肉骨皇 (已結業)

呢間星馬餐廳遠處已望到好清晰好大隻招牌，睇到門面設計係非常大體雅觀。一開門入去就見到侍應生好有禮貌邀請我地量體溫同安排位置坐。室內環境乾淨又簡潔，每枱都有放置消毒搓手液，令人都好放心用餐。另外值得讚既係，飯前去左個廁所都見到係有清潔衞生而乾淨。餐廳既菜色選擇真係多不勝數，我地真係三心兩意，都揀左好耐。睇得出應該係當地人煮既家鄕菜，所以都忘急不及待想食。呢到既招牌菜係肉骨茶，所以我地緊係點肉骨茶，另外叫左個午市套餐，係無骨海南雞飯配凍檸茶。二人份量招牌肉骨茶 $118首先會有油炸鬼粒同蠔油伴碟，可以跟個人喜好選擇浸係肉骨茶食，或者油炸鬼粒點蠔油食。而肉骨茶會用gas爐一直煲住食，可以保持最佳溫度食。另外用料好特別好充足，有金菇，腐竹，杞子，豆卜，6至7件既豬骨肉，一共裝到約4碗到。味道係甜甜地既香濃藥材味，同平時出面食既好唔同，出面係好濃胡椒味同好重蒜味，但呢間係又有藥材味，又有甜甜既蒜豬骨味道，味道層次好豐富！尤其天氣凍，飲左好暖肚，所以好快就俾我地食哂成煲。無骨海南雞飯 $68配凍檸茶凍檸茶睇啲色就知茶味真係好濃好濃！而海南雞飯既配飯唔係白飯，係配特色家鄉黃薑飯。有三款醬料可以選擇，

天氣凍凍地， 去食個補身嘅肉骨茶就最正啦今次同朋友去到大坑嘅肉骨皇，試下正宗馬拉菜！ （細） 招牌肉骨茶 ＄118 二人分量上檯時仲覺得好似好細煲但其實非常足料豬肉都入哂藥材味， 連埋軟骨增加口感，藥材味唔算太濃， 但我覺得味道剛剛好裡面仲有豆卜， 金菇， 杞子。。。等等油炸鬼可以留到最後索埋湯汁咁食佢有埋個火爐仔烘住所以食到尾都KEEP住熱辣辣， 食完真係成個人都暖晒！ 小食拼盤 ＄118全部都係香口嘢我最LIKE春卷同雞翼我最愛

陽光明媚的元旦假期當然要放鬆一下，新的一年，有新的開始。不得不說大坑是一個好地方，每次過來，都會心情很好。鬧市中的幽靜和美好。大坑這邊也很多美食，除了西餐之外，也有我最愛的肉骨皇，新加坡馬來菜系，偶爾就會想要換換口味。印象最深的就是咖喱配金蒸頭，一試難忘。今天想嘗試一下其他的菜式，於是叫了一個黑胡椒粉絲海鮮煲，簡單的家常菜，體會普通平常的一天。黑胡椒味道十分濃郁配上細嫩順滑的粉絲，感覺心情大好。特意叫了白飯，來搭配粉絲煲的重口味。餐廳裡面，氣氛很好，大部分都是附近的街坊，過來吃中午飯。大家點肉骨茶的比較多，畢竟是招牌，下次可以來嘗試一下。吃完飯後，散步在大坑的街道，感覺特別放鬆，香港這樣的樣子，其實特別美。

行開附近諗住搵一啲特色小店， 咁啱發現呢間以肉骨茶為名嘅小店。喺門外見到仲有午餐優惠，就一於食呢一間。餐廳位置都好闊落，而且好乾淨！老闆娘都好有禮貌而且好好款待！我叫咗呢一個招牌肉骨茶餐，加埋嘢飲都唔使$70！分量幾多，裏邊唔單止有排骨、豆卜、金菇仲有杞子，浸係肉骨茶湯，天氣凍，食完個胃暖粒粒！肉骨茶嘅味道唔會好濃， 啱晒唔食得重口味嘅朋友。配埋白飯食唔錯！再加$15就有多兩串沙嗲價錢都幾抵，唔使好多滿足下味蕾！

搵食行遠d，今日又去大坑食lunch！咁岩天氣開始轉涼，係時候再食肉骨茶！Lunch set依然好抵食，＄68蚊有野飲，仲可以加錢加小食。今次我地叫左海南雞飯，雞肉嫩滑，雞皮香口唔肥膩，雞件份量多，好抵食。個飯帶有濃濃黃薑味，賣相成座金字塔咁好出色。甜醬油厚身拉絲，配海南雞一流。馬拉盞炒蘿蔔糕：第一次食馬拉式蘿蔔糕，估唔到咁好食！粒粒都炒到外脆內軟，配少有雞碎同芽菜，配埋馬拉盞好入味，相當惹味！肉骨茶：極香濃藥膳味，飲落勁暖胃，份量足夠二人有多，抵食！奶茶係傾向奶味重的，似白咖啡既奶茶version，茶味都ok，可以一試！

