肉骨皇 (已結業)

假期冇野做就入左大坑搵好西食。因為好想食星加坡野或者越南野，所以見倒「肉骨皇」既「肉骨」兩隻字就衝左入去。我地嗌左：1) 肉骨茶 (細，配白飯)2) 麵包咖哩 (雞肉)3) 飲品：凍奶茶、熱龍眼水整體黎講，肉骨茶味道一般，因為佢既肉骨湯底同豬骨既取材部位同星加坡有分別。而且我比較鐘意食胡椒味重既湯底，所以對肉骨茶依一味菜感覺一般。比較有驚喜反而係麵包咖哩，印象之中佢有另外一個叫法叫做農夫包 (唔知有冇記錯，哈！)雞肉好足料，同埋咖哩味道係印度的風味。同埋入面D傻仔（薯仔）浸埋陣咖哩味真係幾好食。重有……麵包點咩汁都咁好食嫁啦！