茶茶台式料理 (已結業)

晚餐食咗個完全唔似係台式，而且毫無誠意嘅紅燒牛肉麵。TLDR: 茶茶台式料理不值一試麵條偏硬，麵質似日本拉麵🍜所謂牛肉其實係非常之硬嘅牛𦟌🐂配料有兩舊唔稔嘅紅蘿蔔🥕、一條菜🥬、一堆芫茜整色整水，都幾不知所謂，從來未食過有芫茜嘅台式牛肉麵湯底中規中矩，算係夠味而又不過鹹，但飲落又唔太似係用牛肉熬嘅湯頭，反而被上述嘅芫茜搶晒味差啲唔記得講，個餐仲跟咗碟得幾粒仔幾乎冇調過味嘅醃青瓜🥒總結：食物方面，總括嚟講就係幾不像但又要以台式餐廳作招徠，味道普通，CP值低。服務態度亦有待改善。整間餐廳唯一較可取之處在於個環境尚算新淨，光線明亮。

環境尚可，但食物一般，還要是冷的，麵條很硬，可能沒煮透便上菜，偏重味，還要選擇不多。飲品也一般，很甜，珍珠很「膠」。服務還好，價格偏貴，支付方式選擇不多，總括而言，不值一試。

之前啲fd話有個阿姐態度差，原來已經炒咗😆😆 之後gathering 又可以多啲嚟食我最鍾意嘅台式火鍋！今次試咗羊肉鍋，肉質同味道幾好，湯不算非常濃味(我唔鐘意出街食得等太濃，惹味得來都想健康啲)，我覺得好食嘅。食材新鮮。不過食材方面，臭臭鍋好似多種類啲？所以滿足感高啲。(夾咗啲食材出嚟，見圖)朋友的龍蝦我都食咗少少，多蒜幾香幾好味，價錢唔算貴喎，所以都值。滿杯菠蘿是沙冰特飲，幾fresh幾清新，食火鍋啱晒！不過呢個羊肉鍋同龍蝦鍋係期間限定嘅，我一月嗰時食，唔知而家仲有冇呢？遲咗好多寫食評添... 哈哈！

作為一間位於香港的台灣菜餐廳，「茶茶台式料理」無論是台式鹹味食品，抑或是甜味手調台式飲品，都幾乎完全滿足我最喜歡的台灣食品要求，有牛肉麵、鹽酥雞，還有我最喜歡的手調蜜桃茶飲品。而且「茶茶台式料理」的實際位置，距離港鐵站不算非常遙遠。我從旺角港鐵站近着「銀行中心」的「E」出口出來，沿着「西洋菜南街」向前走，走到「豉油街」路口再轉左，很快就去到「茶茶台式料理」店舖的門口位置。就憑我昔日，在旺角鬧市裡面累積不少足跡記錄，還有我對旺角裡面很多的店舖、食店跟娛樂設施仍然留下深刻印象，令我很快順利找到「茶茶台式料理」的店舖門口。「茶茶台式料理」之所以這麽容易辨認到和找得到，最大的原因是「茶茶台式料理」門口的招牌，以外表閃閃發光，疑似光管的材料砌成，名副其實是在店門門前向食客，清楚表明食店實際名稱的「光管招牌」。加上「茶茶台式料理」店舖裝修設計感覺很有現代的感覺，店舖正門位置的門口，全面採用玻璃窗砌成，營造出無遮無掩近乎開放式店面，食客可以透過食店玻璃門面，看清楚裡面有沒有檯櫈剩下，才決定幫不幫襯也不遲。至於「茶茶台式料理」裡面的台灣菜套餐餐牌，餐牌裡面包含的主菜食材，完全包含了牛肉、豬肉、雞肉三種

