影片
更多
2018-05-24
127 瀏覽
好似好耐無食雞煲同火鍋，就決定假期前夕去食雞煲。本身想揀另一間都有雞煲既任食火鍋店，不過諗諗下都係想食雞煲專門店，就醒起至尊重慶雞煲。早一日打去訂枱，侍應話有位唔需要訂枱。當晚6點左右去到，侍應係接侍處已經幫我地落定order要咩辣。坐底過左幾分鐘就有雞煲食啦。由於“友人”唔太食得辣，唯有叫小辣(其實我內心好想叫中辣，但都擔心自己食唔到)。見到d雞件咁大件，仲擔心肉質會好鞋，點知一d都唔鞋，仲好入味，好正，真係好好味雖然係小辣，但感覺好似中辣咁，岩哂我食完雞就嘗試問下侍應有冇得fill雞，點知佢話fill雞要加錢，就算啦。之前食過荃灣同元朗分店，記得有間係有得fill架，不過都幾年前既事，可能改左又或者我記錯左第2間?醬料自助區只有豉油，生蒜，同埋2種一乾一濕既辣椒乾料/油。同其他任食火鍋一樣，配菜款式都好多。我地叫左肥牛(唔太肥，不過食落唔un，唔錯)、花膠、鵝腸、水魷魚(“友人”話麻麻)、豬頸肉(好味，好有”趙”口)、台灣芝士蛋、蒜汁花枝丸(幾有趣，花枝丸入面真係有生蒜碎，唔知係自家製定買既呢)、青口(“友人”話好正，煮完都仲好大隻。不過第一次落單劃”1”就有2隻，第2次落單劃”2
早一日打去訂枱，侍應話有位唔需要訂枱。當晚6點左右去到，侍應係接侍處已經幫我地落定order要咩辣。坐底過左幾分鐘就有雞煲食啦。由於“友人”唔太食得辣，唯有叫小辣(其實我內心好想叫中辣，但都擔心自己食唔到)。見到d雞件咁大件，仲擔心肉質會好鞋，點知一d都唔鞋，仲好入味，好正，真係好好味雖然係小辣，但感覺好似中辣咁，岩哂我食完雞就嘗試問下侍應有冇得fill雞，點知佢話fill雞要加錢，就算啦。之前食過荃灣同元朗分店，記得有間係有得fill架，不過都幾年前既事，可能改左又或者我記錯左第2間?
醬料自助區只有豉油，生蒜，同埋2種一乾一濕既辣椒乾料/油。同其他任食火鍋一樣，配菜款式都好多。
我地叫左肥牛(唔太肥，不過食落唔un，唔錯)、花膠、鵝腸、水魷魚(“友人”話麻麻)、豬頸肉(好味，好有”趙”口)、台灣芝士蛋、蒜汁花枝丸(幾有趣，花枝丸入面真係有生蒜碎，唔知係自家製定買既呢)、青口(“友人”話好正，煮完都仲好大隻。不過第一次落單劃”1”就有2隻，第2次落單劃”2” 都係得2隻)、墨魚仔(麻麻)、廚師腸、雞蛋、午餐肉、公仔麵(配埋湯底好正)、秀珍菇、芝士丸、唐生菜、蘿蔔片同金菇。火鍋必食既響鈴就放係醬料自助區由客人自取，唔知係咪響鈴已經擺左係出面一段時間，唔太脆。食食下又俾我見到侍應開盒fill響鈴，新開既一定好脆，不過我已經食唔落...
食完雞煲我已經有7成飽，所以只係叫左2轉配料，仲有好多配料想食都無食。飲品有可樂忌廉雪碧冬瓜茶道地烏龍茶等等。另外仲有2款自己酙既飲品，其中一款係椰青水(另一款唔記得係咩)。見到侍應將一枝枝樽裝既椰青水倒入機入面，感覺質素有保證。我個人唔太喜歡係機器入面攪下攪下既飲品。本身想問侍應拎一枝，不過都係覺得唔好意思。甜品食左雪米糍、紅豆樂、牛奶樂同大腳板，另外仲有維記杯裝雪糕提供，不過已經食唔落。
“友人”大讚尼到既環境唔錯，坐得都幾舒服，仲話全層都擺滿一排排既餐枱位置係有design過平時價錢係$158，假期前夕就$168，仲要唔需要加一，抵食不過2個鐘真係好快過。走既時候，都已經有8-9成食客。如果唔係食5,6點咁早，最好預先訂枱。
張貼
