至尊重慶雞煲 (創興廣場)

營業中

休息中

想平平地食個雞煲火鍋放題，一定要試下至尊重慶雞煲！位於創興廣場16樓，位置都算方便就腳餐廳地方都好大，走廊空間都多，出入攞飲品都好方便飲品選擇好多，汽水、果汁、啤酒，全部都任飲，正！今次叫左小辣嘅雞煲，但唔好睇小佢！入面都唔少辣椒，所以幾惹味！雞肉都算多，仲幾嫩添食完雞煲就會落清湯，準備打邊爐，配料任食！首先梗係試下美國肥牛，出乎意料地好味！牛肉唔會太多肥膏，肥瘦啱啱好！娃娃菜好大棵，份量都唔少！仲洗得好乾淨，抵讚另外仲推薦凍豆腐同蟹子丸，吸埋啲湯底，更加好味

這陣子感到了夏天的氣息，但也無阻吃火鍋的興致，麻辣雞煲火鍋正可滿足兩個願望。至尊重慶雞煲痛好幾間分店，這家旺角的分店位置十分方便，到了不久就座無虛席。來到先點了中辣的雞煲，雞煲很快就來到了，雞件份量很多，也不肥膩，辣味十足，醬汁很香濃。人頭收費可任點食物，種類很多。肥牛、金菇、生菜、蘿蔔等食材都很新鮮，炸魚皮十分香脆，支竹吸湯而美味。即製餃子皮薄而餡料豐富。飲料有涼茶和各式汽水和啤酒。兩人吃到飽飽的棒著肚走。

星期六同朋友係旺角行完街想搵啲嘢食，朋友話想食打邊爐或者放題，我地就去咗最多呢類任食嘢嘅創興搵食，見到好耐都無食過嘅至尊雞煲就上咗去，見價錢唔貴就決定食佢喇。嚟到唔係太晏，都唔洗點等，好快就入咗去喇。一嚟到見到張Menu咁長有咁多嘢揀，隻眼已經發晒光了😍出面有好多雪櫃任拎嘢飲，由啤酒、涼茶、果汁到茶都有，前前後後都拎咗幾次嘢飲。枱上面嘅紙仲有教我地要點食過先好味👍🏻雞煲就咁睇都有半隻或以上，雞嘅唔同部份都有，而且肉汁都好多，又好入味，有小小辣但又唔辣口，好好味！每次嚟嘅份量唔會太多，可以叫好多唔同嘢食😍見到隔離位有響鈴先知原來出面可以自己來餃子同響鈴，仲有椰子水飲。食到最後，出面仲有甜品任食，雪榚、雪條同雪米糍都有，仲有好多唔同味道揀添，好滿足！

已經好耐無食雞煲～而且2個人食單點的雞煲肯定食唔曬，又貴好多～每人200肯定走唔甩～係openrice搵左一陣～見到呢間雞煲既評價唔錯～而且係$168任飲任食呀！好似好唔錯甘～6點幾殺上去～直接walkin即刻有得入座～正～選擇好多～～而且有得叫份量～唔怕點得太多食唔晒～可以叫bb辣，小辣，中辣同大辣～我地兩個人叫左bb辣半隻雞～夠食啦肯定～一寫落單好快就上左～午餐肉、腸仔質量唔錯，唔係d平貨～菇類好新鮮～值得一贊～叫左花膠～打算一開始就放到尾～唸d先食～肉類先試試黑豚腩片， 美國肥牛～黑豚腩片夠肥美～牛肉睇落去都好多雪花～口感唔錯～雞煲黎了～～～～呢度半隻都好多啊～bb辣都聞到好香的辣椒味～件件雞都食得，入味～佢個醬好似係特製～第一次食到呢種味～再黎追加肥牛～～～今轉呢盤偏瘦～都好食～肥美的～流晒口水啊～～～～～～～～其實唔洗點醬都好入味～生菜，娃娃菜～打邊爐必點生菜～～～～辣啊辣啊～最後叫了粟米同午餐肉～雖然叫左唔係好多，不過都食唔晒～呢個價錢幾低幾抵！

無論天氣如何久唔久就想去食個雞煲，滿足一吓食慾除雞煲外仲可以打邊爐食個飽飽至尊雞煲-旺角舖依間坐位軟闊落，唔會好迫硤坐滿人都可以行到出去我就叫個少辣雞煲因為有少少辣先夠惹味，一煲滾我就跟足指引先食咗個雞先，再落花膠之後先再打邊爐，先講飯個雞煲醬汁味道同香料落得夠足洋蔥夠甜仲有薑粒蒜等等食完個雞要未加湯之前放花膠同牛柏葉落去等佢索灑個醬汁，食完再加大約半煲湯落去打邊爐就剛剛好，咁做唔會溝到個湯底無灑味。打邊爐仲係任食樣樣叫D滿足我為食嘅心理，肥牛個肉質軟熟，其他食材都夠新鮮連個菜都食到鮮甜味食飽飽後就當然要食埋個甜品先得，今晚飲包食醉個肚仲脹卜卜咁離開好幸福呀

