茶茶台式料理 (已結業)

是日放工約咗朋友旺角食飯，接近大半年冇飛，大家都好想去台灣，於是約咗食呢間台式料理，餐廳裝修得幾新正，座位之間都幾寬，坐得舒服。-沙茶牛肉鍋 個鍋都幾多不同嘅配料，有牛丸，台灣貢丸，蜆等，打邊爐必食嘅蔬菜都有，當然唔少得牛肉份量都幾多下。個湯底飲落有少少辣但唔油膩，適合我呢啲想食辣但唔想食咁辣嘅人，食到咁上下落埋粉絲索晒啲湯嘅精華好味-藥膳雞鍋 友人叫咗呢個鍋，配料大至上都差不多，但有別於呢個鍋系冇丸，但多咗炸魚皮同鳴門卷，雞件嘅份量夠曬我哋兩個人食有突，啲雞好大舊，雞肉食落滑嫩唔會鞋烚烚。湯底聞落唔算好濃藥膳味易入口。-青椒皮蛋皮蛋加埋啲蒜蓉芫茜同埋啲醬酸酸地幾開胃。-脆皮肥腸豬腸個皮炸得香脆，點埋個泰式辣醬辣，幾好味。-奶蓋茶茶八號友人嗌咗走甜，茶底甘濃奶蓋芝士香滑。-百香果綠妍杯野飲嗌咗少甜，真係做到少甜，綠茶配合酸酸甜甜嘅百香果，夏天飲真係好開胃。大推追加粉絲同烏冬都系打邊爐不能錯過嘅食物。

臨近月尾，銀包開始瘦，唯有同朋友食D既經濟又好食嘅台灣菜，今次分別點左 招牌臭臭鍋($108)、雞蛋($8)*2、台式紅燒牛肉麵($68)、灸燒五花肉飯($62)、招牌鹽酥雞($40)、酥炸花枝丸($34)、滿杯紅柚子($35)、爆檸四季春($35)招牌臭臭鍋：呢個鍋相當豐富，有牛肉、臭豆腐、米血糕、鴨血、滷大腸、台灣貢丸、鵪鶉蛋、蜆、榨菜、韭菜、粟米、椰菜、鮮冬菇、娃娃菜、金菇、莞茜，另外仲有唔同火鍋配料可以追加，所以唔夠飽可以追加白飯/手打烏冬當埋主食都得。今次同朋友就追加左雞蛋，因為平時火鍋都好中意打隻蛋加落去。叫得臭臭鍋，佢個臭豆腐的確好濃味夠晒正湯底少少麻辣味，唔會過辣而又令到D食物更添惹味。蜆無沙，粟米、娃娃菜都好甜下台式紅燒牛肉麵：湯底味道濃郁，飲左啖唔會覺得好鹹。牛肉夠厚身而又煮得夠腍夠入味，麵質都幾彈牙唔會淋晒，成碗牛肉麵水準都好好灸燒五花肉飯：呢碗飯嘅份量都幾大，五花肉唔會太過肥，記得將D醬汁撈勻少少連埋D飯食就啱啱好夠惹味如果唔係醬汁太多就會好鹹招牌鹽酥雞：呢個鹽酥雞扒份量大，炸得好酥脆而又唔油膩，當作招牌台式小食當之無愧酥炸花枝丸：鹽酥雞實在太出色，花枝丸相比之

