肉骨皇 (已結業)

近日天氣清涼,係大坑行下行下發現係一堆屋苑當中有一間香港少有既新加坡菜,所以決定入去試下. 其實本身對喇沙興趣不大,因為唔太食得辣,但係見到餐牌個海鮮喇沙係廚師推介咁有信心都忍唔住叫黎,諗住淺嚐一下,除左海鮮足料之外,佢仲可以簡粗幼麵兩溝,食落後就會多一種立體既口感,而且辣味唔太勁,幾適合我呢類平時少食辣,但又想試下異國風情既人。另外就叫左個咖啡骨,一上菜果陣已經聞到好大陣好香既咖啡味,令人食指大動,而且d肉骨夠曬肥美,唔會條條都瘦肉,所以食落去充滿油香,好開胃。最後配左個油飯同埋懷舊既美祿恐龍,整體上黎講過左一個好愜意既晚上,係疫情底下黎呢度食野亦當自己去左陣新加坡咁

依幾日同朋友食咗依間星馬菜，好想同大家分享下😛本身我自己都好少食星馬嘢，但見朋友好想食，所以就陪佢食喇😂😂一坐低就叫咗啲嘢食，叫咗個咖喱羊，鮮蝦喇沙再加多個油酥餅😍嗰咖喱羊（$108）就同油酥餅（$48）一齊嚟嘅，正👍🏻見到其實嗰咖喱都幾多羊肉同埋我覺得啲羊味同嗰咖喱都幾夾，平時麻麻地食羊肉嘅我，都覺得幾好食👍🏻。除此之外，其實嗰油酥餅都有跟一個醬汁嘅，味道幾特別👍🏻。跟住鮮蝦喇沙（$108）都到埋喇，嗰湯底好正，少少辣，啱哂啲唔太食得辣嘅人。而且佢啲蝦都幾有鮮味，同埋都好足料大份👍🏻。個人嚟講覺得幾抵食👍🏻👍🏻。下次嚟嘅話應該會試下佢地嘅肉骨茶，因為望到其他人食佢地嘅肉骨茶覺得有啲吸引😍。

今日喺銅鑼灣行街，為咗避開人潮特登嚟到天后食嘢，天后都有好多唔錯嘅餐廳㗎☺️我地揀左肉骨皇，叫左以下食物：肉骨茶(細)$118煲得好入味，夠曬香濃美味。佢啲肉幾腍，仲有好多配菜，除咗冬菇、金針菇，我勁鍾意食佢個杞子，好甜。佢提供左個爐，保持個湯嘅溫度，成餐都可以飲到暖笠笠嘅湯，好貼心！😘扎肉喇沙 (摻摻，即兩溝) $88 個湯好濃郁，椰味重，唔會過鹹，有好多片扎肉，d麵質都幾好，掛到汁☺️我覺得啲嘢食都幾好，份量足，食完好飽，價錢正常。呢度地方都幾闊落，食得安心。

跟天后或銅鑼灣相比，大坑亦開滿酒吧及各類型的食肆，寧靜多了，很大差別，所以挺喜歡這兒的環境。今次跟朋友來這邊吃這家開業已很久的星馬菜。檳城蝦餅一共四塊炸蝦塊，新鮮即炸，炸得香脆金黃。雖然蝦餅較薄塊，但入面蝦肉依然保持彈牙口感。檳城炒貴刁正宗的炒貴刁，即叫即炒，一奉上枱，香氣撲鼻，很有鑊氣，份量大碟。這個味道及色澤讓我想起乾炒牛河，不過材料跟麵條不同。佐料加入洋蔥、豆芽、蔥、蝦仁、雞蛋及臘腸，以黑醬油等著色及調味。麵條彈牙，比乾炒牛河的河粉細條、幼身，炒得微微焦香且乾爽。

大坑是一個寧靜的社區，也有不少隱世的餐廳，忽然興起想吃星馬菜，在地圖一搜就發現了這家風評不俗的星馬菜餐廳，一於一試究竟！肉骨茶($118) Klang Bak Kut Teh (HKD118) 餐廳名叫肉骨皇，當然要吃肉骨茶吧！肉骨茶即叫即煲，原煲送到再用高温加熱，各種配料和豬骨在煲肉高温烹煮，立即傳來陣陣幽香。先試一口湯底，味道較淡，不愛濃味的人會喜歡，再吃一口豬骨，豬肉不會太肥，瘦肉吸收了湯底的味道，每口都傳來啖啖的微香；份量一般，兩人還夠每人一碗湯。咖喱牛 ($108) Beef Curry (HKD108) + 油酥餅 ($48) Plain Roti Canal (HKD48) 相比肉骨茶，我更喜歡這道咖喱，味道香濃，帶有辣味，不至太辣，牛肉煮得夠腍，而且鬆化入味，份量是足夠的，另外點了油酥餅，但白飯配咖喱更好！。以上的食物質素不俗，大坑這個社區在夜晚更見寧靜，除了食物外，也多一份舒適，難怪在Openrice上有不錯的評價！