見好耐冇食雞煲，有朋友生日就食下創興16樓，我地一早book左7:30，但7:00已經到，即刻入埸食，服務靈活。我地叫左個小棘的，其實少少麻，但d雞汁好正，雖然d雞冇乜肉，但d味好香，算收貨。我地了7；00入坐，冇乜人，但8:00已經滿坐，任飲汽水啤酒，正仲有薏米水添，散熱氣小不了。環境乾淨冷氣又夠，好舒服。食完d雞，加湯打邊盧了。西洋菜好新鮮，午餐肉都夠厚切雞肉冇雪藏味，值得食牛肉都非常軟，食左8-9碟最後飽到一個點，每人$158 抵食又服務快速，會再去

今日難得兩個女仔鐘意食辣的女仔一齊去食飯可以食雞煲😆因為大家都好鍾意要食辣!呢間雞煲一個價錢任食任飲重點重點重點仲要啤酒都任飲！！呢樣真係超值，所以比少少錢就可以食到同飲到好多唔同嘅種類的飲品同食物！真係好難得咁嘅價錢d位好寛敞，待應安排我地坐近窗卡位，可以望到出面境觀😁因為第一次食，唔知佢辣度去到邊，所以我哋就叫咗中辣雞煲啦！佢個雞煲幾濃味夠辣，唔會太麻～佢建議我哋加花膠，牛柏葉撈埋啲雞汁一齊煮，正！煮完先加湯打邊爐！火鍋配料有好多唔同選擇，盡有盡有！飲品最特別有jelly sandy 同啤酒👍🏼食飽之後仲有甜品都係雀巢牛奶公司嘅雪糕，雪條同埋我最鍾意嘅雪米糍！

是日去完LC Mega sale 屍殺完，是時候慰勞一下自己個胃。因為消耗熱量太太，真的很餓。想到有一段時間無食雞煲，於是二話不說去到旺角即管上去試試有無位。竟然好lucky，雖然差不多座無虛席，但都有兩個位比我盡情食。價錢百幾一個人，真係性價比很高。重慶辣雞煲冇得輸，真係好好食，好惹味，汁不會一味鹹蓋過雞味，雞很滑，有肉汁。一件接一件完全不想停，亦不覺膩。醬料的功勞。有少量海鮮，墨魚仔，細細隻，很嫩口，記得不住滾太耐。會越縮越小。另外，最重本應該是這塊花膠扒，一啖食不完，要分幾口，滾15至20分鐘最好食！既吸收了湯汁的精彩，同時充滿膠原BB! 不過也不要太貪心，因為食二至三件已經好飽肚。美國肥牛相信是必點的，無睇錯，有雪花的，肉質嫩滑，有牛味。最後一提，有自助取自家製新鮮包的牛肉餃同韮菜餃，我個人喜燒韮菜餃。隔離有響鈴，脆脆的。有不停refill!

今日同朋友行街，突然有興趣想食雞煲，但2個大男人單叫肯定好貴，結果我地搵左一間任飲任食既*至尊重慶雞煲*，岩晒我地。店內環境清潔。飲品選擇多，韓式，港式，啤酒都齊。主角雞煲到，份量多，雞肉肉質幾滑，而且難度岩岩好火鍋材料多，唔怕冇野食。肥牛同豚片質素唔錯，肥瘦均勻。其他配料也很新鮮，特別蔬菜爽甜，牛柏葉爽脆可口。雪糕選擇唔少，有牛奶樂，豆豆樂，大腳板，雪糕糯米糍。最後，2個大男人食左咁多野先$316，$158/位簡直超值，我地下次會再黎惠顧！

雖然最近天氣開始炎熱 但還是不減同家人去食雞煲的興致 $158任飲任食，的確很難抗拒雞煲我們點了中辣伴隨芫茜洋蔥濃香惹味，醬汁亦不過嗆醬汁味道亦能滲入嫩滑雞件裡任點任食 其它的食材，就採各式單點飲品自行到外面取除汽水，果汁，茶外，更有啤酒雞煲食到差不多就加湯轉食火鍋火鍋料也有不少選擇牛肉也不錯，富肉味不同的丸類，豬皮，鵝腸，雞子豬紅，豬頸肉少不了菜類，可減減油膩感腸仔，午餐肉，食完已經沒有再加單了非常足夠我們捧著肚子離開食物選擇多，而且味道不錯這樣的價錢實在超值！旺角彌敦道593-601號創興廣場16樓

強烈季侯風帶來邊爐～同雞煲創興呢橦樓有幾間邊爐。最終擲公字揀左雞煲由於時間尚早，可以安排到卡位舒舒服服食足兩粒鐘！中辣雞煲用料超足，一上枱果陣香味已經令到肚餓指數直標10 粒星！d 雞全部入哂味，好惹味～好快就清左9 成雞look at this ~~~譚x 米線連小辣都食唔到嘅朋友唔好試中辣喇～食完d 雞，餐廳建議step 2食魷魚，牛柏葉同花膠我當然聽足吩咐啦！叫哂！3款野食索哂雞煲d 味，超正～～火鍋配料都唔少！推薦個肥牛，好薄身，拖一拖就食得任食火鍋黎講，牛肉用料算上乘！要均衡飲食呢～個湯咁惹味，緊係要膽拖個薯粉啦！大量野飲選擇，未能盡錄！食完熱辣辣雞煲，食返支兒時最愛大腳板，perfect!!