大坑對小編嚟講係隱世美食天堂🙂小店林立，行入少少就會見到主打星馬菜嘅「肉骨皇」。招牌肉骨茶(細)($118)••••••招牌菜，亦係名菜嘅肉骨茶係必點㗎啦☺️用明火爐慶住，唔使怕擺擺下凍哂，可以暖笠笠咁享受，有feel得嚟好貼心👍🏻呢度嘅出品超級多料❗️有紅棗、香菇、金菇、豆卜、枝竹、幾大塊肉排🤤好補啊🤭另上嘅仲有油炸鬼。飲落藥膳味唔太重口味，相信適合大部分人，不過注意隨住愈煲愈耐，慢慢味道會趨向更濃😬招牌油酥餅(配咖哩汁)($48)••••••有兩大片，同友人一致認為唔夠喉🤣太酥香鬆化啦！色澤金黃，薄層重疊，非當好食❗️🥰重點係唔油林林😛胡椒大蝦粉絲煲($138)••••••睇粉絲上色程度就知幾入味😁胡椒味極重，配料同肉骨茶非常類似，而且粉絲分量不少。建議唔好一口氣食哂，會幾咸同膩，一路食下其他菜式，再回頭食粉絲煲，可以更好感受胡椒獨有香氣🙂油飯($15)••••••唔錯喎！飯粒分明，夠味而唔會食完成碗油

第一次是這間店，點了外賣回家吃，個人意見，這間餐廳專注吃肉骨茶，做得比較出色，即使拿回家中不是即時進食也不錯。肉也很好吃。吃了沙嗲串燒和炒蘿蔔糕，都不是太有水準，味道比較一般。

大坑出名多格調嘅餐廳最入面有一間食馬來西亞菜的肉骨皇見到餐廳門口掛滿燈飾又有植物非常有氣氛一於去試吓肉骨茶有兩個size兩個人揀個細size份量啱啱好材料豐富有金菇豆卜另外有四五舊豬肉豬肉肥瘦適中 肉質軟腍湯會有輕微藥材味又唔會太苦上枱時仲有個小火爐，確保肉骨茶唔會因為天氣咁容易凍哂非常貼心另外再嗌左碗海鮮喇沙海鮮份量都幾多有青口、魷魚、蝦、蜆喇沙湯底香濃可以揀伊麵米粉或者兩溝伊麵夠煙韌配合喇沙湯底非常合適

冒名而來，海南雞反份量一般，雞算滑但量少，反的蔥油不夠，反也不夠熱。肉骨茶上檯也只是暖，失敗，說不夠熱才加上爐，不夠用心，肉骨茶药材味也一般而已，排骨也有药材味。非常一般的一家餐廳，沒特別賣点。

今日又同朋友去咗大坑到搵食 大坑呢度我熟悉度唔高 不過揀間多人嘅舖頭肯定冇錯啦呢間肉骨皇午飯時間都幾乎爆滿 十分受歡迎叫咗個招牌肉骨茶配油飯份量超大 原鍋上下面仲有火可以邊食邊加熱 超級細心 湯底藥材味濃郁！而且唔會苦澀！大人細路都啱食 入面嘅豬肉煲得又淋又入味 仲有軟骨添 仲有冬菇 支竹 豆卜等等嘅配料 超級豐富油飯又係另外一個必點嘅菜式 雞油味濃郁 飯粒粒分明 唔錯美祿恐龍 下面係冰凍美祿 上面加上海量嘅美祿粉 飲落去有一粒粒嘅感覺非常濃郁 口感豐富焗咖吔麵包伴雪糕 麵包 成個充滿著牛油香味 正方體烤到金黃色好靚 入面有海量嘅咖吔醬配埋自家製嘅雲呢拿雪糕 成個配搭好夾冰火交融

十年唔去一次大坑, 今次同朋友去果到搵食, 搵到間唔錯既星馬餐廳~推介啊！肉骨茶(細) ($118)雖然係細但係都幾大兜, 十分足料, 有豬骨﹑冬菇﹑金菇﹑枝竹﹑豆卜同杞子, 朋友本身唔太中意肉骨茶都覺得呢個好飲啊!馬拉沙嗲串 (6/$88)唔會太大份, 岩曬D細食既朋友, 個沙嗲醬好特別, 甜甜地, 個人中意豬肉, 食到陣陣油脂香海鮮喇沙 ($118)同樣好大份啊! 海鮮爆多, 有青口﹑大蝦﹑鮮魷, 摻摻麵質好彈牙, 湯底夠濃郁

