肉骨皇 (已結業)

上openrice見到食評唔錯, 於是同屋企人一行5人去試下(晚飯)(book左位, 入座人數都唔錯, 不過知道有人用團購coupon 而來的)位置都幾難搵..要行到好入, 個名牌又細, 唔行近d都差d睇唔到個名~~~我地order了:- 肉骨茶 (大): 藥材味夠, 都算好味! 不過叫大....都唔係好大~ 好似都要$110!- 麥皮蝦 (得5隻): 好香, 好好味! 不過得5隻太少...- 咖啡骨 (得6舊): 夠味, 有咖啡味!- 星加坡炒粿條 (類似炒河的東西): 最後悔叫的! 冇咩特別, 又唔係特別好味 or 有鑊氣, 碟野一來.....我忍唔住講句: 嘩!!! 咁細碟!!!!!- 脆皮豬手: 幾香, 本人麻麻地豬手, 不過大致ok!- 白飯整體上服務都ok, 落單, 起菜, waitor都keep住添茶,不過d 野食真係太細碟, 全部好似迷你左咁...... 埋單一共$500左右~~唔係太抵.....所以都唔會再去了!

我和女友，都均咗好耐才去到，因張coupon寫的地址太不明確，入到去地方較細，之後有侍應前來問幾多位有冇訂位，我答佢有訂位嫁，佢就帶入座，我就拿一張給位男侍應跟我問佢你lee到最出名，侍應答我新來做不清楚，我幫你問吓，之後有個女侍應個來，佢介紹咗我吃麥片蝦，佢話甜甜地幾好食嫁，橋底豬手不過要等二十分鐘嫁，和一個馬拉盞炒蜜糖豆，我問佢豬手係咪好食嫁，因我怕肥，佢好快答我不肥超脆超好味唔好食我唔收你錢，。我仲想叫個咖啡骨，但個女侍應話食住先啦你二個人夠食，唔夠再叫啦，之後我就估lee位著紅衫的侍應對公司咁有信心，應是老版。食物OK，冇介紹錯，佢仲細心咁問我地嘢食啱唔啱，值得一讚！

團購威力不可睇小。唔係買佐Q旁，我都唔會捐窿捐罅咁來到呢間鋪頭食野。唔係買佐Q旁，我都唔會幫趁一間夾響車房中間的鋪頭。從打電話做卜瓊開始，我已經感覺到呢間係住家鋪。有褔氣的靚靚老板娘(我估)講野又真又直接。我問佢呢度點樣去好，佢教我點行點行，跟尾話你搵唔到就再打來啦.......哈。因為開飯網已經圖文並茂咁介紹得好詳細，對於這裡的情況未食都已經好清楚，亦懶得帶相機。★先叫肉骨茶，多口問下油飯問題。係話要加15蚊喎。唔緊要，肉骨茶都夠油啦，唔洗客氣咯。大大舊豬骨喎，我中意，越煲越出味嘛，骨邊的肉重正呢。豬肉有咩好食，不如留番個肚試多D其他餸。你睇去馬拉食，人地做半晝就唔做，皆因要晨早煲幾粒鐘先夠火候。呢間鋪仔可以賣足成日，仲俾埋個爐煲住，唔止淨係講賣相。★沙嗲串燒，呢個麻麻地，冇咩鮮味，燒得唔夠香。★麥皮蝦，麥皮幾襯嫩口嘅蝦肉、蝦頭又有膏，甜甜鹹鹹幾惹味。★馬拉盞炒蘿蔔糕，一碟四件加唔同種類的菜絲，好味...咁似大澳D鹹蝦醬嘅。在依家港紙變軍票的日子，呢度抵食重有，我覺得呢種小店唔啱咁大棚人去食。我見到一堆堆六、七個人響門口等成大半粒鐘。上台客未走，泊唔到枱，訂左位都冇用。落雨你就知味道

今年3月中已用團購券來幫襯過, 當時對店內食品的水準, 印象不差. 所以, 今次再有團購, 我馬上不用考慮便買了數張, 可惜, 惡夢便開始了……..事緣, 我昨日睇咗openrice幾個關於呢間舖的食評後, 吸取有關經驗, 然後昨晚去到肉骨皇, 一俾張coupon佢, 我即刻話個套餐要油飯, 個女侍應立即話個套餐只能跟白飯, 如要油飯, 要補$15, 我吓! 又冇搞錯! 一來個套餐明明寫住可跟白飯或油飯; 二來個油飯本來就係賣$15, 咁叫補錢咩? 直頭係搶錢啦! 想連我個白飯都呃埋! 個女侍應仍然死撐, 收埋我張coupon, 死口話張coupon寫明跟白飯. 我立即用iphone上返果個團購網, 個page明明寫住可跟白飯或油飯, 個女侍應仲仍然死撐, 話係個團購網寫錯. 我繼續同佢理論, 一來, 我係見到可跟油飯才買coupon的; 二來, 你地舖頭認為團購網搞錯的話, 請你地自行向團購網追究, 不要搞到顧客. 最後個女侍應先至死死地氣俾個油飯我. 本來我仲有幾個餸想叫, 但係佢地咁唔老實, 激到我一肚氣, 我即刻cut哂d order, 只另外叫了一個餸便算. 我今日已向gro