今日夜晚時分大約8點同阿女行經旺角豉油街時，見到間台式料理餐廳，心諗前2日已經好想食台式火鍋，見門口餐牌有台式臭臭鍋食，於是乎即刻走入去試下，好彩門口未有人排隊。餐廳佈置舒適乾淨，牆身掛滿香港特色回憶，別有一番風味。我哋鎖定左食台式火鍋，所以叫左招牌臭臭鍋同茶茶麻辣鍋1招牌臭臭鍋入面主要有牛肉、臭豆腐、滷大腸、台灣貢丸、蜆、米血糕、榨菜、鵪鶉蛋、冬菇、粟米、椰菜、娃娃菜、冬菇、金菇、芫茜。材料豐富，湯底濃淡適中酸酸辣辣的感覺，好味道😋2茶茶麻辣鍋入面主要有牛肉、台灣貢丸、花枝丸、蟹柳、蜆、白魚蛋、花生、公仔麵、炸枝竹、豆腐、粟米、榨菜、冬菇、娃娃菜、芫茜。材料同樣豐富，辣味亦可自選，湯底濃郁，越食越有辣味，鍾意食辣的朋友不可錯過，味道也不錯👍另外火鍋可以追加配料，我哋追加左粉絲。再加個鹽酥雞扒滷肉飯，雞扒炸得香脆美味，不會太過油膩，非常出色😄小食方面我地叫了花枝丸同一口小香腸。花枝丸彈牙可口，台式香腸冇得輸👏最後加埋飲品：奶蓋莓莓、奶蓋茶8號，完美的一餐！

今日放工同朋友去咗旺角食飯，我想打邊爐不過佢又想食台灣野，行左陣就搵到呢間餐廳，一次滿足曬我同佢店舖裝修簡潔，有少少台灣Cafe嘅感覺，牆上小畫作整齊排成一行，點綴了白色的牆身。藥膳雞鍋（$108）香味迫人，除咗有幾大舊嫩滑雞肉之外，仲有粟米、魚皮、金姑...仲可以加配料，但就咁食個鍋都好多料，我就冇加。涼拌手撕雞（$42）配上芝麻同蔥花，每一小塊都食到皮、肉、筋，有咬口，夠入味小香腸拼鹽酥雞粒（$46）份量十足，鹽份鋪滿雞粒，香腸亦係台灣感覺既腸滿杯紅柚子（$35）2大片紅柚肉，加入一大杯紅柚汁入面，但完全唔酸，夠juicy飽到食唔落但都係唔捨得食剩咁好食既野，最後都係食曬

🇹🇼台灣人氣嘅臭臭鍋🍲近年開始進駐香港🇭🇰而我呢個火鍋控當然一定要去啦，店內有多款麵食及火鍋讓客人選擇😋我呢個火鍋控見到火鍋當然心心眼啦🤩店內還在每張枱提供調味架，提供蒜蓉、七味粉、沙嗲醬、豆瓣醬和豉油，非常體貼。🍲招牌臭臭鍋🐄（$108） 🐄牛肉、🥠臭豆腐、🥧米血糕、🐽鴨血、🐷滷大腸、🍡台灣貢丸、 🥚鵪鶉蛋、🐚蜆、☘️榨菜、🍃韭菜、🌽粟米、🌱椰菜、🍄鮮冬菇、🌿娃娃菜、🍄金菇、🍀芫荽 火鍋材料日日新鮮😍👍🏻 臭臭鍋配搭臭豆腐，香口惹味，湯底味道非常濃郁，浸住嘅配料都浸染了湯底的味道，非常入味。 🌶茶茶麻辣鍋🐄（$108） 🐄牛肉、🍡台灣貢丸 、🐙花枝丸、🐚蜆、🦀蟹柳、🐟白魚蛋、花生、🍜公仔麵、🥖炸枝竹、🥠豆腐、🌽粟米、🌱椰菜、🍄鮮冬菇、🌿娃娃菜、🍄金菇、🍀芫荽 加$8仲可以加配粉絲 麻辣味道不會很辣，但味道非常濃，配料浸在香辣湯底上更是無得頂，鍋的底部蓋住了多款蔬菜及配料，愈滾愈入味。🐷脆皮肥腸（$32） 大腸外層香脆可口，內裏煙韌有嚼口，配上泰式辣醬，香香辣辣，非常滋味。 飲品選了兩杯水果茶，茶味清香，淡淡甘香，味道非常清新可口，最啱配搭火鍋。

