至尊重慶雞煲 (創興廣場)

營業中

休息中

上次食完覺得好正，今日睇完戲就再去食多次。大約6點去到，我地係第二枱食客。唔知係咪太早既關係，侍應都好熱情，一有眼神接觸，就問我地係咪需要幫忙。今次都係叫左小辣，但係麻辣程度就比上次低左好多，唔夠刺激，就問侍應可唔可以再加麻辣，然後佢馬上入廚房再倒d麻辣俾我地。不過今次既雞好似比上次細件。今次戰鬥力比上次高，食多左幾款配料。最正係今晚既雪米糍係我至愛既香芋味，瘋狂食左7至8粒。至尊重慶雞煲已經變左我既雞煲飯堂。因為2個人去食散叫既雞煲又叫唔到太多配料，任食就無尼方面既限制。

朋友生日，話食要雞煲，我地貪近就就揀左呢間，8個人有2個煲，揀左一個辣一個唔辣，食得唔食得自己痴住個煲坐影起黎2個煲都差唔多，但辣既自然香好多，我就冇試到辣果煲，只攻唔辣，d雞煮得好香好好味，不過有d大舊既雞肉中間唔夠入味，我建議可以裝d汁落自己個碗度點，我地食到尾先發現個雞煲無開到火，一直就咁食，好在都熟晒，反而唔會痴底仲好食雞食到有d膩仲可以食洋蔥，d洋蔥好甜好好味，我同朋友係咁爭到加湯打邊爐，佢每張紙最多得3份，肥牛每份上得4片薄片，我地唯有用多幾張紙係咁畫3份不過我最鍾意食都係粟米芋頭花膠唔好試啦，好大舊都幾腥

放工同老公四圍搵野食，朋友介紹去至尊重慶雞煲食放題，地點就腳，上到去被安排坐卡座，地方好大，一d都唔逼，最重要冷氣足坐低就點個雞煲，辣度自己揀，點雞煲果陣順便點埋魷魚、豬皮、牛柏葉，雞煲食淨1/3，我就放哂落去，炒炒佢，食物沾滿濃濃的醬汁，惹味到極，食完雞煲都有7分飽，跟住加湯，再點任食食物，雖然任食，但牛肉質素唔錯，再點左蓮藕片、金菇、雜丸，食到飽飽但係仲有任飲同雪條、雪糕任食，緊係唔會放過啦，食番條大腳板，滿足哂

今日嚟到旺角同朋友聚會，揀咗呢間雞煲火鍋全包宴汽水啤酒任食任飲，真係非常之抵，地點又方便同朋友聚會係一個好嘅選擇，所以介紹畀大家 一開始先選擇麻辣雞煲，可以選大辣中辣小辣甚至乎唔辣，雞煲嘅香料非常熱香而且雞亦都非常之滑，一啲都唔似雪藏雞非常好食 而且店內環境非常之 舒適同朋友傾計非常之好嘅選擇 食完啲雞之後加上啲湯就可以變成火鍋，火鍋係香港人嘅至愛重要任食亦都非常之多選擇 水魷魚同牛栢葉，非常新鮮，雖然份量較細，但任食可以不停叫 係我嘅至愛，仲有蟹子丸同埋芋絲都非常之好味 火鍋點少得肥牛吖，呢間任食嘅肥牛，肥瘦度適中非常好味，而且亦都有羊肉揀，羊嘅騷味比較重，但係鍾意食羊嘅朋友就會覺得非常之香 食咗咁多肉，都要食番啲菜嘅，菜嘅選擇都非常之多，我揀咗唐生菜金菇，本身雞煲嘅麻辣味，再連埋啲粟米煲 嗰啖湯好味到不得了 除此之外仲叫咗啲炸支竹，呢個亦都係我嘅推介因為味道濃嘅湯底 配上清淡啲嘅食物非常好味 最後我仲揀咗個烏冬，烏冬連同湯底簡直係人生一大享受 另外朋友介紹，鵝腸因為我本身唔食，但朋友話啲鵝腸爽口彈牙係值得推介嘅

