芝加哥串燒 (美豐花園) (已結業)

係太和 大埔住既朋友如果唔知夜晚去邊到食可以睇下呢間既～呢日係太和火車站行過去唔洗十分鐘就去到.牛柳燒得幾滑 幾軟唔會話話熟出現硬既問題鰻魚係肥肥地有油香果種同平時平價壽司店果d鰻魚唔同呢個因爲即燒 會有種特別既感覺就好似a5和牛咁 一咬就爆d油香同醬油香味出黎 所以要減肥既朋友就要小心啦芝士蝦肉彈牙但始終 海鮮蝦類都係比較小肉食但鐘意芝士既 都會覺得呢兩樣會好好食同芝士雜菇一樣 仲可以玩拉絲打卡好邪惡呀！所以因爲食物質素 最後我都係要比likelike既

今日day off 到大埔探望家人，走的時候好餓，突然想食燒烤喝杯酒放鬆一下，安安靜靜吃一餐，經過這家串燒酒場很多次，今天終於有時間進去了！我約了住在附近的朋友一齊吃，8點半左右到，這時段已經好full ，見到有很多不同酒的種類。看一看點菜紙，選擇種類繁多，花了點時間去硏究呢！啤酒的選擇還真的是超級多，有手工啤酒，清酒，威士忌等等...最后我和朋友決定點2款不同的酒試試！分別是Little Creature 的Dog days $46， 和 一杯萍果酒$56，另外也點了，日本一口蕃薯仔燒，大蔥雞肉串$18，炭燒雞扒$28，蜜糖雞翼$20，金菇牛肉卷$28，鹽燒雞翼$20，招牌茄子燒$30，海鮮類我們另外也點了燒原隻魷魚串燒$23，我們全部烤物都點了小辣試試試。首先上枱的是2款啤酒，朋友更偏愛Little Creature 的Dog days，因為它一喝下去就喝到陣陣的果香味，又濃又清爽獨特的苦味，對女生來說比較容易入口，有驚喜的是喝下佢還帶有一點點拖肥，香桃和柑橘的清甜味道。蜜糖雞翼和鹽燒雞翼同樣出色，燒雞翼燒成金黃色，雞肉保持嫩滑有肉汁，蜜糖雞翼外皮脆脆甜甜的，很好吃~炭燒雞扒是大推

今天和朋友到大埔逛街，在大埔翠樂街，發現附近有一間串燒小店，在門口看到有很多招牌菜式，於是與朋友決定試嚇！侍應招待我們入座，見到餐廳酒櫃放滿各式其色的酒，日本清酒、威士忌、和很多手工啤酒。當然要叫個啤酒配個串燒，串燒最先到，先來的是燒原隻魷魚串燒（$23），乾身而彈牙，風味十足！之後來了碳燒雞扒（$28），脆皮的大大件，跟個燒烤醬汁，味道真的一流。鹽燒鯖魚（$29）就十分有驚喜！因為見隔離枱點了一份，看見就覺得很吸引，肉很滑多汁，唔會乾身。最令人驚喜的是芝士燒廣島蠔（$28）很惹味！好多汁！這個大推介！份量也很夠！金菇牛肉卷（$28），大蔥雞肉串（$18），鹽燒雞翼（$20）一起到，味道很好，鹽燒雞翼好香脆十足，金菇牛肉卷和大蔥雞肉串熱辣辣，食完之後也不會覺得油膩。最後的是招牌茄子燒（$30），超大份，味道帶微甜，調味與火喉也是剛剛好的最后和朋友埋單2人一共（$360），外面也有坐位，還很好泊車！很好吃的串燒，食完很滿足，和朋友食完也很夠飽，下次到大埔多了一個歇腳好地方。

今日入大埔探朋友C，問佢呢頭有咩好食，佢話芝加哥。咦，依間咪係我同家姐早幾個月黎過食過既XD咁今日就黎食多次啦haha本身我濕疹唔飲酒，但因為C終於守得雲開升職，我都決定破戒飲少少賀一賀佢~我地叫左炭燒西冷牛扒（$48）牛扒都幾嫩，唔錯~炭燒豬頸肉（$19）夠滑夠juicy，我地兩個爭住食XD蒲燒鰻魚（$68）原汁原味，連我唔特別鍾情鰻魚都覺得正！招牌茄子燒（$30）同香草芝士焗雜菌（$33）主要係我呢個蔬菜控食，我上次都食過，覺得正先再叫，今次都冇令我失望XD香蔥燒半殼扇貝（$39）同蒜香芝士燒虎蝦（$48）都係C食嘅，佢話好新鮮，very nice！燒原隻魷魚串燒（$23）唔會燒到硬掘掘，夠香口！今餐真係幾盡興，祝朋友C步步高陞~

