至尊重慶雞煲 (創興廣場)

營業中

休息中

至尊重慶雞煲很久沒有吃雞煲，對上一次吃應該是上年的事，早前行完油麻地果欄，打算行回去旺角吃晚飯，去到創興廣場見到至尊重慶雞煲好似蠻吸引，今晚晚餐就選定了他。大量食材供大家選擇，飲品是自取的。點了一份麻辣雞煲(微辣)，雞肉嫰滑惹味，但個人覺得微辣不算太辣，下次再來可以叫少辣，可以再刺激一點。炸魚皮滿酥脆，放下鍋滾兩下，帶辣的魚皮吃得更滋味。美國肥牛牛肉味道濃，油脂部份不算太多，吃起來也不覺肥膩。芝士丸芝士愛好者必吃，內裡有流心芝士，蠻燙口的。紅豆冰很久沒有吃過的兒時甜品，味道還是一樣的。

同好姊妹行街又想坐低食飯Girls talk一下，梗係食我地鍾意嘅雞煲兼火鍋任食！我地一於就揀咗創興上面呢間至尊重慶雞煲試下，見到標價$158任食2小時真係幾實惠又吸引架！！餐廳內環境寬敞舒適，之前仲想像會係坐到迫迫狹狹，圍住張圓枱果種添！估唔到有梳化椅，仲有梳化卡座。啲櫈下面仲可以揭起擺袋或外套架！閒日晚上都竟然好旺，好彩訂咗枱!這店啤酒的選擇確實多，除了熟悉的嘉士伯、SKOL等。飲品種類真的非常多（最緊要有忌廉鮮奶！）而甜品方面，有常見的雀巢雪糕跟雪米糍，還好啦，雲呢拿味還是我喜歡的味道！雞煲可自選辣度，食物亦是自由選擇。辣度由微、小、中至大辣，決定點小辣。雖然只是小辣，但因湯底濃烈，一會兒之後再吃，辣度明顯提高了，建議定時要加水。用較傳統的石鍋盛裝，汁料好濃，而雞件也大件肥厚。火鍋料的選擇尚算豐富，必吃的貴價料有花膠、美國肥牛、黑豚腩片等...平時常吃的火鍋食物也齊全，最愛豬皮和炸魚皮,剩餘的湯汁，放個公仔麵或烏冬就最Perfect了!!仲有即包餃子供應，有兩款選擇可以俾你揀㗎！！牛肉、羊肉和韮菜。牛肉餃多肉汁，味道略鹹、羊肉餃味道不帶羶味，肉汁也相當多，喜歡羊的朋友值得一試唯獨

今晚同好友去左旺角行街, 之後佢提議話食雞煲, 就帶左我黎呢間至尊重慶雞煲~一坐低望個menu 好多野都岩食, 先食雞煲, 之後打邊爐.個雞煲配料用左大蒜、丁香、豆寇、肉薑、花椒、辣椒同洋葱等十幾種香料，配以大廚的秘製醬汁，再加上2斤半重的走地雞生煮至熟！食落真心覺得肉汁豐盈，而雞肉都好嫩滑。食完雞煲之後，我地就打邊爐喇，一共有五十幾款配料任點任食！！正，有魚皮、芝士腸、芋絲、粟米、午餐肉、花膠、魚片頭凍豆腐、牛肉等等，加上雞煲湯汁煮熟，愈食愈惹味。另外果度既啤酒、汽水全部都係任飲，真心覺得好抵食！價錢都係每位$158，好唔錯，值得推介！

連續返工Chur左7日終於可以break下啦！其實之前都一直都久仰大名一直都想食適逢今晚收工約左幾個月無見既Asso朋友食飯還掂大家都係雞煲控又鍾意烚吓烚吓一於就黎呢度「食雞」啦 (不是遊戲XD)黎之前「做足功課」得知呢度一直都長期旺場同埋繁忙時間係不設訂枱所以我地7點前就黎到好彩黎到可以即刻入席醫肚唔洗等入席之前服務員會先幫我地點雞同埋辣度體貼之餘亦無阻顧客任飲任食既時間我地一坐底雞煲就即刻送上抵讚之餘亦好有效率！先講講個主角雞煲我地叫左小辣雞煲足料得黎雞件仲嫩滑醬汁辣辣地亦好香同好濃郁唔會話偷工減料夠哂入味！另外除左雞煲主角之外都仲有好多邊爐配料食淨係睇呢兩張點餐紙都睇到眼花撩亂而且任點唔嬲絕對唔會限數目以咁高質既質素同埋野食$158免加一食兩個半鐘絕對係超值下次留名再帶成班朋友黎「食雞」先！

雞煲醬汁好正，啲又雞啖啖肉，我諗最正都係放題有花膠揀，對於放題黎講價格都平，值得推薦服務員又快手有效率又細心，環境舒適，但食材就吾多選擇，有機會食雞煲我都會想揀反呢間😎😎👍🏼

