肉骨皇 (已結業)

星期四晚大約6:30入座，人不多。我們2人可以坐4人位，坐下侍應生很有禮地遞上餐牌，又介紹我們download app。我們各自download完，大家都有免費薏米水送，有凍同暖。第一次來，當然選細肉骨茶(1-2人份)和海南雞飯，再加多個白飯。細骨茶好入味，湯也好飲，暖胃，很滋寶!海南雞也滑身，醬汁跟出面的差不多，都是3款，不過這個沒有湯的。最欣賞這兒的背景音樂，是很久以前的浪漫英文歌，像Right Here Waiting, 感覺寧靜!

呢度嘅肉骨茶藥膳味很重，而且有點甜豉油香味。我很喜愛這種口味😋 這款香濃嘅肉骨茶（小$88），放在爐上坐熱，真係暖笠笠。或許藥膳味重及較甜，我嘅另一半就不太喜歡。但我十分鍾意😋咖哩喇沙蝦油麵$70，味道一般十分好味嘅參巴魔鬼魚$288

雖然近年大坑既美食冇以前咁百花齊放, 但仍然有d 舖頭係用心經營叫得做肉骨皇, 緊係要試下招牌肉骨茶啦可能期望有少少過高, 食落去感覺麻麻地, 仲好似有dd 偏咸花甲喇沙, 中規中矩啦🤔整多個炒野, 炒粿條, 都算夠鑊氣

約左好耐無見的朋友食飯, 專登去OP揾有咩特別D的餐廳。咁啱呢幾日凍左, 諗住食個肉骨茶, 見到評語唔錯, 就一於試下。個肉骨茶, 係同之前好多評語一樣, 係甜的, 少少藥材未都無. 可能咁先係某地區的正宗? 我唔識, 但我諗大部份人食肉骨茶唔會諗到係呢隻甜. 怪怪地. 同埋D排骨唔係一字骨, 係好似煲湯骨, 一大舊骨有少少肉夾喺中間果隻, 如果係見客食都幾尷尬。叫左燒豬頸肉, 正常不過不失, 係乾少少但可以接受。叫左個炒貴刁, 食落係惹味, 好快就知點解....食完之後好口渴, 要去便利店即刻買支大水飲。服務方面, 位女士比你的感覺係親切的, 但實質服務有待改善。我地幾個D水飲到清晒, 都無加水。仲有音樂時大時細, 大聲果陣係會我地聽唔到對方講野, 朋友覺得佢想趕客走, 我希望唔係啦。綜觀以上各項，一定唔會再唻啦。其實喺果個位置, D客真係專登走唻食架, 希望佢地用心可以改善下。 

上星期五老婆話係大坑有間食肉骨茶既餐廳想試下，所以兩支公星期五晚特意去試試。門口招牌寫肉骨皇，心想稱得皇應該有番咁啲料。入去餐廳感覺都唔錯，大概有五六枱客，我哋揀咗一張靠牆的枱坐低，傍邊有兩位女士已經差唔多食完。坐低就叫咗招牌肉骨茶煲，海南雞拌海蜇，馬拉盞，咸檸七。咸檸七到，咦！點解係普通黃色檸檬？女侍應（好似係老闆娘）話自家製檸檬！下，咁都得！唔係青寧唩！之後肉骨茶到，咦！？個湯好甜，啲骨係湯骨唔係一字骨，肉好乾，好似茶餐廳煲完湯啲例湯湯骨，一人大概兩件；咦！點醬油唔係點豉油，感覺好奇怪。海南雞都到，無咩特別，好普通既白切鷄，點啲普通甜酸醬，啲海蜇好似麵咁一條過，一注就夾起曬。馬拉盞還可以但無乜鍋氣。賣單3百幾，好似6、7成飽。出門口，再看見個牌寫肉骨皇，真係唔知點解連自己招牌肉骨茶都咁差，點稱皇。125LIKES 係唔係假架？？？

今次黎大坑食嘢同幾年前黎已經好唔同今次試咗間地道嘅肉骨茶今日晏晝黎依度有午餐食我叫左個肉骨茶午餐肉骨茶原個煲仔上加上有個火煲住食嗰時零舍好味侍應話唔同季節肉骨茶啲料都會有d唔同個肉骨茶有藥材味不過唔係好重口味平時唔食藥材都接受到肉嘅份量啱啱好同埋唔會炆到啲肉好乾真真依度仲可以配埋個油飯個油飯唔係好油又夠香值得一讚最後試埋佢話出名嘅蝦餅同魚餅蝦餅同出面啲比係好食少少同彈牙啲下次來會等的天氣凍啲先食應該會更加好滋味。

