興華美食 (已結業)

行過見到到突然口痕，而且好耐冇掃街，忍唔住買咗。即點即炸，熱辣辣咁，非常有誠意。雖然係小食，但出品一D都唔差，好食！加上又好抵食，性價比好高👍🏻👍🏻椒鹽墨魚咀哩個真係好推薦！真係好香口同好味，同時又不減鮮味😋一口甜紫薯軟軟熱熱嘅紫薯，甜甜糯糯咁，好味！一口西多我揀咗糖漿，哩個大推！西多炸到金黃色，睇上去已經好吸引，咬開中間係有花生醬！雖然真係邪惡，但真係好好食！而且一口一件，食得好乾淨又方便

今天在紅磡看完電影後剛好是下午茶的時候，所以就在附近找找有沒有小食店可能讓我解一下口癮，然後發然這間店，而且好評也比較多就放心買了！我這次就買了三款小吃！墨魚咀（１５元）這個是比較驚喜的一款小食，原本以為只是包了炸漿再油炸就完了，但這裡還多加了炸蒜，弄得像避風塘口味的，所以這個十分惹味，也炸得香脆，墨魚咀爽滑彈牙！份量也挺足的！炸餃子５隻（２２元）因為有點餓，所以叫了個飽肚一點的小吃。在家只能煎餃，但在街可以吃到費油的油炸餃子！這個餃子是豬肉餡料，有點菜還加了點粉絲的樣子，炸得十分開脆，味道可以！紫心香芋圓４粒（１５元）平時在放題的時候不敢吃多，因為太占胃容量了，所以現在可以買來吃一下過口癮！紫心香芋圓炸得香脆，內裡的芋頭味很足，外脆內軟十分好吃！

新開小食店，連儂牆好搶眼，當然要黎支持！有麵餐和小食，小食種類都算好多，由於食了午餐，所以主要叫了小食。一口甜紫薯真係好甜，十六元五粒。炸餃子，二十二元五件，所有炸物都係新鮮炸起，所以都拎時，都要一定既時間，但新鮮炸吃，係好食d既🤓麥樂雞，十六元五粒，正常味道。辣魚蛋，八元六粒，魚蛋屬於細粒個款，都幾彈牙，而最重點係佢個醬汁，好香，我個人覺得辣度可再勁d😂但整體黎講，算五錯😃下次想試下個招牌炸雞脾

自從我想減肥及其他原因，很久也沒有在紅磡吃過香港街頭小食。差館里和蕪湖街一帶街頭小食非常多，但是否吃得安心，衛生情況是否不錯，那就有待相確。晚上6時左右，食店不斷有各年齡層的人前來買小食。有些可能買給家中的子女孫兒，有些可能吃一點當正餐，有些如我突然很想很想吃燒賣魚蛋。我要了燒賣咖哩魚蛋小辣，一時忘記手袋裏有個玻璃盒，下次要緊記用玻璃盒去節省一個發泡膠盒。燒賣和魚蛋中，我較喜歡魚蛋。這家的魚蛋是大粒彈牙，濃濃咖哩汁沾滿魚蛋。相對下，燒賣的確蒸得太久，有點太軟太扁。聽說這家小食店最出名是炸雞肶，可惜當天身上沒有現金，買燒賣魚蛋的錢也是一個個兩元五元付的。我知道小店用其他方法收款有困難，但如果有PayMe之類就好了。

黃埔真係有好多好野食，今日黎試下呢間小食店，價錢都幾抵，全部都好吸引😍當日啲凳仔枱面放滿左野，所以要食嘅話都係外賣自取好啲.麥樂雞 $16/5好鍾意食麥樂雞點算？黎呢度食咪得🤣炸到好香脆，配埋泰式辣醬好正😋.深海墨魚咀 $16/份外層脆卜卜，雖然有少少甩但一啖咬落去都一樣🤣墨魚咀好大粒，有2cm咁大，好爽口彈牙👍🏻.紫心香芋圓 $15/4粒粒粒都圓碌碌漲卜卜，係放題食到嗰種不過新鮮即炸，香脆好多🥰