係門口見到入面裝修都幾靚幾舒服招牌臭臭鍋 $108(牛肉，臭豆腐，米血糕，鴨血，滷大腸，台灣貢丸，鵪鶉蛋蛋，蜆，韭菜，榨菜，粟米，椰菜，鮮冬菇，娃娃菜，金菇，芫茜)甘大個都未食過咩係臭臭鍋今日終於見識到 因為佢有臭豆腐 所以叫臭臭鍋 佢個豆腐真係好臭 但都幾好食佢寫住係一人份量嘅煲 但個份量其實都好多 啲牛肉夾極都仲有 我仲加左個粉絲同魚皮 粉絲索晒啲湯好正青椒皮蛋 $42勁多蒜同芫茜青椒 勁重口味個皮蛋如果係用溏心皮蛋勁正小香腸拼鹽酥雞粒 $46佢個份量都幾多 好大碟即口即炸 好脆卜卜 個台灣腸仔都炸一炸過👍🏽👍🏽點可以唔飲番杯台式野飲嗌左杯奶蓋茶茶八號佢話係將唔同茶溝埋一齊 個味道都唔差

這家台灣菜別的真的都沒有記住，就記住了這杯飲料，太太太好喝，比喜茶的芝士梅梅都要好喝上好幾倍，別的菜好像是炸雞排也還不錯，別的真的都記不住了，後來又去附近吃火鍋，外賣過幾次飲品，依然非常出色，樣子也很好看

台式餐廳，在香港都佔了不少份量，今日食的就是位於旺角豉油街的茶茶台式料理。小小的餐廳，裝修得企理雅致。台式紅燒牛肉麵$68紅燒牛肉是用了牛，帶點透明的筋位有少少煙韌口感，內裡有紅蘿蔔、芫茜蔥、小唐菜，及有少少酸菜、食落較開胃。酥炸花枝丸$34酥炸花枝丸，入口還帶著熱，裡面還食到一粒粒的墨魚粒，都較香口。香辣炸雞翼$36香辣炸雞翼，炸到外表金啡金啡，加上表面洒了一層薄薄的辣椒粉，份外誘人，雖然看似很多辣椒粉，但居然隻是微辣，當然是照顧了大眾口味，雞翼外皮帶微香辣，內裡肉質嫩滑，醃得也很入味，所以再加多個可樂汽水，當然食得美味。茶茶麻辣鍋$108茶茶麻辣鍋有牛丸、台灣貢丸、花枝丸、公仔麵、炸枝竹、豆腐、粟米、椰菜、鮮冬菇及娃娃菜…等，當然還有肥牛，1人份量，好夠食，我揀了中辣，但是比一般的川菜辣度較輕量，大約是川菜的小辣度感覺還要輕少少，適合不食得太辣的大眾口味，入口感覺麻中帶辣的，也是食得很和味呢。

今日同朋友經過旺角呢間台式餐廳，既然又想飲奶蓋茶，又想食晚餐，咁不如搵一間又有得飲嘢又有得食嘢嘅餐廳。好耐冇食過台灣嘅泡菜豆腐，好懷念果種味道，所以叫咗個台式臭臭鍋。一人一鍋岩岩好， 台式臭臭鍋本身包嘅料都已經有好多，好似鵪鶉蛋、鴨血、大量娃娃菜、肥牛、冬菇、金菇等等，基本上已經唔使再額外加配料已經夠飽，除非係男仔啦。個湯底都好夠味，有得揀辣度，小辣就啱啱好。啲配料朔晒個湯的味道，有少少臭，個臭豆腐越食越臭，真係超啱鍾意食臭豆腐嘅人。如果唔夠飽可以加麵黎烚落去～另外我哋叫咗杯芝士草莓🍓，味道都唔錯，好有奶蓋既味道，都食到果肉！整體來講呢間嘅性價比都唔錯，不妨一試。

八點在Mk 週圍人多又排長龍，經過這間仲有位立刻沖入去、其實無想過這店食物好唔好味、但求有位及坐得舒服、order 傳統牛肉麵，口感起碼合格、麵質地吃碼不會cook得軟冧冧無彈力。最好味炸鷄多汁香口已經安樂晒，肉碎飯乾左dd、要注意啦！剛剛🈶️h信用卡咭有discount 所以更幾好

