影片
更多
2022-09-11
13 瀏覽
雖然飲得兩杯，但係唔好酒，真係好少落bar落酒場。 不過要同朋友「捉蝨」詳談，又唔想去starbucks，元朗好少呢類串燒酒場，就試下呢間串燒舖。 門外門內都好有氣氛，適合book場搞party、睇波。 水吧同高枱位置都面向大門， 大大個門口， 好鍾意呢種可以同街坊交流嘅人情味。好耐未試過同朋友拎住個餐牌，睇足半個鐘。 款式太多了吧。 我懷疑個廚房 其實係一個超市。食物配上圖片，飲品寫清楚有咩喺裏面， 好似揀香水咁， 成分清清楚楚，俾你搵一款適合自己嘅。仲要貼心到有牛奶提供，畀你墊墊個底，唔會醉。Menu少碳水化合物, 主要係特色飲料、串燒、海鮮、小食...... 好適合做晚餐。Sangria 一杯$ 98紅酒、果汁、果肉各佔一份。 橘類同紅酒好夾， 甜、香、順喉，唔單止容易入口，仲會令你忍唔住想叫多幾杯。 差啲想放低$399嚟個酒精放題，再＋99 任飲whisky ＆ cocktail。MADRAS 一杯$89蔓越莓汁、橙汁配伏特加。橙汁味重，杯底充滿新鮮人手切粒果肉，有後勁。冷盤日本磯燒鮑魚 $88似鹽漬鮑魚，入味又容易咬。有三隻。炭燒豬頸肉（一串）$22肥瘦厚薄適中，叫咗小辣，表
門外門內都好有氣氛，適合book場搞party、睇波。 水吧同高枱位置都面向大門， 大大個門口， 好鍾意呢種可以同街坊交流嘅人情味。
好耐未試過同朋友拎住個餐牌，睇足半個鐘。 款式太多了吧。 我懷疑個廚房 其實係一個超市。食物配上圖片，飲品寫清楚有咩喺裏面， 好似揀香水咁， 成分清清楚楚，俾你搵一款適合自己嘅。仲要貼心到有牛奶提供，畀你墊墊個底，唔會醉。Menu少碳水化合物, 主要係特色飲料、串燒、海鮮、小食...... 好適合做晚餐。
Sangria 一杯$ 98
紅酒、果汁、果肉各佔一份。 橘類同紅酒好夾， 甜、香、順喉，唔單止容易入口，仲會令你忍唔住想叫多幾杯。 差啲想放低$399嚟個酒精放題，再＋99 任飲whisky ＆ cocktail。
MADRAS 一杯$89
蔓越莓汁、橙汁配伏特加。橙汁味重，杯底充滿新鮮人手切粒果肉，有後勁。
冷盤日本磯燒鮑魚 $88
似鹽漬鮑魚，入味又容易咬。有三隻。
炭燒豬頸肉（一串）$22
肥瘦厚薄適中，叫咗小辣，表面有孜然粉、七味粉， 有日式風味。
招牌燒牛骨髓（一串）$29
膽粗粗試新嘢。 外表似豬腸，食落又滑又黏， 冇咩味道。 朋友話食優質脂肪（＝牛骨髓）好過食碳水化合物。
鳳梨燒（一份）$23
大小適中，好甜，好開胃，好嘢味。
蘆筍燒（一串）$28
超幼細鮮嫩個種，少渣宰。
招牌茄子燒（原條）$35
平時都鍾意叫茄子燒，一嚟好食，二嚟好顯廚師功力，無論喺熟度，味道，定係色澤保持方面。2個字，出色。
燒雞泡魚乾（一塊）$58
睇戲配爆谷，飲酒配雞泡魚乾，習慣性點菜。甜甜地，好有咬勁，好啱磨牙。
燒羊架 $39
一份兩隻，唔羶又唔難咬，算係唔錯。
燒新疆羊臉肉（串）$46
好少食，叫咗紅酒就叫多啲紅肉。食得太快，冇留意同其他部位既羊肉有咩分別。
燒魔鬼魚翅干（一份）
$55
其實味道同雞泡魚乾真係幾似，不過魚翅乾會再薄身同脆口啲。
好味度同回頭度可以畀到接近滿分。
張貼