行街經過見台式臭臭鍋！店內坐滿人！所以入去試食下先！招牌臭臭鍋（$108）：可選擇辣度，湯底係麻辣湯！因為我選擇左小辣！唔會太辣！小辣比一般店鋪為無咁辣，下次可嘗試中辣！材料浸左湯汁，食落好惹味！如果驚唔夠飽肚可加烏冬/白飯/鹵肉飯！臭臭鍋有蔬菜、粟米、冬菇、鴨血、台式臭豆腐、肥牛.材料浸左湯汁，食落好惹味！配白飯一流！滷肉飯：滷肉飯味道尚可！因為當日食個飯略為偏硬！所以冇乜食到！台式小食拼盤（$43）：台式台灣腸、炸花枝丸配上泰式辣醬好好味！炸雞翼炸到雞皮好脆！肉汁鮮嫩！滿杯百香果（$35）：有多果肉，但略甜！

未寫過食評但呢間真係要寫返篇食評比各位睇。話說係旺角睇戲前諗住近近地食餐晚飯，見天氣凍有個鍋暖下身就入去試下🥶首先開門入去，無歡迎等字眼仲要好似未開舖咁眼望望。咁我見入面有2,3枱人，即係做緊生意啦咁我示意兩位。但女侍應似乎完全無帶位既行動，當時沖野飲位都有2個人但都係無反應。🤔咁見無乜反應，當可能戴住口罩聽唔到啦，咁自己入去搵個空少少既四人枱坐。到呢刻都係無人埋黎，比杯水、介紹下乜都無。😐簡好左野食就叫店員黎落單啦，叫左一個牛肉鍋，一個鹽酥雞扒肉燥飯。後來見個飯可以叫野飲減6蚊，咁就後加左杯波蘿飲品。之後發現個鍋原來無飯、無麵跟，其實個鍋都成$108但只係得牛肉、菜、丸2粒、豆腐2舊、冬菇1舊。總之得一堆配料咁既野但份量唔多，咁就想加個烏東啦。不過店員轉個返黎話無烏東，咁我就問公仔麵係咩麵？係咪出前一丁？店員示意係普通麵，咁見仲有粉絲就考慮左約十秒倒，其間店員已一臉不耐煩，最後都係決定加返個公仔麵。 (最後上到枱應該係出前一丁麵...) 🙄🙄野食都算上得幾快下，可能客人唔算多。其中鹽酥雞扒算係幾好，唔太油都幾大份。肉躁都可以但可惜d飯係少少硬加唔太熱。但個鍋就真係唔太值，首先$108

話說本人好鍾意食台式牛肉麵，咁啱今晚行過旺角呢度，見到有牛肉麵食，而且門面裝修都有一定吸引力，就即管入去試下，呢度嘅牛肉麵65蚊一碗，多少對佢有啲期望，於是叫咗兩碗麻辣，一碗原味，點知無論牛肉同啲湯，都淡而無味，結果三碗喺好勉強嘅情形之下，都係食剩曬，今時今日話飲食業難做，但係咁冇質素嘅品質，叫人點幫襯你呢？另外跟餐叫啲飲品，都要廿幾蚊一杯，一樣係質素普通！服務都係水準以下，個個店員都冇聲，冇氣，冇招呼，更莫講話有笑容！

今餐有驚喜❤️之前有食過lunch 已經覺得幾好味。可惜食唔到d鍋。今次朋友生日就諗起帶佢地黎一試朋友聚會最好就係可以嗌多d野食。試左6款鍋。最好味係佢既推介龍蝦鍋同酸菜羊肉鍋。真係必食🤤朋友話d黑啤好飲。唔會太甜。可能我少飲酒。都係第一次見。幾得意🤣我都係鍾意芝士茶。清清地又解渴🥰如果d芝士再濃d就仲正值得一讚係d職員好好。我地張枱又拎碗又拎碟又拎刀又拎叉🤣佢地都無嫌棄我地埋單仲有折飽到好滿足可以encore

今日叫jor 龍蝦火鍋，超大隻，超新鮮，好抵食！好食到另外再加一份燒龍蝦，牛舌燒的超好！招牌臭臭鍋必點！串燒超級好！超級香！地段方便！價錢超級抵！超級香！個無禮貌員工終於被炒！

