肉骨皇 (已結業)

最近天氣又凍返，又掛住呢間肉骨茶啦。招牌肉骨茶 $118嚟嘅時候會用個火慶住，肉骨茶湯一路都熱辣辣，濃郁嘅藥材味，配埋白飯就一流👍🏻材料豐富，有四條排骨，豆卜，金菇，杞子。仲有油炸鬼，浸一浸就好食啦！-咖喱雞加麵包金枕頭$138一嚟到見到個大過我個頭嘅麵包🥯個麵包仲要脆卜卜！佢個咖哩係比較甜嘅咖喱嚟嘅，襯埋個包好夾！分量仲要好多，我哋兩個人都K.O.唔到個麵包😂-麥片蝦$148係香港好少地方有得食麥皮蝦！我最鍾意食麥皮蝦上面嘅麥皮，甜甜地，好香脆！-呢度嘅星加坡野好正宗，加上佢有我嘅至愛麥皮蝦，下次會再嚟！加上環境舒適，服務好好，老闆都會細心講解每一道菜