芝加哥串燒 (美豐花園) (已結業)

呢間串燒店會提供好多唔同種類既酒比客人如果諗唔多揀飲咩既話 都可以叫店員跟據你想飲既酒精濃到介紹唔同既酒比你我就揀咗酒精濃度唔算高既蘋果酒香蔥燒扇貝上面放左好多蔥粒 所以提升左成隻扇貝既味道 係真正可以食到海鮮既鮮甜味香草芝士焗雜菌用錫紙包住可以保番熱力 入面每一條雜菌都被濃濃既香草芝士醬包住 輕易使到拉絲既效果 炭燒豬頸肉烤烤左既豬頸肉有豐富既肉汁 非常香口 肉質好嫩鹽燒牛舌海鹽成功帶出左濃郁既牛味 牛舌爽口厚身 蜜糖雞翼外皮脆口 有豐富既蜜糖味 肉質嫩滑 碳燒雞扒外皮超級薄 好似食緊炸紙雞個皮咁 雞肉厚身冇雪味 好難忘！

今日又去咗大埔搵阿珠媽食嘢,佢話帶我去食好味串燒,叫我唔好成日停留喺油尖旺呢啲咁多人嘅地方~大埔一樣有好嘢食咁話。入到嚟呢度雖然舖頭細細,但係就俾佢個超級酒櫃所吸引住目光各款玻璃樽裝,支裝嘅,無論日本清酒+威士忌+手工啤酒等等應有盡有。可以一邊嘆住串燒,一邊啤啤佢談吓心都幾好feel㗎~除咗嘢飲係冇圖片之外,呢度嘅餐牌所有食物都會show埋圖片,最鍾意就係睇埋個賣相吸唔吸引先叫㗎喇!~唔覺唔覺咁就叫咗十樣嘢~再加一人一支啤酒~yo!!!照燒牛仔骨($38蚊),睇佢幅圖以為佢會碎上,原來嚟到都係成條㗎,啱啱好一人兩舊。不嬲都好鍾意食牛仔骨呢個部位,貪佢冇乜肥膏啖啖肉,又可以吮下啲骨啜埋啲汁味,呢舊燒到啱啱好見到油光同肉汁,唔會燒到燶哂乾爭爭咁串燒陳年臘腸串($22蚊),喺出面食過咁多間串燒舖,都好少見有人會用臘腸嚟做食材去燒,本身臘腸已經好惹味,燒完仲正吖!佢仲搽咗蜜糖先至燒,此舉真係教人自己去BBQ都要叫阿媽前一晚蒸熟定啲臘腸至得好過癮呀~招牌茄子燒($30蚊),咁鍾意食矮瓜嘅我,點會放過叫燒茄子吖!佢仲話自己係招牌添~咁更加要試下啦~其實燒茄子可以好簡單,切開之後灑小小蔥花,加小小蒜

今晚收工夜了又唔想食得太飽，行過這裡見到有串燒，又有啤酒飲，於是便座下，因店舖較細所以今晚座在出面，秋風起，有風吹都幾舒服，點了份最愛嘅蜜糖雞翼$20，一串兩隻，燒得好香，加埋蜜糖皮特別香脆肉嫩而個鹽燒雞皮亦燒得十分肥美香脆，骨付腸$20都十分香口好味，燒得皮脆可口，反而個香草芝士焗雜菌$33，真係大大份材料一打開，芝士嘅香味撲鼻，而啲雜菌除吸收了香濃嘅芝士味還十分軟熟嫩滑，正！配埋枝手工啤酒James Squire Orchard Crisp Apple Cider$45，邊飲邊食串串，真係放工解脫忙碌一天嘅最佳之選！

