331
31
33
港鐵天后站 B 出口, 步行約11分鐘 繼續閱讀
電話號碼
29722266
開飯介紹
以口味獨特的肉骨茶作為店的主打食品,亦引入新加坡和馬來西亞多款菜式供食客品嘗。老少咸宜的肉骨茶可滋潤身體,補充營養。 繼續閱讀
特色
適合駕駛人士
附加資料
www.bakkutking.com.hk
營業時間
今日營業
11:00 - 15:00
18:00 - 22:00
星期一
全日休息
星期二至日
11:00 - 15:00
18:00 - 22:00
付款方式
Visa Master AlipayHK 支付寶 現金 AE 銀聯
座位數目
30
其他資料
網上訂座
賞訂座積分
外賣服務 詳細介紹
加一服務費
當面支付
有關獎賞計劃
食評 (415)
等級4 2020-04-19
700 瀏覽
今天帶小米到蓮花宮,再看勵德村的圓形建築,順便在附近午餐。看到這個肉骨茶午餐牌,價格合理,而且內裡環境寬敞,我倆決定在此午餐。因為這個木製的百頁簾,很有馬拉FEEL,所以選擇近門口的座位。    椰漿飯Nasi Lemak   小米很想去馬拉旅行,但近期應該未能如願。唯有食個<辣死你媽>Nasi Lemak吧! 這碟椰漿飯濕度高,來試一口,竟然是白色的椰漿&白飯溝在一起,總之是甜的。多年前來教小米,Nasi Lemak是把所有配料拌勻來享用。我的母語廣東話:全部撈埋一齊。可是小米不肯食江魚仔,只將花生溝椰漿飯。小米又不食烚蛋,就表示 : 媽咪我請你食雞蛋。放在肉骨茶裡,變成肉骨茶蛋了!  而二件橙紅色的炸雞翼,小米表示很似印度雞肉味道。TANDOOLI烤雞????      肉骨茶    店名叫肉骨皇,那麼招牌菜肯定肉骨茶。散點百多元,午市套餐只是68個大洋,還奉送飲品,抵左!那些年,肉骨茶是馬拉華人補品,現在於我來說都是補品。平日工作繁忙,日日做到九彩,勁OT就順便不吃晚餐,又沒有滋補湯水,即係虛囉!既然此店有肉骨茶,就當作補一補。      肉骨茶以火爐上枱,夠特別。先點算鍋中食材!有豆卜金菇鮮菇杞子和多件排骨腩位。先嚐一口肉骨湯,除了藥材味,甜度較一般的高。估計是大蒜。總之沒有胡椒味。再來處理排骨和各食材。然後是肉骨茶的精髓:鍋內啡色的湯底。   肉骨湯伴著白飯,慢慢咬呀咬,飯是甜的,湯也是甜的。米看到我這個食法,又想試一口肉骨茶,小米嚐到帶甜的肉骨茶,就想要更多的肉骨茶,再放入白色的椰漿飯,變成肉骨茶撈椰漿飯了。看到這碗東西,令我想起SHOW ME YOUR LOVE~軟綿綿,杰撻撻。小米的口味果然專一。餐飲: 凍檸茶  & 白咖啡   下次光顧一定要帶小米的學生證 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-19
1194 瀏覽