吾知點解突發好想食雞煲，所以今晚收工就相約男友出旺角食雞煲打邊爐我地去到都9點9，見今日價錢係138全包！上到去都有5枱左右等緊，甘就拎飛先啦。都等左大概20分鐘先有位。不過入到去已經感受到好焗，好大陣雞煲味，抽風明顯不足，而座位方面係長枱，二人打對面座，設計好差一入去店員會問要咩辣。我就揀左bb辣，等大概5分鐘雞煲就上枱！要小心吾好用手掂好個煲！好熱！！個雞煲好香好入味好好食！枱面張紙寫住加花膠牛栢葉好好食。一試果然好味，入哂味，正之後食完雞煲就加湯，都係普通打邊爐材料，但肥牛質素算幾好！其他就普通好一般，無特別驚喜。。。我覺得最差係啲落單紙放係碟入面濕哂，會甩色落啲食物度仲有全部放一推，冬菇果啲會浸濕哂，吾好食！飲品都多選擇任飲，但由於長時間不停俾人開泥開去，同fill得較慢同好似供不應求甘，啲汽水完全吾凍既。另外有雪糕櫃，有雀巢雪糕同雪米滋。出面見到有響鈴同餃子拎！不過吾係長期有員工，我係完全拎吾到。。。重點一提，服務好差，門口個姐姐長期黑面，講野又寸無禮貌！同佢會準時趕你走。甘岩隔離有班男仔未食哂，坐多5分鐘都吾得。個姐姐同佢講(食野就吾好講野啦，吾飽都要走咖啦)跟住已經搵人收

好似好耐無食雞煲同火鍋，就決定假期前夕去食雞煲。本身想揀另一間都有雞煲既任食火鍋店，不過諗諗下都係想食雞煲專門店，就醒起至尊重慶雞煲。早一日打去訂枱，侍應話有位唔需要訂枱。當晚6點左右去到，侍應係接侍處已經幫我地落定order要咩辣。坐底過左幾分鐘就有雞煲食啦。由於“友人”唔太食得辣，唯有叫小辣(其實我內心好想叫中辣，但都擔心自己食唔到)。見到d雞件咁大件，仲擔心肉質會好鞋，點知一d都唔鞋，仲好入味，好正，真係好好味雖然係小辣，但感覺好似中辣咁，岩哂我食完雞就嘗試問下侍應有冇得fill雞，點知佢話fill雞要加錢，就算啦。之前食過荃灣同元朗分店，記得有間係有得fill架，不過都幾年前既事，可能改左又或者我記錯左第2間?醬料自助區只有豉油，生蒜，同埋2種一乾一濕既辣椒乾料/油。同其他任食火鍋一樣，配菜款式都好多。我地叫左肥牛(唔太肥，不過食落唔un，唔錯)、花膠、鵝腸、水魷魚(“友人”話麻麻)、豬頸肉(好味，好有”趙”口)、台灣芝士蛋、蒜汁花枝丸(幾有趣，花枝丸入面真係有生蒜碎，唔知係自家製定買既呢)、青口(“友人”話好正，煮完都仲好大隻。不過第一次落單劃”1”就有2隻，第2次落單劃”2

誰說夏天不能吃雞煲？雞煲這回事是四季皆宜的！就像這家老字號: 至尊，不訂位的話，可能一位難求啊！一早訂位又早到的我們有最舒適的沙發卡座，近眺旺角街景星期六晚的價錢是168一位，超平！飲品任喝，汽水果汁啤酒，甚至自家製涼茶都有！火鍋料就在這裡點，有點像小時侯學能測驗的填法。(欸，暴露年齡了)今，日叫了完全不辣的原味雞煲，起初害怕會沒甚麼味道，但是它傳出陣陣香氣，又看到深色的醬汁就安心了。煮20分鐘左右雞就熟了，醬汁可是緊緊包裹著肉，味道超級香濃，雞件又大又多肉又嫩滑，也不會出現一個雞煲兩個雞頭的情況，誠意十足。牛魔王表示要吃大量的牛，所以就這樣了，雖說是肥牛，店家卻沒有給我們肥膏多過肉的牛給我們！看，這些肥牛質素不錯，比我們期望的好讓姐教你們重口味食法吧。每次加湯只加一點，保持醬汁的濃度，火力不用調那麼高，再放肥牛下去慢煮。這樣的話，煮熟後的肉會好嫩滑，又充滿醬汁喔我們用同樣方法煮烏冬，雪白的烏冬變得那麼深色，可見有多入味喜歡重口味的你可以一試其他生料的份量按人數配給，不會太多。店家推介大家汁煮花膠，牛栢葉和水魷，也是相當濃味！看，直到最後我們還是保持汁煮的狀態繁忙時段最貴都只是一人16