有心事的時候當然要搵好友呻一呻啦，於是就相約一齊吃串燒同埋飲返杯啦！芝加哥位一小巷內，真的是好有氣氛的串燒酒場呀！選擇種類繁多，選擇困難的我花了點時間選擇呢！Apple cider 由於第二日要早起返工，都係飲apple cider 穩陣d! 酒精濃度不高，而且酸酸甜甜好易入口！磯燒西冷牛扒我們也是牛魔王，這是必點選擇！牛味香濃，肉質仍保持juicy ! 正呀！鹽燒雞翼、香蔥燒半殼扇貝這兩個是我最愛的串燒之一！ 雞翼充滿咸香味，簡單的調味已經足夠！外職燒得香口，肉質很嫩！扇貝滿有鮮味，用了蒜蓉調味，同樣燒得火喉剛好！鳳梨燒細心的切成細細件，外層燒得微焦！咬下去充滿鮮甜果汁，菠蘿沒有半點渣！高質呀！招牌茄子燒從來未食過咁大的茄子燒！醃得好惹味，吃出淡淡的孖然粉香味！香草芝士焗雜菌打開錫紙就傳出芝士香味！雜菌沒有焗得太耐致變得乾身！串燒種類好多，師父功力十足，又可以有多種酒選擇，好適合吹水談心的好地方！

去完大小姐度打牌，我就諗返屋企食飯，點知大小姐又話贏咗錢不如請我食串燒啦！咁我又陪佢喺樓下吹下水飲下啤酒咁！因為唔係好肚餓所以只係叫咗少少嘢食，重點都係想飲番支啤酒爽一下！樓下e間芝加哥 地方細細，人氣都幾旺，我哋就坐門口嘅一張枱仔，首先啤酒先！未見過呢隻牌子就試吓！首先要個燒雞扒，即叫即燒所以製作需時，雞扒大大塊好抵食，份量好夠！雞皮香脆可口，雞肉多汁，我唔理肥唔肥啦成塊食，好味道！因為我鍾意食雞所以我就要左個雞翼包飯，一樣係燒到脆卜卜嘅雞皮，雞翼裏面包左少少糯米飯。第二款就係大小姐好鍾意食嘅金菇肥牛卷，燒到肥牛啲油都迫晒出嚟！好香啊！第二個新嘗試就係煙肉年糕，煙肉香脆，年糕給晒煙肉嘅精華，入晒味！牛肉串，黑椒夠晒香濃！同埋新推介嘅免治雞肉串，有蛋汁更加好味！趁住依家天氣涼可以坐 outdoor !咁感覺更加輕鬆自在啊！

行過路過...見到有間串燒店..見到鋪面前有個大Menu..被燒廣島蠔吸引😍😍..於是就入去試下...店舖佈置有d飲酒吧..有得食有得飲..啱晒happy hour黎摸下杯底😆Menu好正....有曬圖..所以好多款都想食...全部我都簡左中辣..廣島蠔，豬頸肉，翠肉瓜我非常推介💁🏻‍♀️廣島蠔燒得岩岩好..芝士不會蓋過蠔既鮮甜味..翠肉瓜雖然燒過..但仲有好多水份..另外必食既係茄子..夠曬入味...另外當然唔少得叫返杯啤酒啦....🍻總括黎講..食物質素幾好，又有得飲下酒...放工happy hour 又多個好去處👍🏻

尋日有同歸蜜去飲野happy hour加食埋夜晚，當然去我至愛嘅芝加哥串燒酒場啦🍺🍻🍢。之前已經食過一次，佢啲全消真係好好食，我哋叫咗半打燒生𧐢用蒜葱燒係好好食，班姊妹一路食一路讚讚讚，仲有要讚嘅係燒茄子🍆佢用嗰啲調味料真係好惹味，真係食唔停。仲有好特別嘅串燒就係臘腸串對於我呢個臘腸控，竟然有呢個臘腸串order，咁即係amazing 😍😍雖然佢鋪細細，但估唔到佢嘅串燒咁好食，二佢啲手工啤都好有特色咁近屋企當然會成日嚟幫襯啦⋯⋯

