影片
更多
2003-12-11
11 瀏覽
正如Olivian小姐所講, 興記o係廟街有幾間. 廟街頭(文明里, 近油麻地地鐵站) o個幾間地茂舖污糟邋遢, 實在唔敢幫襯; 而廟街尾近佐敦道o既呢間分店好似係新開o既. 幾個禮拜前見呢度地方都幾乾淨市正, 就走o左入o黎食煲仔飯.坐o左唔夠一陣有人o黎搭檯, 冇所謂啦. 平平地要個排骨煲仔飯加蛋($18+$2) , 排骨份量足但唔靚, 好韌; 煲白飯o既質素只屬普通(如要加糯米或者轉做全糯米底要另計), 煲仔飯用o既豉油只係普通豉油, 咁都算喇, 但係隻"加蛋" 原來係?拎隻個殼冇抹過o既生雞蛋, 要我自己打落煲飯度. 想唔到一間睇落幾市正o既舖, 衛生同服務都係咁"街坊". 雖然飯後冇肚屙, 但想起來都要抹一額汗. >_<除o左平飯之外仲有免費娛樂: 隔離檯o既肥婆食客以為貼o係煲蓋面order紙上o既簡寫唔係佢叫o既飯, o係度大吵大鬧, 點知連老闆都癲埋一份, 同個肥婆食客鬥大聲. 見到咁o既情景真係唔知好嬲定好笑...一句講晒: 無下次. 以後食煲仔飯我只會去旺角廣華街o既"明園" .
坐o左唔夠一陣有人o黎搭檯, 冇所謂啦. 平平地要個排骨煲仔飯加蛋($18+$2) , 排骨份量足但唔靚, 好韌; 煲白飯o既質素只屬普通(如要加糯米或者轉做全糯米底要另計), 煲仔飯用o既豉油只係普通豉油, 咁都算喇, 但係隻"加蛋" 原來係?拎隻個殼冇抹過o既生雞蛋, 要我自己打落煲飯度. 想唔到一間睇落幾市正o既舖, 衛生同服務都係咁"街坊". 雖然飯後冇肚屙, 但想起來都要抹一額汗. >_<
除o左平飯之外仲有免費娛樂: 隔離檯o既肥婆食客以為貼o係煲蓋面order紙上o既簡寫唔係佢叫o既飯, o係度大吵大鬧, 點知連老闆都癲埋一份, 同個肥婆食客鬥大聲. 見到咁o既情景真係唔知好嬲定好笑...
一句講晒: 無下次. 以後食煲仔飯我只會去旺角廣華街o既"明園" .
張貼