480
4
5
所有分店 (2)
電話號碼
57233338
開飯介紹
位於大埔隱世的酒吧餐廳,提供多款酒品,招牌法式保雲蘇羊架,蒜香欖油炒意粉,炸魚薯條 繼續閱讀
營業時間
今日營業
16:00 - 03:00
星期一至五
16:00 - 03:00
星期六至日
14:00 - 03:00
付款方式
AlipayHK 支付寶 現金 OpenRice Pay
其他資料
網上訂座
餐廳運作模式 - D類
酒精飲品
自帶酒水
切餅費
VIP房
泊車
電話訂座
賞訂座積分
Live Music
室外座位
電視播放
當面支付
有關獎賞計劃
食評 (513)
今日約咗個住太埔嘅朋友吹水,佢介紹嚟到”芝加哥串燒酒場”無諗過6:30pm 左右入座已有幾枱,另外跟住一半以上坐位已被人book 左,我哋坐到近7點差唔多爆場,但食飯嗰日係星期二都咁旺場,確係勁場內坐位約30人左右。牆上面擺放左不少同一牌子嘅酒做裝修。冷盤menu 串燒menu 有好多選擇,仲可以自選不同辣度1. 左:Kirin Black Currant ($82-Happy Hour) 入口好香嘅黑加侖子味,好適合女士飲用。 右:Kirin Osmanthus ($82-Happy Hour)初初入口似原味,飲多幾啖D 桂花味慢慢從口中散發,另一款適合女士飲用嘅啤酒3. XO 醬燒廣島蠔(6隻)($188),蠔好大隻,咬落好Juice,加左XO 醬更加帶出蠔嘅鮮味4. 原條燒茄子($35),上枱時香味十足,茄子肉同樣juice,加上孜然粉,令人食唔停口第一輪串燒(下至上): 安格斯牛肉露筍串($38)、石燒 Prime 牛小扒(份)($148)、雞肉軟骨串($28)第二輪(左至右): 蒲燒鰻魚肝($26)、燒阿波美雞肝($29)、黑糖雞脾肉串($22)、燒日本博多雞心($33)、風味燒雞腎串($18)、羊肉串(23)、鹽燒雞皮(16)。串燒夠熱,味道亦出色,特別係串蠔、茄子、牛小扒都係必點嘅食物而當晚未知是否人客太多,第二輪食物要一小時才上枱。整體來講,食物美味,酒場環境適會合朋友、同事一齊吹水的好地方,可以一試再試。 繼續閱讀
(以上食評乃用戶個人意見 , 並不代表OpenRice之觀點。)
作為一個大埔lady有一間梗係喺區內消費啦到支持街坊小店我鍾意呢呢一間 dragon Bar & Restaurant 藍色嘅燈光加上杯中物令我沉醉於香港嘅音樂世界 一路飲下酒聽下歌食下宵文真係週末一大樂事 一杯蘋果cider 感覺清心好好飲啲相我點解串燒 配搭真係好好 點咗個紐西蘭羊架珍珠飯 鮮蘆筍羊肉燒得十分香 啖啖肉 非常嫩滑juicy另外點咗個佢哋出名嘅燒原條香蒜茄子 鋪滿整條茄子燒到裏面好淋好juicy 蒜香配搭茄子真係好夾 最適合同人分享 厚切牛舌灑上七味粉啖啖肉感覺有日式感覺 人氣雞軟骨串好易咬口 冇骨 鮮雞味香 有肉汁 另外芝士煙肉燒生蠔 新鮮亦都幾大舊 有重海水味非常好食 特別嘅蒲燒鰻魚 都幾特別 埋單唔貴幾百蚊一個人點即燒熱辣辣上枱 聽歌食串燒一流 繼續閱讀
