肉骨皇 (已結業)

銅鑼灣大坑咁多間食肆，要食哂咁多間都要一段時間😂。今次揀左位置比較入少少嘅肉骨王開餐。.叫咗無骨海南雞飯同小食拼盤。無骨海南雞飯都幾大碟，油飯呈金字塔造型，海南雞大概有大半隻雞份量，雞肉嫩滑。.小食拼盤新鮮炸起，全部都熱辣辣炸到金黃香脆。炸雞翼外皮脆內裡嫩滑，炸蝦餅爽口彈牙。.好味指數：😋😋😋3/5推介指數：😋😋😋3/5抵食指數：😋😋😋😋4/5.🍽 肉骨皇 (大坑)📍大坑浣紗街45號浣紗花園地下1號舖

因為做嘢去開大坑，所以中午就到附近睇吓有咩啱食，經過一間星馬餐廳主要係食肉骨茶嘅，而且見到門外都有唔少人等緊，所以就決意入去試吓。入到去見到幾乎每一張枱都係食緊佢招牌嘅肉骨茶，所以我都點左個二人份量嘅試吓，而另一個主食就係試佢都好出名嘅喇沙。肉骨茶送上枱都會用一個氣爐盛上，當肉骨茶滾起嘅時候，店員就會熄火，二人份量來講肉骨茶嘅份量絕對唔算少，都有六至七舊骨，仲有腐皮同豆腐卜，湯底十分正宗，唔會比藥材味蓋過肉嘅鮮味。而另外一個煮食係海南雞喇沙，麵方面就揀咗米粉，呢度嘅喇沙係咖喱湯底為主，食落去都算辣，唔食得辣嘅朋友就建議叫過第二樣啦，雞嘅份量都算多，啖啖肉，都不妨一試！餐廳大部份時間都係座無虛席，想試嘅朋友仔就要早啲嚟排隊，或者揀平日先嚟啦😊

招牌肉骨茶 (細) $118 😋😋肉骨茶味道偏甜 藥材味不會太濃 適合怕藥材味而不敢嘗試的香港人雖然只點了細份 但份量一點也不少滿滿的豬骨 杞子 豆卜 枝竹🥘肉骨茶用gas爐上枱 不怕食食下會涼掉飲完肉骨茶身體暖笠笠 冬天吃最適合不過了海南雞喇沙 (摻摻) $108海南雞很嫩滑 如果是去骨海南雞就更好第一次吃摻摻 原來就是油麵與米粉的混合米粉吸收了濃郁的喇沙湯底而油麵又有助增強口感 不錯不錯👍🏼👍🏼整體用餐環境舒適 很有氣氛每枱都必點一鍋肉骨茶 值得一試

難得去大坑見客，見完又係午飯時間！客人推介過兩條街嘅肉骨皇，真係好耐冇食正宗嘅肉骨茶！梗係立即同同事一齊去啦！地點喺正最多食店嘅浣紗街近超市果邊，大大隻字招牌好易揾。午餐餐牌$58至$78不等，跟餐仲可以加$15有兩串牛肉沙嗲/雞翼可以試埋佢地嘅招牌小食，唔錯喎！🥣招牌肉骨茶 （可配白飯、油飯或米粉）$78冇諗過午餐都咁大陣仗！成個爐搬喺我面前同好大個窩！一上枱已經聞倒好香嘅藥膳味！配料唔少得油炸鬼，我跟左油飯，好香好大碗，有D後悔驚食唔哂！肉骨茶除左好香藥膳味，肉味勁濃郁！豬骨＋肉份量多！大約4-5舊大大件！肉質煮得好淋好入味！一路滾一路食個肉骨茶特別好味！👍   🍜海鮮喇沙 （配油麵、米粉或摻摻（half half） $78同事點嘅海鮮喇沙配料有蝦、魷魚、青口、大蜆同埋魚片，配料十足又新鮮！我飲左一啖湯頭立即愛上！好香好濃嘅辣湯帶有少少椰香味🥥，辣度剛剛好吸引味蕾！油麵唔會煮到太淋保持麵質！絕對啱哂鐘意食辣嘅人！👍

