至尊重慶雞煲 (創興廣場)

營業中

休息中

今日休假 同個同事出旺角買啲嘢， 買完嘢差唔多到六點， 經過呢座商業大廈見到有雞煲我同事話想食， 我冇所謂咪陪佢去食囉上到去服務員安排我哋坐低， 個位都算 寬敞坐得都舒服。呢個價錢包埋飲品， 飲品款式都算多落單冇幾耐好快就送上雞煲， 一睇個賣相已經知道好濃味好入味， 開著電池爐一陣間D啲香味經出， 我哋兩個都口水流 急不及待開始食雞， 一入口啲雞肉好嫩好淋 味道好濃 好彩又唔太鹹辣味都ok, 我同我同事你一件我一件不斷食份量都ok多， 差唔多食曬啲雞嘅時候 我哋就加湯打邊爐打邊爐嘅配料都係一般嗰啲啦， 種類都ok多， 而且落單足料送上唔會拖時間呢碟牛肉質素都唔錯丫都幾新鮮 都幾好味食咗咁多肉食番啲生菜同粟米 清清腸胃都唔錯，菜幾新鮮， 粟米個賣相一般般但食落又好甜喎雖然係任食，但我哋兩個食完雞煲再打邊爐食咗一轉已經開始飽， 本來打算勉強再食啲， 我同事話唔使逼自己咁辛苦， 佢話呢度又經濟又好食又方便下次再嚟過咪得囉 咁我都唔同肚皮鬥氣了

今天在旺角閒逛, 到了晚飯時間, 便四處找餐廳, 因為旺角實在有太多餐廳, 一時決定不了在哪吃, 突然見這間至尊雞煲價錢幾平, 又很久沒吃雞煲, 便決定在這裡吃。我和女朋友都不吃辣, 便選了不辣的口味。雖然不辣, 但醬汁濃郁, 醬汁浸入雞肉十分惹味, 兩人有半隻雞, 淨吃雞也很滿足。 雞吃得七七八八便加湯變火鍋。這裡有很多餃子選擇, 魚皮餃, 菜肉餃, 豬肉餃, 可以自由任夾, 其他食物例如肥牛, 響鈴也很新鮮, 蔬菜種類也有很多, 吃火鍋時也不需再點調味料因為本身湯底已很濃郁, 基本在湯裡滾熟, 食物已經很入味, 我倆都吃得很撐。這間是一間性價比很高的雞煲店。

發現旺角一間抵食四川雞煲火鍋店，星期日晚上，任食都只係$168！啱晒一大班朋友happy gathering，或者慶祝生日，環境又有氣氛又夠熱鬧。這火鍋店有三間分店，本人食過銅鑼灣，相比之下，旺角這個場更加寬敞，光線更加光猛，氣氛更好。當中最受歡迎飲品，莫過於 Asaki 櫻之宴（新春限定），目測每一台食客都有飲。（酒精含量5%，未成年小朋友及駕駛人士不適用）場內有Wi-Fi服務。當晚座無虛席，門口大排長龍，建議大家最好早啲去搵位或者預先訂位。

話說呢間雞煲任飲任食都只係百零蚊，仲有有花膠食，而且香香麻麻好鬼正，搞到成日心思思想食雞煲呢度地方大，樓底唔矮，好開揚～剔剔紙點嘢食好方便，仲可以揀數量，1小分1少分咁叫，唔怕嚟得多食唔哂～雞煲個雞煲未到已經聞到香味，即刻想打開個煲，夾舊雞嚟試試先我唔辣得，唯有叫微辣，雖然只有少少辣，但係個雞煲都好香、好惹味～兩個人食，份量都算多，雞肉juicy 唔乾唔鞋口出色呀肥牛任食嚟講佢嘅牛係有牛味，肉質鮮嫩～大雜燴花膠、芝士丸、魚皮餃、貢丸～ 樣樣都叫啲，可以樣樣都試到吓原來花膠係雞煲度煮係好好味架溶溶地，吸哂雞煲嘅精華

