肉骨皇 (已結業)

因為黎開呢度附近嘅精品小店，就順便喺呢度食埋lunch。見到呢度有呢一間特色嘅星馬餐廳，就試一試。一入到餐廳，坐位寬敞，呢度嘅食物選擇有好多，店員服務非常之好，招呼周到，逐一介紹餐牌上面嘅美食。呢度仲有午餐提供，午市時間都見到好多人光顧，接著都有人入來。因為想食啲濕嘅嘢，所以叫咗馬來蝦湯海鮮油麵溝米粉。店員好好，本身應該只係油麵或者米粉揀其中一樣，但我要求兩溝，佢都話可以，非常之好。講返個湯麵，超級足料，海鮮新鮮，蝦同埋青口魷魚樣樣都大大隻。個湯底係最欣賞！好濃味！飲落完全無味精。另外仲叫咗檳城蝦餅，爽口彈牙亦都好香脆。外層亦都好薄。值得一試。下次來試埋呢度出名的肉骨茶