肉骨皇 (已結業)

一直以來大坑都是卧虎藏龍的地方，有很多出色隱世美食🥢。一般為人所知的都是日本菜🍣，西餐🍽，拉麵店🍜等，今次決定去試試有別這些的-星馬菜💞！餐廳位置一般，在大坑最入街尾的位置！店不大，但勝在簡潔，用上綠色燈飾💡！但當天是假日所以座位編得密密麻麻，有點迫的感覺😅！因為天氣太熱☀️，沒有點招牌肉骨茶，只點了飯、麵以及油酥餅！⭐️馬來椰漿飯 - 椰漿飯🍚的椰漿味不算太濃，剛剛好，帶著清新的椰香味！飯粒煮得剛剛好不太硬亦不太軟。 配菜有花生🥜，小魚仔參巴香辣🌶醬汁，及一隻偏鹹的雞蛋🥚！還有兩隻南乳炸雞翼🍗，炸得不錯外脆內軟！⭐️海南雞喇沙- 我們叫了滲滲🍜（油麵米粉兩溝的意思），能增加了整碗喇沙的口感，又能索上喇沙湯味！餸菜除了海南雞件🐔之外還有腐竹和冬菇🍄， 湯底味道亦足夠，但略嫌欠缺一些用蝦殼熬出的鮮味，有待改進！⭐️肉鬆油酥餅 - 肉鬆油蔥餅🍘的確是一個新的嘗試！這裏的油鬆餅搓得很好，鬆化之餘酥味亦足夠！中間還加了甜甜的肉鬆，口味更佳！就算不用來沾咖哩吃，味道也已經很好了😋！⁉️味道不俗，是來大坑覓食的另類選擇！但可能是假日太多人的關係，服務欠俸，情有可原！

又到Happy Sunday今日帶男友來肉骨皇試下呢度嘅肉骨茶，今日一定要慢慢食，慢慢嘆吓！亞羅螄蚶$68~螄蚶不算大隻，但都肥美飽滿，幾鮮甜肉骨茶(細)$98~ 以瓦煲用爐熱住上枱，可以keep住溫度 ， 一揭開煲蓋就聞到好濃烈的藥材香味， 真是令人垂涎欲滴肉骨茶配料非常豐富，有冬菇絲，豆卜，腐皮和排骨 ，排骨的肉質很腍很鬆軟 ，亦很入味！ 肉骨茶有好重的藥材味，隱約飲到當歸的甜味 ，好滋補！馬來椰漿飯$88~呢個椰漿飯第一次吃，覺得幾特別！配料有炸過的丁魚仔，炸雞翼， 烚蛋和炸花生。丁魚仔加上参巴醬( 即星馬一帶的辣椒醬), 辣中帶甜味，好惹味！雞翼也炸得非常脆口，加上帶椰漿的白飯，混合脆花生和烚蛋竟然出奇地配合！石榴梳打$28/ 酸梅青檸梳打$28~飲埋杯酸酸甜甜，冰冰凉凉的凍飲，真係成個人爽哂

行完街就嚟到大坑揾野食，揀左呢間食星馬菜嘅肉骨皇！ 餐廳係大坑入小小，直路就會見到☺️☺️.首先叫左個海南雞飯($98)🐤🐤 都幾靚仔，亦會跟碗湯嘅。油飲偏干身，但都食到油香。而雞件就幾肥美，肉質係嫩滑的😛😛.另外，都叫左個咖哩大蝦($188)🦐🦐🦐 咖哩係偏辣的，食落比較多香料，特別食到d花生芝麻香。入面仲有d豆同薯仔，煮得相當入味👅 蝦就真心幾大只，d肉基本上一禁就出到嚟，係新鮮蝦！蝦肉亦彈牙嘅💕💕.加多左個酥餅($48)❤️ 係非常香口的，沾上咖哩汁食味道更好，嚟到必須點一份😋😋#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西#香港美食

