芝加哥串燒酒場 (太和中心)

呢間串燒店🍢🍢，真係百吃不厭🤣拉絲水牛芝士條🧀$58 - 芝士炸到呈現金黃色。外脆內軟。但又唔會炸到過熱，芝士🧀亦做到拉絲效果，芝士🧀味濃。值得推介。芝士黑松露大啡菇$45 - 又係芝士控必點。面層有芝士同黑松露。中層有驚喜。有半熟蛋漿🍳同一塊煙肉🥓。簡直會衝擊你嘅味覺。好好食。招牌燒茄子🍆🍆$35 - 唔洗講咁多。每次嚟到必點食物。今次亦都無令到我失望。風味燒雞腎串🍢$18 - 雞腎好爽口。調味料唔算多。但都好好食。黑糖雞髀肉串🍗🍗$22 - 岩晒食肉獸，咬落去啖啖肉。份外滋味。🧀芝士黑松露扇貝$48 - 呢個組合直情無得輸。雖然燒過嚟。但都食得出扇貝係新鮮。最後叫多兩杯kirin ichiban🍺🍺我點左桂花味，桂花味好出。不過下次想試下點Frozen Beer。朋友點左黑加倫子。個人覺得比桂花味更好望。🍽🍽呢間食店，我已經幫襯過4，5次。次次都唔會令我失望。亦都會繼續幫襯😂😂

📍 芝加哥串燒酒場 (大埔)大埔大埔太和路15號太和中心地下37號舖🤩今日同friend一齊黎食呢間野，外表就只係一間酒吧，但其實有好多串燒食❤️❤️🥰👉芝士黑松露大啡菇👅呢個真心一定要黎食，面頭有黑松露同埋芝士，一切開d蛋漿流出黎，要落去仲有bacon係入面，連埋大啡菇一啖咬落去，真係好juice🤩👉芝士黑松露扇貝👅呢個都好味，黑松露配搭芝士連扇貝，個汁都飲埋，好鮮美😋😋😋👉海苔年糕同芝士年糕👅海苔年糕出面有個紫菜配搭甜甜地嘅醬汁都ok，不過芝士年糕更勝一籌，入面嘅芝士夾心加上表皮嘅焦焦脆脆，真係唔錯😆👉燒茄子🍆👅好鬼大條，配搭蒜蓉同燒烤嘅香料，調得啱啱好❤️👉黑啤酒腸👅呢個唔係外脆有腸衣個隻，無咩juice感，麻麻地🤣👉羊架👅可以選擇3/5/7/全熟，我見7成啱啱好，唔會有騷味，燒得好食😋👉雞髀肉👅甜甜地個醬，日式feel d，都ok好食🍺啤酒🍻👉桂花生啤👅好香桂花味，不過真係太香🤣有d奇怪感覺🤣👉黑加倫子啤👅甜甜地，ok好飲💰人均300左右推薦指數：❤️❤️❤️❤️❤️（5分最高）

以往好鐘意收工同朋友傾計食飯嘅活動暫停咗咁耐，呢家晚市堂食重開，第一時間當然去約朋友開飯啦。好耐無食串燒同飲酒，所以就約咗朋友嚟呢度開餐。自己好鐘意食魚，所以叫咗燒白鱔、燒鰻魚、燒鯖魚 🥰 白鱔外皮香脆可口，內裏豐腴肥美，鰻魚同鯖魚亦超級正 ; 海鮮方面就叫咗帆立貝同黑松露蝦，帆立貝幾大粒，食落啖啖肉，黑松露味道濃郁，蝦肉亦非常爽口彈牙 ; 朋友係牛魔王，所以叫咗好多有關牛嘅食物，叫咗燒牛扒、安格斯蘆筍卷、汁燒牛小腸、金菇牛肉卷、燒牛舌 😋 另外見到有扭扭薯串價錢都算抵食，所以就叫咗串試下，呢度嘅牛味道幾濃，而且牛扒肉嫩多汁，非常美味。兩杯特飲味道唔錯，不過 Blue Hawaiian 酒味會濃少少，女仔嘅話會建議飲 Pina Colada，味道甜甜地之餘，菠蘿味會較突出。