香港美食選擇真係非常多元化，除了環球美食外，更有香港特色嘅街頭美食 今日去黃埔港鐵站附近，行到紅磡差館里，家維邨對面，見有間小店「興華美食」，門店乾淨企理，就點咗幾款港式小食醫醫肚 咖哩魷魚、牛栢葉~咖哩汁香口惹味，魷魚、牛栢葉，非常爽口脆彈 一口西多士配奶油（另可揀選朱古力醬、焦糖）~ 西多夾心層夾以花心醬，外面炸得香脆，裏面有花生醬香味，麵包鬆軟，非常香脆可口 咖哩春卷~醮上泰式雞醬，春卷外面炸得香脆可口，美味非常

自從疫情緩和後，各大商場及街道都多了很多人，為免擠迫去紅磡工廠區都有好多購物的地方，包括波鞋倉及床褥等今日 L 去買了兩個全新的枕頭，希望有覺好瞓，順道幫襯附近的名物- 興華炸肶。興華炸肶的母店於柴灣興華邨，地方相對較隔涉，想吃都不容易。小店則位於黃埔站附近方便好多。小店地方有限，雖然有位坐但還是外賣回家吃最自在。興華炸肶配撈麵， 雖外賣回家都已經過了大約個半小時，但外層脆皮依然保持香脆 色澤均勻，內裏肉汁仍然保留。外層香脆雞皮不油膩，雞脾肉很嫩滑。 醬油香濃有點像煲仔飯豉油甜而不膩。碗仔翅材料足口感爽又不會像漿糊芝士年糕好好食，外層炸得香口，內裡芝士年糕軟綿綿對比很大。魷魚鬚外層鬆脆，內裡的魷魚咬下去又不會太韌。即使外賣回家吃仍保持口感，亦不會感到很油膩或者過鹹。雞脾套餐配撈麵，外賣的話要撈勻才吃。醬汁層次很豐富。自備一支泰國梳打水，絕配！

呢間興華美食進駐左紅磡差館里嘅宵夜圈一短時間，都無機會試下，主要原因係我平時唔係好想食煎煎炸炸嘅野食。但係今天細佬話佢請宵夜，指定想試呢間，咁就有機會試一試。佢叫左幾樣野，一口西多士、忌廉薯餅、同埋麥樂雞。麥樂雞就一般小食鋪都會有嘅野食，無咩特別，今日集中講下一口西多士同忌廉薯餅。忌廉薯餅我記憶中真係無咩小食鋪有得食，唔知係唔係即場人手做架呢？佢個忌廉釀左入個薯餅入面，好似日式蟹肉薯餅咁，只係無左蟹肉。至於一口西多，佢有多款醬料可以選擇，可以揀糖漿同煉奶等等，算係多款式同特別。

🍴興華炸髀配撈麵 HK$35生炸雞髀大大隻，表面黃到金，炸得乾身唔油膩，皮脆肉嫩無雪味，肉本身已經醃得夠味，有需要可以再加秘製豉油，而撈麵就正正用左秘製豉油去撈，好香，唔會太鹹，麵唔會煮到太腍，我仲落左咖哩汁落去，辣辣地仲正。🍴墨魚咀 HK$15咬落去極之彈牙，咀嚼之中軟中帶脆，估唔到小小墨魚咀口感咁有層次，連埋炸蒜一齊食更香口惹味。🍴吉列炸蝦 HK$22炸粉厚左少少，但都夠脆，蝦肉亦算爽甜。🍴牛柏葉 HK$13牛柏葉夠爽，一d都唔韌，咖哩汁好香。📍興華美食紅磡差館里15B號地下1號舖

前幾日同朋友去紅磡拎野，順便想掃下街，行行下就去左呢間興華美食小店，小店都幾多人幫襯嫁，我地見多人就決定外賣，我地叫左一口西多士$15一盒有四件甘多仲要幾口先食得完，加左煉奶醬更加甜西多即炸好香口，入面仲有花生醬涵仲叫左炸餃子，個皮堅脆口，入面既涵料如果可以多少少就更好仲有秘制咖哩醬既牛栢葉個咖哩醬真係幾惹味辣辣地甘最正既係大大隻既炸魷魚鬚，大大份好抵食仲要全部小食都係即叫即炸，保証熱辣辣，價錢合理，下次有機會再去一定要試下炸雞脾