每周返工都忙忙碌碌。今日好難得與阿妹一齊放假。一覺訓醒已一點，懶得自己買菜煮飯仔，因為這樣一黎指不定幾時先食得上飯，就一至決定落大坑穩野食。這段時間天氣一直反覆無常，就唸住飲反d湯，補下身。一見到鋪名就知，嗯，係我地想要既。以前只知有馬來西亞，新加坡肉骨茶。原來肉骨茶早前係由福建人創造並推廣開。哈哈。午市menu都有好多選擇，因為附近多學校，都會做反d學生優惠噶，真係好抵食。兩個人，一人一碗肉骨茶，睇落雖然整碗中藥咁，但依然可以飲出有肉香味，並且回甘。大大個份量十足既雞中翼，炸至金黃，並且不顯油膩。而且炸得唔會太干，脆皮下仲包裹住d肉汁，一個都覺唔夠食。沙爹牛肉，阿妹特別喜歡，牛肉嫩滑入味。若不是已是滿臺既食物，我地都會再order多一份。麥片炒飯，我都係第一次食，印象却意外既好。材料豐富，而且五顏六色非常吸引食慾。面頭仲加左黑芝麻同麥片，十分香口且健康。大讚👍我真係去到邊都要食雞🐔。哈哈😄，雞略斬得太過大件，但都無礙佢既品質。熟都岩岩好既雞並不覺得鞋，滑得黎有雞味，搭配上油飯真係一流。

不得不大讚呢一間餐廳，因為佢啲嘢食真係好好味。話說我媽咪想食新加坡菜，特別係肉骨茶，所以我就搵左呢一間餐廳啦。我哋兩個人先叫咗個馬來椰漿飯。媽咪一路食一路話好味，個雞翼炸得好脆，個椰漿飯好夠味，配上巴東牛肉同埋花生，真係好惹味。我哋亦都叫咗個肉骨茶（兩人份量），個肉骨茶好有藥材味，鹹淡適中，真係食過返尋味！最後我哋仲叫咗個海鮮喇沙，佢兩隻麵溝埋：米粉同埋油麵，食落口感好豐富，啲海鮮夠新鮮，個湯底非常好味。明明我哋兩個都食到好飽，但係都係想繼續食。減緊肥嘅朋友就要小心啦！哈哈！

琴晚去左試新野，總共食左三個餸。首先係個蛋餅（臭豆參巴煎蛋餅），唔好以為佢係臭😂食落個蛋味幾出，佢加左啲洋蔥 即刻口感大增，另外有少少微辣 令佢更野味。唯一不足係我覺得多油左小小，不過同行友人話可以接受。第二樣係一個出面好小會見到既燕麥蝦（馬來麥皮蝦），整隻蝦被麥皮黏住，一入口味道係甜既，出乎意料之外。不過佢啲麥皮唔脆，搞到口感有啲怪。呢個蝦夠創新，但有待改善。最後係個飯（菠蘿蝦球炒飯），呢個飯正呀，廚房鑊氣一定夠 因為炒到粒粒分明 個飯又夠曬熱，味道岩岩好 唔會過酸或者鹹。不過整碟來計，蝦球比例好似少咗啲。整體來講，值得去試吓 地方乾淨 位置方便，野食特別👍🏻

提起馬拉菜，大家一定會諗起肉骨茶，見呢間食店叫得「肉骨皇」，一定對自己的肉骨茶好有信心，周六行完附近連鎖傢私店，順道入一入大坑試一試！位置係喺大坑最多野食嘅一條街嘅街尾，尚算方便。星期六嘅brunch 時間，唔算多人，唔使等位，不過坐到走時已經full 晒。柚子蝦沙律($88)夏天熱騰騰，食飯一定要有一味開胃菜醒醒神，唔係嘢食幾好味都會好似冇咩胃口咁，加上我地今餐做左食肉獸，叫呢款柚子蝦沙律就啱晒，鮮甜嘅柚子加上甜酸醬，配埋蘿蔔絲同生菜，十分醒胃，而且蝦肉新鮮，都有4，5隻。細肉骨茶($98)食完醒胃菜，就到餐廳主打的肉骨茶。成煲上再在餐枱上煲滾，務求將最新鮮滾熱辣的肉骨茶帶畀食客。用料方面相當充足，大大煲又啖啖肉，肉骨煲到相當軟腍，仲有豆卜、金菇、冬菇等配料，不過最重要係個肉骨茶湯，口味不會很重中藥味，飲落十份舒服，應該有就返香港人口味。難怪見到不少人再叫個湯嚟送飯食！ 咖啡骨($98)睇餐牌見到呢味覺得新奇，於是在好奇心驅使下就點了。食第一啖就覺驚喜，原來咖啡加肉骨都相當夾！外皮脆香，再沾上咖啡味嘅醬，成道菜都幾香口，感覺新奇有趣。青檸蘇打($31)青檸蘇打嚟講其實冇咩特別，不過餐