大坑區地段昂貴，樓價高企，同朋友去中央圖書館經過就入去食嘢。因為我係馬來西亞菜嘅愛好者，所以朋友陪我食呢間。入到去坐低覺得餐廳好細心，放咗消毒酒精，亦都將筷子擺咗係個盒入邊。感覺好衛生！我哋叫咗兩個午餐，分別係肉骨茶同埋海鮮喇沙摻摻，仲有牛肉串燒。我亦都好鍾意食酥餅，估唔到呢間餐廳都有就試吓啦。酥餅係最出色，勁鬆脆，熱辣辣，點埋咖喱真係不得了！😍😍😍😍然後最鍾意食嘅就係牛肉串燒，沙嗲汁好正，牛肉味重！海鮮喇沙摻摻有少少辣，味道唔錯，如果落多啲椰奶會更加好。我鍾意佢個摻摻，口感好特別。而且好足料。肉骨茶方面呢，好欣賞佢有個爐喺下面坐熱佢。熱辣辣咁食好開心。而且佢好足料，有4,5舊大大舊肉骨。不過我就覺得佢嘅藥膳味未夠，而且如果佢嘅排骨肥多少少就更加正啦。嘢飲方面我哋點左鹹檸七同埋白咖啡。呢個就覺得一般啦。

今日出天后揾我朋友，我朋友就帶我試左呢間好正宗嘅馬拉菜，由地鐵站行過嚟都只係十分鐘左右都算好方便呀。今次我哋叫咗兩個午市套餐，當然第一樣就係必試佢嘅招牌肉骨茶配油飯啦，不得不讚餐廳非常貼心，呢個肉骨茶佢係用一個火鍋嘅爐俾我地一路煲住咁食，咁就唔怕肉骨茶凍咗而唔好食，可以慢慢品嚐，而且佢係非常重藥材味，唔似其他餐廳淡淡的。午餐嘅份量都唔算少都有四五嚿豬肉，煮得好冧又入味，而且仲提供埋油炸鬼同馬拉嘅醬油膏，黎呢食呢個肉骨茶真似返咗馬來西亞咁呀。另外仲叫咗個海鮮喇沙配米粉，雖然餐牌話有一個辣椒仔符號，但個人認為都唔算好辣，都好啱大眾嘅口味，海鮮喇沙非常足料，有蝦，魷魚，青口，蜆等等。。。湯底非常濃厚特別係有我最鍾意嘅椰汁香味，啲米粉吸曬啲湯吸曬啲精華好入味超正！另外餐廳姐姐亦都推介我地，試佢哋嘅馬拉盞炒蘿蔔糕，第一次食馬拉式嘅炒蘿蔔糕估唔到又咁夾喎，xo醬炒蘿蔔糕就食得多，馬拉盞炒蘿蔔糕真係第一次喎，唔錯唔錯我哋仲單點咗個原味油酥餅配咖哩汁，個油酥餅煎到脆卜卜再加上咖哩汁一齊食，正呀！小食方面我哋仲跟本加咗一客牛肉沙嗲兩串同埋一客生炸雞翼兩隻。好鍾意佢嗰個沙嗲汁夠香濃牛肉亦都好冧飲品方面我地

仲記得四年前，同男朋友第一日開始，就係嚟咗呢間餐廳食肉骨茶。事隔多年再到訪，印象仲好深刻，同當年味道一樣。星期日的下午，餐廳爆滿，我在門外等了十分鐘左右便入座了。由於週末關係，沒有午市套餐，唯有散點。無骨海南雞飯（$118）- 無骨雞最啱我呢啲懶人，雞肉嫩滑入味，份量都唔少。細肉骨茶（$118）- 每次嚟都必點！一鍋二人食啱啱好。有個爐慶住，有好香嘅肉骨茶味。配上好多豬骨肉、豆卜、芽菜等等，真係好入味好好食，餸飯一流。可惜湯係唔跟白飯，要散嗌。美祿恐龍（$35）- 美祿粉真係多到就嚟瀉，飲落仲好crunchy，好味得來仲唔覺得好甜。

大坑美食多朋友一直有提起星馬菜出色嘅肉骨皇今次嚟食吓必食嘅肉骨茶補補身先-招牌肉骨茶 (細) $118我最鍾意藥材味重嘅肉骨茶 睇見眼前尼份湯色濃已經諗一定唔會伏啦卦果然好重口味好好飲 啖啖養生嘅感覺冇溝稀水 真材實料排骨新鮮 唔係d千年湯渣 排骨同豬軟骨肉都各有4-5塊足夠二人份量不得不提個黑醬油 杰杰哋幾甜吓非常好搭配d肉沾嚟食佢個爐仔一直保持著夠熱尼點真係加分細節位-無骨海南雞飯 $118金字塔黃薑飯唔止賣相好 食落都好夠乾身 係美味嘅油飯雞皮有少少鹵汁嘅味雞肉味都重 勝在夠滑配埋醬料又係無得彈成碟食清哂