以前係團購網以半價買左肉骨茶一人套餐,今晚就同男友一齊去食回味我地一年前的星馬之旅。星加坡的肉骨茶胡椒味較重,多骨少肉。馬拉的藥材味重,肉多骨少。我自己就鍾意星加坡的胡椒多些,同時又喜歡馬拉的肉多骨少。這裡的肉骨茶是改良了的馬來西亞風味。沒有胡椒味,只有藥材味。不過沒有馬拉的那麼重,而且甘甘地,容易入口,適合香港人的口味。肉骨選用肉排,不過有少少鞋口,可能煲得耐掛。另外,配有油炸鬼同白飯,可以伴肉骨茶。這個套餐還有一杯薏米水,很清淡,不過就有好多薏米粒粒。我地兩個人食一個餐當然唔夠啦,於是再點多兩樣餸試下。雜錦沙嗲串燒(6串$78), 有牛,豬,雞各兩串。沙嗲汁不辣,少許甜,有些花生粒,好香。串燒不會燒到過火,肉質不靭不鞋口,不錯。另外,知道麥皮蝦係另一星加坡過江龍無招牌的招牌菜,就諗試下麥皮蝦($98),等下次去無招牌可以比較一下。有五隻,一上枱已經聞到好香。食落口...嗯...好奇怪...又鹹...又甜咁...而且仲有溜。不過蝦幾靚,又大隻,又有膏。其實味道都幾好,不過這個口味不是太習慣。小店資料: 只有約三十個座位,最好預定。但店主好有性格,星期六日及假期不設電話訂座,而且未運作

因為屋企住得近, 見食評又唔差, 又見佢有團購, 於是就買左黎試下, 點知...肉骨茶一黎到:肉 - 咦~ 舊舊都係骨... 哦, 搵到一舊係肉, 但一咬~ 鞋夾韌, 冇晒肉味, 好似煲完湯D肉! 結果我自己用佢桌上既調味料溝左個蒜蓉辣椒黎點肉骨食, 丫~ 真係唔錯喎 (我指佢D蒜蓉辣椒)湯 - 啖湯係好濃厚既當歸味同咸味, 冇胡椒味 (本人因工作關係, 去過星洲不下數十次, 星洲風味既係有胡椒味的, 我可能孤陋寡聞, 唔知佢係咩風味...)飯 - 佢冇問我就比左白飯我, 但個飯係OK既, 一粒粒, 軟滑同埋都有少少飯香~油炸鬼, 韌到爆! 應該是隔夜的...蕙米水, 同清水冇咩分別, 個人認為係蕙米加清水, 我食到2舊冬瓜物體, 但係冇晒味既...整體黎講, 佢依個肉骨茶餐只係值$34, 如果我係比正價黎食, 我會比個喊樣佢... 而其他食物我冇試過所以俾唔到意見~值得一提(又係最削既一點) 係冇茶水供應, 要的話, 一杯水承惠$5... 本來我都冇留意到架, 係坐我隔離果位小姐問個waitress拎杯水, 個waitress同佢講要$5, 我見到佢O左咀... 先再望下個檯角既"

與新加坡友人談及香港的肉骨茶質素很參差友人介紹我去試試大坑的“肉骨皇”剛巧團購又有優惠， 當然沒有理由專誠到大坑一試到達餐廳時雖巳晚上九點，但仍全場滿座，眼見有幾枱都係食緊肉骨茶一人餐，可見團購威力不可忽視九點二十分左右被安排入座， 因為很肚餓， 即時點了團購的肉骨茶餐，再另加了炒蘿白糕及咖啡先上枱係肉骨茶餐，藥材香味算濃，湯底夠味，肉也很好吃，但稍嫌肉的顏色可以再深，亦可以再入味多點，今晚吃的像是帶點藥味的白灼肉跟餐的油飯好吃， 而薏米水就普通然後是炒蘿白糕， 不要看照片好像很多， 事實上一碟只有四件，兩個人食先岩岩好， 不過蘿白味很重，辣度適中好味！最後是咖啡骨，賣相只是一般， 但吃落那陣咖啡味卻很精采，有陣陣咖啡BUN 的香味， 實而不華絕對可以再嘗的餐廳！

