影片
以上資料只供參考, 請與餐廳確認詳情
今日林住朋友聚會開開心心點知一肚氣論服務旺角雞煲分店真係好好多實在唔洗去到大角嘴話時話筆者幫襯過雞煲十幾次都末試過服務咁差為求大角嘴分店可以改善服務所以筆者寫下此報告大角嘴雞煲分店問題有三1.行政混亂侍應已在顧客面前當面核實收款無誤然而收銀懷疑顧客仍有錯亂要再三核實方可放人作為顧客理應只向第一個收錢既職員負責我地無法知道錢銀由侍應到收銀之間既過程所以即使收銀發現收款錯誤最多懷疑侍應冇可能懷疑顧客可見員工行政混亂2.不問是非老闆係未清楚事件既來龍去脈既情況下就堅決否認自己行政上有可能出現問題仲惡言指責而且態度嚣張我地只不過係理性提醒分陳利害保護該店企業形象老闆竟以為人善人欺真係一肚冤屈老闆不思自省良心當狗肺可見老闆不問是非3.黑箱作業我地食到最後有個朋友發現原來六位送一支紅酒但我地事先毫不知情當我地喚來侍應佢先不情不願咁羅支酒黎我地合理懷疑有好多額客因為唔知情所以浪費左支酒而且一d熱門既食材亦遲遲未上可見店鋪既經營絕非以額客優先而係以賺取額客身上最大利潤為原則為求目的甚至隱瞞額客應有既權益可見店鋪黑箱作業員工行政混亂老闆不問是非店鋪黑箱作業作為顧客仍平心靜氣真誠地希望佢生意興隆
繼續閱讀
摸左半日蜆 , 又攰又肚餓 , 想打邊爐 , 但東涌選擇不多 , 索性搵個熟路又遠又方便返沙田o既地方一諗就諗到 , 就返大角咀食啦 , 邊爐己預備下星期會去用團購食 , 諗諗下不如去食雞煲啦 !!上次o係旺角食過一間任食o既 , o個陣睇過佢地大角咀都有分店o家 !! 上 openrice confirm 後即刻出發 !!環境比旺角店細好多 , 破舊好多 , 呢間野之前都係餐廳 , 佢無改間格無重新裝修就繼續沿用所有野地方需少 , 但 d 枱都唔細 , 而且都唔會話太迫 , 仲有電視睇添 , 有一個任飲多種汔水o既雪櫃 ,不過呢度就無任裝 d 鼓油 , 麻辣醬等等 , waitress 話係因為個雞煲加左上湯都好濃味 , 真係要用先拎都得呢度無咁多人無咁忙亂 , waitress 服務都較為殷勤 , 會幫我地攪動雞煲 , 主動收碟仲不時睇下我地使唔使加湯野食有少少漏單 , 同 waitress 講佢都好快幫我地跟 , $ 118 一位任飲任食仲要無加一 , 真係抵到震 !!兩位雞煲有半隻雞 , 好濃郁川椒麻椒味 , 叫少辣都越滾越辣 , d 雞好多肉 , 唔會好肥 , 個煲本身好多洋蔥 , 加上湯後一直滾到佢淋晒 , 好正好入味 , 雞翼尖o個 d 位都可以滾淋先食雞煲食到一半左右 , 加入上湯 , 落晒 d 蘿蔔 , 切得好薄 , 入晒味都唔知佢甜唔甜 , 總之要追加多碟啦仲有南瓜片同芋片 , 都係切得好薄 , 滾耐少少就己經唔見左 , 肥牛同豚肉都唔錯 當然不能夠要求有 d 咩高水準靚牛啦 , 不過肥瘦比例唔錯 , 唔韌唔騷就己經係我可接受範圍之內好食o既邊爐料要數一數炸魚皮 , 鬆脆香口 , 白魚蛋軟韌彈牙 , 仲好有魚味 , 唔好淥太耐 , 容易太咸 蟹籽丸都幾好食 , 同平時街市買到o個 d 唔同 , 無咁淋身同埋 d 蟹籽比較有咬口 , 感覺到卜卜聲添牛柏葉都 ok , 粗幼得宜 , 爽口唔韌 , 滑雞片有 d 連皮o既好好食 , 雞味係少但滾起黎好似個雞煲多肉食左咁炸枝竹需要黎到係完全無炸, 只係一塊普通o既腐竹 , 不過好滑溜好索湯 , 仲無炸o既咁多油 ~對我黎講要記住下次唔好點o既有魚皮餃 , 好腥 , 個皮唔夠彈性 , 豬紅有陣怪味薯粉 , 難以控制滾o既時間 , 因為幼身而且質感 , 花膠好容易滚到變左一 pat 野 , 入口感覺並不良好## 我地兩個一諗起雞煲 , 都會先以至尊為首選 , 因為覺得任飲任食真係好 arm 我地 ,不過就好似打邊爐咁 , 其實非任食o既話 , d 配料會靚 d , 所以評任食時 , 要求會調低 , 放心 ~
繼續閱讀
今天天氣很熱，和友人在大角咀不知道食咩好，經過中滙街有間至尊重慶雞煲，跟住入去試一試，先叫一個雞煲大辣，來到面前時很香，很足料，食落很夠麻辣，雞肉亦做得很好，食完雞姐姐就即時幫我加湯食火鍋，原來係任食，火鍋料一般，但花膠和豬皮就好正，味道很好，招呼亦係少見的好，跟住埋單每人唔使100元，起初我以為聽錯，點會咁平，國內都要啦，除咗厠所差點之外，其他都令我相當滿意。
繼續閱讀
見到雜誌廣告，有新既任食雞煲，當然要試一下吧﹗任飲任食唔限時間都只係$98/位，星期六、日先要加$10，仲免加一添，都抵架﹗去到時只係5:30pm，店內未有人，可以隨便坐。一坐低，侍應姐姐同老闆都好好招呼，又開始整脽煲，2個人只有半隻雞喳，不過之後叫餸打邊爐，應該夠食既。雞煲到咗再要煮一陣，好香沙嗲味，又足料，夠半隻雞。食咗一輪，侍應姐姐就開始幫我哋加水，作湯底打邊爐。不過一叫餸出事了，可以叫既餸種類比較少而且每次只可以叫8碟餸，都算數，叫完再叫吧﹗點知一嚟到，全部餸都只會放埋一碟，呢個都唔係問題，不過發現所有食物都好少，丸類只有每款兩粒，牛肉、豬肉都只有4片，咁叫法，有啲煩囉﹗再加上食物質地唔好，較一般連鎖店既自助火鍋差好多哩﹗牛肉薄到會爛、鴒腸、豬皮，豬牛雞等啲賣相真係比較差。服務態度一流， 又好傾，又幫手。汽水啤酒任飲，好正﹗但單計食物就所以應該無下次了﹗
繼續閱讀
這是小記第一次的見習食評，寫得不到位，形容得不精細，還請多多見諒。上班時發現《壹周刊》介紹這間撼稱為全港最平的雞煲，晚上就跟朋友去試試味，填填肚。所為全港最平的雞煲，一位98，包加一，任飲任食2小時。小記每次食雞煲都要山長水又遠入到元朗，今次在市區就有雞煲，非常「就腳」。小記乃是吃辣之人，無辣不歡。雞煲，當然愈辣愈有趣。不過，今次朋友們都不太吃辣，還有小朋友在場，唯有小小辣，自己後加辣吧!主角上場雞肉嫩滑，肉汁香濃，不錯不錯。然而，它有些少雪藏味，不過不是整天都吃新鮮雞的就不會吃得出來。加上，今次是小小辣，雪藏味沒有被辣味而淹過，小記才變得這麼敏感。而這間養廳的火鎬配料另有黑豚肉片，但也離不開一般火鎬店的水平。值得一提，這間餐廳有大家都久遺了的Mirida青蘋果汽水，小朋友著迷的飲了2罐，小記當然也一樣吧。這雞煲店的服務態度一流，值得一大讚，大概是店內人客不多，只有4－5枱，姐姐才有善地服務我們。相對起元朗那些繁忙的雞煲店，姐姐連望你一眼的時間都沒有，何況是論服務質素呢!以平價吃雞煲，至尊重慶雞煲，值得一嚐。最後，可能是太油膩的關係，我與某位朋友都拉肚子。幸好不是人母與小朋友有事。
繼續閱讀