至尊重慶雞煲 (創興廣場)

營業中

休息中

今日同朋友出開旺角食飯，旺角食市林立，各類食店都有很多，朋友推介我食這間叫至尊重慶雞煲。朋友說一食難忘。於是我地去咗依間食店。食店環境很大，埸地好涼快，冷氣十足。晚飯時段，已坐滿約8成客人，生意十分好。店員也很有禮貌和親切。我先去飲品櫃拿飲品，飲品類型十分多，又有啤酒選擇，而且也有幾款。比同類食店優勝。雞煲好濃味，好入味，香噴噴，立刻胃口大開，雞好入味，肉質鮮味，好難忘。食完雞煲，再打邊爐。食材有好多選擇。叫咗午餐肉，花膠，龍蝦丸，豬潤，芝士肠等等，食材好新鲜，再配雞煲湯底。非常好食，蔬菜種類也很多，叫咗通菜，好爽口，好好味尤其花膠，口感一流，豬潤也好深刻印象，好新鮮。又有各種雪條雪糕選擇，有红豆和朱古力味雪條。綜合各方面，食材，環境，飲料等，這家雞煲食店絕對值得推介給各方朋友。我個人必定會再光顧。

琴日星期六同朋友喺旺角行完街夜晚就隨便搵嘢食，朋友提議食雞煲於是就上咗始創呢一間放題雞煲店我哋七點去到嘅時候已經坐左八九成人，但係店舖面積都幾大，可見本身呢間餐廳已經有一定受歡迎程度，坐咗冇幾耐店員問完雞煲要幾辣冇幾耐就俾咗個雞煲我哋雞煲味道非常濃郁，好重香料味，而且肋部都根據我哋嘅要求調到啱啱好，我同朋友唔使20分鐘就食晒所有雞，之後就開始點配料打邊爐強烈推薦去到吧枱拎佢哋手工韭菜餃！味道非常好，韭菜味非常濃郁！其他火鍋配料都算新鮮，叫左少量肥牛肉，肉味都非常新鮮，而其他配料例如冬菇豬紅水魷等等用佢個雞煲嚟打邊爐都幾好食

呢間至《尊重慶雞煲》係元朗打出名堂依家喺旺角創興廣場重開咗分店㖭之前喺元朗試過呢家雞煲麻辣味道夠突出 加上秘製嘅醬汁 食落超級惹味依家旺角分店地點夠方便約埋一大班朋友勁飲勁食 全包價都只係$158真係超級無敵勁抵食而且旺角分店地點一啲都唔失禮喺創興廣場16樓 可以俯覽彌敦道嘅景色而且亦都有卡位坐講番個雞煲 一睇個顏色就知道夠曬惹味有濃濃嘅花椒 八角 丁香 豆蔻香氣 夠麻又夠香加上雞件超級嫩滑 食落又啖啖肉而且夠曬入味好快就畀我哋呢班「掃食者」掃清一定一定要跟返佢嘅《食雞三部曲》嚟食食完雞煲之後再加入牛柏葉 花膠 同埋水魷魚呢三樣食材本身冇味道但混入咗雞煲嘅醬汁之後 可以話將所有醬汁精華吸收變得相當入味味道更加媲美味旺角街邊嘅一串串小食絕對絕對不能錯過食完之後就可以加入雞湯去打邊爐呢度嘅配料有成六、七十種當中仲有比較少見嘅牛骨髓同韓國年糕㖭蔬菜的種類都好多有粟米 金菇 秀珍菇 粟米芯 油麥菜 蓮藕等等每樣叫一兩件 就可以成為自己最鍾意嘅蔬菜籃夠營養均衡之餘 又夠曬健康啦另外又點少得打雞煲必食之選支竹同午餐肉呢炆淋咗嘅支竹夠曬入味用午餐肉嚟打邊爐簡直係年青人至愛另外一定唔可以錯過即包嘅韭菜