雖然冬天已經過去，但食雞煲打邊爐其實都無分季節！今次近近地揀左呢間起創興廣場的任食雞煲店，至尊重慶雞煲。上到去見到好大個等位區，不過我地係平日早食所以未有人。同門口姐姐講幾多位同食幾辣就得。門口有個詳細收費表，限時120分鐘，上菜速度都好快，所以都夠時間食。入到去座位好闊落，仲有卡位望到街景。等雞煲的時候可以去攞野飲，有啤酒仲有jolly sandy 我地點了一個小辣雞煲，開頭食辣度剛好好，但越煲越辣，不過好惹味，好彩有得任飲汽水。兩個人有半隻雞，都食到幾多件，雞好滑，洋蔥亦好淋，好好食！如果雞煲有得無限encore就好！食哂d雞就可以加湯打邊爐，食物種類都幾多。牛肉同豬肉片，仲有花膠、水魷魚、貢丸、鵝腸，呢幾款都值得推介。羊肉片好騷我鐘意！，墨魚仔同魚皮餃都不錯。豬潤幾新鮮，鯇魚片有少少骨，凍豆腐同娃娃菜吸哂d湯好邪惡。 呢個價錢有甘多款野都算抵食。

今日同男朋友去完睇戲，夜晚心血來潮想搵野食，去左食雞煲，由男朋友介紹一間叫做至尊重慶雞煲。我個人對住雞煲一向都麻麻地，因為一來市面好多雞煲都係一大堆雞預先斬好一份份，唔係完整一隻雞斬，食既時候好多時候一個雞煲好多雞腳，雞爪。而呢間至尊重慶雞煲既印象就令我改觀，無論雞煲既食材，火鍋料，招待，同埋環境都係算係中上等級。都係令我想下次再去。首先，以色香味黎計，呢煲雞煲係絕對係香氣芬馥，雞煲入面好多指天椒乾同埋芫荽，所以一噴噴辛辣味，真係會流口水。其次到味道同色水方面，用左一隻完整既雞，絕對唔係馬虎了事是但執一堆由於叫左小辣，但係都幾麻下，當中都食到幾濃既磨豉醬，中和番麻辛辣味，符合北派菜式既濃油赤醬既指標。對於唔係太食得辣既人都可以入口，絕對岩怕辣又想食麻辣雞煲既朋友。最重要煲雞煲極少油，令我刮目相看。火鍋料方面，可以用精品小碟黎形容，點左豬，牛，雞肉，牛柏葉，樣樣都試下，牛肉方面絕對交足貨，薄切黎又唔會爛，放係湯恰幾下食得，咬落口都幾有咬勁。牛柏葉爽口，雞肉鮮嫩，湯底方面都係清雞湯，自助式。值得推薦係佢既響鈴卷，唔洗點，直接自己拎，岩哂我本身中意食鮮竹卷口感既人，唔太油膩。其他都不過不失。

早一兩年真係個個星期都雞煲，好耐好耐冇食個雞煲囉，今次近近地搵返間旺角嘅重慶雞煲，記得呢一間係好耐之前好早期嘅雞煲，好似頭一兩次食雞煲就係幫襯呢一間㗎啦！雞煲叫左微辣，黎到我覺得好香算唔辣添，唔....啲雞件好滑.足料夠半隻雞。食耐左就有啲麻辣味少少滲出黎。味道就好重嘅，去到加水打邊爐就剛剛好喇。肥牛都係任食嘅,質素都唔差。嚮玲 同D 餃係自取嘅.仲有花膠仔。超甜粟 超甜!種類都算幾多野揀, 不過食曬個雞煲都夠。最尾隊條雪條收尾...

仲記得由中學時期直到大學，到出嚟做嘢，同一班朋友聚舊嘅時候總會黎食雞煲，任飲任食都係百幾蚊，真係學生都負擔得起。隔咗一排冇黎，估唔到連嘉士伯都可以任飲，真係飲啤酒都值回票價！其他飲品仲有忌廉溝鮮奶，無糖烏龍茶，荔枝紅茶等等，總有一款啱你口味!先來小辣雞煲，少辣真係唔太辣，平時食開譚仔五小辣既我覺得呢個雞煲可以再辣啲！任食方面，響鈴係要自己出去攞，其他劃紙仔就OK喇！我自己就鍾意佢嘅蟹子丸，魚皮同紅薯粉。當紅薯粉吸收晒所有湯底嘅味道之後，煙煙軔軔非常好食！兩個女仔其實食完半隻雞已經飽左一半，好彩任性部份會按人頭計算份量，例如丸類一份就代表一人一粒，咁就可以避免浪費！任食都要量力而為呀！臨走記得食雪條！