」係一個碟，我望住「碟」野，份量仲小過我吉x家$68一個邊爐 三舊雞 幾條菜，自問唔算大食，但食完冇飽過。講埋個飲品，叫左一杯鮮奶茶、一杯芋香珍奶，簡單講就係兩杯奶水。店員亦都係冇一個識笑，台灣食店，店員係台灣人定內地人就.....特別係一個比較肥既店員（似係最資深）落錯單，唔好意思都唔識講，反而話：都係咁食既啦！極度冇禮貌，極度懷疑佢d好評係全部自己打出黎。食物量極小員工態度都極差

本人真係好鐘意寶島既好味道～不能成日搭飛機去～就搵下香港有邊間餐廳味道跟台灣相近～旺角找找看見到茶茶剛一入點就會見到飲品～台灣食品當然要飲珍珠奶茶鹽酥雞扒滷肉飯原本覺得前茶會好普通～但一入口好酸酸地好開胃～鹽酥雞扒雞皮好脆～又唔油膩～加埋魯肉飯真係好配～宜蘭蕃茄豚肉鍋雖然出名就唔係呢個鍋～但飲了一口蕃茄湯好清甜～好濃既蕃茄味道除了主角豚肉還有很多配菜～有蜆～豆腐～金菇～腐皮～粟米⋯⋯⋯P.S. 下次要試下其他鍋～雖然我唔食得辣～但蕃茄鍋都不錯～招牌菜一定都會有驚喜

至少要65以上，味道一般。還另有加一服務費，而服務質素甚差，飲品需要自助購買，杯裝水亦未能由服務員提供，與整個用餐體驗格格不入。而且服務員不理顧客未離席，就於非繁忙時間急於收拾餐桌，有趕客走的感覺。這樣的價錢，在附近絕對有更好的選擇，而不用於此用餐。