芝加哥串燒酒場 (太和中心)

疫情下，不少餐廳都無開，假期下，到了大埔太和附近一帶行下，路經呢間甚有氣氛的餐廳，相信如係睇波日子黎，一定仲熱鬧。 Samuel Adams Boston Lager: 啤酒輕微果香，同時亦有Lager嘅清爽順滑口感，食串燒梗要啤一啤佢。紫薯牛奶: 醇厚紫薯奶香味，味道都好好，夏天飲真一流。串燒: 一口和牛串、大蔥雞脾肉串、牛舌、燒菠蘿、雞翅包。其中一口和牛串特別出色係和牛串，燒得好香，味道相當唔錯。串燒: 香蒜燒鮑魚、鹽燒白鱔串、燒菠蘿、燒蘆筍。香蒜燒鮑魚同鹽燒白鱔串真一定要叫，鮑魚味道鮮甜，適當的調味使到鮑魚味道更惹味。鹽燒白鱔串表皮燒至脆身，鱔肉嫩滑又爆汁，十分驚喜。串燒: 味增甲羅燒、魷魚串、雞軟骨等。味增甲羅燒蟹膏上面再加上少許鮮甜蟹肉，味道濃郁，滋味非常。魷魚串都好正，原隻燒28蚊炸，7勁正。