好耐無食雞煲，今次揀左好多人都話抵食既雞煲try try 🤔因為我地6點已嚟既關係，未算有好多人，到7點幾走既時候，已經好多人要等位了講翻價錢先，158元一位首先食左個雞煲先，有不同辣度揀，我地叫左bb辣，好野味，好香，d雞都好嫩滑既飲品類，勁多選擇，有男人最愛啤酒！小學雞最愛jolly sandy with different favor 😂仲有汽水，懷舊飲品，道地茶咁食食下雞煲就點嘢食喇，要揀既熱門既都有，仲有一點，好值得讚，7點已經full house 但仲有好多職員不斷巡邏，睇下有無嘢可以收，接單，加湯等店員都好有禮貌，反應速度快，好值得讚佢地我地5係叫得太多嘢食，不過青口大隻，牛柏葉新鮮，丸類正常，5係cheap cheap 丸，仲用好食廚師腸同午餐肉，誠意度十足總括嚟講，依間餐廳性價比cp值高店員有禮，坐得舒服，適合大聲談天

未放工我成個腦都係雞.全部都係雞，所以一定要去食個雞煲，仲要跟老友食目標要食中辣同放任咁食。臨入坐前就已經即落個中辣雞煲，親個雞煲未到前當然要去揀吓嘢飲，需然款式大同小異但有齊我想飲嘅嘢，就係可樂同可樂...爽呀大大啖飲落肚超消暑跟住就係要食雞，個煲一到就香味撲鼻加上食中辣，辣住嚟食雞再飲可樂，簡直人生一大樂事。個雞都未食完就追不及待揀打邊爐配料，肥牛，腩片，炸魚皮，豬潤，牛肋丸，午餐肉，鵝腸，響玲等等，但我自己就最鍾意食餃子，依間有自家制餃子食仲有成3款餃，本人就最愛食韮菜餃超香韮菜味又多汁，之後就係 京蔥羊肉餃， 洋蔥牛肉餃，先食個牛肉先估唔到咬開係大量洋蔥粒再配上牛肉，又估唔到幾好食，之後到個羊肉，個羊肉配上京蔥又香又夾我食咗起碼4粒食完D餃我都要攬住個肚連可樂都飲唔落要轉飲無氣嘅飲品不過咁樣食法我覺得好爽。

相信好多朋友都有聽過至尊雞煲 因為佢真係好抵食 但我一直都只係聽過冇嚟過 今次就嚟試一試佢!!!上到去超大冷氣 而且地方好大 就算夏天食雞煲都唔會覺得食到出晒汗呀一定第一時間梗係叫咗隻雞先啦 因為我同朋友都唔食得辣 叫咗個微辣 雞煲用咗傳統嘅石鍋 就咁睇都覺得正 顏色好濃 雞件嘅大細亦都好肥厚 唔會全部都係骨啲雞好夠入味 雞件都好滑 夠味得來亦都唔會太咸 洋蔥亦都吸晒啲醬汁 超正 鍾意食濃味野重口味嘅人啱晒食完雞煲之後就可以叫啲餸打邊爐但我哋兩個食完個雞煲其實已經有啲飽叫咗少少嘢食姐整體來講 呢度嘅雞煲值得推介 之後打邊爐嘅餸亦不過不失 另外嘢飲選擇亦都多 除咗可樂汽水果汁啤酒都係任飲 食完野仲有雪糕任拎 $168/一位 真係非常抵食

越來越多食店有任食雞煲，方便一班大食鬼，不用限住銀包銀碼都可以吃過痛快。第一次來到旺角店，地方好大，座位多，長枱亦多，很適合一大班朋友來，如果人少，都有卡位坐，最喜歡可以坐卡位食火鍋。當天剛好有食客慶祝生日，餐廳會播生日歌，全場頓刻好象打成一片，連其他食客都拍手，氣氛很熱鬧！店員很貼心，知我不太受辣，但又想吃辣雞煲，建議另上辣椒，讓我自行加辣度。估唔到任食餐廳都有這質素的雞煲底，非常惹味，每件雞件都大件又入味。任點牛肉薄切但肉質鮮嫩，另有多款火鍋配料，雖不是上盛食材，但想食雞煲為主，這店的雞煲底確是不錯的選擇。飲品及雪糕櫃很吸引呢，款式多，隨便自行拿取。