2020年3月14日。晴。大坑。去銅鑼灣行街睇戲之前,決定喺大坑食咗嘢先呢邊選擇多啲~價錢又通常比銅鑼灣平啲~一直行浣紗街,行到尾就見到呢間肉骨皇肉骨茶都係其中一樣至愛~緊係𥄫下先喇~啱啱入到去未有人,但食食下成間full晒!睇嚟好受街坊歡迎~門口有易拉架show晒午餐精選~價錢非常相宜,抵食!入到餐廳,仲有其他a la carte可以揀~招牌肉骨茶,$118想咗午餐餐牌,想食肉骨茶,又想食豬扒飯,男朋友又想食喇沙。。。於是專登散嗌一個肉骨茶~呵呵!咁就可以滿足晒三個願望喇~肉骨茶入面有四嚿排骨、幾款菇、豆卜,仲有杞子~湯係藥材味濃郁,飲完即刻覺得好滋補~酸梅青檸梳打,特飲跟餐+$8男朋友嘅,佢話味道唔錯~炸雞翼,小食跟餐+$20老闆話個雞翼先用秘製醬汁醃過再煮!味道果然零舍唔同~沾埋雞醬就perfect嘞咖哩豬扒飯,$58呢個矚目嘅咖喱豬扒飯除咗造型賞心悅目之外,味道都好有特色!咖喱汁質地較濃,食落仲有花生醬味添~(唔知呢個係咪就係秘方嘅材料呢)豬扒亦炸到酥脆,同個醬好夾~白咖啡,跟餐熱飲免費雖然係白咖啡,但唔會太甜飲咗都冇乜負擔~海鮮喇沙,$68麵底可以揀油麵、米粉或者摻摻摻摻即係有齊油麵同米粉~海鮮方面用料都幾豐富~有青口、蜆同蝦~同埋唔好睇少佢喺餐牌度得一隻辣椒,都幾辣下~唔食得辣嘅朋友要注意喇~星期六食咗成枱嘢都唔貴喎!抵食! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-05
812 瀏覽
今日出門口嘅時候低估咗個天氣,就咁着咗件薄褸就出去。行到一半已經覺得凍 即刻search 吓附近有啲咩嘢食可以暖吓個人。見到呢間古法肉骨茶就即刻決定過黎食老闆份人好好傾,好似同每個客人都好熟咁。傾開先知原來呢到開咗10-11年架啦,等我仲話自己成日黎呢頭,有間咁好食嘅星馬菜都唔知 🙊招牌肉骨茶 📍 $68上枱嘅時候老闆會好細心咁點着個火爐,等我地可以慢慢食,又keep 得住個溫度 🔥 飲落好暖胃呀 😍 老闆同廚師經過一番調教,將肉骨茶調教到適合香港人嘅口味 😁 藥材味道依然濃郁,肉質都淋好入味無骨海南雞飯 📍 $68啖啖肉好正呀 😋 啲雞好嫩滑,連雞胸肉都滑,份量都好足夠。個油飯砌得好靚,炒得好乾身得黎又食到雞油同黃薑粉味,值得推介!牛肉沙嗲 📍+$15肉質夠哂鮮嫩,佢地個沙嗲醬好特別好有心,有好多花生粒,好有口感我地叫咗杯熱奶茶,估唔到啲茶都幾香幾滑。另外一杯就叫咗蜂蜜柚子茶,味道好夠,一啲都唔吝嗇,食到我地好滿足。下次要夜晚黎食埋佢個蟹肉米線同焗咖吔麵包伴雪糕佢地有學生優惠架,除咗以上2款,仲有好多lunch set 都係$45咋,仲要包嘢飲 😳 我都有學生證架 🙊 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-11
603 瀏覽
朋友近日心事重重,為家事而煩惱,很想我給他一點意見。應約來大坑吃頓午餐,順便促膝詳談。其實我都已經很久沒來大坑,印象中對上一次嚟已經是年半前,幸好友人一早已經揀選了這間位於浣紗街,主打肉骨茶的餐廳,不用我傷腦筋。餐廳面積不大,只有七八張長檯,而最後方的一小角則為廚房位置。牆身上畫了不少卡通食物圖案,色彩繽紛,加上環境開揚,光線充足,為店內裝潢添上寫意的感覺。餐廳午市以套餐為主,共有 12 款可供選擇,定價為 $58 或 $68,全部套餐都包飲品,而且仲免收服務費,非常經濟。