早幾日喺荃灣先食完個椰子雞煲，有啲唔夠喉，所以，今晚又走去旺角再食另一個風味雞煲 – 重慶雞煲兼任食火鍋。當然，要上到嚟呢間火鍋店一啲都唔容易，因為首先要在樓下苦候一輪升降機，才可以入到升降機上到嚟。超級旺場。唔通真係咁好食?我哋都唔客氣喇，先叫咗個唔辣雞煲，食住先。雞煲果然有風味，啲雞好似用咗重慶特別嘅醬汁爆香咗，然後再炆過。雞肉又唔老，仲好嫩，入晒味。其實個雞煲份量好大，食完都飽咗七成。既然係包任食火鍋兩小時，當然唔會蝕底。用埋剩餘嘅三成功力，去點嘢食。第一round 叫咗羊肉、牛肉、豬腩肉、牛柏葉、墨丸、墨魚仔、木耳、粟米仔，同埋生菜。我比較鍾意食木耳、墨丸和粟米仔，其他的一般。第二round 叫咗魚片頭、魚皮餃和水豆腐。比較上，魚片頭和魚皮餃較好味。第三round 叫咗水魷魚、龍蝦丸，同埋 encore 魚片頭。三樣嘢都好味。最後一擊，整多個韓國公仔麵，十成功力耗盡，真係飽晒了。今晚好滿足，有雞煲食，又有火鍋任食。

兩個女仔冬天想食辣，最後決定試試。叫咗個中辣雞煲試下，味道幾好夠麻，辣又唔會搶哂個花椒味。食完D雞就叫其他配料打邊爐當然以呢到咁抵嘅價錢，配料預咗唔會有任何驚喜啦！不過職員嘅衛生意識要增強一下，新送上嘅食物，竟然放喺我未食嘅牛肉上面！張枱無位，你可以同我講一講吖，而唔係就咁放喺食物面架！整體其實食物唔差，如果你唔講求服務的話可以試吓呢間。

天氣凍，最好當然係打邊爐食火鍋，又或者來個麻辣火鍋，辣雞煲都係不二之選，暖身又過癮急不及待至尊重慶雞煲好香濃，單看單聞就已經流曬口水香氣四溢惹味十足，雞夠曬入味，越食越入味越辣，而且雞好嫩滑呢間仼食兩小時，想不到飲品選擇都好多有仙地，仲有最鍾意左面杯椰子水，正除此之外，呢到既花膠亦都唔錯，大大件又口感十足，特別吸收雞煲既味道後更美味入口煙煙韌韌，又入味，口感超好呢到食物選擇好多，當中雪條選擇都好多，可惜時間唔夠多，所以好快就到雪條了，食得飽飽又開心!

埋單$158無得輸@至尊 天氣持續維持在10度之下，心裡就是想打邊爐，家中人不多，出去打邊爐放題既方便又可以食多幾款 至尊雞煲是我們最喜歡的一間之一，夠平而且食物質素不錯，不過就是人非常之多，美食就是值得等待 2小時任點任食，埋單$158，沒有加一其他湯底醬油這點真的無得輸，這個價錢就是令人感到沒有壓力，經常想再來的原因 飲料是自助式 嘉士伯都是任飲，仲有無糖飲料! 醬料區，其實雞煲本身已經好夠味，不用醬料也沒有關係 鮮炸響鈴，脆卜卜的~在店的一角自助取的 雞煲到了!食客亦可自選辣度，食得辣的必點大辣，香撲鼻，夠惹味吧 雞件非常入味，而且啖啖肉，肉質嫩滑，其雞汁非常香，秘製麻辣汁配搭出色，雞隻夠入味，惹味十足 食完雞煲就可以加湯打邊爐，2 小時內嘆盡肥牛、羊肉、丸類、菜類等， 牛肉餃和羊肉餃非常有特式，尤其是羊肉餃，比起豬肉和牛肉，羊肉是很少吃的，口感和豬肉牛肉類似，肉吃起來沒有羶味，有爆汁口感 必食炸魚皮，可能人流極多，食材也能保持新鮮，食起來卜卜脆，咸咸地似食薯片 美國肥牛，質素當然不能用上等牛肉去比較，但也是靠得住，肉質偏廋，很重肉味 豬肉片看起來有

3個人埋單168一個，其實呢個價錢食就知道冇得高要求，味道都香但係有人話偏鹹，但係我覺得啱曬，咁樣落湯打邊爐就唔會太淡。果日有多人我地又得3個人，所以佢比張二人台我地當3人用 逼到死 所以我地都冇一次就叫太多野食因為根本冇位放，點知佢上菜慢到死 時間到左其實都唔係食左好多嘢，叫我地埋單就快啊 落單就好似前世欠左佢咁款，最過份係未找錢就趕人走。上菜慢，食咁多間雞煲都覺得兩個鐘夠食 唯獨呢間唔夠 好似拖你時間咁，黎到又少減幾樣嘢食，仲要無中生有。唔建議3個人去食呢間嘢 特別係繁忙時段，唔係座主席位咁簡單 係放多隻飲品都冇位