之前經過呢檔，見人頭湧湧，便相約朋友平日黎，應該唔使排禁耐隊😅😅。我地仲要提早少少到， 唔使點排就入到去。黎到食串燒地方，必點燒蠔，虎蝦同扇貝，海鮮係大愛 😍😍 而呢度蠔同蝦燒得不錯😍😍芝士焗蠔，無腥味，芝士味都唔濃可以食到走蠔嘅鮮味， 有保留到當中嘅水分唔會太乾。(芝士敏感的可要求走芝士，很貼心）虎蝦大隻啖啖肉，好欣賞佢即使用芝士焗蝦，都唔會太多而蓋過蝦嘅鮮味，可以畀客人食到海鮮嘅味道😋扇貝，上面多蒜同薑，正，入味！不過如果可以再大隻啲就更好🙈🙈除左海鮮，都有燒肉～豬頸肉，雞翼，牛粒由左開始講起，豬頸肉爽脆，唔乾身，大大舊好滿足；雞翼金黄色，睇皮感受到燒得不錯，脆皮肉juicy 👍👍👍；牛粒唔會燒到冇曬水又唔好乾， 保存到牛裏面少少脂肪，食落香口，呢碟肉不錯不錯🤤🤤其實仲點左一串羊肉串，朋友唔太鍾意羊肉氈味，但師傅將每粒羊肉都用洋蔥分隔開，令到氈味無咁重，朋友都肯陪我食。呢個茄子燒要點！一黎原條上，二黎佢唔辣有好大浸蒜蓉味，三黎茄子有用鹽醃過好入味， 唔似平時啲茄子禁淡味道。我地星期三去，酒類飲品買三送一 (下次要叫多兩位朋友黎先得！！）呢度酒類都多選擇。我揀左以下呢款cider，酸

大埔一向多小店，美食臨立。之前已聽聞這間串燒店味道不錯，所以今晚收工同朋友吃宵夜，就決定來這裏一聚。芝加哥串燒酒場，空間雖然不大，但卻幾雅緻，食客更可坐在餐廳外享受街景氣氛。一坐落一定要點啤酒，啤酒配串燒絕對是一流！尤其是在這個秋涼的天氣，坐在餐廳外面，更別有一番風味。招牌燒茄子燒茄子上面有勁多香蔥和蒜蓉，超級惹味，鹹香得宜。用叉把茄子拿起，一絲絲的，而且帶有些少水份，入口更加滋味。那些香蔥和自家蒜蓉絕對是令茄子味道昇華。韭菜燒又點少得韭菜燒！醬油味道完全深入韭菜之中，爽脆更帶有些少甜。香草芝士焗雜菌打開寶盒，熱辣辣的。裏面有極多芝士，還有金菇，其他雜菇等等，香氣十足！還有拉絲芝士，要咬才斷開。碳燒西冷牛扒份量都幾大份，牛扒夠嫩，帶有蜜糖味道，很不錯。再加上酸酸甜甜的醋汁，更香口。如果能配白飯就更不錯！雞肉腸啖啖肉，而且勁多肉汁，超級好味道！燒雞翅包飯超級好味道！值得推介！雞翅裏面包着煙韌的米飯，配上雞肉汁，一咬開肉汁爆出，而且經過碳燒，滲出香濃的米飯香氣，我兩三啖已把它K.O.了！芝加哥串燒酒場，絕對值得再來！

舊墟直街最近多咗好多美食 🤨🤨🤨🤨芝加哥可以算係其中一間 😙😛😛雖然出貨嘅速度唔算快 但係睇得出師傅係好有心機去做 👍🏻👍🏻👍🏻👍🏻👍🏻特別要講嘅係佢燒菠蘿唔係一件一件串埋 😃😃而係一整件波羅咁上 夠晒原汁原味 🤤🤤🤤我叫咗一個洋蔥牛肉串 😜😜😜牛肉味十足 肉汁都好豐富 🤤🤤完全保留到牛肉本身嘅風味 佢嘅燒雞翼拍得住大餐廳嘅鹽燒雞翼 燒得好脆口淡淡嘅鹽味🍴🍴😙😙😙😙🤤

