至尊重慶雞煲 (已結業)

見到雜誌廣告，有新既任食雞煲，當然要試一下吧﹗任飲任食唔限時間都只係$98/位，星期六、日先要加$10，仲免加一添，都抵架﹗去到時只係5:30pm，店內未有人，可以隨便坐。一坐低，侍應姐姐同老闆都好好招呼，又開始整脽煲，2個人只有半隻雞喳，不過之後叫餸打邊爐，應該夠食既。雞煲到咗再要煮一陣，好香沙嗲味，又足料，夠半隻雞。食咗一輪，侍應姐姐就開始幫我哋加水，作湯底打邊爐。不過一叫餸出事了，可以叫既餸種類比較少而且每次只可以叫8碟餸，都算數，叫完再叫吧﹗點知一嚟到，全部餸都只會放埋一碟，呢個都唔係問題，不過發現所有食物都好少，丸類只有每款兩粒，牛肉、豬肉都只有4片，咁叫法，有啲煩囉﹗再加上食物質地唔好，較一般連鎖店既自助火鍋差好多哩﹗牛肉薄到會爛、鴒腸、豬皮，豬牛雞等啲賣相真係比較差。服務態度一流， 又好傾，又幫手。汽水啤酒任飲，好正﹗但單計食物就所以應該無下次了﹗