放工同朋友想搵個地方飲杯野傾下計，見呢度有酒飲之餘仲主打食燒烤串燒，好岩下酒，一於去試下。我地一人揀左一款cocktail，Blue Hawaiian隻藍色好靚~飲菅個味有D似菠蘿冰，仲有D菠蘿果肉粒邊飲邊食XD而Rainbow一上枱就相機飲先，好有顏色層次，飲落甜甜地又唔會好重酒味，幾易入口。燒烤串燒既選擇非常多，由肉類同海鮮都有唔少吸引既食物想試~海鮮揀左燒鮑魚、白鱔同黑松露蝦串，燒鮑魚上面鋪左D牛油蒜蓉去燒，好惹味!串燒白鱔好大舊好厚肉，仲燒到個鱔皮脆卜卜，超推介!肉類方面叫左碳燒牛扒、牛舌心、土匪雞翼等，碳燒牛扒唔係得個名，真係有碳燒味，牛扒同牛舌都唔會燒到乾柴，食落仲有肉汁唔錯。燒烤既蔬菜點少得茄子，呢度係原條茄子燒，大大條好抵食，仲有燒秋葵同培根車厘茄，燒完都仲好juicy。估唔到仲有甲羅燒同比較少見既魔鬼魚翅干，魔鬼魚翅干送酒真係一流，食完會再想encoreXD呢隻野食同環境都唔錯，以後放工飲番杯有好地方了~

日日都係到同老公講想快啲出去飲酒好想飲酒食花生所以老公有日星期六就帶左我落樓話呢度有開可以飲酒落到嚟發現除咗飲酒，呢到係食串燒嘅地方播既係Mirror，張敬軒既歌，超有taste有個大電視播緊足球(but我唔睇波😂）叫左幾杯酒同一板串燒個presentation very 打卡able酒我點左Kirin Ichiban既黑加侖子frozen beer，第一次飲Frozen Beer，上面有啲沙冰超得意，同埋我唔算飲得好有氣嘅啤酒，所以一向都偏向鍾意飲台灣啤酒多啲，今次呢個真係唔算非常之有氣，同埋啲泡都有黑加侖子味，好驚艷飲得之人可以留意下，似乎仲有得挑機😂講返佢啲串燒我最鍾意係呢一個白鱔，燒嘅時間啱啱好，保持到佢少少爽脆，亦都保持到肉質嫩滑，個皮仲要燒到脆👍🏻大推煙肉車厘茄係我去串燒鋪一定會點嘅，真係超鍾意食呢個，咬落去啲車厘茄汁爆出嚟超正佢個牛油大頭蝦燒到個牛油味好濃厚，啲蝦肉都彈個XO醬蠔同埋個鮑魚都食得出佢嘅海鮮幾新鮮甲羅燒係今晚另外一個MVP，味道調得啱啱好 yum飲完今餐只會令我更加想飲酒，快啲開返酒吧啊

疫情關係，媽媽已兩個多月沒外出用膳，更加沒去串門探親友。今早，媽媽應表妹邀請，入大埔探細姨一家，順便到表妹新婚新居坐吓。今天是星期六，沒事情趕著要做，做個孝順女陪媽媽一天。表妹表妹夫熱情招呼，還帶我們遊大埔，去了鐵路博物館。下午三點幾，找個地方坐吓傾吓計，來到太和中心芝加哥串燒酒場。可能是日間，客人不算多。場內有部超大電影在播足球比賽片段，表妹話，有球賽時，坐到出門口，有錢都無位坐。酒場環境雅緻，不停播著廣東歌、國語歌、日語歌、英文歌，有新歌(潮流時尚的感覺)，有舊歌(熟悉懷念的感覺)，有氣氛的酒場。媽媽不愛喝酒，表妹為她點了 Pineapple Mojito，一種用蘭姆酒、青檸汁、糖和薄荷調成的雞尾酒，再搭配台灣鳳梨。我拿來喝一口，迷人的酸甜滋味，蘇打水帶來夏日沁涼，讓微微氣泡感如在炙熱太陽下的一陣徐徐涼風，讓人心曠神怡，真的好清爽好好飲，非常適合受不了酒的辛辣和苦澀的人。我就點了 KIRIN(FZ)-Osmanthus 麒麟啤酒，桂花味豐富，上面一層又是泡沫又是沙冰的「酒蓋」，非常吸引。燒宮崎去骨雞腿：我從來不吃雞皮，但實在香脆不油，破例一次。雞腿多汁嫩滑！香蒜燒鮮鮑魚：當然的鮑魚