假期百無聊賴同男朋友係銅鑼灣行街，行行下行咗去大坑 順便睇下有咩嘢食醫下肚！ 咁啱見到呢間肉骨王，啱啱去完馬來西亞又忍唔住要去食下！麵包咖哩雞去過馬來西亞一定食過呢個菜式 大大個嘅麵包包住咖哩雞去烤， 鬆軟嘅麵包蘸熱辣辣又惹味嘅咖哩雞去食， 味道好夾又惹味😋馬拉盞炒蘿蔔糕馬拉盞帶點微辣，蘿蔔糕炒得不濕不油，蝦甘、蟹甜口感綿密不絕，滋味濃郁比港式XO醬仲好食， 味道非常正宗， 連平時唔係好食蘿蔔糕嘅男友都忍唔住一口接一口！

大坑多好野食就出曬名，依間肉骨皇其實前幾年已經見到，不過都未試過，今日收得夜，又唔想自己煮，所以就走左入去食。入到去，就見到餐廳已經坐滿，可想而知依間餐廳出品都唔會話太差。 首先依加係一間主打新加坡菜的餐廳，我見到絕大部分人都有叫肉骨茶。 不過我因爲自己一個怕食唔曬，所以就只係叫左個臭豆抄蝦仁，麥皮蝦同菠蘿蝦球炒飯。首先臭豆炒蝦仁，初初以為個臭豆會有怪味，點知食落去又無喎。 個口感幾爽脆，配埋蝦球同個酸辣汁好開胃，用嚟餸飯一流！之後係個麥皮蝦，非常香口，不過略嫌吃起來有點乾，但整體上都好食的。到最後係菠蘿炒飯，菠蘿的香甜再配上肉鬆，非常美味。

今日同屋企人嚟到銅鑼灣搵食，試咗呢間肉骨王，d野都好好食，我哋叫咗幾樣餸，一樣就係必點嘅肉骨茶，一樣就係印尼香炸雞翼，另外仲叫左個馬來椰漿飯，兩杯野飲。餐前小吃，都可以用嚟伴肉骨茶食用。印尼香炸雞翼，雞翼炸得好香好惹味。肉骨茶，味道濃厚，很香藥材味，好正宗，但又不會苦，反而覺得好好味。肉骨茶係擺係旁邊滾熱左先上菜的。馬來椰漿飯，配料豐富，有炸雞翼，雞蛋，小魚仔，小魚仔好好味，酸酸甜甜的，好開胃，用嚟配飯真係一流！石榴梳打冰，味道好特別，要記得搞暈左先好飲！桔仔酸梅，酸酸甜甜的，粒梅好好食，肉骨茶係濃味的，食完飲呢個就剛剛好平衡返，好清新！餐廳野食野飲既選擇好多，總結呢間野都好好食，如果中意食星馬野既可以嚟試下！

這間肉骨皇店子小小，座位不多，勝在裝修簡單乾淨。食物款式多，主打星馬菜式。油酥餅食得多，但中間夾著咸咸的肉鬆就是第一次，比普通的油酥餅多了一份口感及層次，整得不油膩，這個是不需配咖哩都同樣好食的。星洲炒粿條，粿條又即是貴刁，看似河粉，但比河粉Q彈，簡單地配上雞蛋，蝦，魷魚來炒，色澤比較淡一點，味道似星洲炒米，有微微的咖哩味，炒得不油不膩。另外點了馬來西亞出名的椰漿飯，看似簡單的配撘，只配上雞翼，花生，雞蛋及微辣的參巴醬，但撈勻一起食是不錯的味道。椰漿飯是將熱米飯與椰漿一起蒸煮的，所以米飯擁有濃濃的椰香味，很地道的感覺。天氣熱，飲杯凍薏米水最適合。

