興記菜館

營業中

休息中

是日同個朋友去廟街附近揾食， 一去興記門口就有好多人去食煲仔飯，心想都唔會差得去邊，一座低就叫了一個蠔餅、雞軟骨同腊味煲仔飯，個蠔餅就好快到，而個煲仔飯就要等成半個鐘先至有，仲要啲單亂七八糟，又要催埋單，仲要啲單亂咗就係啲客面前嘈，仲要離譜到，有台客催單時，還說：「無咁快，唔好再催!」，係香港都還有啲咁既服務態度。唉....1. 炸蠔餅 - 蠔仔少，蒽多，同埋有勁多的油。2. 雞軟骨同腊味煲仔飯 - 材料少，飯都是剛剛熟，又唔係飯焦，有失煲仔飯的風味。總之不會有下次。

星期六晚接老婆收工後，我地一齊去咗廟街行街同睇相。我地由佐敦出發一路行到去油麻地，沿途有好多特式嘅攤擋同懷舊嘅茶餐廳。個 feel 好正，係真正嘅 Hong Kong Style！我地啲香港人放工放假只識得去 cwb 、 tst 同 mk，好多人都遺忘了這些香港地道的老地方.......唉，我覺得有啲可惜。行到去油麻地已經好肚餓了，所以就順道嚟咗興記食飯。對於愛乾淨嘅人，佢地多數唔會鍾意嚟呢啲地方食嘢；但係鍾意食地道風味，對環境裝潢不大有要求的人，就一定會俾呢度嘅 Feel 吸引。我地揀咗坐出面，好熱鬧，成條街都擺滿枱，坐滿人。我地叫咗呢度出面嘅炸蠔餅、腊腸滑雞煲仔飯，豉汁炒蟶子同豉汁炒蜆。先嚟豉汁炒蟶子：細細碟，蟶子肉同殼已經完全分開晒.......好似兩樣嘢分開煮，跟住再放翻一齊....蟶子肉本身亦唔夠入味，似白灼多啲.....令外上碟時亦只是微暖......有啲失望。跟住到炸蠔餅：呢個就唔錯啦，熱辣辣，啲蠔都算大隻同唔 "聲"。餅本身唔太粉，食落香口鬆脆。唔錯！但嫌油略多。再嚟豉汁炒蜆：又係細細碟，但份量較蟶子多，不過上碟時都係微暖........味道普普通通，唔叫得好入味亦唔叫

初春時分，天氣仍然相當清涼，到廟街吃煲仔飯是不錯的選擇。每次到廟街，我也會到興記吃飯。興記於廟街設有多間分店，絕對唔難揾～海鮮，小炒，炸蠔餅都做得不錯至於煲仔飯，包有飯焦！　飯味香濃，加上甜豉油沬道更佳提提大家，煲仔飯製作需時，要有等的心理準備～～～呵呵呵！！！

廟街最出名煲仔飯啦，晚上三人10點來到，真是人山人海。來到興記，點了牛腩，梅菜肉餅，和蠔餅。蠔餅：還算不錯。蠔還蠻多的。牛腩和梅菜肉餅煲仔飯：都算是一般。菜的分量也不少，淋上醬汁的味道還不錯。米飯的味道很好，米很香，但是鍋巴沒有做好。

補回 8-1-2009 食評 晚上與家人去了廟街吃煲仔飯,因找不到位,才來了這間"興記",蠔餅--->>一般,未致於難吃,但~也稱不上好吃~煲仔飯--->>只可說抵食,不是好食,普通的才18元一煲~如果問我會不會再來,可以肯定的回答您們,試一次已很足夠了~照片參考 :http://hk.myblog.yahoo.com/kitypanghk/article?mid=17157

尋晚朋友話好耐冇去廟街食野 , 於是我地去左興記食煲仔飯去到都排成十幾廿人 , 好彩我地唔係好肚餓 , 一邊傾偈一邊等等左20分鐘左右 , 終於到我地啦其實食過興記既朋友都知 , 呢度環境係真幾差 , 地下好污糟 , 而且d座位好迫….講下我地叫左咩先 !.1. 窩蛋牛肉飯個飯好香 , 熱辣辣 , 有少少蕉….正 !d牛肉都幾滑 , 而且唔乾 , 岩岩好 !我最中意食窩蛋 , 係因為可以撈飯 , 加埋牛肉d汁....好正架 ! 2. 北姑滑雞飯滑雞有d乾身 , 而且都係雞胸 , 好鞋 3. 細蠔餅蠔餅係我最期待既小菜 , 因為唔係好多地方有得食架 ! (除左住家菜)d蠔唔算大隻 , 細細粒咁 , 不過勝在份量都唔算少 , 啖啖都食到蠔架 !至於d粉漿就麻麻地 , 冇咩特別 4. 炒通菜普通炒菜 , 不過不失服務一般 , d呀姐呀叔都好忙 , 成日行黎行去叫佢拎對筷子 , 都要叫幾次....碗碟潔淨程度好一般 , 大家一定要清洗左先好用 !