近近地同友好出來傾吓計，最埋去D可以坐低飲杯酒食下嘢地方就最正，如果去酒吧會太嘈吵，突然諗起附近有一間有得飲酒之餘又可以食下串燒佐酒食肆舒舒服服慢慢傾住食，至於酒類方面係度都好多選擇提供，視乎大家想飲边D口味，我就點了枝Angry Orchard crisp apple cider 飲住先，而且酒味又清香再睇下有乜口味串燒推介，而且串燒價錢都好大眾化相當抵食，我地各自都點D串燒慢慢品嚐，有海鮮又有肉咁先至最正食法，不過都要等一陣先有得食，因為係即叫即燒確保食物同質素，先來有芝士燒廣島蠔，串燒鵪鶉蛋同芝士雞肉串望見賣相不錯仲有陣陣串燒香味，忍不住嗱嗱聲先食番串先，鵪鶉蛋蛋味極濃，芝士包住雞肉食落特別香滑有拉絲感覺啖啖肉廣島蠔蠔肉香滑鮮甜多汁，加上芝士口感飽滿，再來一口雪花牛肉串，雪花牛肉入口嫩滑肉汁香甜，加上黑椒食落更惹味輪到有招牌茄子燒，茄子燒份量十足，食到陣陣蒜香味茄子又香滑，簡單得來其實最好味最後食件燒雞翅包飯，食落帶點香辣又幾正，雞肉香脆夠可口，傾吓食吓又享受完一餐滋味串燒。

尋日有同歸蜜去飲野happy hour加食燒夜，緊係去我至愛嘅芝加哥串燒酒場啦🍺🍻🍢。之前已經食過呢間小店，佢啲串燒真係好惹味，我哋叫咗半打燒生𧐢，班姊妹一路食一路讚讚讚，仲有要讚嘅係燒茄子🍆佢用嗰啲調味料真係好惹味，真係食唔停。仲有好特別嘅串燒就係臘腸串，真係第一次試🍢仲有，個芝士燒大蝦，燒鯖魚都係鮮味，睇得出小店老闆對於食物質素一啲都唔馬虎。雖然佢鋪細細，但估唔到佢嘅串燒咁好食，二佢啲手工啤都好有特色，咁近屋企當然會成日嚟幫襯啦⋯⋯

好耐都冇返來大埔啦，這裡是以前讀大學的時候經常流連的地方，今日約左個好耐冇兄的兄弟想搵搵個地方飲飲酒談談心，，但平常的餐廳又唔坐得耐，佢作為大埔的地頭蟲就推薦左我來啦！估唔到大埔都有呢種隱世串燒好地方，餐廳風格似足外國咁，飲住酒，食伴酒好物，店內外都有座位，但外面已經坐滿人，所以雖有坐入去，如果坐外面一定更有一番風味～ 我覺得 Apple Cider最岩一邊吹水一邊直隊，認真暢快！原條燒黃立倉大大條好抵食，最緊要係肉質超級滑，每一啖都是享受！香草芝士焗雜菌真心的推薦～錫紙都包不住雜菌菇的香味，配上芝士一齊焗更令我地食唔停口呀～～～我地都叫左不同的串燒類，串燒菜肉瓜、雞軟骨串等等，即叫即燒，雖然所需時間較長，但係燒得好入味，剛剛好，不會太燶，而且我地志在吹水，吹吹下其實好快就有得食，正！

店舖舖面唔係好大， 跟住google map地圖要搵到都唔難， 我喺太和東鐵站出行大約十分鐘就到。 而店入面位置都唔係好多，如果多人嘅話可能要坐出面吧檯位， 比較適合三五知己嚟到飲下酒食少少嘢。 佢啤酒選擇有，但係蘋果酒就有好多唔同款。 2兩個人係呢度叫燒原條茄子， 蠔，扇貝，幾串串燒，虎蝦，雞扒。 食嘅嘢唔多埋單總共395。 喺呢度食物質素係可以嘅， 但分量就唔係好多。 想試唔同酒嘅朋友可以嚟呢度試下， 但係想飽肚嘅朋友，呢個價位可以食同區其他款式食物。