假期冇野做就入左大坑搵好西食。因為好想食星加坡野或者越南野，所以見倒「肉骨皇」既「肉骨」兩隻字就衝左入去。我地嗌左：1) 肉骨茶 (細，配白飯)2) 麵包咖哩 (雞肉)3) 飲品：凍奶茶、熱龍眼水整體黎講，肉骨茶味道一般，因為佢既肉骨湯底同豬骨既取材部位同星加坡有分別。而且我比較鐘意食胡椒味重既湯底，所以對肉骨茶依一味菜感覺一般。比較有驚喜反而係麵包咖哩，印象之中佢有另外一個叫法叫做農夫包 (唔知有冇記錯，哈！)雞肉好足料，同埋咖哩味道係印度的風味。同埋入面D傻仔（薯仔）浸埋陣咖哩味真係幾好食。重有……麵包點咩汁都咁好食嫁啦！

久違的寫食評日子，除了因為疫情的關係，主要原是懶，所以閣置了一段很長的時間。不過，我回歸喇~免得假日行街人山人海，所以襯今日放假去銅鑼灣行街，記得大坑有很多精美的咖啡店，便去大坑逛一圈的時候見到這間肉骨皇，心想凍冰冰的今天不如進補一下，咖啡店就留待下次吧~因為過了午飯時間，所以店內沒有太多客人。到肉骨皇當然要點一份招牌肉骨茶啦! 天氣凍，食量都較大，忍不住多點一份印尼香炸雞翼。我選擇了細的招牌肉骨茶，1至2人份量啦。圖中一眼可見所有配料，骨大但肉都多，而且很入味! 不過後來發現原來肉骨茶是沒有跟飯的，我覺得肉骨茶配飯會比較開心，所以另外加了一碗油飯。印尼香炸雞翼有四隻，相信是即叫即炸! 因為非常香脆，配上泰式辣醬很惹味。

今日去左大坑搵朋友，想靜靜地坐得舒服D傾計，朋友就帶我去呢間馬拉菜😆但因為早餐食得太飽，所叫得唔多😂淨係叫左個肉骨茶同埋小食拼盤肉骨茶（1-2人份量）＄118肉骨茶用一個幾特別既方法呈上，係用打邊爐方式咁拎上黎煲，見到個下都wow左🤩味道其實比我食過任何一間都好重藥材味，本來港女都好鍾意藥材養生野，所以完全hit中我口味！☺️原本以為咁細兜份量細，但其實有成5舊肉，唔係個D煲左千年既肉渣，係真係食過有軟骨既小食拼盤＄118呢個拼盤其實更似泰國野🤣有香茅魚餅，蝦餅，春卷同雞翼即叫即炸，食落香口，點埋泰式辣醬就perfect🤓總括黎講，佢既肉骨茶真係相當滿意，絕對唔馬虎😚食過返尋味指數：7/10 🤪肉骨皇地址：大坑浣紗街33-45號浣紗花園

男朋友好鍾意飲肉骨茶，所以今次試左肉骨皇🤣。餐廳座位都算多，大約30個（？）我地星期六中午去，唔係好洗點等位。上菜都快，成餐飯食左一個鐘左右😇。肉骨茶（細）$118我地兩個人，所以嗌左細窩肉骨茶。雖然係細窩，但份量一啲都唔少，大約有成5-6舊豬肉可食🥰。啲豬肉煮到好入味，咬落去好淋，可以連埋啲軟骨一齊食。另外湯方面都有成3-4碗湯，最岩幾個人share食。好欣賞佢上菜時用個火暖住個煲，雖然唔會話煮到個湯熱辣辣，但暖暖地已經好正🔥。食完成個人都暖晒，岩晒依啲天氣食❄️！花甲喇沙（摻摻）$118食東南亞菜就一定要食喇沙或咖哩，我哋今次就試咗佢嘅喇沙。喇沙偏辣，唔係平時食開個啲重椰香味既喇沙，一路食一路飲水🧐。辣得黎好有層次，好惹味，幾辣都值得食😋。麵底揀左摻摻，姐係油麵加米粉撈埋一齊。油麵比米粉好食，食落去有少少彈牙，唔會煮到淋晒爛晒咁。麵同湯底好夾，食落去仲有少少掛湯咁😂。洋蔥油酥餅（配咖喱汁）$48個油酥餅同平時食開既唔同，平時個啲係將餡料混入去個粉團一齊烤，而依到既係將啲餡料包係酥餅入面。油酥餅裏面比較濕潤，仲食到洋蔥既汁🤣。另外配埋咖喱汁，咖喱汁唔算好辣，辣辣地甜甜地，好味道，令人想