想happy又唔一定要等Happy Hour嘅，每一時刻都可以係開心moment飲酒加串燒，對兩者都有要求，嚟大埔呢間酒場一定會滿肚而歸胃弟好鍾情燒茄子，皆因呢間又平又軟熟，係咁求大胃encore燒鱔燒得好香脆，嗦嗦聲呀燒蠔鮮味突出，調味唔會喧賓奪主羊架好平，但離奇高汁，三成熟嫩到不行了！鵝肝炸到外脆內綿，不失油香鴨舌都可以用嚟燒，而且味道唔錯。鰻魚肝原來係咁香口，下次一定要嗌牛舌雖然唔算厚切，但係彈性十足，好好味呀！豬頸肉調味好香，啖啖肉汁雞肉軟骨棒嫩到冇乜骨感，撈埋蛋汁冇得彈雞子有得串燒，值得一試，調味調到，唔食雞子嘅胃弟都食到。風味羊肉串好香孜然味，肉質都係好夠嫩，又唔太羶芝士年糕好綿好爆芝，呢個真係連大胃都忍唔住再嗌！順便嗌埋黑糖雞髀肉，味道有趣又夾，同埋又係好嫩滑麒麟啤不嬲都係大胃所好，仲有黑加侖子同桂花味，點可以唔試？黑加侖子口感順滑，越飲越香醇桂花味嘅花香較明顯，胃弟飲到唔肯share畀大胃

今時今日係香港經營串燒店真係唔容易，賣得貴又怕無人食，賣得平又未必回到本，加上出面閑閑哋一串都要$30 蚊或以上，對於我呢個咁為食嘅人嚟講，荷包薄啲都唔掂。我好少介紹朋友食串燒店，不過呢間串燒店就例外，除咗交通方便，食物有質素，而且價錢重非常平易近人，所以自己都幫襯過好多次，因為實在太高質，今次就帶朋友黎幫襯。今次發現多咗好多酒類提供，對鍾意飲酒嘅人士來講真係福音，而且仲有得挑戰添，自問酒量好嘅朋友可以試吓。😝等咗無耐就有得食，全部食物一次過上枱非常震撼 📸 鹽燒鮮白鱔必叫，自己超級鍾意食 😍 外皮脆口之餘內裏肉厚多汁，而且價錢重比出面平好多，性價比爆燈 💯 茄子燒配上香蔥及其他調味料，食落辣辣地非常惹味。幼嫩爽脆嘅蘆筍配上牛味濃郁嘅安格斯，味道比培根蘆筍更出色 🐠 燒到脆卜卜嘅多春魚每份有四條 😋 牛油帆立貝口感厚實彈牙，燒完後再搽上醬油味道一流。除咗超鍾意食白鱔，鹽烤鯖魚亦係我嘅至愛，鯖魚外皮焦香，內裏豐腴多汁 🦐 蝦肉上鋪滿了黑松露，味道濃郁得嚟蝦肉又鮮甜 🍗 入口啖啖肉嘅雞肉軟骨棒，除咗食到爽脆嘅軟骨外，肉汁亦相當豐富，配埋雞蛋口感更加滑溜。Pina Colada ($86)

🍻芝加哥串燒酒場🍻📍:大埔大埔太和路15號太和中心地下37號舖⏰:4:00pm-3:00am由於之前好多酒吧因為疫情開唔到🥲依家推介呢間位置大埔既串燒酒場 佢地有賣各款特色既酒類 亦都有多款串燒、小食供應🙈 同朋友傾住計 飲下酒食下串燒 真系好寫意😍🔸主食方面🔸安格斯牛板腱珍珠飯當晚我地系未食飯 所以叫左個主食😍牛板腱好淋 有肉味 份量都唔少架 再配埋蔥花、粟米同芝士 兩個人share岩岩好👍🏻如果多反少少醬汁 令到個珍珠飯唔好咁乾就滿分啦🙈🔸串燒方面🔸我地叫左炭燒豬頸肉、蜜汁燒黑豚肉蜜糖雞翼、燒宮崎去骨雞腿、茄子燒香蔥燒牛殼扇貝、燒雞泡魚干鹽燒多春魚、鹽燒雞皮呢到各款串燒都系既叫既燒 廚房系會一次過上晒 所以等候時間都要20-30分鐘左右 中途可以飲住酒傾下計😍 串燒燒得岩岩好 叫左bb辣 最特別既系燒黑豚肉同去骨雞腿 會配埋蜜糖同醬汁等 好惹味 黑豚肉肥瘦均勻 面層有點焦脆 咬落口充滿肉汁同蜜汁既甜味！去骨雞腿嫩滑無骨 咬落口啖啖肉 皮脆肉厚！雞泡魚干同雞皮等 配酒真系一絕😍🍻酒類方面🍻我地叫左Apple Cider同Snow Ball 店員推介既snow ball味道唔錯 對女仔