今日一行四人去咗呢間雞煲試吓，間野嘅位置都好方便，就喺創興廣場，我哋好早差唔多六點上到去，冇乜人，安排左我哋坐一張梳化枱，都好闊落，坐低左之後我哋就去攞野飲，基本嘅選擇都有好多，特別嘅係佢連啤酒都有得任我就揀咗罐Asahi嘅特別版啤酒，味道都唔錯之後我哋就叫咗個麻辣雞煲小辣，味道都好濃郁，好滋味，雖然係小辣，但食下食下就發覺越嚟越辣，所以唔係好食得辣嘅朋友，我建議揀小辣都啱啱好啦，食完啲雞之後，其他嘅選料都唔錯，好多野揀基本上打邊爐嘅配料都會有得揀，特別啲嘅係有花膠啦，如果以咁嘅價錢有咁嘅質素，呢間雞煲係值得推介嘅

旺角創興成幢大厦都係食肆，淨係放題都有好幾間，要突圍殊不容易，今晚突然想食雞煲，發現全幢創興係得佢係唯一，仲要兩小時任飲任食都只係158蚊，係你喇，上嚟啦。餐廳中間一條柱都無，空間感極高，獲安排坐喺窗邊位置，仲有大玻璃窗可以眺望樓下市景，打雞煲，原來都可以有景，仲要係居高臨下嗰隻。由於雞煲屬重口味，所以調料無需要用到太多，餐廳提供嘅豉油蒜蓉辣椒同辣椒油，我有攞到，不過重口味如我都用唔着，因為淨係食個雞煲都已經夠哂滋味。啤酒汽水無限量供應之外，仲俾我發現到呢隻比較少有嘅asahi 櫻之宴，呢隻啤酒味道清新，最啱女仔飲。等咗無幾耐雞煲就送上，跟住餐墊上面嘅食雞三部曲，先食雞，再加花膠，水魷，牛栢葉索味，先至加湯打邊爐果然係食雞煲嘅至高境界；雞煲雞肉嫩滑，入口先係進擊嘅花椒八角及五辛等等嘅味道，然後個甜味就會慢慢浮現，剛好中和咗個辣度，令人一舊接一舊食過唔停；食完哂雞之後仲有索盡雞煲味道嘅、花膠同栢葉，更加將雞煲嘅神韻延伸，妙極。美國肥牛面色紅潤，薄薄一片落水拖一拖就食得，而個牛味都唔錯，雪花均勻，油脂味豐富，絕對可以一點再點。蔬菜及各樣菇菌類都十分之新鮮，打雞煲啖啖肉，多多少少都要食番啲菜

今日同屋企人食雞煲，呢間至尊重慶雞煲旺好出名，又係旺角夠方便，上網睇過係雞煲界中數一數二，可以2小時任飲任食，所以就帶屋企人黎。餐廳地方非常大，坐位寬，卡位坐得舒服雞煲有不同口味雞煲，有重慶、水煮、胡椒豬肚及米酒等，由於我屋企人唔鐘意食辣，揀左重慶味唔辣。呢道重慶雞煲配料用花椒、辣椒、大蒜、丁香、豆寇、肉薑及洋葱等，就算唔辣，醬汁都好入味。雞都好嫩口。見到有指引教點食，第一先食雞，放花膠、牛柏葉，魷魚，再加湯打邊爐。點餐紙可叫任食火鍋料，飲品類，勁多選擇，有不同種類飲品、啤酒 (嘉士伯、獅威)，道地茶，有好幾個唔同飲品既櫃，仲有解熱氣既薏米水，夏枯草好多侍應不斷巡，接單，加湯，點左既野食都好快上。食物幾新鮮青口大隻，牛柏葉新鮮，丸類好多款, 芝士丸，花枝丸，炸魚皮夠脆夠香口，咬落卜卜脆甜品，雪糕，雪條都有好幾款，不同口味。打邊爐同雞煲 2 合為一，最緊要多款，蔬菜類多，新鮮，非常抵食，下次約朋友都會考慮呢度。

雞煲癮起 去左旺角呢間至尊重慶雞煲🤤$158冇其他雜費 價錢非常合理雞煲我order左中辣 我地2個人 雞嘅份量都多 大約有半隻 配料有洋蔥同埋芫荽 首先雞件嘅大小適中 而且非常入味 雞肉入面都滲有麻辣香👍🏻 佢嘅麻辣好惹味 係我食過咁多間雞煲 覺得最好嘅一間未放湯之前 因為雞煲嘅汁好濃郁 所以加埋牛栢葉水魷魚同花膠炆炆佢 炆左一陣已經入晒味了！而且水魷魚同牛栢葉都好爽口👍🏻 加左湯之後叫左一碟黑豚腩片 呢個腩片肥瘦度適中 所以口感好肉質很嫩滑而豬潤都好高質 入面冇根 好滑 總括黎講 呢間雞煲又抵食又好食 平民價錢 高質雞煲👍🏻 一定會再黎食過