難得黎港島，突然想食馬來西亞野，然後就come here,原本想單點，但發覺套餐仲抵食tem$148 有個小食肉串一串牛一串豬咁選都得，讚讚。 主菜要個無骨海南雞飯，雞屬嫩滑不論係皮定肉，仲要比的分量覺得幾多下（有脾脾），d飯係薑黃飯，香香的仲巧健康的一道菜。唔食肉骨茶就唔算食馬來西亞野（莫名的執念）,叫個細的岩岩好，沒仔細數都起碼有5,6塊肉骨，仲要未計巧多肉的好朋友蔬菜們。個甜品呢話說就想試螄蚶但同行mamaday所以就退一步比我order ne份甜品，區域性勝利，第一次見馬來西亞店會有甜品食（可能見識少）佢黎到巧大一份，外皮脆內層軟身，中間塗左咖ya醬，所以會偏甜，但係呢～店家配的香芋雪糕相對地比較清淡，所以兩個max and match黎食就岩岩好啦。Ne間店舖細細間，坐到20個左右，但係個老闆好健談同好關心食得如何或者教你點食架，好一間有人情味的小店

冇得坐飛機去馬來西亞，今日就同幾個朋友嚟大坑試吓呢間肉骨皇，由於同行朋友好大食 一下子叫左好多野食😹😹今日試咗喇沙麵，肉骨茶，沙嗲串燒。喇沙麵個湯底好濃郁一啲都唔鹹味道啱啱好。我個人最愛係佢地肉骨茶藥材味好香好濃郁，天氣涼涼地可以飲到幾碗好暖胃重點唔會太咸因為佢地食物都冇落味精所以食完都冇口渴感覺～而最特別佢仲要加個火喺下面滾下滾下，呢幾日開始轉冷，食肉骨茶真係啱啱好。另外個沙嗲串燒啲沙嗲好好味，講多無胃大家睇相就知道！好滿足豐富的一餐。

難得今日出左黎大坑，當然要試下呢區嘅特色小店，今次黎呢到食下星馬菜，叫左雜菜喇沙($88)、檳城炒貴刁($108)雜菜喇沙：本身想食札肉喇沙，不過咁啱冇晒札肉，唯有改食雜菜喇沙，雜菜方面即係有菇菌類、豆卜、腐皮、薯仔等配料。先黎試飲一啖個湯底，真係好有驚喜🤩喇沙湯底好濃郁椰香味，而且帶點微辣，非常開胃😋而雜菜都入晒香濃嘅喇沙味，尤其豆卜係最正，皆因索晒D湯，一食落去就勁香口👍🏻至於麵底方面有油麵/米粉/摻摻可以選擇，今次揀左油麵，口感唔錯檳城炒貴刁：睇MENU本身已經有標明係辣，貴刁炒得好香味道夠均勻，食落果然夠惹味，而且唔會痴埋一堆😁份量都幾大碟，配料有臘腸肉同蝦肉，唧D青檸汁上去調一調味，食落更加滋味😋黎張合照😉LUNCH TIME食估唔到個份量都咁大碗同大碟，食完都已經飽一飽😆見餐廳個名叫肉骨皇，遲下再有機會過黎大坑，一定要睇下呢到D肉骨茶係咪真係咁正先得😜補MENU

大坑自成一角嘅小區除咗有唔少悠閒寫意嘅咖啡店，小街一旁中屹主左一間星馬菜小店，食物又如何體現店名中嘅皇者風範呢?👑 ========================▪️肉骨茶(細) $118 肉骨茶有驚喜~ 以小火爐方式呈現可以保持肉骨茶嘅溫度夠熱，小小嘅煲內卻好足料，多件豬骨、豬軟骨，至枝竹、金菇及豆腐卜等都有，整體藥材味頗為濃郁重味又唔難入口，不過想食飯嘅就要另叫啦🍚▫️無骨海南雞飯 $118 海南雞雞肉頗為嫩滑，點上甜豉油及薑蓉令雞香味更突出，砌成金字塔形狀嘅油飯份量充足，但油飯底下較多雞油偏油膩點========================巧味道指數👅：👧🏻👧🏻👧🏻再食過指數🏃🏻‍♀️：👧🏻👧🏻👧🏻錫荷包指數💸：👧🏻👧🏻👧🏻服務正指數👩🏻‍🍳：👧🏻👧🏻👧🏻環境靚指數👀：👧🏻👧🏻👧🏻========================📍 肉骨皇 (大坑)大坑浣紗街45號浣紗花園地下1號舖========================