因為黎開呢度附近嘅精品小店，就順便喺呢度食埋lunch。見到呢度有呢一間特色嘅星馬餐廳，就試一試。一入到餐廳，坐位寬敞，呢度嘅食物選擇有好多，店員服務非常之好，招呼周到，逐一介紹餐牌上面嘅美食。呢度仲有午餐提供，午市時間都見到好多人光顧，接著都有人入來。因為想食啲濕嘅嘢，所以叫咗馬來蝦湯海鮮油麵溝米粉。店員好好，本身應該只係油麵或者米粉揀其中一樣，但我要求兩溝，佢都話可以，非常之好。講返個湯麵，超級足料，海鮮新鮮，蝦同埋青口魷魚樣樣都大大隻。個湯底係最欣賞！好濃味！飲落完全無味精。另外仲叫咗檳城蝦餅，爽口彈牙亦都好香脆。外層亦都好薄。值得一試。下次來試埋呢度出名的肉骨茶

知道有間專食肉骨茶既就已經第一時間去食馬拉盞炒椰菜苗椰菜苗冇椰菜咁梗，又冇生菜咁淋，好新鮮菜都洗很快乾淨，冇沙算係一個新鮮既配搭花甲咖哩喇沙米線望落雖然好紅紅油，但一啲都唔辣好足料，有好多隻花甲，應該有十幾隻好鮮甜，冇沙，又大隻米線份量正常，軟硬度適中索哂啲湯一齊食，好好味大馬橋底豬手同徳國豬手有啲似，呢款係醃好煮好後再炸所以做到皮脆肉嫩個皮脆到不得了，而肉質超嫩滑，好入味一上菜已經係起哂肉，呢點要讚因為平時啲豬手都好難起肉肉骨茶重點黎喇有個鍋煲住黎飲，好貼心好多料，豬肉嫩滑有另外既醬用黎配豬肉食個湯好濃郁，唔係味精既咸石榴梳打係用新鮮石榴整，無添加👍🏻👍🏻

作為一個濃味怪，如何能夠抗拒肉骨茶呢! 我覺得呢個係偏向新加坡口味的，味道偏甜，胡椒味道吾係太濃，但藥材味道非常濃，好補身!食完濃味食物，我就點左個清爽D的沙拉! 柚子沙拉~我相信老闆娘將大半個柚子都撈左落去個沙拉!好甜好好味!!海南雞飯同樣係呢度必食的!海南雞的醬非常地到，油飯姜味比較濃，味道真係令人停吾到! 減肥真係吾好來，會出事! 小食方面我叫左炸蝦餅以及燒豬頸肉! 炸物並非我係好，但味道不差，但燒豬頸肉我覺得隻豬瘦左D，燒完又D乾，要點汁食!呢間長期要排隊的大坑小店，因為我星期日下午12:00去，所以人不多，終於可以比我食餐好! Yeah!

成日都聽人介紹話大坑有好多隱世美味餐廳，因為地理位點比較偏僻，較遠離地鐵站，但去過之後先發現原來喺天后地鐵站行過去都只係兩三個字路程，為咗食到好味肉骨茶，就花咗啲行過去兩個人可以叫一鍋細既肉⻣茶，落咗單之後見到佢真係喺後面水吧前面有張檯有啲爐係到煲緊，傳黎一陣陣香味，流晒口水。一煮好拎上黎好熱，試咗一啖湯，加上少少藥膳既材料味，十分清甜開胃，豆卜仲索曬湯汁既味道，肉排好淋好入味花甲咖哩喇沙，底係油麵同新竹米粉兩溝，花甲大隻清甜，仲有流心蛋同魚片星洲炒粿條，幼身爽滑，醬汁好惹味。

上網見到有人話大坑有間星馬餐廳好好食，今日終於有機會去食熱情既老闆娘介紹我地飲呢杯石榴梳打，果然不負所望，味道新鮮，甜度適中先黎既係馬拉盞炒椰菜，餐廳所用既唔係一般既椰菜，而係椰菜苗，所以口感十分鮮嫩，加上餐廳特別既馬拉盞，口感味道係第二度食唔到！話明肉骨皇又點可以唔食肉骨茶，呢度既肉骨茶飲落有回甘既味道，加上配料十足，值得一試食星馬食物點可以唔叫啦唦，我地點左一客花甲啦啦，啦沙味道十分夠，不太辣，花甲鮮甜，值得推介最後呢隻大馬橋底豬手就一定係重點推介，外脆內軟既口感，加上味美既味道，無得彈