這間位於創興的雞煲，晚市才$158一個人～因在日本工作的朋友只回來幾天，非常的想吃雞煲又不想吃太貴就經另一位好友推介來這裡。雞煲的雞與配料都不少，且雞肉又不會太肥又肉也挺結實卻不會粗。將湯倒進鍋裡就變火鍋似的吃。這裡連花膠也有哈哈～超抵吃很爽。這鍋配響鈴超讚，很快就入味，味道又香又濃郁的雞味。會不小心不斷吃，然後配水餃也是，餃子裡的餡料不少，所以很多心搶著要。大大塊肉滾完吃超惹味。炸魚皮也是超適合配雞煲吃。另一凍豆腐也是我們吃完覺得力推的，這間的丸不錯，挺彈牙～吃這種鍋怎少得香腸與午餐肉！配鍋的湯超入味好吃。還有新鮮的蔬菜～菜很鮮～還有雪糕可以吃。這間店便宜又多走食物可任食，飲料選擇也多，雞煲與配菜也是有水準。值得大班朋友歡快吃飯！

朋友聚會，我地經常去呢間食野！今晚都唔例外，朋友約左我去呢間食雞煲，因為呢間d雞真係好正，又惹味，食唔停。2個人份量都算多，放上台已有嗅到陣陣嘅香味我地叫左微辣，下次可叫小辣食完雞後我地就即刻打邊爐，呢碟牛肉唔肥，好得！一口氣食左3碟即包餃子，有3款，羊肉，牛肉同韮菜餃！大大隻，好味！響鈴都係岀面自已夾而醬料就只係呢3樣，如果多少少款就好了羅白要一早放落去，碌淋左好好味丸就正常野紅薯粉放落雞煲度，辣辣地好開胃仲有雪糕任食，食唔停口

旺角食店臨立，剩喺呢憧創興大厦已經有很多不同種類食店，今晚就入左呢間是旦食。講真，百多蚊有兩個小時任飲任食，仲要係旺到離譜嘅旺角，價錢真係幾吸引㗎。坐低之後要在一個麻辣鷄鍋，侍應教我地記得開始時用最低火力，如果唔係好易燶，食完啲雞之後再加花膠食，之後先加入上湯打邊邊，記得呢個時候才可以開大火。呢度有有兩張點菜紙，一般大路打邊邊嘅嘢食都會有。我就鐘情佢啲肉丸，尤其是牛丸，夠彈牙，口感十足。仲有花膠，大大塊，充滿骨膠元。蓮藕片都喺我嘅至愛，師傅冇話將佢切到好厚，相反，厚度適中，爽口得嚟又唔會油膩膩咁，所以我食完一塊又一塊呢！由於湯底味道十足，啲新鮮蔬菜放落滾湯中幾秒鐘已經可以放入口食，又爽口又嘢味，當然仲有其他例牌打邊邊食物，任飲任食，食個不奕樂乎！

好耐沒有食過雞煲了，今次同朋友來呢到試下～首先坐位上非常非常闊～坐得好舒服～店內環境都比一般的雞煲地方好～有好大的窗～梳化卡位大～就算6個人坐一個卡位都唔會迫迫夾夾咁～入面的坐位都幾多，也有好多多人聚會的人來這裡聚餐都算是一個不錯的選擇。飲品選擇都幾多～仲有好多啤酒類比大家選擇（可惜在下唔飲呢～😋）點食物紙上的款式就唔算好多，不過都不過不失～因爲有好少見的花膠雞煲來了！雞煲份量會因應每台客人數量而定，好像我同朋友只是兩個人的話，就有半隻雞～雞煲味道都不錯，有得選擇辣唔辣，雞都幾滑～味道濃厚～又香～d雞又吸晒d醬汁的味道！wo~食完雞煲就打邊爐～呢個就是花膠，都幾大塊～丸物～仲有幾款的雪糕雪條，任食！另外，店內的店員服務態度好好～直得一讚，唔會粗聲粗氣～而且沒有漏單的情況～不錯！