(以上食評乃用戶個人意見 , 並不代表OpenRice之觀點。)
等級4 2021-11-21
275 瀏覽
大埔朋友誠意推介嘅串燒店,終於有時間可以黎食下😄今次叫左蒙古燒韮菜($16)、燒原隻魷魚串($28)、燒宮崎去骨雞扒($32)、燒蠔套餐($228)、安格斯牛板腱珍珠飯($88)、薄燒安格斯牛肉蔥卷($32)、蜜汁燒黑豚肉($39)、日本博多雞心串($28)、水牛城雞翼($25)、燒原條香蒜茄子($48)、香蒜燒鮮鮑魚(3隻)($72)店內座位唔算多,不過仲有室外座位可以坐,環境唔錯,幾適合同朋友落黎飲返杯CHILL下😎今日電視仲播緊桌球賽事可以欣賞燒蠔套餐:個套餐其實就係有燒蠔6隻同埋1664啤酒2杯,價錢都幾抵,職員先送上2杯啤酒,咁就陣間可以邊嘆返杯邊食野😉安格斯牛板腱珍珠飯:冇諗過串燒店嘅飯類食物又幾出色,有驚喜👍🏻牛板腱肉味香而唔會韌,就咁直接食牛嘅話個醬汁比較濃味,而配埋個飯食就啱啱好,好惹味😋燒宮崎去骨雞扒:雞扒大大塊好足料,燒得少許微焦非常香口,而且肉質嫩滑無比,必食🤤蜜汁燒黑豚肉:黑豚肉本身肉味已經幾香,再塗上蜜汁黎燒,蜜味香甜而且夠JUICY😍日本博多雞心串:唔係好多地方有得食雞心串,呢到燒得唔錯,食落幾有咬口,而且冇血腥味😉水牛城雞翼:燒得皮脆肉嫩,少少辣辣地令個雞翼更加惹味😋燒原條香蒜茄子:超大條茄子,同前手臂一樣咁長,茄子肉已經煮得軟淋,上面放滿香蒜等調味料去燒,非常入味😍蒙古燒韮菜:上面加左孜然粉,不過略微多左DD,所以比較重口味,如果減少返DD就幾好燒原隻魷魚串:魷魚好新鮮,彈牙爽口唔會霉,而且燒得啱啱好,唔會乾晒身,本身有切開左一件件,所以好方便食用👍🏻薄燒安格斯牛肉蔥卷:用牛肉片包住蔥黎燒,食落去外層香濃肉味而內裡清新蔥香,口味非常之夾😋燒蠔:呢到嘅燒蠔極力推薦🤩上碟時已經聞到燒得好香,見到D燒蠔亦非常肥美,蠔味本身已經鮮甜,上面加左蔥花香蒜等調料,食落去相當滿足🥰香蒜燒鮮鮑魚:鮑魚同樣燒得入味,肉質厚身而且彈牙,同埋已經處理好移走內臟,夠晒方便😋呢到D食物無論串燒、肉類同海鮮都非常出色,份量十足,火喉控制得好,燒得勁香口而又唔會乾到柴晒,啖啖肉夠JUICY,打破左我一直認為串燒店又貴又唔飽嘅諗法,值得幫襯👍🏻如果住附近嘅話,真係得閒過黎約朋友食串燒CHILL返杯補MENU 繼續閱讀
(以上食評乃用戶個人意見 , 並不代表OpenRice之觀點。)
全店只有四張枱,真係名乎其實嘅「小店」!枱嘅數量少,所以環境都幾清靜,同姐妹店「芝加哥酒場串燒」熱鬧嘅氣氛完全唔同,真係啱摸住酒杯底談心。齋飲酒好傷胃架,梗係要食返啲野墊下低啦😜,海鮮真係幾正,仲比我試埋上次係芝加哥酒場串燒無試到嘅茄子添😎。🌗麒麟血橙、麒麟提子 $63🍻:麒麟啤🍺味道比較淡口溫和,血橙同青提味一開始唔係好出,飲到最後就飲得出分別,兩款都容易入口又唔會特兀。血橙顏色比較鮮豔特別,啱打卡用😁。🌖椒鹽鮑魚(3隻) $72:出色!鮑魚彈牙唔會過老,椒鹽鹹度適中,必點!