這晚又來到大埔找朋友想吃惹味串燒飲個啤酒！試試美豐花園地下的芝加哥串燒酒埸可坐在室外，適合聚會有feel室內也有feel播著台灣歌串燒有海鮮類、佐酒類、各款肉類、蔬菜類除了啤酒外還有日本酒Craft beer🍻Magners Original Pear & Samuel Adams Rebel IPA惹味燒牛油帆立貝、鹽燒牛舌、鹽燒雞軟骨、串燒鵪鶉蛋、芝士雞肉串，芝士都融化在雞肉上惹味得來有點甜蜜蜜調味料沾滿蔬菜，超入味！超惹味！宵夜好地方

是日約了在大埔工作的阿姨到這裡閒話家常，原來阿姨之前經過就好想入去，我就陪她享受歡樂時光，而她背後的三位男士（老公和兒子）就自己食自己今次第二次來，加上我午餐食咗豐富的打邊爐，所以晚上唔叫咁多野食~~~近期我愛上了飲啤酒（阿女不在身邊才可以放肆），而阿姨就飲海鹽柚子可樂~~~一開始上碳燒西冷牛扒，我最鍾意切得細件又好食，可以邊傾計邊飲酒食串燒，感覺好放鬆~~~今次較上次好係一盤上晒咁多款串燒，可以來個相機先食，感覺好豐富，成盤之中我最愛係牛舌，不論去打邊爐、韓燒我都鍾意，因為佢的肉質充滿彈性，豬頸也同樣好食，第一次點燒雞翅包飯，吃了一口感覺有點辣，所以兩隻全交由阿姨食過了今個週末後，我結束返了5年的兼職，稍後有更多日子可以約阿姨去食食食~~~

上網見到呢間串燒小店好多正評，好似非常吸引，價錢又唔貴，所以今日黎試下。地點距離太和火車站唔遠，行10分鐘之內就會到，對北區既人黎講都算方便！呢間鋪用左好多酒黎做裝飾，符合曬佢酒場之名。鋪頭係名副其實既小店，室內得四張檯，而室外就有兩張。店內不停咁播香港歌手mv，都幾有feel。黎到食串燒當然要叫啤酒🍻呢度有十幾款手工啤選擇，朋友叫左Rebal IPA（$48），店員話係有柑橘同荔枝既香味，我試左啖，順滑但回甘好勁，仲有一種特別既花香。我就叫左杯生啤$48，好大杯，夠曬飲成晚。串燒我地每樣都係點一串，想試多d啊嘛推薦：牛舌同豬頸肉，燒得好香好juicy，又係係肉本身既油脂真係好好食雞扒外皮烤得香脆最期待既茄子反而有d失色，蒜蓉唔夠多另外鮑魚68蚊有三個，都幾抵鰻魚質素普通兩個人連加一450蚊，值得一提係店員好nice，服務態度有時真係會好影響食飯心情㗎。

好耐無食過串燒喇！今晚約左朋友食飯，朋友係大埔放工，話想啤啤佢，見到呢間有串燒又有好多酒，就揀左呢間芝加哥黎食！入到鋪頭就見到好多唔同種類嘅啤酒同sake，真係有好多選擇啊睇完餐牌，我地都想試下craft beer，就揀左Samuel Adams Rebel IPA同埋Little Cretures Dog Day’s黎試，兩枝都好靚呀我自己唔係好飲得酒，亂打亂撞點左Little Creatures Dog Day’s，點知又俾我揀中左枝清清地手工啤，覺得好易入口，一d都唔苦，好唔錯啊串燒方便，點餐紙有前後兩頁，選擇都好多！基本上普遍嘅串燒種類呢度都有！芝士燒廣島蠔超大隻蠔好肥美，而且燒得剛好，鮮甜多汁碳燒雞扒雞扒大件多汁，皮燒得好脆口，配上燒汁，味道唔會太鹹蜜糖雞翼蜜糖甜甜地，好醒胃鹽燒雞皮雞皮燒得好脆燒雞翅包肉雞翼內釀入醃好嘅免治豬肉，啖啖肉，送酒一流燒韮菜調味料鋪滿整條韮菜，好惹味招牌茄子燒上枱時熱辣辣，出哂煙茄子面鋪滿蒜蓉同青蔥，每口茄子都好夠味，而且茄子有好多汁呢餐真係飲飽食醉，好開心！