又到每月姊妹聚，真係好期待呢一日，同好姊妹一齊就係有種講唔出既獨特感覺，咩都講一餐，無儀態，無顧忌~既然無儀態可言，我地今次決定麻甩d食雞，仲要又平又任食果隻，雞煲放題，第一時間諗起旺角既至尊，百幾蚊一位，勁抵食~姊妹話爆瘡唔想食太辣，揀左少辣，一上枱勁香啦，忍唔住即刻夾舊雞食左先，雖然係放題，但一d都唔差，雞肉滑滑滴~~個汁亦好重味好惹味~食到咁上下雞肉，就點不鍋料，花膠唔少的，早d叫左送入去慢慢炆，黏黏既骨膠原，正~牛肉唔肥都係一個好處，食多d都唔怕肥(誤")芋頭係我最愛，又香又粉~黃金丸中間有沙律醬架，正~魚皮又點少得，脆卜卜~仲有菜類~出面仲有響鈴同自家製水餃~韮菜餃我覺得唔錯啊，滿滿既韮菜，非常香~臨走記得要飲多兩罐新出白色可樂啊~唔係度度有

星期日晚同一大班平時吹開水既網友出黎打邊爐，見幾個月無食過雞煲邊爐，所以今次我揀【至尊】，一黎方便大家搭車散水，2黎當然就係因為平啦！$168無加1，埋單時個個都話抵食😋同埋講真，咁既價錢有咁多野食，咁多款飲品都的確唔錯喇！咁多人！我地有3個煲，我點左一個唔辣，一個小辣，一個大辣，我就一定食大辣啦！但如果有特辣就更加好啦！雞煲佢地都仍然keep住有水準，配菜都上得好快👍同樣地，佢地服務依舊唔好，樓面好似很忙，想搵人加添湯底都無，我跌左筷子叫極佢地都唔應人（明明大家對望住），好在我地張枱近於擺放湯底同碗具用品位置，所以要乜就自己去攞啦！除非你係叫埋單，如果唔係都唔應人⋯⋯⋯哎！不過就算服務麻麻，我仍然都會繼續幫襯佢地🤣因爲辣度我覺得幾好，而且真係好抵食，又方便我搭車返屋企🤪

姐妹生日 指明要食雞煲 即刻搵下邊間好旺角區選擇多 不過有信心嘅只有幾間最尾決定去返至尊重慶雞煲勁好彩被安排坐卡位 舒舒服服等左一陣 小辣嘅雞煲送到 勁香夠晒多汁 啲雞全部被醬汁包圍 勁鐘意咁樣食完雞煲例牌”筆”起啲汁落碗 然後打邊爐先黎牛肉先啦 快熟又好味之後加入女生至愛嘅花膠 慢慢煮 最尾食至尊啲野食款式多 多到唔知㨂咩好每人㨂啲 轉頭成枱都係美食 啲魚好鮮 好耐無食過鵝腸啦 即刻叫返兩三份重有丸啊 腸仔 豆腐等等食飽重可以拎雪糕食 埋單都唔係$200/人 勁抵

从未见过如此服务之差的餐厅，从一开始打电话去订位的时候就麻烦，讲下讲下电话就走人，喂左几声先翻来，后来话无8点只有7点位都算啦。去到一坐低明明订了三人位却比了二人位，然后明明落单写了炸鱼皮点知隔离左右都上晒偏偏就我地无。最后临尾30分钟走过来last order，比埋张单我地埋单，然后就隔两分钟过来揭我地单睇，搞到好似催我地埋单甘，明明还有20分钟，好似赶客甘，搞到我爸爸以为够晒钟甘赶住系甘吃系甘吃，真系难得聚会吃得如此尴尬，以后都不打算翻兜再吃啦。