餐廳：肉骨皇 (大坑)地址：大坑浣紗街45號浣紗花園地下1號舖大坑係港島區一個比較少人知嘅地方，係中央圖書館沿住大坑道行入去就係，果到有唔少特色餐廳🍴，今次就去左一間食星馬菜嘅老字號餐廳——肉骨皇🇸🇬 🇲🇾，係浣紗花園見到百佳隔離就係餐廳以食物圖案牆紙加上木製枱櫃同櫈做配搭🪑，有古老傳統嘅氣息，難得專登黎到大坑幫襯緊係唔可以錯過佢地嘅皇牌肉骨茶啦一個人食嘅關係只係叫左個細碗嘅肉骨茶湯($38)，廢事食唔哂曬野🙈，肉骨茶一聞就知足料，藥材同肉香一陣陣咁飄過😍，而且味道取得中庸之道，唔會太苦、太濃、太鹹，同時又突出到其香同特色👍🏼，名不虛傳對於上次係其他餐廳食左個有骨嘅無骨海南雞飯🐔，今次決定係到滿足我想食正宗無骨海南雞飯嘅慾望🤤，雖然個無骨海南雞飯要$118，但係呢個價錢絕對超值，海南雞真係無骨，係連雞翼都拆埋骨👍🏼！雞肉好香好鮮嫩唔會食到痴牙，油飯亦好有心思砌成金字塔形，仲有一碗附送嘅雞湯，好滿足呀

大坑出名多好野食而肉骨皇屹立左係大坑好耐以前係天后工作時 都會經常去前幾日去左附近工作, 又諗起呢到所以專登行上黎食個Lunch入座後，店員好體諒拎左消毒物品比我消毒Set lunch 好多選擇加小小錢仲可食到唔同小食我就叫左個大蝦柚子沙律同海南雞飯大蝦柚子沙律內有大量椰菜絲以及蘿蔔絲配上酸甜醬 好開胃入邊仲有一粒粒花生 令到整個口感更豐富而蝦粒粒都好大粒好爽口彈牙海南雞飯一黎到就比個金字塔型既飯吸引住本身係跟油飯, 但我轉了白飯我order的時侯已經是最後一份見到雞件既部位原本都覺得會好"鞋"但食落口係滑的, 而好香雞既味道. 而店員亦好有禮貌值得encore

好耐冇食星馬菜😋係屋企太耐有啲掛住正宗嘅喇沙，所以就搵左間睇落唔錯嘅肉骨王。朋友一見到餐牌上嘅油酥餅即刻吸引到所以我地都叫左個原味油酥餅($48)試試佢☺️估唔到個醬汁都幾特別，鍾意澱粉質嘅朋友一定唔可以錯過。喇沙就揀左鮮蝦喇沙($108)，湯底都好入味正宗，辣辣地又唔泰勒可以接受到嘅感覺衝擊味蕾，好爽，加埋蝦嘅鮮味，唔錯，而且都幾足料大份。餐廳入面都幾寛躺，坐得幾舒服，想食星馬菜嘅朋友可以試吓。

疫情期間很多餐廳都需要支持，所以去了大坑支持一下小店！ 漫無目的地 有入了大坑！ 去了大坑盡頭再次見到一間名叫肉骨皇， 裝修改變了！ 再一次幫襯！叫咗一份檳城蝦餅，Q彈得黎又鮮味的蝦餅煎到兩面金黃脆口，再搭配甜辣醬一起吃，更加惹味帶點香辣！又不會過油膩，水準幾好！讓人完全無法抗拒啊！印尼炒飯，份量都幾足夠又多！表面有一隻煎蛋，一串串燒！燒得幾香口，配料魚片，魷魚！ 飯炒到金黃， 好有鑊氣！正呀！防疫做得好足夠，有提供酒精搓手液！幾貼心呢

是日下午有約去銅鑼灣 , 夜晚友人介紹同行去大坑食馬來野大坑以前聞所未聞 , 唔講仲以為係大灣區d friend子 , 點知原來就係銅鑼灣隔離由維園行過去差不多10mins , 附近多為住宅較靜 , 所以一列都是餐廳 , 日泰港美韓越印乜都齊咁擠甫一入店發現店面不算太大 , 約莫坐滿約35人左右 , 裝潢簡潔樸實 , 坐位間距適中 , 打開menu後點了均是招牌菜的肉骨茶及椰漿飯 , 再加一個喇沙摻摻肉骨茶藥味較肉味重, 尚算濃, 可能點了最平的所以沒有湯渣及肉喇沙摻摻裡有放扎肉,豆卜,及少量冬菇 ,扎肉都有10塊左右, 成碗份量還可, 湯底濃厚, 不算太辣, 可以再辣d更佳馬來椰漿飯配有2隻酥炸雞中翼,花生,及好咸既配料唔知咩黎, 飯量一般,椰漿飯夾雜咸甜及椰漿香, 以少食馬來野的我黎講都算新鮮埋單包加一$270 , 價錢有改善空間