因為因為大埔嘅地膽 點可以唔喺大埔嗰度周圍搵食呢 今日就去咗一間叫做芝加哥嘅燒烤餐廳嗰度食晚餐 呢間餐廳地方小小 座位亦都唔算好坐 但係食物主打燒烤同串燒 我係名副其實嘅食肉獸 尤其偏好燒烤食品 所以一定要去食首先就叫咗一杯啤酒啤一啤佢 呢杯啤酒非常之有麥香 而且唔算好苦 入口甘甜 幾好飲 之後就叫嘢食 叫咗燒雞翼 下一句當然就係我鍾意食啦 跟住就有雞肉腸 雞肉腸都好新鮮 燒咗之後好脆口 之後就有燒雞扒喺特製醬汁嘅配襯之下酸酸甜甜又脆口 非常之好食 之後就有燒羊架 燒羊架同出面食嘅差唔多味道 不過不失 燒三文魚頭 亦都燒到鹹鹹地 加上有檸檬汁 食完之後都唔覺得油膩

朋友聚腳邊傾計邊食啲小食，入餐廳又怕唔方便坐太久，加上點正餐太飽肚。所以最後都係選擇成串燒，大埔好彩有呢間芝加哥，坐得舒服之餘餐廳嘅playlist都係我另一個欣賞嘅地方！入正題，嘢食方面好有水準！｜蒜燒燒廣島蠔｜蠔身飽滿，入口好juicy。加上滿滿充滿蒜香及蔥花，超級香口，欲罷不能！｜茄子燒 ｜燒茄子燒得啱啱好，唔會太稔冇晒口感！加上大量蒜容同醬汁，愈食愈滋味！｜燒蘆筍｜食太多肉類，係要叫啲蔬菜類balance返，冇咁邪惡！蘆筍好鮮嫩，入口易咬亦冇喳！｜洋蔥肥牛串｜，洋蔥爽清甜，牛肉汁濃厚，脂肪比例剛好，入口好juicy又唔會太膩。

大埔食串燒今晚星期三，來到大埔探朋友，時間尚早，於是我在大埔翠樂街，發現附近有一間串燒小店，在門口看了一下有什麽招牌菜。大約晚8點，待應招待我入座後，餐廳酒櫃放滿酒，各式其色的名酒，其中有日本清酒、梅酒、其中和其他串燒店不一樣有西班牙手工啤酒。店內座位唔算多，店內只有1至2名待應好落力招呼客人，小店細細間，座位唔多，裝修好原始，屬於工業風，相信好啱附近打工仔放工後，喝杯啤酒配串燒，有的食客自己開車來大埔食串燒，吃著串燒配上啤酒，這可能男人的浪漫，是放輕鬆的好地方。只有很2-3人招呼客人，女待應送上餐牌，原來想食串燒，只要在餐單上自行己剔紙仔，而且仲有大至小辣，仲有BB辣添。其餐單設計好精美，豬牛羊菜海鮮同埋酒類分門別類，食客容易揾到想食的串燒。簡簡單單介紹的出名招牌菜酒櫃里面放滿酒，有WHISKY、清酒、梅酒和BEER酒櫃放滿了日本清酒等等店內星期一至星期日，BEER有優惠!~Angry Orchard Crisp Apple Cider ~$45想食串燒，一定要配支手工BEER至為PERFECT.店員推介它出名手工BEER, 來自西班牙手工啤酒叫Angry Orchard Crisp

每次老友聚頭都雞啄唔斷，上星期嚮大埔超級城飯局後，大家都唔捨得散; 索性搵個地方坐低再吹。行吓行吓去左翠樂街，諗住隨便搵個場hea吓。黎到"芝加哥串燒酒場"，舖面唔算大，得嗰4張枱，加埋得10個位，但總算骨緻，靜靜地啱晒一班朋友gathering, 有10個8個的話，簡值好似包場咁既感覺。隨便叫左幾碟串燒，最欣賞是燒魷魚和扇貝，新鮮肉厚，啖啖鮮味。另外，蜜汁雞亦也是有驚喜，燒得很脆口，唯嫌size太小。還有一款值得推介的是燒羊架，肥廋均稱，火口啱啱好，配埋秘制醬汁就真係very good!!

今日去左太和個邊同幾個舊同學食飯⋯左揾右揾下，最後去左間小店食串燒。店內的位置唔多，另外有一兩枱可以坐係露天位置。我們叫左好多野食，以下係我的推介⋯⋯煙肉年糕的煙肉不油膩，而且燒得幾香口，加埋柔軟又煙韌的年糕，口感豐富！雞翼包飯帶少少辣味，整體好惹味，唯獨雞翼的Size細左小小。燒茄子用了大量的蔥花及蒜蓉，味道非常香！蘆筍雖然都幾大條，但而且嫩口無喳。娃娃菜，完全吸了鹽香，味道適中。玉子燒上掃上帶甜味的燒汁，燒到外脆內軟的效果。豬頸肉，鹽香正，而且入口爽口！波蘿選用了新鮮菠蘿，但唔算太甜。魷魚燒得幾香，不過就燒得過火左少少⋯⋯洋蔥肥牛粒，洋蔥爽甜，肥牛肉汁濃厚，不會太肥膩。金菇肥牛卷的金菇爽口，金菇不會咬不開，肥牛表面有淡淡的芥末香，味道特別，值得一試！冬燒菇味道鮮甜，而且保持到水份，爽口！燒多春魚相信大家都試過，不過唔知大家會唔會好似我咁燒到爛哂呢？ 不過餐廳燒得完整之餘，仲外脆內香軟。食物黎講，真係算唔錯⋯⋯唯一係每人餐具只有刀叉，無碟用，大家可以問職員拎碟或者留返起食完個D碟啦⋯