本人妻今日同小鮮肉老公難得一齊放假，所以就去左旺角行街街同四圍搵下食，去到始創附近小鮮肉忽然話想食打邊爐喎 ！既然係咁就不如食個雞煲打埋邊爐呀笨！！咁就上左去重慶至尊雞煲，可能時間早 6點左右，暫時冇咩人，服務員比左個角落我地 方便我地二人世界 😍！不過二人世界只係維持左30分鐘，就比一波一波嘅客人打破左，到我地走嘅時候！多人到要等好耐位先入到去證明呢度d野有保證，唔係邊有人幫襯喎 😂 仲有原來佢攞個食神爭霸戰十大～ 真係估佢唔到因為本人妻唔係好食得辣，所以就點左個小小小辣嘅雞煲 (如果真係唔食得辣，最好食唔辣～因為小小小辣已經辣到本人妻流曬汗）！等左5分鐘度就黎左個香噴噴嘅雞煲，目測應該有半隻雞 二個人食半隻雞，之後點食打邊爐呀 😂嘢飲都有好多而且擺滿咗幾個櫃～～一個雞煲最重要當然係雞喇 唔錯唔錯～只係辣左小小姐😂 因為太多雞～所以我地兩個貝係點左美國肥牛～黑豚腩片～花膠～龍蝦丸～白魚蛋～樣樣野都唔錯！！所以先咁多人幫襯係有原因嘅！最後再叫埋個韓式公仔麵打埋個底，一餐好滿足嘅雞煲打邊爐就完成左喇😂😂 （小tips:如果唔想太迫又要等 建議7點入座 ）除咗日常見嘅可樂仲有好特別嘅火龍果

至尊重慶雞煲於雞煲界而言，都是數一數二的選擇，全因它創立時間相對較長，屬任飲任食的它亦夠夠快，所以如果你處身於旺角，這間絕對會是快打仼食火鍋雞煲首選 !飲品種類多，除本身的汽水及啤酒飲品櫃外，還有這個包括道地無糖烏龍茶的選擇，感覺是不錯的雞煲上枱時就已經聞到它香氣四溢，非常吸引的雞煲，廚房會先將雞煲煮成8分熟左右，到客人枱上再煮餘下的部份，煲內亦有大量配菜，例如洋蔥，芫茜及辣椒等等2人食的話，餐廳會提供半隻雞的份量，可見圖中雞件大大件，都吸收了煲內的味道當大致上煲內的雞件都食完後，可以叫店員幫忙加入清湯，開始進入繼續食火鍋的部份這是我們所點的火鍋配料，特別值得推介的是，餐廳所用的公仔麵 (左上方) 是韓國的公仔麵，這款麵的口感是比較有咬口及稍為厚一點點，所以當麵吸入湯底後，味道可能比一般公仔麵更為可口另外，鮮雞蛋亦有提供，不會另作收費 ; 而內臟之一的豬潤，感覺新鮮且沒有異味，口感較爽口肉類方面，雖然這個牛肉的雪花不多，顯然不是高級的肥牛，不過薄薄的它，口感不錯，每次上枱時，份量亦不會太多，所以可以多點幾次炸魚皮是特別要推介的 ! 因為質素非常好，口感極新鮮脆口，加上湯底口味香濃，炸魚

尋日同男朋友睇完戲，又想打邊爐又想食雞煲，咁岩見到附近就係呢間至尊重慶雞煲就決定一試，因為我地５點半到，所以都重未爆場，可以即刻入座。地方非常大，坐位夠寬，卡位坐得好舒服，大約７點已經全場滿座，雖然人多，但冷氣通風做得好，唔會整到成身雞煲味，亦唔算好嘈。我地點左少辣多麻既雞煲，麻辣味好足，雞件份量都幾多，肉質鮮嫩多汁，肥瘦適中，每件雞都沾滿左麻辣既醬汁，非常入味，真材實料，唔會剩係得Ｄ雞頭雞腳。食完雞煲之後就開始打邊爐，食材選擇夠多，以每件來計算，可以試多幾款，上碟速度好快，完全唔會餓住等。炸魚皮夠脆夠香口，灑上椒鹽很野味，咬落脆卜卜。各種丸類是基本必備，另外再點了雞肉，雖然沒有雞煲既雞件咁野味，但都夠嫩。牛肉唔會太肥，岩晒女仔食，有返少少厚度，咬落都可以有滿足感，牛味都算唔錯，栗米超甜，食到停唔到。呢度特別在有花膠，無腥味，有好多好多骨膠原，女仔一定要點呀！最後甜話有多款雪條選擇，大腳板係我既至愛，咁既價錢可以食到呢個質數認真唔錯，下次經過一定會再光顧，大滿足！