另外加 $10 更可以配多一碟淨油菜,加 $15 配牛肉沙嗲,而加 $20 就會有一客炸雞翼。我哋每人點咗一個午餐,分別有招牌肉骨茶 ($68) 同無骨海南雞飯,另外仲配咗兩款小食。肉骨茶可以配白飯、油飯或米粉,本來我哋揀咗油飯。不過店員非常細心,留意到我哋點嘅海南雞飯已經係配油飯,提議我哋不如改配白飯,味道與肉骨茶更夾。肉骨茶色澤深濃,翻熱後,中藥材的香氣徐徐散出。先舀一碗湯茶品嘗,藥材香味恰到好處,濃郁中又帶點甜韻,質地清新輕盈,潤而不燥,與坊間藥材味濃且帶苦澀嘅肉骨茶截然不同,很啱我口味。湯料方面,除了有香腍入味的肉排外,還有盡吸湯汁的豆卜和滋味的金菇等。排骨肉質很鬆軟,蘸上甜豉油,味道相當理想。吃時更可以加入香脆油條粒,特別滋味!至於另一客無骨海南雞飯 ($68) 份量亦絕不欺場,雞飯送上檯時仍熱辣辣,油飯做成金字塔狀,趣味十足,而且聞落仲好香添!跟飯的冬瓜湯,飲落非常清甜, 完全無味精。雞肉很有水準,皮爽肉嫩,留有肉汁,加上雞件已去骨,吃起來啖啖肉,食得好方便。蘸點的三色醬,味道亦唔錯,有黑而濃的豉油、薑蓉和辣椒醬,各具特色。油飯以雞油、南薑和香茅等炮製,上桌時呈金黃色,入口煙韌甘香。 加配的蠔油生菜 (+$10),色澤翠綠,入口爽脆,簡單又好吃。牛肉沙嗲 (+$15)  一客有兩串,牛肉烤至外皮微脆,肉質鮮嫩又不會硬邦邦。沙嗲醬亦很有水準,內裡有不少粗粒花生,可見調配者的用心,入口沙嗲味極濃,香氣十足。餐茶可以揀白咖啡、奶茶、檸茶、檸水,轉凍飲或其他飲品亦不用加錢,非常抵食。 繼續閱讀
(以上食評乃用戶個人意見 , 並不代表OpenRice之觀點。)
今日去大坑探朋友,咁啱撞正紅雨,雖然有帶遮但都半身濕曬🥴喺凍冰冰嘅時候經過一間肉骨茶店,即刻同男朋友入去叫左份熱辣辣嘅肉骨茶同一份無骨海南雞飯招牌肉骨茶:一上菜個時我都嚇親,原來呢到既肉骨茶係連火爐一齊上,侍應仲要幫我地monitor住個火去煮熟啲配菜呢度嘅肉骨茶同我哋平時食開嘅唔同,入面唔係淨係得肉同湯, 仲有好多豆卜,支竹,金菇同冬菇,個人覺得肉骨茶最重要係湯底,蒜香要夠同時藥材味唔可以過濃。試咗啖湯,的確幾唔錯,而且每種材料都配合得唔錯,湯底pass! 第二重要當然係舊肉骨,個人覺得舊骨好似因為太多肉,變相好似有少少嚡口,但佢有啲豬軟骨位都幾出色,唔會有嚡嘅口感,整體都ok,但可以揀啲少啲肉嘅部份去整。但其實都幾多舊肉骨,食極都仲有咁😂不過點咗佢哋比嘅蒜香甜味豉油,啲肉都好好味,送飯唔錯!其他配料方面就中規中矩,好索湯底,但略嫌不足嘅就係油炸鬼,好似唔太脆口。🤔去骨海南雞飯:依個套餐包埋油飯同湯,因為我自己有整過去骨海南雞飯,所以要求都比較高。首先講吓雞先啦,係人都知雞胸位最易起肉,好多時餐廳都比好多雞胸位我哋,但依度都幾平均,唔同部位都有,而且雞浸得咁滑有雞味,三種雞飯基本汁料都做得幾好。基本上雞飯幾出色,但送既雞湯略嫌有少少咸。總結嚟講依間餐廳係一間中價嘅星馬菜館,而整體味道同食物質素都算對得住個價錢。P. S. 臨走先見到原來星期二至五既lunch set價錢原來係咁抵🥺🥺🥺 繼續閱讀
(以上食評乃用戶個人意見 , 並不代表OpenRice之觀點。)