一保臘味飯竟然得三樣野！一條臘肥，一條潤腸，長吋半仲有一舊大約兩個五蚊大肥皂多過肉既臘肉！我未食過一間咁樣既臘味飯係差到咁囉！服務就唔洗問，d人等到埋單都唔等！甚至有d人坐超過一個鐘都未有一煲飯到！

2009年1月8日(星期四)晚會去興記煲仔飯，係一位同樣鍾意食野既FD介紹。老實講，廟街我同去食既FD都唔熟，亦唔會經常去大排檔食野，所以對衛生環境唔好呢一點早已經有心理準備。(**因為係同BEST FD去食，心情勁好，所以會覺得食物更好食)走出油麻地MTR C出口係7.00既事，7.05已經有位坐，響一間細細地既舖仔裡面。地板︰唔亁淨多油漬(預左)牆身︰有正貨聲名、有D餐牌、正正常常檯櫈︰鐵皮檯+膠櫈，睇落去唔多乾淨，而且好舊對呢度既環境完全無期望甚至預左會好差，所以去到見到，反而覺得都OK︰)1. 唔好著靚衫去 2. 最好去左廁所先去 3. 唔好諗住可以慢慢食慢慢傾計是日菜式︰蠔餅(細)+蒜蓉通菜炒鮮魷+臘腸滑雞煲仔飯蠔餅 - 油炸蠔餅~參考其他食評既相，知道呢種蠔餅係粉醬油炸，所以預左會好油。見到實物果真如此~我同FD兩個女仔唔大食，坐低見到隔離檯叫左蠔餅好大塊，唔敢叫大碟，只叫左細碟，一人一塊。因為係油炸食物所以一黎到我就即刻擺落口--會熱到"辣"親︰P油味幾香，蠔味淡淡地，味道屬一般~無法令人留下深刻印象~但係絕對可以閒時食下︰D腐乳通菜炒鮮魷 - 腐乳炒菜~一個細碟裡面裝滿

真係佛都有火近排天氣凍，女朋友扭計要食煲仔飯+羊腩煲於是乎就去煲仔飯熱門地點油麻地廟街度搵下食啦去到一間叫興記既問左其中一個呀姐話有羊腩煲食 又見到門口有人排隊咁把炮咪諗住實無死錯人啦點知……在門口排隊果d 都唔知係咪 "妹" 黎既在廟街食野都無諗過有服務架啦，d 呀姐無禮貌都唔同佢地一般見識…叫左一個煲仔飯，一個羊腩煲，等左大約十分鐘，羊腩煲黎呀…心諗咁快上到都有d 不妙，唉…一摸下個煲柄，凍既！(個呀姐仲扮哂野用毛巾隔熱)，煲身只係暖暖地！ (好明顯只係煲左一大煲，跟住再放入細煲度上菜) ，失望……無左食熱辣辣羊腩煲既風味。都算啦！都知十間有八間都係咁做架啦，雖然唔夠熱，但還可接受。可惜佢地個煲野骨頭多過肉，枝竹又得3塊……跟住好快咁食完，望下個menu，原來煲野盛惠六十大元！ 仲以為睇錯！哩煲咁既野三十蚊都唔值，竟然夠膽死收六十！！！又算！鬼叫自己事前無睇餐牌就叫，做左傻仔都無野好講。但最激氣係由坐低點完食物，等左足足四十五分鐘，同女朋友吹水都吹到口水乾，個煲仔飯影都無！其間吹左單三次，次次d 呀姐都膚衍左就算！！終於都係快刀斬亂麻，決定唔再等，拿拿聲出去埋單……出到去埋單之餘就

一個以後都唔會再去既地方。去得油麻地都冇唸過佢會好乾淨好好坐，但唔緊要，我淨係為左煲仔飯而來!!!!!!結果…真係除左講粗口我都唔知可以講咩。睇相你就會明…同朋友兩個人去食飯~本來唸住開開心心食餐好好味既~~結果!!! 真係另人失望!!!!!Total叫左三樣野，因為仲打算落去松記食甜品。好在…叫左只係三樣野，唔係慘過死。唔係太大食又唸住有下場，咁一個飯share再叫多個蠔餅，加多個送就應該岩岩好。行到去果度其實都冇唸住食邊間，只係唸住隨便一間，見佢好似有咁多間分店，又有人排隊應該都唔會太差，又有咁多雜誌果Ｄ野貼曬係度，差極有個譜掛… 結果我地叫左雞蛋免治牛肉煲仔飯、蠔餅(小)、辣酒煮花甲。上桌次序如下:蠔餅好多油…又炸得唔香又唔脆…冇蠔味… 係我食過最難食既蠔餅。咁都算…失望…仲未夠…辣酒煮花甲:你睇相就會想講粗口。好似人地食淨果Ｄ咁。張相係真係一上台就影低我地咩都未掂過已經好似係人地食淨左咁!!!!真係火都黎埋!!!!個味…根本就係辣酒還辣酒花甲還花甲!!!!花甲一Ｄ辣酒味都冇!!!!Ｄ辣酒都冇酒味添!!!!!!超難食!!!你睇個樣根本就係火都起埋。咁都算…我一直都覺得，至少會有煲