知道太和有間可以一邊食串燒一邊睇波嘅酒場，今日就專登嚟到試下，坐落去個環境其實唔錯，咁啱我坐喺電視對面，場足球比賽由頭睇到落尾，場內播住流行嘅熱門音樂，氣氛十分唔錯。我哋嗌咗兩杯KIRIN frozen beer，介紹嗰陣佢哋話係用沙冰做面，飲落去嘅時候，沙冰綿密到好似泡咁，唔會話咬到冰粒，時間耐咗都唔會有減退跡象，比起波沬面更加好飲。點咗黑加侖子味同桂花味，都唔會太甜，而且易入口，對於唔係太過飲酒嘅我黎講，都好易飲。值得一提既係香蔥燒扇貝，兩粒大扇貝鋪滿香蔥燒，蔥油香濃厚，有一口帶子就食到蔥油味，十分好食。魚類嗌咗條石斑同三文魚鰭。石斑表皮稍脆，內裏肉質燒得嫩滑，留有肉汁，提提大家石斑會有碎骨，宜慢慢食。 三文魚鰭值得一讚，外脆內軟，而且啖啖肉，十分惹味。仲嗌咗各款雞肉牛肉類，有唔同既調味，肉質易咬。佢地係即叫即燒，啲野上枱係岩岩出爐熱滕滕，可以一串一串慢慢食，一邊傾計同睇波。

等左兩個幾月，終於有得出去晚市難得有晚市，真係要飲返杯酒，chill下放鬆吓舖頭入面仲有一部大電視係播住足球比賽，啱晒鍾意睇波嘅人士craft beef ，帶有百香果，西柚，啤酒花香味，帶少許苦味，岩我口味朋友叫的1664 主力想食串燒串燒有好多選擇，仲可以自選不同辣度價錢都唔算貴叫左唔少野，有雞肉軟骨棒，燒白鱔，原條燒茄子芝士黑松露扇貝，雞泡魚乾等等燒阿波美雞腎好好食，好香，好有咬口原條燒茄子面頭超多蒜同孜然粉，調味好足，而且燒到好juicy扇貝芝士同埋黑松露，味道好夾，燒得剛好雞泡魚乾飲酒必備小食，非常香口，送酒一流見人地d相燒白鱔係厚身，點知我地呢串超薄身，仲要燒到乾哂水最後叫左個飯埋尾，晚餐點都要有飯落下肚安格斯牛板腱珍珠飯，燒黑松露帶子珍珠飯估唔到又幾好味，份量又足，夠哂飽肚

疫情下，不少餐廳都無開，假期下，到了大埔太和附近一帶行下，路經呢間甚有氣氛的餐廳，相信如係睇波日子黎，一定仲熱鬧。 Samuel Adams Boston Lager: 啤酒輕微果香，同時亦有Lager嘅清爽順滑口感，食串燒梗要啤一啤佢。紫薯牛奶: 醇厚紫薯奶香味，味道都好好，夏天飲真一流。串燒: 一口和牛串、大蔥雞脾肉串、牛舌、燒菠蘿、雞翅包。其中一口和牛串特別出色係和牛串，燒得好香，味道相當唔錯。串燒: 香蒜燒鮑魚、鹽燒白鱔串、燒菠蘿、燒蘆筍。香蒜燒鮑魚同鹽燒白鱔串真一定要叫，鮑魚味道鮮甜，適當的調味使到鮑魚味道更惹味。鹽燒白鱔串表皮燒至脆身，鱔肉嫩滑又爆汁，十分驚喜。串燒: 味增甲羅燒、魷魚串、雞軟骨等。味增甲羅燒蟹膏上面再加上少許鮮甜蟹肉，味道濃郁，滋味非常。魷魚串都好正，原隻燒28蚊炸，7勁正。