團購瘋系列 – 星期六忙得要命，上午往中環驗身、取朱古力、換乳酪券、中午再去銅鑼灣會合老公，陪他攞眼鏡、拿藥、提取硬碟，辦完一切事後，看看腕表，原來剛巧過了下午一時半。本來老公想找個地方飲茶，但我醒起早前在網站以 $68 買了兩張原價 $136 的風味肉骨茶套餐券還未用，不如趁天氣還未太熱，先去吃了為妙，遲些恐怕吃完會熱得頭頂冒煙呢。其實我和老公於今年年頭，已用團購券來幫襯過這間位於大坑的「肉骨皇」，當時對店內食品的水準，印象不差。不過由於上次只喝過一小碗肉骨茶的湯底，還沒真正吃過那些肉排，見這次推出的優惠以肉骨茶做主角，就決定再重訪這店，一嘗這兒肉骨茶的真身。 講真我和老公都並非肉骨茶的擁躉，對太重藥材味的湯底，更是敬而遠之，即藥味越濃，放的料子越多，就越不對二人胃口，所以老公對上環「楊氏肉骨茶」的出品，一直都有點抗拒，反而上次來這裡喝過一小碗肉骨茶湯底，覺得其藥材味淡淡的，入口頗為順喉，味道清中帶甜，質地亦較輕盈薄身，非常適合我倆口味。用電話預約了兩點來用膳，由銅鑼灣步行往大坑，只需約 20 分鐘路程，來到時剛剛過了午市繁忙時間。交出優惠券後，等了約 10 分鐘，女侍先放上

咁岩行過. 見到個裝潢都幾精緻喎. 就試下喇. 一進去. 店員個D都幾NICE喎. 唔係好多人. 靜靜地. 仲有好香的肉骨茶味. 台台都有一窩咁喎. 因友人唔食得藥材. 放棄主打食品了. 薄餅就咁食一塊先. 好鬆好香有習次口感呀. 脆脆地得黎又好軟架喎. 再點下咖哩汁. YUMMY! 好香的椰汁. 冇咩辣味岩我~點下點下不知不覺地食左好多. 好在冇咩油膩惑! 海南雞飯個飯. 呵. 金字塔形狀的. 粒粒油飯有D散. 好在入口唔會硬. 又唔會成口油.雞件好似切得唔係幾整齊喎. 有D甩皮甩骨. 不過食落都OK既. 雞味唔好重. 加上蘸雞的薑蓉、黑醬油及辣醬. 就惹味了. 又估唔到例湯都有D料食. 海鮮喇沙米線麵又幾多的料喎. 樣樣都有3份架! 要左MIXED. 呵. 有麵質爽軟. 加上米線幼滑. 又幾好口感. 吸收左D湯汁. 更滋味. 但感覺唔係好喇沙. 是地道的嗎?ANYWAY. 好味的~ 咖吔多士期待之選. 下單時店員要問下有冇先架. 唔通有時冇入方形麵包就冇得供應?看下去. 一個平平TOASTED 的方形磚咁. 打開個蓋. 好多的咖吔呀~ 仲暖暇地. 香!!!切開左個包包. 件件都可以

呢間餐廳已經唔係第一次去，平時淨係去食午餐，成日都想夜晚去，今晚終於約埋d同事一齊去，一去到已經9點，好彩只係等咗10分鐘，我地5個人,食到個個攬實個肚走, 其實間餐廳幾ok吖, 服務態度唔錯, 侍應又有禮貌, 環境又幾舒服,下次會再去.

我一值都很鍾意食肉骨茶, 哩度既肉骨茶唔貴, 六七十蚊就有交易. 肉味很香濃, 肉腍, 仲有好香既藥材湯, 小火鍋一邊煮一邊食, 好有風味. 食完哩個肉骨茶, 成個人暖笠笠, 最岩就係冬天進補食. 連老公都話好介紹, 我地一定會係冬天再返去食多幾次.