朋友介紹這間重慶雞煲不錯，跟過來一試，大失所望D雞冇口感又唔入味，咬落去要再沾醬方可繼續食，否則覺得沒有味道。重點係唔夠辣，又唔麻，都唔知點解叫重慶雞煲。重慶火鍋以麻辣，重香料，重口味著稱。這個雞煲即使要迎合香港人口味，也未免太甜。問服務員可唔可以再加D辣，原來只係直接加辣椒醬，咁幾辣都得啦，好耶。但咁同甜醬油加辣椒醬有什麼分別呢？左為肥牛，又為黑豚腩肉肥牛比樓下超市買既普通肥牛仲普通，不過預咗任食一定會有機會中伏，好難次次都食到好野。我當佢攞劣質肥牛充數。但係黑豚腩肉，可能係我對黑豚腩肉有點兒誤解，我以為係平時食開既豚肉。點知出到黎既豚肉是這樣的......似樓下街市豬肉檔既腩肉切片......實在，太不解我為什麼要花158黎呢度食一D都唔重慶既雞煲，而且D配料唔靚一加水辣椒醬既辣味幾乎都沖談曬，得個甜字，可能落咗幾多甜醬油掛，完全冇其他店既雞煲食完會回味既感覺最後變咗食鹵水雞腳，鹵水雞腳，鹵水魚蛋，鹵水牛肉，鹵水豬肉，鹵水娃娃菜，鹵水烏冬不划算

今日試左一間雞煲自助火鍋，好想跟其他人分享， 因為真係好和味，好滋味，好抵食我哋係最早嚟到嘅客人，所以唔使等位亦清楚影到這裡地方寬敞。呢度冷氣十足，因為食雞煲如果冷氣唔夠。。。會好熱同埋好焗住呢我唔係好食得辣，所以只係叫咗個微辣嘅雞煲 ，雞煲一上枱就已經聞到香噴噴啲雞好滑有雞味，而且佢獨特嘅醬料真係好好味 食完啲雞都差唔多飽咗一半叫侍應加湯 ，梗係再食埋火鍋喇全部都任叫任食 ，一個字'抵'呀打邊爐當然唔少得牛肉啦 ，佢將啲牛肉切到好大塊，淖一淖就食得牛肉鮮嫩 ，有牛味，有趙口， 大大塊口感一流放題居然有花膠，仲好厚好大件添淥完仲好大舊，花膠索曬啲汁，好惹味，好滋味，好正又花膠，又雞子，今次真係夠曬補啦台灣芝士蛋，個名好特別於是叫嚟試下味道有啲似魚蛋，但係裏面有粒粒嘅芝士，仲有粒粒嘅蟹籽， 咬落口索索聲 ，好食，好特別汽水啤酒任飲，連jolly shandy都係兩個人埋單三百零蚊 ，你話係咪抵吖

自從裝修後，再也食不出以前的味道。雞煲太甜，不辣，雞肉不入味，可點配料也是普通火鍋的配料冇海鮮。經常食滷味的人可能會發現，雞煲的湯就如滷水加辣椒醬，也就是路過滷味小食店的味道。實在找不到重慶火鍋在哪裡。也不是特別難吃，只是覺得不如去吃個便宜的普通火鍋更划算。好的至尊滷味雞煲。它的肥牛，更像是普通牛肉切片，能煮出干炒牛河的牛肉的味道，也是特別唯一好的就是服務吧，經常幫忙換碟子，隨傳隨到。服務員是不錯的。

香港人最鍾意打邊爐，估唔到黎自大陸的同事都話要食，今日成三十度喎，唔緊要客人大哂，就帶你地黎我主場食雞煲，旺角創興。又係奇怪喎，內地朋友竟然話唔食辣，唔緊要，侍應話有各種辣度，堅持唔辣亦可。好快侍應姐姐就端著一煱熱騰騰的雞煲過黎，好大煲喎，夾左舊大大舊的雞肶肉俾自己，俾佢個醬汁吸引住，醬汁唔會好咸，係好濃郁的醬油味，同雞肉好配，而且雞件大大件的，四五個人食都唔會食到到喉唔到肺，不錯。望下佢張介紹單張，話放牛栢葉同花膠落去個雞煲度會好好味，就試下喇! 個牛柏葉真係好得，因為佢吸左D雞精華同埋配個醬汁，味道同平時十幾蚊一寸街邊爽口牛栢葉一樣，但呢度係任食喎，花膠亦都冇欺場，大大舊，有口感!雪榚同飲品任飲任食，同佢樓上樓下果D比，佢嬴一條街!

呢間系我第一次食既雞煲放題，雞煲份量夠多，味道又濃，小小辣好刺激啊。雞件都算多肉唔系淨系骨，食完雞煲唔落湯即刻加上午餐肉真系一流啊。我覺得有花膠點好特別，雖然唔系高質個d，已經好有誠意啦。