期待已久的台式臭臭鍋！上一次吃還是在台灣的時候，因為太懷念就直接找了哪裡有臭臭鍋。最後被我找到這家，看價錢又實惠，就約朋友去試一試了！環境很舒服也不吵鬧。menu有5種鍋底，但我們當然還是點了他的招牌臭臭鍋！我想說它的料有夠多種的！有牛肉，蛤蜊，臭豆腐，貢丸，娃娃菜，金針菇，鵪鶉蛋，冬菇等等。種類多到不行，而且辣度還可以選擇！雖然說這道臭臭鍋的「臭度」還不夠台灣的來的厲害，但還是挺好吃的，有點酸酸辣辣的味道。所以吃起來不會影響到隔壁人，也不會把自己的衣服染上味道。吃不了臭豆腐的人也可以嘗試一下。一人一鍋加一杯飲料真的超級飽肚。超推薦喜歡台灣料理的人去試試看！

到訪日期：6月初同朋友好早之前已經見過呢間台式餐廳，個陣都已經想試下耐何九點幾就 last order 食唔到，今次一早喺OpenRice訂定位，一去到就可以坐低，喺OpenRice訂位仲有九折添。朋友一早諗住食火鍋，所以嗌咗一個沙茶牛肉鍋，同埋一個小香腸拼鹽酥雞小食，各自一人一杯飲品。沙茶牛肉鍋份量唔細，一個人食綽綽有餘，我哋兩個人食呢個份量都完全食唔晒。食物方面，味道未有太大驚喜，鹽酥雞比較好食，但係炸粉比較多，沙茶牛肉鍋湯底未算非常濃郁，飲品不過不失，奶蓋略為太薄唔夠厚。服務態度唔錯，兩個人食咗$200 ，因為咁啱店舖做緊匯豐卡八五折，再加埋本身訂位嘅九折，所以都算抵食，下次可以試埋啲牛肉麵。

星期五夜晚特別難搵嘢食，冇book位情況之下就是但入左一間食dinner啦～ 點知就中左大伏🥱見佢舖頭裝修得幾靚，就諗住味道應該都OK啦～叫左個牛肉麵，個湯底完全係味精湯底味，連少少牛湯味都冇... 啲牛肉好un，啲面就普通，不過唔係expect嘅上海麵嗰種... 總結係好難食，亦都冇食晒🤢臭臭鍋好食啲，不過都係味精湯，放咗幾舊臭豆腐就扮臭臭鍋😨啲配料質素正正常常，不過肥牛碎到都係好似肉片咁... 仲要肥多過瘦🤮 都係伏冇下次！比$100去食茶記/快餐店好過🥱

冬天每次經過都見冷清無咩生意，裝潢幾好，🤔本應可以成打卡店，見佢有特式台灣臭臭鍋，所以就一試究竟，用openeice訂座有9折，最後當然無俾到9折，都算！😑訂左9點，一去到落完單先講得一個鐘食，唔緊要，我有同理心，最怕阻人收工，打邊爐一 小時已經可以話係食得好急，中途已經係用漂白水拖地，🤬拖到腳前面咁制，超臭！然後再熄冷氣，🤬食到出曬汗，員工坐定係對面枱等收工，🤬驚死人唔知你地趕住收工，都算！個主角台式臭臭鍋，淡而無味，清湯水咁款！🤬菜單標明配菜有咩都可以無俾到米血糕,豬大腸,榨菜，賣曬講聲都算，完全無講過！仲有個滷肉飯，d米係未煮熟，生米咁款！絕對唔會有下一次🤬🤬🤬🤬🤬🤬🤬🤬🤬

見到個環境唔錯就入左去食野，叫左個牛肉麵同兩杯野飲,結果好失望。牛肉太韌好難咬，個麵偏鹹，成個麵好單調。個兩杯野飲分別係荔枝同蜜桃味，但係兩杯個味差唔多，比較甜，無乜特別。唔建議去試。