大坑一向都多好野食 今次就捉埋男朋友陪我去食肉骨茶同喇沙🤤自從去完新加坡就愛上左呢兩樣美食 而家冇得去旅行大家不妨去一轉大坑觀光食好野😘去到肉骨皇又點可以唔試試肉骨茶🐒最鐘意佢個藥味夠濃郁 豆卜支竹浸滿湯底真係好正👻 鐘意再重口味啲可以點埋醬油加蒜蓉 值得一試😈鋪頭仲提供埋個爐去幫肉骨茶保持溫度 就算天氣幾凍都可以飲到熱辣辣既湯😼✌🏻食完肉骨茶就到海鮮喇沙🤪 就咁睇都知佢到底有幾足料🤣 有蝦有魷魚有蝦有青口有蜆 仲有大量米粉同油麵去吸曬啲湯🤤 湯底夠濃唔太辣 我一定會再番泥encore!!

呢幾日天氣太凍，突然好想食肉骨茶暖下個胃，記得上次朋友同我講大坑有間小店叫「肉骨皇」都唔錯，於是趁今日放假走去試吓先！呢間小店主打是肉骨茶，有大細size之分的！除咗肉骨茶之外，仲有其他招牌菜，例如海南雞飯，星洲炒粿條，喇沙等等！仲有好多主食同咖喱選擇！海南雞喇沙$108，湯底十分香濃，辣得亦唔會太搶口，而且份量非常大碗，有多件海南雞，雞肉質地都十分鮮嫩😋😋😋提提大家麵類，可選擇米粉，油麵或摻摻，我今日就揀左摻摻，米粉質地幼身，油麵又唔會太腍，兩樣一齊食口感非常豐富！肉骨茶 - 細size （1-2人份量）$118味道十分正宗，湯底超正，唔會太重藥材味，同係馬來西亞食嘅一樣，排骨肉質夠腍，加埋其他配菜：油炸鬼和金菇一齊食好滿足呀😍😍😍

今日天寒地凍，市區氣溫跌到8度左右。在大坑浣紗街，因高樓不多，較為空曠，更覺寒風刺骨。此時此處，此情此景，二話不說，就竄進浣紗街浣紗花園地下1號舖肉骨皇，來個暖胃肉骨茶。肉骨皇在浣紗街經營多年，主打口味獨特的肉骨茶，另有多款新加坡和馬來西亞菜式供應，店裡佈置簡約，環境舒適。老少咸宜的招牌肉骨茶是我必吃之選。肉骨茶色澤深濃，置在熱爐上繼續加熱，散發陣陣藥材甘香。肉骨茶有多種中藥材，當歸補血、杞子明目、紅棗養顏、川穹袪風、陳皮化痰、黨參潤肺生津。湯料肉排香腍，還有冬菇絲、枝竹和豆泡等，都滲透滿滿藥材精華。隨了配上香滑油飯，吃時更可以加入香脆油條，亦可蘸上甜豉油來豐富味道。檳城炒貴刁，材料充足，用上幼細河粉及深色醬油兜亂炒。配料除了大蝦外，還加入了新加坡臘腸、豆乾和蛋絲等，帶微辣微甜的貴刁，味道挺好。另加配了油菜、沙爹串和炸雞翼。豬肉沙嗲串， 一客有兩串，肉質鮮嫩入味，加上面頭一層沙爹醬，更加惹味。炸雞翼一客有兩隻，雞翼飽滿，外皮香脆，內裡肉汁充沛，十分好味。蠔油生菜，色澤翠綠，清清腸胃最好。