很久沒有吃過星馬菜了，在朋友介紹下來一嚐《肉骨皇》肉骨茶以砂鍋呈上，有睇頭亦能保持温度。靜待數分鐘後便可把煲蓋移除，看到肉骨茶滾下滾下的。先喝一小口，味道有點甘甜，比我想像中的藥材味少！（本人是很怕吃中藥的）湯料超多的，肉即使附著骨也不會很少，還伴有金菇、腐竹、豆卜等多種配料～蝦餅是餐廳手攪的，足足有五塊之多，每塊的蝦肉厚實，非常彈牙～咖喱辣度適中，不甜也不會印度咖喱般很重口味。牛腩炆得超軟熟，再加入茄子、豆角、薯仔等，份量剛好，不會太滯～酥餅用以醮咖喱一流，但如有更多就更好了～飲品是石榴梳打和青檸梳打～另提，這裡的服務很好，老闆娘為免我們坐得太迫而特地安排我們轉座位，而且不時會走過來為我們介紹食物，非常貼心～

大坑不知由什麼時候開始，成為左美食群集的寶地眾多具有特色的餐廳、中西日韓意法......林林種種，總有未試過既今日經過想食星馬菜，就到了這間「肉骨皇」Weekday 既六點幾入座仲未有好多人，到食完時已經坐無虛席菜單係單叫既~冇SET 叫黎到肉骨皇當然要叫一客肉骨茶！因為只係同友人兩人食, 所以我地叫細既黎到時已經有非常香藥材味加熱後更香濃入面既肉煮得好入味，軟骨既口感脆脆地跟肉骨茶配左炸兩, 蒜蓉和甜醬可以點來食但我比較喜歡原味炸兩吸哂肉骨茶既汁, 正～喝了一碗即刻成個身暖晒之後仲叫左獅蚶喇沙和羊咖哩, 獅蚶數量好多喇沙有多種選擇，可以配海鮮、雞、豬、札肉等等...竟然有獅蚶！獅蚶係一種貝類食材~肉質厚而且鮮甜個肉身比較厚所以會有種食蠔既腥店員都提示左我地獅蚶會有少少腥, 非常貼心~粉方面我想食油麵但朋友想食米粉，可以叫兩溝😂溝埋一齊食幾有口感咖哩係偏新加坡的煮法，椰香重，香而不辣羊肉份量多，羊味足而唔係羶味用酥油餅點黎食非常夾埋單一人百幾蚊～ 抵食

素來大坑出名多美食，休休閒閒來到大坑，在星期五的晚上，很多食肆也未有坐滿，但經過看見這家大燈箱寫著「肉骨茶」的店舖，竟然坐滿了人，便毫不猶豫地選擇了這家餐廳。打開餐牌，食物款式不少，但聞著隔離桌子飄過來的肉骨茶湯，很難令人不選擇它。等了不久，飲品先上，石榴梳打是很漂亮的顏色。石榴味很重，但絕對不是死甜，感覺是很新鮮的石榴混合梳打水的味道。然後，熱滾滾的馬拉盞炒菜心也到了。吃到有點像蝦膏蠔油的味道，跟外面餐廳的馬拉盞炒菜有點不同，醬料是教杰身的，但這樣卻更能使每條菜也能掛汁。香噴噴的肉骨茶鴨腿湯飯也到了。鴨腿大大隻，肉質鮮嫩，完全吸收了肉骨茶的味道，湯底比較鮮甜，有濃香的藥材味，混合米飯一起進食，更加好味。這家店的蝦餅也十分出色，是新鮮炸的，咬下去外面脆而內裏則保持彈性。蝦餅內的蝦肉是新鮮的，因為保持了一定的彈性，配上醬料一起吃，愈吃愈想吃進食期間，看見陸陸續續也有不少熟客/街坊光顧，相信也是因為好品質，才能把客人留住吧順帶一提，餐廳的員工也十分友善和諧，令客人感覺舒適。門外的大燈箱很易認

As a big fan of Singapore food, I will try to research where are those restaurants in Hong Kong. Today i decided to bring my wife to one of those restaurants that sell Singapore and Malaysia food. Both of us preferred South East Asia food as they food carry more spice in it. Bak Kut King was located at Tai Hang, around 10 to 15 minutes walk from MTR. Their menu offered most of Singapore and Malaysia signature dishes, such as Bak Kut Teh, chicken rice and laksa etc. They offered snacks and bevera