茶茶台式料理 (已結業)

呢間台式火鍋，同我食開嘅臭臭差不多。都係一人一鍋啦，都係一堆配料自滾。味道都唔錯，但就算叫左小辣都幾辣下，唔食得辣嘅要叫啲唔辣嘅鍋至得。但個公仔麵唔應該放埋一齊滾，滾到中間已經冧哂，唔滾住又唔夠味至於佢嘅五花腩飯，就正正常常不過不失。啲肉就有少少韌，個汁都唔錯。跟餐可以加20蚊有杯嘢飲，杯珍珠奶茶都係正正常常，唔算太甜個種餐廳裝潢都唔錯，坐得幾舒服同三五知己吹下水食下飯都ok嘅。雖然星期六去，可能因為早，唔使排隊就入得了！