今次少有地轉戰港島區食肉骨皇 , 故名思意肉骨皇食肉馬來西亞,新加坡野撚手小菜肉骨茶當然少不了之前都有在馬來西亞食過椰漿飯,喇沙,試過肉骨茶等 , 相當不錯 , 所以當然有期望餐廳約有40個座位 , 面積不算很大 , 近似中式餐館路線坐低後先看menu 二話不說招牌撚手肉骨茶 , 店員細心地提點$38 最細的只有湯,沒有肉湯渣等, 要叫$118才一煲咁上又有爐有湯渣肉等 , 最後只叫了$38的一小碗 , 一入口感覺藥膳味極重 , 好濃郁 , 落左好多料 , 非常好主食方面叫了馬來椰漿飯 - 椰漿飯 , 椰漿味重, 落料好足 , 甜得黎有少許咸味 , 隨拌兩隻雞中翼,少許酥炸入口好脆,內裡雞肉嫰滑, 除雞翼還有少許配菜扎肉喇沙摻摻 - 米粉及面份量適中 , 重點湯底美味濃郁 , 適合唔太食得辣人士 , 扎肉份量都俾得多 呢碗俾9/10埋單連加一約人均130多少少 , 未試過朋友可一試 , 地點有點難搵,維園行去要約5-10分鐘

今天帶小米到蓮花宮，再看勵德村的圓形建築，順便在附近午餐。看到這個肉骨茶午餐牌，價格合理，而且內裡環境寬敞，我倆決定在此午餐。因為這個木製的百頁簾，很有馬拉FEEL，所以選擇近門口的座位。    椰漿飯Nasi Lemak   小米很想去馬拉旅行，但近期應該未能如願。唯有食個<辣死你媽>Nasi Lemak吧！ 這碟椰漿飯濕度高，來試一口，竟然是白色的椰漿&白飯溝在一起，總之是甜的。多年前來教小米，Nasi Lemak是把所有配料拌勻來享用。我的母語廣東話：全部撈埋一齊。可是小米不肯食江魚仔，只將花生溝椰漿飯。小米又不食烚蛋，就表示 : 媽咪我請你食雞蛋。放在肉骨茶裡，變成肉骨茶蛋了!  而二件橙紅色的炸雞翼，小米表示很似印度雞肉味道。TANDOOLI烤雞????      肉骨茶    店名叫肉骨皇，那麼招牌菜肯定肉骨茶。散點百多元，午市套餐只是68個大洋，還奉送飲品，抵左！那些年，肉骨茶是馬拉華人補品，現在於我來說都是補品。平日工作繁忙，日日做到九彩，勁OT就順便不吃晚餐，又沒有滋補湯水，即係虛囉！既然此店有肉骨茶，就當作補一補。      肉骨茶以火爐上枱，夠特別

之前聽fd 講呢到有好食嘅肉骨茶🧐🧐🧐呀媽又一直都想試下食返啲正宗嘅味道🔥因為之前去完馬來西亞旅行都對當地嘅有中藥材嘅肉骨茶念念不忘😂😂😂經開銅鑼灣就嚟咗呢到試下我地lunch time 嚟到鋪頭都好多人係入面食😀我地都等咗一下先有位入去👍👍Lunch set menu 唔係好貴重中之重：肉骨茶！本身我就麻麻地中藥但食過一啖之後我都覺得幾易入口肉味好香配米粉都真係幾好食喇沙差咗少少椰奶味但海鮮真係好足整體都都好鮮好入味！另外加咗沙爹牛肉同菜啲菜浸一浸肉骨茶真係好一流！呀媽都話呢餐好滿意👍👍👍

肉骨皇位於大坑，地點較為偏僻，在此疫情時間，餐廳人流較少，相對感覺亦會比較安心。炸蝦餅上菜時以為只有兩塊，原來是兩塊疊在一起，蝦餅比較薄身，但仍然好食。餐廳主打肉骨茶，味道濃郁，排骨入味，於香港實在難有的水準，會回頭的推介菜式。肉骨茶用明火上菜，食到最後都熱辣辣 冬天一流。肉骨茶伴有油炸鬼及黑醬油，正。原味油酥餅配咖哩。馬拉盞炒通菜，仍然保持通菜綠色，讚。清盤見底的肉骨茶，一滴不漏。咸檸梳打及咸檸七

最近天氣又凍返，又掛住呢間肉骨茶啦。招牌肉骨茶 $118嚟嘅時候會用個火慶住，肉骨茶湯一路都熱辣辣，濃郁嘅藥材味，配埋白飯就一流👍🏻材料豐富，有四條排骨，豆卜，金菇，杞子。仲有油炸鬼，浸一浸就好食啦！-咖喱雞加麵包金枕頭$138一嚟到見到個大過我個頭嘅麵包🥯個麵包仲要脆卜卜！佢個咖哩係比較甜嘅咖喱嚟嘅，襯埋個包好夾！分量仲要好多，我哋兩個人都K.O.唔到個麵包😂-麥片蝦$148係香港好少地方有得食麥皮蝦！我最鍾意食麥皮蝦上面嘅麥皮，甜甜地，好香脆！-呢度嘅星加坡野好正宗，加上佢有我嘅至愛麥皮蝦，下次會再嚟！加上環境舒適，服務好好，老闆都會細心講解每一道菜