早排朋友仔新屋入伙⋯⋯但身為無飯煮婦的佢，就帶我們到佢地屋企附近的一間串燒店邊食邊傾。餐廳店子小小，室內加室外坐位只有20個到。餐廳提供多款串燒可以選擇，先黎的係燒芝士蠔及扇貝⋯⋯扇貝燒得好香，整體都充滿蒜香及蔥花的味道！芝士蠔無燒得過乾而且唔腥，除了有拉絲咸香的芝士外，仲有沙律醬調味⋯⋯雞翼有蜜糖及蒜香兩種口味可以選擇，雞肉保留到滿滿肉汁，不錯！雞肉腸外表好可愛，有條骨係入面，入口鮮甜。小甜薯薯味香濃，表面加上少少蜜糖，令到味道更豐富。雞皮串燒得香脆，但不會過份油膩。牛舌肉厚，而且滿滿牛油香。羊架非常肥美，而且滿油香，配芥末醬食就一次棒！粟米鮮甜多汁，表面灑上砂糖，整體甜而不膩。芝士雜菇非常足料，牛油味香濃，而且芝士有拉絲效果，視覺味覺都照顧到。雞泡魚乾，燒得香脆。蛋黃醬加入少許七味粉，係送酒極品！飲品方面，除了有一般茶餐廳的飲品外，更有不同的梳打。價錢唔貴，飲多杯都唔會肉赤。唔似出面其他的餐飲的「淡味梳打」⋯⋯餐廳落足料，就算飲到最後都唔會變冰水。餐廳仲有多款的酒精飲品⋯⋯除了有多種選擇的手工啤酒，仲有日本威士忌。今次朋友仔老公就要左杯生啤，佢話味道夠曬濃。============

今天家人外出吃飯，唯有自己食。 第一時間就諗起 《芝加哥串燒》便起程了。 所有都是即叫即煮, 熱辣辣！炭燒豬頸肉 HKD 19 厚切豬頸肉，放進口內肉汁慢慢滲出，而且燒得很香，沒有燶味。燒羊架 HKD 33 有一塊羊架，肉質好棯容易咬，脂肪很少但仍然好香呀～ 烤魷魚HKD 20 烤得香又有咬口，加埋沙津醬味道，送酒一流！ 鹽燒多春魚 HKD 25 漲卜卜的多春魚～因裡面很多春！ 蒜香芝士燒虎蝦 HKD 48大型虎蝦，多肉得嚟又甜！表面還佈滿邪惡芝士

突然想食串燒, 食返D日式屋台既風味, 之前去開附近酒樓見到呢間串燒小店, 決定去止下心癮~間小店幾低調,不過小店通常都係深藏不露~好!帶住好奇既心入去先餐廳座位唔算好多, 幾有居酒屋feel, haha~店內仲display左好多唔同款既酒, 都幾有特色!先黎睇睇個Menu汀先野食款式都幾多, 都叫左幾款"必食推介"仲有唔同既手工啤~朋友話食串燒, 當然要啤一啤先夠滋味~不過我少飲啤酒, 所以就問店員有咩介紹店員好用心咁介紹每一隻唔同既手工啤我就揀左以下呢款,店員話呢款啤酒比較淡~唔會好甜飲落真係好純,爽晒! 一口啤酒,跟住落黎就梗係一口串燒啦!除左手工啤之外都有其他野飲, 我地仲叫左杯柚子梳打, 好refresh~ 落左單之後, 店內就開始散發住D野食既香氣~~等左一陣, 野食上枱喇~!蒜香芝士燒虎蝦 (2隻)其實我係一個海老控,見到有燒虎蝦就即刻Order隻蝦老實講唔係好多肉,但味道真係一流!!!芝士同蒜鋪滿蝦身,連埋蝦肉一啖入口,蝦肉又唔乾身~配搭得岩岩好(唔太鍾意某D食店鋪勁多芝士,都唔知食芝士定食個主角)燒羊架個羊架好juicy, 唔會燒到好乾身, 而且個醬都好match羊