真係估唔到閒日喺哩度食餐飯都食到成肚氣我唔要求一間普通嘅台式餐廳要有咩服務，但係哩間餐廳嘅員工真係一啲禮貌都無！食物其實都可以，正常水準，上菜嘅時候，待應1用大力”擲” 落枱嘅方式擺底我個爐，真係嚇死人不特止，係唔知佢咁樣做為左啲乜。埋單俾錢之際收銀嗰個都係好無禮貌，我話將咭tap唔到，佢一手搶左我張咭插入機到試？！真係前所未有咁令人嘩然嘅服務，真係絕不推介！叫左個臭臭鍋都幾足料，不過真係好肥膩，好多油，另外個牛肉飯還可以，不過啲汁比較鹹

入到去問職員, OPENRICE 訂座九半後有無折, 個職員話有, 但之後走過來又話無, 話紅日無折, 跟住問點解聽日(即係今日)紅又有折, 今日又無呢？佢地商量五至十分鐘都無人來, 應該唔知點回我地. 結果我地就走左. 破壞哂我地節日既氣氛. 個鍋成百幾蚊, 無折跟本唔考慮, 呢間野好唔好食就唔知, 但就唔老實. 市面咁多店, 唔會再光顧. 劣評!

好想食火鍋，而且同行者表示好耐冇食臭臭鍋 ，大家又諗唔到食乜有人又未食過 試吓先同行者表示個湯底淡未左唔夠臭喎😅 😅😅個小食拼盤好頹廢⋯⋯😅😅😅成晚唯一可取就係飲品⋯芝芝🍓⋯但不過真係好貴囉服務⋯好普通，唔知點解咁都仲要+1服務費同場，聽到有兩枱客人都投訴個鍋有問題有啲驚驚地應該下次都應該唔去食啦😅😅😅————————————————————————————————————————————

因為等極都等唔到樓上個間火鍋，所以轉陣黎左呢間台灣野食。今次點左個臭臭鍋，雞排同串燒。佢個臭臭鍋d豆腐真係好臭，食完第一淡係到諗如果呢d 臭豆腐拎左去炸會係點☺️雞排juicy 而且唔會炸到成塊都係粉而串燒我覺得淺嘗就好了，始終又唔係真係話性價比好高。希望下次可以食到樓上個間網紅火鍋店啦！

專登行過黎食台灣，點知間餐廳執左，點知行過少少發現呢間台式餐廳，見到都靚靚地，又有Ｄ台灣ｆｅｅｌ，合晒心意諗都無諗就走左入去。入到去無人招呼，到我地想入去較入面位置坐果陣，有個呀姐（侍應）話入面全部訂晒，叫我地坐出面。其實到我地走果陣，果堆臺都係無人坐既！野食方面係ｏｋ既～食左鹽酥雞扒肉燥飯同炙燒五花腩飯。鹽酥整得幾好食，但係塊雞扒咩味都無；肉燥唔會太鹽同唔會油，肉燥同飯既比列剛剛好，如果可以有埋滷水蛋就更好。炙燒五花腩都好食，五花腩一定肥，但係口感係唔肥，仲有ｄ爽爽地～

呢間舖頭位置偏遠 但係見冇咩人所以行到過嚟就入咗去成間餐廳價位貴抄8鍋臭臭鍋但係都要成110一個仲要加一鹽酥雞扒滷肉飯 啲油多到滴出嚟 個底淋哂仲要有啲叔味 一食就知係冰鮮肉最離譜係個飯 淋到一碗粥咁 咁就收$70話就話有個前菜但係個青瓜就睇落唔太吸引嘢飲正常但係都跟餐偏貴 基本都要加10幾蚊先有一杯朋友個台鐵炸排骨飯 $68蚊拎出嚟以為係茶餐廳碟頭飯連豉油都冇滴另一個朋友食牛肉飯都係$70到一樣飯底 粥底？但係個牛肉都算可以 幾油