🌖燒生蠔 $26/隻:總共叫左四隻口味,分別係黑松露、地獄辣椒、醬爆京蔥同香濃沙嗲。黑松露味道比較平庸;醬爆京蔥、香濃沙嗲配蠔呢個組合都幾新奇不過唔太夾;最正係地獄辣椒,夠曬香濃,配埋爆汁嘅生蠔🦪味道啱啱好!唔好比佢個名呃左以為好辣,其實真係十小辣都無,講起都覺得正🤤。🌖燒豬頸肉串 $19:爽口有咬口,唔會油淋淋。🌖紐西蘭羊架 $36:無乜羶味,唔多肥肉,生熟度控制得剛好,唔會太乾太韌。🌖燒招牌鵝肝 $68:肥美油潤又無渣,好彩底下墊左件菠蘿🍍balance 下。🌖燒原條香蒜茄子🍆 $42:面頭超多蒜!怕口臭記得要早有準備😆。茄子原條咁燒,燒到裡面軟綿綿勁juicy,淡味茄子肉+蒜蓉等於一個字,正👍🏻。🌗芝士黑松露大啡菇 $48:我明明係叫芝士黑松露,點知黎左個煙肉大啡菇😮,不過個菇都juicy 嘅,又唔會有噏味。🌗金銀蒜燒扇貝(2隻) $36:扇貝有少少overcooked,同炸蒜唔太夾,可能因為偏愛蒜蓉較多。🌗生燒蜜椒鴨舌 $25:鴨舌拎黎做串燒真係第一次見,味道正常唔會有怪味,不過個蜜椒係咩意思,完全失左蹤。🌗厚切牛舌 $28:牛舌偏韌,食唔到午餐肉果種鹹香同柔軟(我知自己食緊牛舌架!但之前食到好味嘅牛舌都係好似午餐肉咁,你有無試過呀?不過…如果係咁…燒午餐肉咪得囉🤔🤔🤔)🌗京蔥一口和牛串 $28:可能太後先食,所以有肥膏「瓊」左係度,要評論佢好似唔太公平😂。 繼續閱讀
(以上食評乃用戶個人意見 , 並不代表OpenRice之觀點。)
芝加哥串燒 (大埔)大埔翠樂街11號美豐花園地下10號舖芝加哥串燒喺大埔有兩間分店~今次小編揀咗細個間分店~貪佢靜啲啱傾計🙈椒鹽鮑魚 🧂(3隻) $78鮑魚洗得夠晒乾淨~唔會食到有沙!鮑魚唔會燒到乾哂~肉質彈牙~鮑魚本身味道唔突出~配上椒鹽幾惹味!雜菌燒生蠔 & 蒜蓉燒生蠔 🦪($26 一隻)生蠔好新鮮👍🏻 唔會有浸海水味!雜菌味比較清淡~蒜蓉味比較重口味!仲有好幾款味道選擇!安格斯一口牛🥩 $33一口牛燒到大概七成熟~肉質軟嫩~油脂味豐富~有肉汁!輕輕調味已經好正!燒白鱔 🐍 $58燒烤時間掌握得好好~既能夠鎖住鰻魚油脂~又可以燒到魚皮脆卜卜~魚肉夠厚身~肉質爽脆!汁燒百花釀甲羅 🦀$46蟹膏味道濃郁~唔會死咸~配燒多士一流!表面仲有少少蟹肉絲添!日本博多雞心串❤️ $28雞心肉質彈牙~煙煙銀銀幾有咬口!厚切牛舌 👅$28牛舌夠哂厚切~唔會燒到過乾~仲保留到肉汁~肉質爽口!招牌原條石斑 🐟$138原條石斑奉上夠哂誠意~石斑燒到皮脆肉嫩~魚肉仍保持肉汁~魚肉唔會「梅」身~夠新鮮!燒雞軟骨 🦴$15燒雞軟骨冇炸雞軟骨咁油膩~口感豐富~送走酒流!食幾粒真係唔夠喉~煙肉大啡菇🍄 $26煙肉燒得脆卜卜~唔會乾晒硬身!大啡菇汁感豐富~食落唔會油油的!蒙古燒韮菜 🌿$16韮菜夠嫩唔會有「渣」~用類似七味粉調味~夠晒重口味!新鮮蘆筍串 🎋 $26蘆筍苗爽口夠嫩~燒京蔥串 🌱$15京蔥夠嫩唔會有「渣」~1664支裝啤酒 $45食串燒🍡啤一啤一流!🍺 繼續閱讀
(以上食評乃用戶個人意見 , 並不代表OpenRice之觀點。)