又係朋友介紹過黎試下呢間雞煲加任食火鍋，朋友話’平靚正’。食物方面，二人份量雞煲好足夠，叫左小辣，但麻味十足，一路抹汗一路食。雞肉算嫩滑而且好入味。要讚下個辣汁，好香濃，係打邊爐前真係食到一件雞都無剩。火鍋方面個人覺得過得去，而且都係一貫雞煲火鍋的通病，就係當雞煲食完之後加上湯後，成個火鍋就無晒味。由於食雞都食到飽，只叫左小量牛肉，豬頸肉同蔬菜。配料還好，係等候時間較耐。總括黎講，雞煲係值得推介，算係’平靚正’

朋友提議天氣冷想食雞煲，來到創興才發現原來幾年前就食過這家雞煲，由於幾年前的記憶實在有點模糊，只是印象中衣服會很吸味，當晚也沒有想太多就進去用餐。到場後發現果然雞煲味道非常濃烈，一打開電梯門就聞到強烈的湯底味道，如果來這邊打邊爐食雞煲最好T恤牛仔褲，不然整身都是雞煲味。由於晚上6點半左右入座客人比較少，所以相對的吃的比較舒服，座位也很寬闊。一上菜先來雞煲，基本上是兩人半份雞，四人一隻雞如此類推，雞肉份量也不少，肉質還算嫩滑，底料非常濃味適合重口味之人。吃到差不多就可以加湯打邊爐，下單紙食物種類不多，沒有漏單問題。不知道為何唯獨響鈴要自己去店裡一個角落拿，而單點紙上卻沒有寫上，如果不是看到別桌在吃我們也沒發現。響鈴估計擺放多時，不脆，就是單純一個油炸過的腐皮而炸魚皮同樣不夠脆，所有打邊爐的食材都是最便宜最劣質的貨色，比較推薦點的有牛柏葉、土豆片、木薯粉、芋絲，金菇最後來到重頭戲—肥牛，除了師傅擁有精湛的切工把肥牛切的如紙一樣薄以外，主要是以這種擺盤真的很影響食慾最後結帳每人$168，價錢在旺角晚市來說非常便宜。另外由於空間非常大，因此很適合一大群人用餐。如果你是重口味之人、單純想找平價任

上次有韓國朋友想食下香港既邊爐，我就第一時諗起呢間雞煲。中意重口味既人一定會好中意，雞煲好濃味，唯一係覺得雞有啲少，唔係好夠喉。加水打邊爐就無乜特別，食材不過不失，不過勝在任食又唔差！

雞煲放題比較少試, 之前經過次次都排哂隊所以都黎試試先黎雞煲，味道同x品果啲差唔多，唔會話因爲放題差啲，我地兩個人叫都有半隻配料方面比一般火鍋放題仲要多，仲要有三種份量選擇，唔會浪費食品。肉類黎講每份份量就少啲，要點多幾轉先得，但反正放題，無所謂啦。我地每樣點最少份量，可以點哂所有想食嘅嘢仲有花膠揀呢道仲有兩樣台式丸(唔記得咗叫咩名但好好食)，其他配料質素都可以，唔會話好似啲平價酒樓差唔多價錢任食但比啲好差嘅配料。值得一提係佢地全場滿座但清潔同黎嘢等都好快手。我地見好多客係係一大班人黎（10個以上），佢地都安排到，火鍋放題原來一大班人都可以。

點都是底食又麻又香又辣又任飲任食雞煲兼食種類豐富火鍋料理，價錢當然經濟超值的二小時有多種罐裝啤酒，汽水不停地供應，杯裝雪糕任取任嚐，即製牛肉，豬肉，素食水餃出籠，好味濃汁在心頭，先食麻辣四川精製醬料配合生鮮肥厚滑溜雞，使食客品嚐麻辣口感豐富的鮮美雞肉後，再加上配搭多種食物就更大快肚皮，充滿舌頭，濃郁喉嚨及流連忘返，味道窩心，香口惹味的花膠，水魷魚及牛柏葈，加上香葱，辣椒，醬油提升鮮甜辣味的風味，味道一流，兩小時就口感滿滿而還，經濟實惠，值得推介，至尊四川重慶雞煲火鍋！真是麻辣又飲又食的經濟底食四川重慶雞煲兼種類繁多食物的火鍋！飽滿非常就是這樣的特色特味的有型有格口感豐富的任食任叫的重慶雞煲！加強美國肥牛，又有雪糕雪條及雪米糍任食，有多種飲品，嘉士伯啤酒，樂怡仙地不停地供應，任客人滿肚而還！火鍋配料多不勝數，任君選擇而不停享受美食，大約有六十多款，即叫即到的食物！令食客開心品嚐各種美食，非常超美飽滿！！味道麻辣特別，口味濃濃而順滑雞肉，互相協調四川麻辣香料就更加辣味香氣迫人，令人香辣味誘人，回味無窮！