今日同男友都係銅鑼灣收工一齊食飯，想食d特色平時少食既，咁男友渣車周圍兜兜見到大坑有間肉骨皇食星馬菜，見到肉骨兩字就聯想到肉骨茶，有點懷念，之前去新加坡旅行喝過的，所以就決定食呢間！桌面上都會有張肉骨茶的由來，本身想食肉骨茶的，但男友說他不太好，自己一個怕飲唔哂就無叫到，下次要同中意食肉骨茶既朋友黎先🌟馬拉盞炒蘿蔔糕($68)平時馬拉盞都係炒通菜，見到呢到係炒蘿蔔糕又幾特別，味道幾惹味帶咸香，蘿蔔糕唔會好粉的質感，配上椰菜絲中和蘿蔔糕的膩。🌟麵包咖哩牛($128)咁大個麵包裝著咖哩汁非常吸睛，就連隔離桌既食客都問是什麼，麵包外皮非常脆，一打開好香一陣咖哩味撲鼻，肉類除左可以選牛外，還有雞、豬肉選擇，總有一款適合您，麵包外脆內軟，沾上咖哩汁更好食，咖哩慢慢愈食愈辣，入面不止只有牛肉，仲帶好多豆、菇、茄子等，好豐富！🌟咖啡骨($98)入口第一下好像食緊糖醋骨，又係甜甜地，再仔細咀嚼有淡淡咖啡滲出，肉質都唔會好韌，很好送飯的一道菜👍🏻食飯過程中聽說這裡的咸豬手每日都限量制作，想食要預先訂定，連隔離座的常客都說次次想食都食唔到，看來很吸引，下次一於再來試試咸豬手先

之前見報導 話正宗既喇沙係有螄奄而肉骨皇呢間正正係推介之一於是 今日lunch 就order 左個海鮮喇沙同一個海南雞飯見都$98一個飯 當然有expectation而員工話冇晒油飯 只有白飯油飯係海南雞飯個靈魂咁已經唔應該收原本飯個正價啦都算 咁真冇都冇法但到菜時 個白飯濕到一舊糕咁用筷子敲打會有彈性而雞又好似冇落鹽咁 零味到海鮮喇沙 $98所有海鮮 冇味 話食梗膠我都信而且冇螄奄 咁點解要黎食未食過咁難食既野絕對冇下次

作為香港的隱秘美食天堂，大坑一直都享負盛名，由拉麵到西餐，由fine dining 到中菜等等，最近又新增了一員：肉骨皇店子位置不佳，在大坑最入的位置，但星期五晚上九點也是全場爆滿，外賣/速遞單來個不停，我們點了幾個菜，實在意想不到的很飽肚。食物：咖哩大頭蝦$188南洋風的咖哩與別不同，內涵也是不一樣。第一大賣點是兩隻可比臂長的大頭蝦，外型非常搶眼，先行油炸蝦頭的膏鎖住，膏多而且脆口，蝦肉浸在咖哩汁中非常惹味，肉量也多。咖哩汁不算太油，裡面有幾顆薯仔（很粉很好吃，而且有預先烤過，所以依舊保持原型），茄子（這個是超軟稔入味，意外地夾！豆角也是意外地掛汁，不過就沒有茄子掛得精彩。檳城炒貴刁$88馬拉的國民級美食，跟干炒牛河很像，但他們用上黑醬油 蠔油等同炒，上色更濃味道更香，而且貴刁幼身，口感更細緻。材料用上臘腸，大蝦，雞蛋，豆芽，油香重，而且肉都是本身不重味的，所以跟醬料有很強化學作用，很好吃。馬拉盞炒椰菜苗$78相比之下有點失色的椰菜苗，同樣惹味但很多纖維，跟普通椰菜苗比有點老，而且炒得不夠乾身，可以更佳喔！服務也是合理，不過不失，畢竟這週五晚實在太忙，也不好意思打搞他們太多。

大坑出名多野食就係人都知！但無諗過呢度都食到咁地道的馬拉菜！天后地鐵站行10分鐘就到！店鋪不大，但相隔幾間鋪位已經傳來陣陣中藥材香味！來到一定要點肉骨茶！店員先用爐火把肉骨茶滾熱！一打開蓋 係超級香！好有藥材味！有好多豬軟骨，感覺上非常補身，同幾年前去馬來西亞食的味道差無幾！有專門點肉骨茶的醬汁！麥皮蝦蝦炸得香口，加埋麥皮，健康得來口感又特別！海南雞飯份量好足！可能知我大食，一個金字塔形的油飯，雞肉都嫩滑！