今日食既呢間叫興華既小食店, 位於紅磡, 呢度比我既感覺就好似返返去細個放學一齊去食下午茶咁的, 好有感覺呢度都幾多野飲揀, 價錢都好大眾化我嗌左魷魚鬚同碗仔翅食魷魚鬚係酥炸既魷魚鬚, 非常之咁香脆, 一定要襯熱食先食到個種既味道!! 如果凍左既話一定冇咁好食, 而且個皮係會變硬的碗仔翅非常之咁足料既碗仔翅, 一撈就已經睇到係幾多唔同既料係入面, 呢度既口感會比其他既杰一點, 但係我鐘意呢一隻口感, 比起水水的似係溝左水既碗仔翅更加好味道!!

今次繼續帶大家喺我地頭搵食😈😈 呢間小食店我bookmark左好耐啦，前幾日夜媽媽有啲肚餓就去左買宵夜食🤤順便支持下黃店💛💛 店主仲要好好人，態度又好，要加分💯 一口西多（$15）西多有三款口味可選擇，包括煉奶、朱古力、糖漿～ 一份有四件，每件都充滿蛋香，多士中間夾左花生醬，加埋糖漿，食落真係好邪惡啊😈椒鹽墨魚咀（$15）墨魚咀即叫即炸熱辣辣🤤仲炸得好香脆，食落好有咬口，墨魚咀餸啤酒仲正🍻魷魚🦑（$13）魷魚好足料，都有成四至五件，食落仲好爽口添！😋咖喱魚蛋（$8 六粒）食魚蛋最緊要都係佢嘅醬汁，佢嘅秘製咖喱汁夠濃味，唔會好辣，食落好惹味！魚蛋口感十分彈牙😍唔錯唔錯😋-興華美食 (紅磡)📍紅磡差館里15B號地下1號舖

🔸碗仔翅 $20🔸咖喱魚蛋 $8🔸椒鹽炸燒賣 $12🔸一口西多士 $15-細細個開始就好鍾意食街頭小食，係充滿香港嘅風味，去第二度真係食唔返，有時去咗長旅行都會掛念燒賣魚蛋啊～今次咁啱經過呢間興華美食，見到佢哋熱愛香港，我緊係要支持佢哋，仲要小食都好港式、好好味！食咗佢哋嘅西多士，size切到一啖一粒好方便，揀咗落煉奶，花生控見到中間夾咗花生醬即刻心心眼，煉奶花生醬係超夾超好味！咖喱魚蛋個咖喱汁夠香夠辣又唔會冚晒魚蛋味，可以講係世界級！炸燒賣外脆內軟，加埋椒鹽又幾正喎。最後整多碗多料碗仔翅，結束呢個回合🤪紅磡真係好多好嘢食，作為Poly嘅校友，又多一個好味之選啦！得閒經過都一定會再幫襯吖！💪🏻

雞脾+撈麵餐($35) - 雞脾即叫即生炸，所以會等耐少少。外賣返家入lift，隻炸脾香氣+熱氣四溢，成架lift都聞到。炸脾外皮勁脆，肉質保持嫩滑，不會柴皮，亦醃得入味，屬很高水準的炸脾。撈麵個醬汁都惹味，麵煮得剛好，不會過淋。燒賣($8六粒) - 正常有咬口，不會太粉。

很久沒有掃街了，今日終於要解放了。細細的小食店，沒有堂食，只可外賣。小食選擇都頗多，除了最基本的魚旦，燒賣，粉果外，他們有很多不同款式的炸物，惹味小食及麵餐。眼見食客都不少，見老闆炸過不停，所有食物都是新鮮炸起的。我點了麥樂雞，咖哩角，一口西多及魚旦。魚旦一向比較著重醬汁，他們的醬汁調得不錯，夠濃味，微辣惹味。麥樂雞，咖哩角雖然比較細件，但炸得金黃香脆，不會太油膩，最岩過口癮。一口西多，有四件，其實大件得一口不能完成，中間有花生醬夾著的，惹味又邪惡，可配上煉奶/ 朱古力醬/糖漿。