芝加哥異國風情酒吧燒京蔥蔥花好甜燒成豬腩片燒汁混合濃郁肉汁的芝士雞髀肉串特色就是要吃濕濕潤潤的 一口咬下肉汁會在嘴裡瞬間炸開來到芝加哥 點可以唔飲啤酒🍻Samuel Adams 士頓拉格啤酒辛辣的啤酒花飲落仲略帶甜味 好香烤麥芽和順滑的之間的獨特風味十足😋 加埋餐廳嘅歌好有feel 連Samsung食得好Samuel Adams 士頓拉格啤酒辛辣的啤酒花略帶甜味 好香烤麥芽和順滑的之間的獨特風味十足😋 我喜愛的美食串串燒 ❤️

我自己就好鍾意去大埔搵嘢食，之前一路都有去開其他嘅酒吧，但係由於疫情關係，基本上而家可以坐得來，以舒服嘅酒吧，喺新界區，其實都真係冇乜；之前朋友帶過我嚟呢度，覺得都幾唔錯，特別鍾意佢嘅啤酒，麒麟啤酒，仲可以有各款唔同嘅味道選擇，所以我都有幾深嘅印象每一次嚟到，一坐低，我都會叫呢一杯桂花味嘅麒麟生啤，入口嘅時候佢會去除咗啤酒嘅苦味，反而係有好豐富嘅甜味同埋桂花香味，我自己就好鍾意，而我都覺得如果係平時唔飲開啤酒嘅朋友都可以試一試。食薯片我覺得係一定要試嘅，佢呢一度會整成一串，好方便食，而且佢加咗特色嘅辣粉，攞嚟送酒嘅話其實一流。呢一個鹿兒島A5和牛，其實真係好少酒吧同埋串燒店可以Offer到，首先，做呢一個，一定要有一個好出色嘅廚師，因為如果廚師整得唔好嘅話，其實會好容易浪費咗呢一個咁出色嘅食材；我自己食落去嘅時候，就都睇到呢度廚師嘅功架，本身食物嘅選材已經好好，而且猛火燒一段好短嘅時間，牛嘅油脂香迫晒出嚟，好豐富；食嘅時候再去點檸檬汁，可以令到食落去嘅時候冇咁油膩，而且更加可以打開食慾，非常唔錯。呢度嘅燒菠蘿都幾唔錯，炸雞扒配埋佢呢度嘅特色醬汁，非常好。

每次，想同朋友談天說地既時候，一定會想飲返杯食下啲小食，我住大埔既每次都諗起佢，因為在大埔，餐廳環境好而且又有串燒可以叫黎慢慢食既地方，呢個真係我首選，我都已經唔知黎過幾多次，最近呢半年因為疫症，搞到連夜晚食飯既地方都冇…慶幸呢半年艱苦嘅日子，佢地仲頂得純，所以都想同大家分享下，希望令咁好既地方繼續有💪🏼💪🏼食物主要係串燒為主，另外仲有一些特色既海鮮等，串燒係即叫既燒，同埋等候時間都可以，仲可以叫住杯酒傾住計慢慢等，有時候有football match，呢間鋪仲會爆哂咁濟😂我同朋友都鐘意飲Frozen Beer，因為有碎冰係上面，連埋啤酒入口清涼，有些飲下飲下就飲左幾杯😂叫到成枱都係…😂不過飲下酒吹下水唔經唔覺就清哂🍟炸厚切薯片即叫即炸新鮮之餘，外脆內軟，好有台灣夜市既風味⭐️鳳梨燒：香甜多汁，我每次食串燒都叫😆⭐️香蒜燒鮮鮑魚：6隻鮑魚，Size偏細，但肉質彈牙爽口，熟成嘅程度啱啱好，食到鮑魚嘅鮮味⭐️燒宮崎去骨雞腿：雞皮香脆不帶油脂，雞腿嫩滑多汁⭐️鹽燒及水牛城雞翼：燒得岩岩好，外皮香脆，入面肉汁豐滿，水牛城又唔會太辣，幾入味總括嚟講，食下串燒飲酒傾計，呢度的確係一個好好既地方，最近終於有