同朋友聚舊食飯都鍾意打邊爐，可以慢慢坐傾成晚，而且食物飲品任食！喺旺角食夠哂方便，《至尊重慶雞煲》喺雞煲界之中算係老牌，地方闊落。如果唔想等位就最好七點前嚟到，之後到八點更係人頭湧湧、坐無虛席，非常熱鬧～先嚟食雞！呢個少辣，雞肉好多，雖然有啲碎骨，但味道濃郁，完全吸收哂醬汁，大家都食得津津入味～飲品都唔少選擇，除啤酒汽水等，亦有較特別嘅馬蹄水同椰青水。食完雞肉，按推介落花膠、水魷魚同牛柏葉，果然唔錯，都是非常索汁的好入味。之後再加湯水打邊爐，食咗咁多雞肉之後，湯依然夠味。呢度肉類唔算多但都有齊豬牛羊，肥牛唔錯的大大塊～另外有蔬菜丸類等都全叫，仲有手工餃同響鈴自助，包保你夠食。食到最後已經超飽，但我呢個有甜品胃嘅點都要食埋甜品先滿意，呢度有雪條有雪糕，食返杯細細嘅雪糕就啱哂喇～

两大一細五点已到，雞煲味道非常好，任食火鍋種類亦多，韮菜餃，肥牛都非常好食，嚮鈴仲任食其中一樣設施一定要看十個讚就是厠所，香港除了酒店外没有一間食市做得到非常干净，地下吾濕無压味，有日本的水準，其他食店學下野啦，坐厠好寛敞不似一般店舖連企系度疴尿時連門都關吾到，讚讚讚讚讚讚讚讚讚

今晚放假同個舊同事出開旺角行街食飯，6點左右打算搵個地方食下野吹下水，係旺角鋪租貴，好多地方都要係食完就起身閃動走人，要坐到耐同朋友聚聚既不二之選就一定係去打任食邊。於是，我地就係創興呢殊揀，咁大幢樓都係全部係食店，總有一間碞自己，我地決定食雞煲，揀左呢殊。9秒9衝上去，好彩我地6點左右上到黎入座，因為呢日係平日，但晚飯黃時段都一樣人山人海，眼見愈近7點就好多人排緊隊等位入座，7點鬆d入面已坐滿好多枱客。今次應該係第二次黎食呢間任食火鍋，話明第二次黎 緊係覺得好食先會再返黎喇環境夠大，我地坐近窗邊位置，好正望到晒旺角街角，高視角望落去感覺唔錯，好開揚。呢殊冷氣好凉，夠舒服，店員態度亦好有禮貌。二話不說 一坐低黎個雞煲先 ，有個混醬區, 自己出去隨意混合自己喜愛醬汁(但個人認為個雞煲味濃，其實唔使再點醬油已好夠味且入味)。首先上枱即黎個少辣既雞煲，打開煲蓋就聞到惹味鷄煲香味, 鷄件都唔少，陣陣香辣惹味飄過來，好有風味。D雞件煲得好入味，雞肉幾嫩再配埋個醬汁，味道好正。食完鷄煲, 轉個清湯底進入火鍋時間!  肉食方面牛肉同豚肉質素唔錯，一切得薄入口嫩，無乜肥肉，又好吸到湯底陣味，正正。丸類

星期六同朋友出去旺角行街， 行左成個下午， 夜晚大家都想打邊爐， 至尊開業左咁多年都未試過，聽屋企人講都唔錯，今晚就去試下啦！呢個價錢真係好抵食，連星期六晚都係$168一位！ 任飲任食～不過唔包安格斯， 食安格斯係要另外比錢既！地方光猛，卡位都好闊落！冷氣超勁，大家都要小心，不過呢度好貼心提供披肩～未入門口個姐姐已經問你嗰雞煲要咩辣， 我地就揀左小辣～小辣既雞煲調味都唔錯， 都有幾多配料， 煮得幾香，洋蔥好甜加埋醬汁好正！食完雞煲就加埋湯落去打邊爐，有兩張紙畀你點火鍋配料！美國牛肉顏色都唔錯， 薯粉同豬紅都唔錯 好食～好滑！甜品有幾款雪糕，但我就狂食我至愛嘅糯米糍！嘢飲都幾多款，呢個價錢嚟講飲啤酒都抵返哂啦～