今晚放工去旺角， 晨早book咗18樓重慶雞煲，好耐冇食好想食雞煲同打邊爐 ，地下樓下等Lift 排長龍重慶雞煲小辣，因中辣一般人頂唔順，除了四川重慶人食慣辣，好彩侍應哥哥詳細解釋我聽， 佢哋服務真係幾貼心😚驚我頂唔順 講番個雞煲，賣相幾吸引放了芹菜芫茜，還有大量洋蔥，爆香入鍋連醬汁煮雞，雞肉好嫩滑鮮甜 ，品質新鮮有雞味，辣味道剛剛好，正呀！ 我哋好快食完雞肉。加水打邊爐，第二輪叫了火鍋配料，有美國肥牛，黑豚腩片，花膠，鯇魚骨腩，鯇魚片，鮮鵝腸，豬肚片，淮陽凍豆腐，樣樣叫少少食， 炸魚皮好大碟呀， 新鮮夠脆，烚一陣就食得。爽滑魚片頭，夠鮮甜，正呀!皇廷貢丸，平時好鍾意食，好香有菇味。雞子新鮮。蒜汁花枝丸，雖然冇乜蒜蓉味但係入口彈牙，啖啖墨魚嘅鮮甜味都唔錯韓國年糕，滾完之後一條條直紋，唔知點解呢？ 不過入口煙韌幾好食。青口幾大隻。勁多選擇的飲品我食雞煲配啤酒美國肥牛，黑豚腩片，鯇魚骨腩牛柏葉，生腸，鮮鵝腸，豬肚片我點左很多蔬菜，例如有: 超甜粟米，通菜，油麥菜，唐生菜，白菜仔。全部都新鮮配料，用心十足最尾叫埋羊肉，新鮮冇穌味，試埋我的最愛先，肥牛實在太愛吃，我共點了3次。

放假夜晚6點半左右，同朋友呢到食雞煲打邊燼 一入到嚟，已經勁多人食緊 ，濃濃嘅雞煲香味 ，散滿咗成間店舖呢度雞煲唔大油煙，枱與枱之間都大隔離，唔迫4個人食，好開心有卡位坐，佢呢啲卡位嘅超闊絡，仲望到遠景， 任食邊既好處就係可以同朋友慢慢傾偈慢慢食，非常舒服！一坐低就會想要咩辣，唔太食到辣我地揀左食小辣，呢度既雞煲十分高質，雞肉滑入味零冰鮮感，食落味道甜甜地再加上麻辣，雞件唔會煲到無晒雞味，唔會有冰鮮味，肉質幾嫩口。食完之後就加湯打邊爐，我地平時都有四圍食任食邊，怕眼闊肚窄會o徒野食，為免浪費，每樣點少少試下比較好。就先叫左丸類同蔬菜，全部食材都十分新鮮，要再追加野食先再畫果樣。台灣腸，芝士豆腐，冰豆腐都好味，掛湯力不錯，打邊必點之選豬潤係小弟打邊必點食品我地幾個齋係喪飲都回番本了，哈有4個飲品廚櫃任扲野飲，扲親每樣都好凍爆，好碞夏天解暑，呢個價錢真係抵食。飲品選擇都幾多，仲有嘉士伯任飲，同場仲見到asahi有隻櫻花味既酒，出面買一罐都唔平，呢殊有得任飲, 性價很高咧呢隻麵好有咬口, 夠彈火鍋點可以無菜既呢？菜又洗乾淨，冇壞葉，安心入肚雖說如果菜最後先食先吸晒所有油，不過咁先係最正的精華

好想食雞煲, 出開旺角就搵下有咩雞煲好食, 一問openrice就見到呢個至尊, 又多笑笑又係創興,方便到爆, 就試下佢啦。大中小辣雞煲任你揀, 我地揀左個小辣, 我好食得辣既, 佢既小辣我當然絕對接受得到啦。野味香速既雞煲, 啲肉仲要嫩滑,好香好惹味,食完個煲就加湯打邊爐。任食居然有呢個質素既牛比你食,正呢碟野都係必食, 凍豆腐會索晒啲汁啲丸我無咩食,因為個肚無咁多位菜係食雞煲黎講唔洗嗌咁多香脆魚皮呢啲係野食,仲有幾個雪櫃野飲任飲都係$168一個人咋,所以全場好多後生仔呢