團購瘋系列 --- 星期四上午要去灣仔看大夫，下午約老公一起午膳，本來他提議去大坑的「民聲冰室」試試那裡像一座山般的咸蛋蒸肉餅，不過醒起早前於某團購網站買了兩張 「肉骨皇」現金券，只用了 $76 便換來價值 $200 的 coupon， 這些團購玩兒，還是盡快使用了較安心。其實這間以供應肉骨茶及星馬惹味菜式為主的店舖，座落於浣沙街的盡頭，所在位置一點也不起眼，內裡環境清幽，店內裝潢充滿馬來亞風格，牆上掛有一幅幅舊的生活寫照，讓客人彷如置身於星馬當中。我們約於正午一點前到達，內裡竟然一個客人也沒有，差點還以為店舖尚未開門營業，不過店員見我倆站在門外探頭的樣子，也很友善地邀我們內進。原來這裡平日除固定餐牌外，還有午市套餐供應，價錢亦只介乎四十幾至六十元之間，已包餐湯及飲品，不算昂貴，不過就要另收加一服務費。由於我倆想一次過用盡 $200 coupon，又怕多點了二人無法清碟，所以決定不選套餐，一於散叫。點完食物，看看四周，原來這裡廚房是採用半開放的形式，客人可透過廚窗觀賞師傅製作肉骨茶及林林總總的馬拉菜式。另外由於店舖的皇牌食物是肉骨茶，所以每張檯面上的餐紙都印有肉骨茶的簡介，包括其歷史

星期五放工山長水又遠來到大坑, 就是為了找尋正宗馬來西亞肉骨茶!可能因為7:00pm就來到, 鋪頭不是很多人, 一來到就有位, 唔駛等。 肉骨茶 來到肉骨皇就緊係要叫一個我至愛的肉骨茶啦!其實我和男朋友都是一個肉骨茶迷, 每年都會去一次馬來西亞食正宗肉骨茶。老實說, 這裡的肉骨茶真的很香很濃郁, 雖然唔及得上馬來西亞的味道, 但是我在香港食過最有馬來西亞風味的肉骨茶。其實肉骨茶除了個湯夠濃郁外, 其他配料都好重要! 特別是用來點肉的甜醬油, 很好味! 麥皮蝦 原來麥皮係可以用來同蝦一齊煮, 好特別而且好好味!!D麥皮甜甜地, 又好香口~隻蝦大大隻又多肉...一個字..."正"加多加多沙律加多其實是沙律個醬汁的名稱, 味道有點像沙嗲, 配埋青瓜食, 很開胃!咖啡骨又一特別之作, 很濃郁的咖啡味, 不過味道有點濃, 如果不喜歡飲咖啡的人就不要試! ! !咖吔多士推介甜品, 厚厚的多士+咖吔醬+雪糕, 雪糕一定要選香苧味, 同個咖吔醬最夾!

小弟本身對星馬菜無咩考究，只是去過幾次新加坡及馬來西亞，發覺非常喜歡。特別係肉骨茶，海南雞飯更加係情有獨鍾。肉骨茶我比較喜歡馬拉式，貪佢藥材味夠濃飲落好似低D，喱間既味道就好對味。濃得黎又不帶苦，初頭奇怪點解當地無點火用煲仔喱度要用。後來店員解釋由於當地天氣一般比較熱及賣肉骨茶的店多設置在戶外沒有冷氣，所以可以keep到溫度。而這裡由於開冷氣及客人一般會叫其他食物一起食。所以店主害怕肉骨茶冷卻影響口感所以特意用點火煲仔上….有誠意低讚!!不過跟油飯還是首次，還是覺得跟白飯夠正宗。建議可像當地一樣加豬什比人選擇…..啱晒我喱D食肉獸…海南雞飯就喜歡他們用上海南雞飯專用辣椒醬，之前響CityXX買都要$50一樽，不過雞小弟覺得太鞋，有待改善....

窮人為左肉骨茶，由新界山長水遠走去食，貴一貴都要食，因為真係想搵返d正宗肉骨茶，如果食肉骨茶怕藥材味，倒不如飲瘦肉湯。似孚好多間店都為左調出普羅大眾既口味，都"改良"左材料"一碟青辣椒+一碟紅辣椒"呢一個必然既配料無食店可以提供到比客人講返肉骨茶，很重咸味，咸到不知是鹽還是味精，我分不出藥材味....唔覺有，我成條黨參含係口，好集中精神去Feel先有小小藥材味，其餘都係咸味豬肉好實，有d乾，睇相都睇到。配搭左個油飯，係我係香港食過最差既油飯，唔油，亦無香味，飯有d爛爛地，仲要唔熱唔暖，室溫飯，感覺得差。價錢唔算平，咁既質素好失望唔明點解有人話用料十足，點樣豬肉入口鬆化，係咪我唔好彩。個爐多餘啦，搞桌頭架0者，你幾時係馬拉食肉骨茶有個爐係道丫。你煲好拎出唻，等半個鐘窩肉骨茶都未涷架啦.呢個肉骨茶，如果你好吊癮，可以"一"試，再試就免喇。另外點左個芽菜雞芽菜唔錯，汁都唔錯，汁同芽茶幾配，幾清新但係主角隻雞，好鞋，好乾身，配搭果隻雞果碟醬，唔太配，又係有d咸過龍，唔點仲好d，佢本身個汁係ok的