芝加哥串燒 (美豐花園) (已結業)

去完大小姐度打牌，我就諗返屋企食飯，點知大小姐又話贏咗錢不如請我食串燒啦！咁我又陪佢喺樓下吹下水飲下啤酒咁！因為唔係好肚餓所以只係叫咗少少嘢食，重點都係想飲番支啤酒爽一下！樓下e間芝加哥 地方細細，人氣都幾旺，我哋就坐門口嘅一張枱仔，首先啤酒先！未見過呢隻牌子就試吓！首先要個燒雞扒，即叫即燒所以製作需時，雞扒大大塊好抵食，份量好夠！雞皮香脆可口，雞肉多汁，我唔理肥唔肥啦成塊食，好味道！因為我鍾意食雞所以我就要左個雞翼包飯，一樣係燒到脆卜卜嘅雞皮，雞翼裏面包左少少糯米飯。第二款就係大小姐好鍾意食嘅金菇肥牛卷，燒到肥牛啲油都迫晒出嚟！好香啊！第二個新嘗試就係煙肉年糕，煙肉香脆，年糕給晒煙肉嘅精華，入晒味！牛肉串，黑椒夠晒香濃！同埋新推介嘅免治雞肉串，有蛋汁更加好味！趁住依家天氣涼可以坐 outdoor !咁感覺更加輕鬆自在啊！