整體上很差,係廟街這些地方, 已經不會預格局有什麼的好。 一心想著, 這裡是吃風味小吃, 怎知.. 辣油炒東風螺, 結果係辣水浸烚螺, 上湯菜係滾水浸菜,個飯 等左九個字, 問聲仲俾人寸同鬧番轉頭, 話有四間shop既order wor, 唔夠爐wor 第一次見識所謂既服務態度。拍枱叫佢回水, 佢就發我脾氣話我地唔等得,黎得食飯就緊係因為肚餓啦, 等左成粒鐘, 點再忍阿...佢地話,個個都係咁等架啦.....我地堅持要回水, 我地唔再等你個飯, 佢話check 下單先wor,之後唔夠一分鐘,個飯就到,完全唔好食, 又乾, 又硬, d豉油仲要無味! 唔夠爐... 唔夠咁就唔好開四間啦 請我去都唔會再去食..!!!

每次幾過必定人頭湧湧, 第一次坐室內食, 叫了腊腸雞煲(~$25), 等了約半句鍾多豉油需是一般貨色, 但雞重雞味, 飯則稍淋, 炸蠔餅亦香酥可口, 正!第2次坐室外, 叫了排骨雞煲, 這次雞味稍溥, 反而排骨更勝肉味, 但份量較少而飯則粒粒分明有口感 加分其實我不常食煲仔飯, 但比起一般餐廳($4x-$5x)平近3, 4成而且味道不俗, 需然衛生一般得可以, 順路的話都值得去

很久前已想來試試，前一星期終於有機會一試。人多到難以想像，老闆一定已發了幾世達。蠔餅比想像的好而且夠大塊。落單後要等三十分鐘才有飯吃，飯可以煲得一粒粒，夠乾身，但所叫的滑雞牛肉則少得可憐。枱櫈放得"極之"擠迫，使我覺得所有顧客都變成難民般，而且幾乎沒招呼可言。飯還未到就先收錢，有點令我覺得不是味兒(收錢的人兄是最有禮貌的一個)，雖然人實在太多，但這不是待客之道吧。(此終不是快餐店)我不會再來了！我不是來討飯吃的。

見凍凍地約埋同事去食煲仔飯, 沒有什麼頭緒只好走到廟街的興記。好有氣勢的整條廟街都是食客, 尢以興記露天位佔的較多。我們給安排入室內, 是一間很簡陋用悵幕搭成的紙皮屋。煲仔飯價錢好街坊十多元一煲也有, 點了熱賣的炸蠔餅, 蝦餅, 椒鹽鮮魷, 腊腸雞煲和鱔魚煲, 最後是炒通菜。蠔餅並非潮式的有蛋炒的那種是開炸粉漿的很熱氣, 蝦餅份量頗多和蠔餅味道大同小異。椒鹽鮮魷熱吃時味道不錯。 較失望是煲仔飯, 兩款都是沒有什麼味道, 放在枱上的豉油更是一般生抽貸色。我還是很懷念以往吃過的煲仔飯, 打開飯蓋滿室都是飯香, 漿油甜甜的倒在飯面令整煲飯生色不少。慕名而來這裡的我想不只是我一個, 見人流不絕莫非好吃的煲仔飯只是如此這般?

沒想到廟街在平安夜一樣熱鬧, 這間食店更要排隊等位, 實在誇張~3個人被安排擠進一邊應只可坐兩人的枱等了好一會阿姐帶着濕濕的一盤杯、碗來, 那些水把我的袋和鞋都弄濕了一個大蠔餅, 很快來了, 算了多蠔了, 但唔夠脆同好油, 加咗辣椒醬變得好味好多~一個排骨煲仔飯, 一個臘腸滑雞煲仔飯, 等咗好耐, 餸都ok多, 幾抵食, 但我覺得d餸無咩味, d飯焦好煙un好香可能係太多人, 所以落單、上菜同埋單都要等好耐。其實味道好一般, 多人食可能只係因為煲仔飯最平(最平$18就可以), 下次應該會試第二間